Gran monarchie dai uus di dut il mont

by Ermes di Colloredo

Al Sig. Co. A. P. detto il monarca dell'ova.

SONETTO

GRAN monarchie dai uus di dut il mont,
Cu son e cu son staz e cu saran;
Vo no ses manco dal gran Tamberlan,
Se lui plui grand di vo, vo plui taront.

Ju giai lavòrin dug a uestri cont
Par fa nassi dai uus sere e doman:
Non han tang pei lis pioris di Salcan,
Quang uus vo avès tal chiaf, se 'o fàs ben cont.

Se volessis (che a dilu il mond stupiss)
Un dì fà une fritaje par memorie,
Se chest pinsir tal chiaf mai us vigniss,

Bisugnass (e sei dit a uestre glorie)
Che l'Ocëan in ont si convertiss,
E de cape dal cil fa une frissorie.