Cheste è la tombe di chel avaron

by Ermes di Colloredo

Alla sepoltura di un avaro.

SONETTO

CHESTE è la tombe di chel avaron,
Che in vite par fa bez al stentà tant
Mangià mal, bevi pies, in rest galant,
Chiapiel frust abit rot e trist scufon.

Mai gioldè un spass, nè sodisfazïon,
Nè mai dà di limuesine un contant;
Alfin ridot al pass agonizant
L'è làt a fa une visite a Pluton.

Mendic in tes richiezzis è vivut,
Par cumulà è stat simpri in torment,
Possessor no da l'aur, ma possedut,

Fo l'aur in vite lu so gioldiment:
Lui lu ingrumà e j'altris lu han gioldut,
Tu spazzisir pisse sul monument.