Fun gybiygia raojśt a woser

←

Fun gybiygia raojśt a woser
by Józef Gara

„Wymysöjer śtytła” – miasteczko Wilamowice oraz jego osobliwości zawarte w zbiorze piosenek wilamowskich Józefa Gary

→

113593Fun gybiygia raojśt a woser — „Wymysöjer śtytła” – miasteczko Wilamowice oraz jego osobliwości zawarte w zbiorze piosenek wilamowskich Józefa GaryJózef Gara

[ 52 ]

Fun gybiygia raojśt a woser

Fun gybiygia raojśt a woser,
z raojśt wii güter kiiłer wajn.
Kiiłer wajn, zuł dos ym besta zajn,
maj siejn makia ych kon by dir ny błajn.

Ych müs baołd cyn drowa fiüen,
dü müst ufa baonhöf gejn.
Düt bysienk ych dejch myt am güta wajn,
dower a gyłiwtys piöer uf inda błajn.

Dü śrajwst cy mir siejny briwa,
do dy wyst mejch fest łiwa.
Ych hiör unrüik uf dejch y dy haom,
do dy zułst gyłyklich zajn cy daom.

This work is licensed under the Creative Commons Attribution-ShareAlike 3.0 Unported license.