Hærramek ja bæsstamek Jesus Kristus ođđa Testament/St. Paulus 1deb girje Timotheussi

[ 651 ]

St. Paulus 1 girje Timotheussi.

1. Kapittal.

Paulus, Jesus Kristus apostal, Ibmel, min bæs­stamek, ja hærra Jesus Kristus, min doaivvomek, goččom mield,

² Timotheussi, muo duot bardnai osko sist: arbmo, vaimolađesvuotta, raffhe Ibmelest, min ačestæmek ja hærrastæmek Jesusest Kristusest!

³ Nuftgo du goččum Ephesussi baccet, go Masedoniai mannim, de ravve dal muttomid, atte æi amas oapatusa si oapatek,

⁴ ja ravve, atte æi si miellasek vuollai bija cufcasid ja loappamættom sokkagoddi loǥoid, mak nagatallamid addek æmbo go ibmelballolaš bajas­rakadusa osko sist.

⁵ Mutto bakkom oaivadus læ rakisvuotta butes vaimost ja buorre oamedovdost ja duo­đalaš oskost;

⁶ mai sist muttomak erit jorralam læk, ja [ 652 ]joavdelas saǥai bællai ječasek jorggalam læk;

⁷ guđek laǥa oapatægjek aigguk læt, josjoge si æi arved, maid si celkkek, æige, maid si duođaštek.

⁸ Mutto mi diettep, lakka buorre læ, jos ol­muš rieftoi dam adna;

⁹ dam dieđededin, atte lakka asatuvvum i læk vanhurskes olbmu varas, mutto sin varas, guđek vanhurskesmættom ja æppegullolaš, ibmelmættom ja suddolaš, gudnetæbme ja æppebasse, ače ja ædne sorbmijægjek læk, guđek olbmuid goddek,

¹⁰ guđek furušek, luondo vuosstai suddodek, olbmuid suoladek, giellastallek, værrevale dakkek, ja færramaid, mi dam diervas oapo vuosstai læ,

¹¹ dam audogas Ibmel hærvas evangelium mield, mi munji oskalduvvum læ.

¹² Ja Kristus Jesus, min hærramek, mon gi­tam, gutte muo gievrasmattam læ, atte son loǥai muo oskaldasen, ja muo amati bijai;

¹³ muo, gutte auddal bilkedægje legjim, ja vaššotægje ja higjedægje. Mutto munji læ vai­molađesvuotta dappatuvvum, dastgo dieđemættosen æppeosko sist dam dakkim.

¹⁴ Mutto min hærramek arbmo cælkkemæt­tom stuores læi oskoin ja rakisvuođain Kristus Jesus sist.

¹⁵ Jaketatte ja galle vuosstaivalddetatte sadne dat læ, atte Kristus Jesus mailbmai bođi suddo­gasaid audagassan dakkat, gæi gaskast mon stuor­ramus læm.

¹⁶ Mutto damditti læ armogasvuotta munji dappatuvvum, go Jesus Kristus muo ala, gutte [ 653 ]stuorramus (suddogas) legjim, buok gierdavašvuođa čajetet aigoi, sigjidi auddagovvan, guđek ossko­men legje su ala aǥalaš ællem varas.

¹⁷ Mutto dam aǥalaš gonagassi, dam jabme­mættom, oaidnemættom, oft aidno vises Ibmeli gittos ja gudne buok aǥalašvutti! Amen.

¹⁸ Dam bakkom dunji gočom, barnačam Ti­motheus! dai prophetalaš sani mield, mak auddal celkkujuvvum læk du birra, atte dai mield don bargak dam šiega soađe soattat,

¹⁹ nanosen bissomen oskost ja buorre oame­dovdost, maid muttomak erit balkestam læk, ja osskosek si læk hævatam,

²⁰ gæi gaskast Hymenæus ja Alexander læva, gæid satani addam læm rangaštuvvum varas, ama­sæsga Ibmel soi bilkkon adnet.

