Gramat Volapüka/G. Ladvärb

105. Ad fümetön kuratikumo värbi, ladyeki, vödi votik seta u seti it ladvärb pagebon.

106. Ladvärbs pefomons rigiko u pedefomons de vöds Volapükik votik: ladyeks, subsats, pönops, …

Lü balids dutons ladvärbs: ai, ba, bis, föro, ge, i, is, mo, mu, no, nu, pas, plu, sü, te, ti, us, ya, ye, zi, …

Ladvärbs de vöds votik pedefomöls ai labons finoti kaladik: ⸗o. Sams: gudiko, jöniko, geiliko, delo, neito, adelo, odelo, gödo, detao, löpao, detio, löpio …

107. Ladvärbs mödik, pato uts, kels pedefomons de ladyeks, sufons votikami ön gramatafoms leigoda.

Pluamafom e muamafom ladvärbas pafomons dub pladul ela ⸗o fümafoma ladvärba dub finots: ⸗umo ed ⸗üno. Sams:

gudiko,	gudikumo,	gudiküno.
geiliko,	geilikumo,	geiliküno.

G. Ladvärb
Gramat Volapüka