St. Paulus 2 girje Timotheussi.
 |
 |
 |
 |
|
1. Kapittal.
Paulus, Jesus Kristus apostal, Ibmel dato mield, ællem loppadusa varas, mi Kristus Jesus sist læ,
2 Timotheussi, dam æcalaš bardnai: arbmo, vaimolađesvuotta, raffhe Ibmelest ačest ja Kristusest Jesusest, min hærrastæmek!
3 Ibmelam gitam, gæn balvvalam, nuftgo muo oudiš vanhemidam, butes oamedovdost, du jurddagidam sist oppeti anededin muo rokkusi sist ija bæive,
4 ja go du gadnjalid muitam, de haliduvam du oaidnet, vai iloin mon devddujuvvušim,
5 dam duođalaš osko muitededin, mi du sist læ, mi vuost du ako Lois sist læi, ja du ædne Eunike sist, ja nanos læm dam ala, atte dat maida du sist læ.
6 De damditti du ravvim dam Ibmel arbmoaddaldaǥa fastain buolatet, mi du sist læ, muo gieđai bagjelibigjujume boft.
7 Dastgo Ibmel i læk addam migjidi balo vuoiŋa, mutto famo ja rakisvuođa ja jierbmaivuođa vuoiŋa.
8 De ale damditti hæppanadda min hærramek duođaštusast, daihe must, su čadnujuvvum olbmust, mutto gila bahaid evangeliumin Ibmel famo boft,
9 gutte besti min, ja gočoi min basse goččomin, i min daǥoidæmek mield, mutto su ječas dato [ 664 ]ja armo mield, mi migjidi addujuvvum læ Kristus Jesus sist aǥalaš aigi rajast,
10 mutto dal dieđetuvvum læ min bæsstamek Jesus Kristus hærvas almostusa boft, gutte jabmem duššadi, ja ællem ja jabmemættomvuođa čuovgas ouddi buvti evangelium boft,
11 man varas mon sarnedægjen asatuvvum læm ja apostalen ja bakkenid oapatægjen;
12 man ašše ditti daggar gillamušak must læk, mutto dai ditti im hæppanadda; dastgo dieđam, gæn ala osskom læm, ja nanos læm dam ala, atte, maid su duokkai mon læm bigjam, son galle dom bæivvai matta varjalet.
13 Biso nanosen dai diervas sani rieftes oaivadusa sist, maid must gullam læk, osko ja rakisvuođa sist, mi Kristus Jesus sist læ.
14 Daid burid varjal, mak du duokkai læk oskalduvvum bassevuoiŋa boft, gutte sistamek læ.
15 Don dieđak, atte Asiast læk buokak muo bælest erit jorggalam, gæi gaskast Phygellus læ ja Hermogenes.
16 Hærra addaši Onesiphorus dalloi vaimolađesvuođa! dastgo davja son muo læ diervasmattam, ja muo lakkin i son hæppanaddam;
17 mutto go Romast læi, de viššalet son muo ocai, ja muo gavnai.
18 Hærra addaši, vai armogasvuođa son gavnaši hærra lut dom bæive; ja man ælšaret son Ephesusist muo balvvali, don buoremusat dieđak.
[ 665 ]2. Kapittal.
1 De damditti barga don, muo barnačam! dam armo boft gievrrot, mi Kristus Jesus sist læ!
2 ja maid must gullam læk ædnag olbmui guladedin, da adde oskaldas olbmuidi, guđek dokkalaǯak læk maida ærrasid oapatet.
3 De gila damditti bahaid, nuftgo Jesus Kristus šiega soatteolmai.
4 I oftage, gutte soattai manna, ællem fidnoidi jeČas sora, vai sunji dokkiši, gutte su balkati.
5 Jos guttege gilvvoi manna, de i balka oaǯo, jos laǥa mield i gilvo.
6 Dallolaš olmuš, gutte ædnam rakad, bærre audemussta šaddoid navdašet.
7 Arved maid sarnom; hærra dunji jierme addaši juokke guvllui!
8 Muite Jesus Kristus, gutte jabmi dillest bajasčuoǯǯaldattujuvvum læ, ja David sokkagoddest læ boattam, muo evangelium mield,
9 man ditti bahaid mon oainam gidda čadnujume ragjai nuftgo værredakke; mutto Ibmel sadne i læk čadnujuvvum.
10 De damditti buok mon gilam valljijuvvum olbmui gæččen, vai si maida dam audogasvuođa oǯuši, mi Kristus Jesus sist læ, oftanaǥa aǥalaš hærvasvuođain.
