Franceschine, miò ben, sòi disperat

by Ermes di Colloredo

A Franceschina orba di un occhio.

SONETTO

FRANCESCHINE, miò ben, sòi disperat,
E se il cil no mi jude sòi spedìt:
Par amor to jò sòi ridot in stat,
Che 'o no puess movi plui nè man, nè pìt

.
Subit che 'o ti vedei, jò foi rapìt
Da che belezze che mi ha il cuur lëat,
Cun chel biel mostazzut tu mi has ferìt;
Ma chel voli giatùz mi ha minchionat.

E se c' un voli sol tu has podut fa.
Tante rüine e tante confusion,
Cun doi par fuarze al bisugnass crepà.

Amor, Amor, tu vebis compassion,
E se no l' è cirot al miò penà,
Fai che si svuarbi almanco anchie dal bon.