Dy frysiy kwaoł

by Józef Gara

←Fun gybiygia raojśt a woser

Dy frysiy kwaoł by Józef Gara „Wymysöjer śtytła” – miasteczko Wilamowice oraz jego osobliwości zawarte w zbiorze piosenek wilamowskich Józefa Gary

Wigia łidła→

[ 54 ]

Dy frysiy kwaoł

Fun siejna grusa gybiygia
flaojst a kwaoł fryś an kaołt.
Waor dos woser wyt trynkia,
waor dos woser wyt trynkia,
błajt jung an nymer aołd.

Ych ho fur kwaoł gytrunka,
gywys siun ny an śłung.
Ych bej ny aołd gywiüda,
ych bej ny aołd gywiüda,
ych bej nö ymer jung.

An waor dos ny wył głöen,
zuł gejn cy daom siejna fłüs.
Dy kwaoł flaojst ymer weter,
dy kwaoł flaojst ymer weter,
oły gejn cyr kwaoł cy füs.