Calindaru lu rumeri din Istrie/24
8. Spiritu se pocineà şi se face forţ prin divertimente piajeaite; ma divertitu prea mund duce la bole şi bola duce pre om la morte.
9. Veseliea ne face se ne pieajeà jivlenĭa, lĭubosta de jivlenĭe e zdravlĭea. Ma de ạtea bandea, jalosta şi descuraieaitu ne fac betîr mạnche de timp. Se fin veselĭ vạvic.
10. Se ceru-ţ dea hranea de tote zilele nu utà braţele şi piciorele, nu le lasà nemiţeaite, îmnea şi lucrea. Ma se-ţ caţi pîra cu braţele şi cu piciorele, nu-ţ utạ mojlĭanĭi. Cavtea şi-ţ fea bogatea paminta cu ciudea lucrur pre carlĭi nu le cunoştĭ, cu sentimente mușạte. Leĭea libri de mare portanţea.
PROVERBE
Galĭira za ur ov cîta cacadeà cit che v-o avde lişiţa.
* *
Ceale maĭ muşạte violiţe se aflea su spire.
* *
Maĭ burea e ạstez galĭira nego mîre cocotu.