2. Kapittal.

¹ De damditti buok audemussta mon ravvim, atte adnomak, rokkadusak, audastrokkadusak, git­tolusak buok olbmui audast dakkujuvvujek,

² gonagasai audast, ja buok sin audast, guđek allagvuođa dillest læk, vai lođkis ja jaskis ællem mi oaǯǯop ællet buok Ibmel ballolašvuođa ja gud­nalašvuođa sist;

³ dastgo dat de læ buorre ja dokkalaš Ibmeli, min bæsstasæmek,

⁴ gutte datto buok olbmuid audogassan, ja duotvuođa dovddoi boattemen.

⁵ Dastgo oft Ibmel læ, ja oft gaskolmai Ibmel ja olbmui gaskast, dat olmuš, Kristus Jesus,

[ 654 ]⁶ gutte ješječas lonastusa mafson addi buokai audast, duođaštussan su vuoǥas aigidi;

⁷ man varas mon asatuvvum læm sarnedægjen ja apostalen, — duotvuođa cælkam Kristus sist, im giellastalla, — bakkeni oapatægjen osko ja duotvuođa sist.

⁸ De aigom, atte olbmak juokke baikest rok­kadallek, basse gieđaid bajededin alma moare ja ridotaǥa.

⁹ Damaka lakkai maida, atte nissonak hæivolaš biftasiguim ječaidæsek čiŋatek ugjovuođain ja gud­nalašvuođain, æi bargedusaiguim, æige gollin, æige simsiguim, æige divras biftasiguim;

¹⁰ mutto, nuftgo dovdastek, buorre daǥoi čađa.

¹¹ Nisson galgga lođkadvuođa sist oapo vuos­staivalddet, buok vuollegašvuođain;

¹² mutto nissoni im love adde oapatet, imge olbma bagjel rađđit, mutto lođkis ællem adnet.

¹³ Dastgo Adam vuost sivneduvui, ja de Eva;

¹⁴ ja Adam i vuost fillijuvvum, mutto nisson fillijuvui ja suddoi jorrali.

¹⁵ Mutto mannarieǥadattem boft son šadda besstujuvvut, jos oskost si orruk ja rakisvuođast ja bassevuođast sivolašvuođain.

3. Kapittal.

¹ Dat læ duot sadne: jos guttege bisp-amat anestuvva, buorre daǥo son dalle aiggo.

² Bisp bærre damditti læt mainnetæbme, oft nisson boadnja, morriš, jiermalaš, buorredavalaš, [ 655 ]buorre maŧkkeolbmui vuosstai, doaimalaš ærrasid oapatet;

³ i vaimel vidnai, ige cabmalas, ige nuoskes avke bivdde, mutto vuoigadlaš, i bælkalaš, ige ruthanes;

⁴ gutte burist su ječas dalo doaimat, gæst gullolaš manak læk buok gudnalašvuođain;

⁵ — dastgo jos guttege i dieđe su ječas dalo audastčuoǯǯot, moft matta son morraš adnet Ibmel særvvegodde audast? —

⁶ i daggar, gutte æsk kristalaǯǯan dakkujuv­vum læ, amas čævlastallašgoattet, ja bærǥalaǥa duomo vuollai šaddat.

⁷ Mutto son færtte maida buorre nama adnet sist, guđek særvvegodde olggobæld læk, amas bilkkon ja bærgalaǥa gielaidi son šaddat.

⁸ Nuft berrijek særvvegodde balvvalægjek læt gudnalaš olbmuk, guđek æi ane guoft njuof­čam, æige læk ollo vidnai vaimel, æige nuoskes avkkai,

⁹ osko čieǥosvuođa sist nanosak bissomen buorre oamedovdo sist.

¹⁰ Mutto dak vuost maida sogarduvvut galg­gek, dastmaŋŋel si oǯǯuk amat dakkat, jos laitte­mættosak si læk.

¹¹ Damaka lakkai berrijek sin akkak læt sivolaš nissonak, æi sælgebæld sardnok, mutto gocciš, oskaldasak juokke dafhost.

¹² Særvvegodde balvvalægje bærre læt oft nisson boadnja, ja burist su manaides ja su ječas dalo audastčuoǯǯot.