11 Jaketatte sardne dat læ; dastgo jos mi suin jabmam læp, de suin mi maida oaǯǯop ællet.
12 Jos gierdavaǯǯan mi gillap, de mi maida suin oaǯǯop rađđit; jos biettalæp, de son maida min biettal;
[ 666 ]13 jos mi oskaldasmættomak læp, de son almaken oskaldas orro; i son mate ješječas biettalet.
14 Daid ravvagid ravve, ja gielde sin hærra boft riddalet sani ditti, mi i læk manenge avkken, mutto sigjidi moivašubmen, guđek gullek.
15 Barga ječčad vanhurskesen auddan divvot Ibmel audast, barggoolbmai, gutte i darbaš hæppanaddat, gutte rieftes lakkai duotvuođa sanid juoǥadægje læ.
16 Mutto ane ječčad æppebasse, joavdelas saǥain erit; dastgo daggar (saǥai olbmuk) ibmelmættomvutti alelessi auddanek;
17 ja sin sanek birrasek borramen læk, nuftgo mađok; gæi gaskast læva Hymenæus ja Philetus,
18 guđek duotvuođa gæino hæittam læk, cælkededin, bajasčuoǯǯelæbme jo dappatuvvum læ; ja olbmui osko si moivvijek.
19 Mutto Ibmel nanos vuođđo bisso, ja dam duođaštus adna: hærra su olbmuides dietta; ja: juokkaš, gutte Kristus nama bakod, heittus son verudaǥastes erit!
20 Mutto stuorra dalost æi dušše fal golle ja silbbalittek læk, mutto maida muorra ja lairrelittek; ja suobmasak gudne, ja soabmasak æppegudne varas.
21 Jos dalle guttege butesen ječas adna dain olbmuin, son gudnelitten šadda, basotuvvum ja isedi avkalaš, buok buorre dakkoi rakaduvvum.
22 Mutto nuorravuođa anestumin erit batar; mutto vahurskesvuođa barga bivddet, osko, rakisvuođa, rafhe singuim, guđek butes vaimost hærra čuorvvomen læk.
[ 667 ]23 Mutto væltad ječčad jalla ja joavdelas gaččaldaǥain, go dieđak, atte ridoid dak bocidattek.
24 Mutto hærra balvvalægje i galga riddalet, mutto lađes læt buokai vuosstai, dokkalaš oapatet, gutte bahaid matta gillat,
25 lojesvuođain sin bagadedin, guđek vuosstaiadnek, jos Ibmel ofti sigjidi jorggalæme addaši duotvuođa dovddoi,
26 ja jos si fastain bærgalaǥa giela sist erit čielgaši, gæst si giddavalddujuvvum læk su dato dakkat.
3. Kapittal.
1 Mutto dieđe dam, atte maŋemuš beivin de hæđc aigek vuorddemest læk.
2 Dastgo olbmuk ječaidæsek rakisen adnek, ruthadnasak læk, čævlak, goargolaǯak, bilkedægjek, vanhemidassasek æppetgulok, gittemættomak, æppebasek,
3 rakismættomak, soappamættomak, sælgebæld sardnok, muddotæmek, garasak, rakisvuođataǥa dasa, mi buorre læ,
4 bættolaǯak, hoppui, ramadallek, guđek oaǯe himoi mield ællem rakkasabbun adnek go Ibmel,
5 guđek imelballolašvuođa hame adnek, mutto dam famo biettalek. Batar maida dain erit!
6 Dastgo sin gaskast si læk, guđek viesoi sisa čagŋek, ja nissonolbmuid fillijek, suddo olbmuk, guđek ædnagslai anestumin dolvvujuvvujek,
7 guđek alelessi bagaduvvujek, ja æi goassegen mate duotvuođa dieđo ala boattet.
[ 668 ]8 Mutto nuftgo Jannes ja Jambres Moses vuosstaičuoǯoiga, nuft maida dakgis duotvuođa vuosstaičuǯǯuk: olbmuk, bæistšuvvum sin jurddagidæsek sist, ja dokkimættosak osskoi,
9 mutto æi si šat æmbo auddanæme adnemen læk; dastgo sin jallagvuotta šadda buokaidi almostuvvut, nuftgo maida doi šaddai.
10 Mutto don muo doarredam læk oapo, ællemgærde, aigomušai, osko lojesvuođa, rakisvuođa, gierdavašvuođa sist,
11 vašševuođai, gillamušai sist, daggarak, mak munji dappatuvvum læk Antiokiast, Ikoniast, Lystrast, maid vaššalašvuođaid gillam læm, ja hærra buok dai sist muo besti.