[ 656 ]¹³ Dastgo guđek šiega balvvalægjek læk særv­vegodde sist, buorre gæino aldsesek dakkek, ja stuorra roakkadvuođa aldsesek si fidnijek osko sist Kristus Jesus ala.

¹⁴ Daid ravvagid dunji čalam, josjoge doai­vom forgarak du lusa boattet;

¹⁵ mutto jos agjanam, vai dalle dieđak, moft vagjolet Ibmel dalo sist, mi læ ælle Ibmel særv­vegodde. Duotvuođa doarjaǥak ja vuođđo,

¹⁶ ja, nuftgo juokkaš dovdastet færtte, stuo­res læ dam ibmelballolašvuođa čieǥosvuotta: Ib­mel almostuvvum læ oaǯe sist, vanhurskesengud­niettujuvvum vuoiŋa sist, oidnujuvvum engelin, bakkeni gasski sarneduvvum, osskujuvvum mailme sist, hævasvutti bajasvalddujuvvum.

4. Kapittal.

¹ Mutto vuoiŋ cælkka čielggaset, atte maŋemuš aigin de muttomak oskost erit jorralæmen læk, ja bættolaš vuoiŋaid ja bærgalaǥai oapoid čuovvomen læk,

² sin guoftelašvuođa boft, guđek giellasid sard­nuk, balddujuvvum sin oamedovdosek sist,

³ guđek gilddek naittalæmest ja borramušain, maid Ibmel sivnedam læ gittolusain vuosstaivalddu­juvvut sist, guđek osskuk ja duotvuođa dovddam læk.

⁴ Dastgo buok Ibmel sivnadussa buorre læ, ja i mikkege læk hilggot, mi gittolusain vuossta­valddujuvvu;

⁵ dastgo Ibmel sane ja rokkus boft dat baso­tuvvu.

[ 657 ]⁶ Go veljaidi dam bagadak, de buorre Jesus Kristus balvvalægje læk, osko ja buorre oapo saniguim bibmujuvvum, maid don čuovvom læk.

⁷ Mutto væltad ječčad æppebasse ja galggo­cufcasin; mutto harjet ječčad Ibmelballolašvutti.

⁸ Dastgo dat rumašlaš harjanæbme avkalaš læ uccan dafhost, mutto Ibmelballolašvuotta avkalaš læ juokke dafhost, dastgo dat sikke dam ja boatte ællemi loppadusa adna.

⁹ Dat sadne jaketatte ja galle vuosstaival­detatte læ.

¹⁰ Dastgo damditti mi sikke barggap ja bil­keduvvujep, go doaivvomek mi bigjam læp ælle Ibmel ala, gutte buok olbmuid bæsste læ, ænemu­sat sin, guđek osskuk.

¹¹ Sarned ja oapat dam!

¹² Ale luoite ovtage du bagjelgæččat du nuorrevuođa ditti, mutto læǥe auddamærkka si­gjidi, guđek osskuk, saǥai, ællemgærde, rakis­vuođa, vuoiŋa, osko, butesvuođa sist.

¹³ Oro bisovaǯǯan lokkamest, ravvimest, oapa­tæmest muo buattem ragjai.

¹⁴ Ale læǥe dam arbmoaddaldaǥa doattal­kættai, mi du sistad læ, mi dunji læ addujuvvum prophetalašvuođa čađa, go vuorrasak gieđaidæsek du ala bigje.

¹⁵ Bija dam jurddagidad vuollai, oro dam sist, vai du auddanæbmad juokke harrai almostuvvuši.

¹⁶ Vuttivalde ješječčad ja oapo, biso dam sist; dastgo go nuft daǥak, de sikke du ječčad ja du guldalegjidad don bæstak.

[ 658 ]

5. Kapittal.

¹ Ale boares olbmu bælket, mutto ravve su nuftgo ače, nuoraid nuftgo veljaid,

² boares nissonid nuftgo ednid, nuoraid nuftgo oabaid, buok butesvuođa sist.

³ ANe læsknissonid gudnest, guđek rieftes læskak læk.

⁴ Mutto jos læsknissonest manak læk daihe mannamanak, de oppusek si vuost ibmelballolaš vaimo čajetet sin ječaidæsek dalo vuosstai, ja van­demidassasek burid bafset, dastgo dat buorre ja Ibmeli dokkalaš læ.