12 Vela maida buokak, guđek ibmelballolaǯǯan ællet aigguk Kristus Jesus sist, vašše vuollai šaddek.
13 Mutto bahha olbmuk ja bættolaǯak bahhavutti auddanæmen læk; si fillijek, ja fillijuvvujek.
14 Mutto oro don dam sist, maid oappam læk, ja mi dunji oskalduvvum læ, go dieđak, gæst dam oappam læk;
15 ja go mannavuođa rajast basse čallag dieđak, mi jierme dunji adda audogasvuođa guvllui osko boft Kristus Jesus ala.
16 Obba čal Ibmelest sisabossujuvvum læ, ja avkalaš læ oapatussi, cuiggujubmai, oaivadussi, bagadussi vanhurskesvuođa sist;
17 vai dat Ibmel olmuš ollesen, buok buorre dakkoi dokkalaǯǯan dakkujuvvuši.
[ 669 ]4. Kapittal.
1 De damditti du vuornotam Ibmel ja hærra Jesus Kristus audast, gutte ellid ja jabmid duobmemen læ su hærvasvuođa almostuvudedin ja su valddegoddes sist:
2 sarned sane, sarned dille aige ja dilletes aige; cuoigod, værat, ravve buok gierdavašvuođain ja oappavašvuođain!
3 Dastgo dat aigge boatta, go dam diervas oapo si æi višša gillat, mutto sin ječaidæsek halidusai mield si oapategjid aldsesek doakkalaǥai valddek, dademield go sin bæljek viššek gullat.
4 Ja duotvuođa bælest si beljidæsek erit jorggalek, mutto cufcasi bællai si ječaidæsek jorggalek.
5 Mutto don, læǥe don gocciš juokke dafhoi, gila baha, daǥa evangeliumolbma daǥo, buvte fidnod ollašubmai!
6 Dastgo mon oafferuššujuvum jo, ja muo jabmem boddo lakka jo læ.
7 Dam buorre soađe soattam læm, maŧkkam ollašuttam, osko varjalam læm.
8 Vanhurskesvuođa kruonno munji vurkkijuvvum læ, maid hærra, dat vanhurskes duobmar, dom bæive munji adda; i daddeke dušše fal munji, mutto maida buokaidi, guđek su hærvas almostusa rakisen adnam læk.
9 Barga forg muo lusa boattet;
10 dastgo Demas vulgi muo lut, go rakisvuođa son oaǯoi dam mailbmai, ja manai Thessalonikkai; Kressens manai Galatiai, Titus Dalmatiai.
[ 670 ]11 Lukas ofto muo lut læ. Valde Markus lusad, ja buvte su ječainad, dastgo avkalaš son munji læ fidno harrai.
12 Mutto Tykikus Ephesussi bigjam læm.
13 Go boađak, de buvte muo baŧkkebiftas mielddad, maid Troasi guđđim Karpus duokkai, ja girjid, erinoamačet pergament girjid.
14 Alexander, væikkeravdde, daǥai munji ollo bahaid; hærra bafsus sunji su daǥoides mield!
15 Su ditti maida varot don ječčad, dastgo sagga son min sani vuosstaičuoǯoi.
16 Muo audemuš audastvastadusastam i oftage munji vækken boattam, mutto buokak muo guđđe; — vare dat sigjidi i lokkujuvvuši! —
17 Mutto hærra muo lut čuoǯoi, ja muo gievrasmatti, vai sane sardne muo boft olles auddadusa oǯuši, ja vai buok bakkenak dam oǯuši gullat; ja lægjon čoddagest mon šaddim besstujuvvum.
18 Ja hærra buok bahha daǥost erit muo væltadet, ja almalaš valddegoddasis son muo bæsstet aiggo; sunji gudne buok aǥalašvutti! Amen.
19 Diervuođaid cælke Prissai ja Akvilassi, ja Onesiphorus dalloi.
20 Erastus Korinthiai baci, mutto Trophimus Miletussi buoccen guđđim.
21 Barga dalve auddal boattet. Eubulus ja Pudens ja Linus ja Klaudia ja buok veljak dunji diervuođaid celkkek.
22 Hærra Jesus Kristus du vuoiŋainad! Arbmo digjidi! Amen.
[Maŋeb girje Timotheussi, gutte Ephesialaǯai [ 671 ]særvvegodde vuostemuš valljijuvvum bisp læi, Romast čallujuvui, go Paulus nubbe gærde kæisar Nero ouddi goččujuvum læi.]
 |
|
 |
|
|
|
|