⁵ Mutto gutte rieftes læsk læ ja oarbes, Ibmel ala doaivos bigjam læ, ja rokkadallamin ja čuorv­vomin son bisso ija bæive;

⁶ mutto gutte oaǯes himo mield ælla, jabmam læ ælededines.

⁷ Sarned maida dam, vai laittemættosen si ælaši.

⁸ Mutto jos guttege olbmuides audast mo­raštægje i læk ja erinoamačet dalo olbmuides audast i ane morraš, son biettalam læ osko, ja æppeoskolaǯain bahab læ.

⁹ I galga læsk valljijuvvut nuorab go gut loǥe jakkasaš; son bærre oft boadnja akka læmaš læt,

¹⁰ ja duođaštusa adnet buorre daǥoides ditti, atte manaid bajasgæssam læ, atte mielastes son goattasis læ valddam maŧkkeolbmuid, atte basse oskolaǯai julgid bassam læ, atte hæđalaǯaid son vækketam læ, atte buok buorre daǥo ala barg­gam læ.

¹¹ Mutto nuorra læskaid ik galga [ 659 ]vuosstaivalddet; go sivvotesvuođastæsek si Kristus vuos­stai ječaidæsek bigjek, de naittalstuvvamen si læk,

¹² ja sist dat duobmo læ, atte audeb loppa­dusa si læk doagjam.

¹³ Dasa vela si harjanek viesoi mield joav­deluššat, æi dušše fal si joavdeluššek, mutto arvotes saǥaid ja mænoid si adnek, ja hallamen si læk, mi i hæive.

¹⁴ De damditti aigom, atte nuorra læskak naittaladdek, manaid rieǥadattek, dalo audast mor­raš adnek, atte æi si maidegen sujaid vuosstai­čuoǯǯoidi adde bahha saǥaid sin oaivvai sardnot.

¹⁵ Dastgo soabmasak jorggalam jo læk ječaid­æsek satan bællai.

¹⁶ Jos oskolaš olbmast daihe nissonest læskak læk, de morraš adnusek si dai audast, ja i galga særvvegodde daiguim vaivašuvvut, vai rieftes læskaides audast dat matta fuol adnet.

¹⁷ Vuorrasak, guđek šiega audastčuoǯǯok læk, guoftgærdasaš gudnest adnujuvvut galggek; æne­musat si, guđek barggamen læk sarnedet ja oapatet.

¹⁸ Dastgo čal cælkka: ik galga njalme gidda čadnat vuovsast, mi bargga; ja bargge balkas ansašægje læ.

¹⁹ Ale vuosstaivalde maidegen vaiddelusaid guđege vuoras olbmu ala æreb guoft daihe golm duođaštegji mield.

²⁰ Cuoigod sin, guđek suddoid dakkek, buokai čalmi audast, vai maida ærrasak balo valdaši.

²¹ Ibmel, ja hærra Jesus Kristus, ja valljujuv­vum engeli čalmi audast du vuornotam dai ravvagi [ 660 ]mield barggat dakkat ærotusa daǥakættai, ja atte ik maidegen du ječčad miela mield daǥa.

²² Ale bija hoapost guđege ala gieđaidad; ja ale daǥa ječčad ærra olbmui suddoidi særvolaǯ­ǯan; ane ječčad butesen.

²³ Ale šat æmbo čace juǥa, mutto juǥest uccanaš vine vaibmod ja du ofteles buoccalvasaid­ad ditti.

²⁴ Soames olbmui suddok jo auddal almos læk, ja auddal duobmoi buftek; mutto soabmasi lut dak maida maŋŋel bottek.

²⁵ Damaka lakkai læk maida soames buorre daǥok auddal jo almos; ja mak ærralaǥaš læk, čiekkamest æi læk.

6. Kapittal.

¹ Nuft ædnagak, guđek gæssa vuold balvva­lægjek læk, hærraidæsek buok gudnest adnet galggek, amas Ibmel nabma ja oappo šaddat bil­keduvvut.

² Mutto si, gæin oskolaš hærrak læk, ellusek sin bagjelgečču, damditti go si veljak læk, mutto balvvalekkusek dade mielasabbun, dastgo si, gu­đek sin buorre daǥoid vuosstaivalddek, oskolaǯak læk ja eccujuvvum. Oapat nuft ja ravve.

³ Jos guttege ærra lakkai oapat, ja min hær­ramek Jesus Kristus diervas sane sist ječas i ane, ja dam oapo sist, mi ibmelballolašvutti doalvvo,

⁴ son čævllom læ, josjoge i maidegen dieđe, mutto buoccemen læ joavdelas gaččaldaǥai ja sad­neridoi ditti, main aivve gađašvuotta boatta, ja [ 661 ]naggatallamak, bilkedæbme, bahha jurddagak,

⁵ ja dai olbmui arvotes mænok, guđek bæist­šuvvum læk mielasek sist, duotvuođataǥa, guđek ibmelballolašvuođa vuoito gaskoabmen gaddek. Ane ječčad daggaračai lut erit!

⁶ Læ galle ibmelballolašvuotta duttavašvuođain stuorra vuoitto;

⁷ Dastgo æp maidegen mi læk mailbmai mield­damen buftam, diettalas dalle læ, atte æpge mai­degen mi dast erit mate buftet;

⁸ mutto go biebmo mist læ ja biftasak, de dasa mi galggap duttat.

⁹ Mutto guđek riggostuvvamen læk, gæčča­lusaidi šaddek, ja gielaidi, ja ædnag jallag ja vahaglaš anestumidi, mak olbmui hævvanæbmai ja gađotussi vuojotek,

¹⁰ dastgo ruthanesvuotta buok bahha mænoi ruotas læ; damditti, go soames olbmui viggam dam guvllui mannagođi, de oskost erit si čajadadde, ja čađarettim læk ječaidæsek ollo bafčasiguim.

¹¹ Mutto don, Ibmel olmuš! batar dast erit; mutto barga vanhurskesvuođa bivddet, ibmelbal­lolašvuođa, osko, rakisvuođa, gierdavašvuođa, lojesvuođa;

¹² soađa osko šiega soađe, barga aǥalaš ællem oǯudet, man varas don maida goččujuvvum læk, ja dakkam læk dam šiega duođaštus ollo olbmui guladedin.

¹³ Mon gočom du Ibmel audast, gutte buokaid ællen dakka, ja Kristus Jesus audast, gutte Pon­tiussi Pilatussi dam šiega duođaštusa duođašti,

[ 662 ]¹⁴ atte bakkom don doalak duolvadkættai, laittemættom, hærramek Jesus Kristus almostusa ragjai,

¹⁵ maid dat audogas ja oft famolaš, dat gona­gasai gonagas ja hærrai hærra aiggasis čajetet aiggo;

¹⁶ son, gutte ofto jabmemættomvuođa adna, gutte čuovgas sist assa, man sisa i oftage mate boattet, gæn i oftage olmuš oaidnam læk, ige oaid­net mate, sunji gudne ja aǥalaš fabmo! Amen.

¹⁷ Cælke sigjidi, guđek riggak læk dam mail­mest, atte æi si galga čævlaistallat, æige doaviosek si bigjat galga dai riggesvuođai ala, mak nanosak æi læk, mutto ælle Ibmel ala, gutte buok migjidi valjestrakkan adda navdašet,

¹⁸ ja gočo sin burid dakkat, buorre daǥoidi riggot, buorre mielast addet, juoǥadet,

¹⁹ atte daverid si aldsesek čoggek, buorre vuođo boatte aiggai, vai aǥalaš ællem si fidniši.

²⁰ Voi, Timotheus! varjal, mi dunji læ oskal­duvvum, ja batar dain æppebasse, joavdelas sa­ǥain erit, ja dain naggatallamin, mak dam boasstot nuft goččujuvvum dieđost bottek,

²¹ maid soabmasak sarnedek, ja oskost erit jorralam læk. Arbmo dunji! Amen!

[Audeb girje Timotheussi čallujuvui Laodiseast, mi Phrygia Pakatiana oaivvegavpug læ.]