Hærramek ja bæsstamek Jesus Kristus ođđa Testament/St. Paulus 2ŋeb girje Korinthialaǯaidi

←St. Paulus 1deb girje Korinthialaǯaidi

Hærramek ja bæsstamek Jesus Kristus ođđa Testament  (1850)  St. Paulus 2ŋeb girje Korinthialaǯaidi

St. Paulus girje Galatalaǯaidi→

[ 558 ]

St. Paulus 2 girje Korinthialaǯaidi.

1. Kapittal.

Paulus, Ibmel dato mield Jesus Kristus apostal, ja vellja Timotheus, Ibmel særvvegoddai, mi Korin­thiast læ, ja buok basidi, guđek obba Akajast læk:

² Arbmo digjidi, ja raffhe Ibmelest, min ačest­æmek, ja hærrast Jesusest Kristusest!

³ Gittujuvvum lekkus Ibmel ja min hærramek Jesus Kristus ačče, vaimolađesvuođa ačče, ja buok jeđđitusa Ibmel,

⁴ gutte min jeđđijægje læ buok min hæđest­æmek, atte mi mattep sin jeđđit, guđek [ 559 ]moaddelaǥaš hæđest læk, dain jeđđitusain, main mi ješ Ibmelest jeđđijuvvujep!

⁵ Dastgo nuftgo Kristus gillamušak valjest min bagjeli bottek, nuft maida min jeđđitussamek val­jogas læ Kristus boft.

⁶ Læpgo mi hæđest, de dat hætte din jeđđi­tussadek ja besstujubmadek varas læ, daihe mi jeđđijuvvujep, de dat digjidi læ jeđđitussan, mi famolaǯǯan ječas čajet din gierdavašvuottadek sist dai gillamušai vuold, maid migis gillajep;

⁷ ja min doaivvomek nanos læ din harrai, dastgo mi diettep, atte, niftgo di særvolaǯak læppet gillamušaidi, de di maida jeđđitussi šad­dabættet særvolaǯǯan.

⁸ Dastgo, veljačak! æp mi aigo, atte dam hæđe di dieđekættajen galggabættet orrot, mi migjidi Asiast dapatuvvum læ, atte saggarakkan mi vaiva­šuvvum læimek apidæmek bagjel, atte vela hæg­gamek mi æppedišgođimek.

⁹ Vela lutamek mi jabmem gieđast læimek jo ječaidæmek lokkam, amamek ješječaidæmek ala dorvastet, mutto Ibmel ala, gutte jabmid bajasbofta;

¹⁰ gutte maida daggar stuorra hæghæđest min besti, ja bæssta ain; gæsa mist doaivvo læ, son vela ain min bæsstemen læ,

¹¹ go di maida migjidi vækken boattebættet rokkadalladedin min audast, vai ædnag olbmuin gittolussa min audast šadda dakkujuvvut dam armo ditti, mi migjidi læ čajetuvvum ædnag olbmui ditti.

¹² Dastgo dat min rabmamek læ, min oame­dovddomek duođaštus, atte oftgærdasašvuođast ja [ 560 ]vuoigadvuođast Ibmel audast, æp oaǯalaš vissastal­lamvuođast, mutto Ibmel armo sist mi vagjolam læp mailmest, ja erinoamačet din lut.

¹³ Dastgo æp mi digjidi maidegen čale æreb go dam, maid di lokkabættet daihe diettebættet; mutto mon doaivom, atte dam di diettebættet gidda loap ragjai;

¹⁴ nuftgo di maida jo muttom dafhost min læk diettam, atte mi din rabmadek læp, nuftgo di maiđa min, hærra Jesus bæive.

¹⁵ Ja dam dorvo sist miella galle jo doallam læ auddal din lusa vuolgget, vai di nubbe gærde arbmoaddaldaǥa oǯušeidek;

¹⁶ ja miella læi din gavpug boft Masedoniai vuolgget, ja fastain Masedoniast din lusa vuolg­get, ja de maŧkkeguoibmen din oaǯǯot Judæai.

¹⁷ Læmgo čajetam, atte oft lakkasaš miel must i læk, go nuft arvvalim? daihe, atte maid mon arvvalam, de oaǯǯam mield mon arvvalam, atte muo lut vuost læ, aigom galle, ja dasto, im aigo?

¹⁸ Mutto Ibmel læ oskaldas, son dietta, atte min sardne digjidi i læm sikke aiggot ja i aiggot.

¹⁹ Dastgo Ibmel bardne, Jesus Kristus, gutte sarneduvvum læ din gasski min boft, muo boft, ja Silvanus, ja Timotheus boft, i læm aiggot ja i aiggot, mutto su sist læi aiggot,

²⁰ — dastgo nuft ædnagak, mak Ibmel lop­padusak læk, de dak su sist nanosak læk, ja su sist Amen, — Ibmeli gudnen, min boft.

²¹ Mutto, gutte bisot min dinguim nanosen Kristus sist, ja gutte min vuoidai, dat læ Ibmel,

[ 561 ]²² gutte maida min nanni, ja migjidi vuoiŋas addi duođaštussan vaimoidassamek.

²³ Mutto Ibmel mon duođaštægjen gočom muo sielo bagjel, atte, din sæsstam ditti, im vela boattam læk Korinthiai.

²⁴ Æp, atte mi hærrak aiggop læt din ossko­dek bagjel, mutto barggoguoimek mi læp digjidi illon; dastgo nanosak di oskost bissobættet.

2. Kapittal.

¹ Mutto duokkenam mon dam arvvalim, atte im fastain din lusa boattet aiggom morrašest.

² Dastgo jos mon din morraštattam, gi dalle muo illodatta, æreb go son, gutte muo ditti morraši šadda?

³ Ja aido nuft mon digjidi čallim, amam mon, boađededinam, sist morraš oaǯǯot, gæin munji illo beriši; dastgo dieđam din buokaid, atte muo illo din buokai læ.

⁴ Dastgo stuorra morrašest ja vaimo bafčasin digjidi mon čallim ædnag gadnjaliguim, im din morraštattam varas, mutto vai dam stuorra rakis­vuođa di oǯušeidek diettet, mi must læ digjidi.

⁵ Mutto jos guttege læ morraštattam, de muo i son læk morraštattam, mutto — amam appar garas læt, — din buokaid.

⁶ Galle læ sunji dat rangaštussa, maid son ænaš bælest jo gillam læ;

⁷ atte dal di færttebættet sunji andagassi ad­det ja su jeđđit, amas appar stuorra morraš vuollai son vuogjot.

[ 562 ]⁸ De damditti din ravvim sunji rakisvuođa čajetet.

⁹ Dastgo damditti mon maida čallim go datu­šim din diettet ja din isskat, jos juokke aššai di læppet gullolaǯak.

¹⁰ Mutto gæsa di maidegen andagassi adde­bættet, sunji mongis andagassi addam; dastgo mongis maida, jos maidegen læm andagassi ad­dam, de din ditti andagassi addam læm, Kristus čalmi audast, amamek satan gavvelvutti mi šad­dat roakkaset;

¹¹ dastgo su arvvalusak migjidi čikkujuvvum æi læk.

¹² Mutto go Troasi bottim Kristus evange­lium sarnedæmen, ja ufsa munji hærrast læi ra­vastuvvum, de orrommaššo must i læm vuoiŋast­am, go Titus, muo velljam, im gavdnam;

¹³ mutto ærrodiervuođaid mon dakkim sigjidi, ja Masedoniai vulggim.

¹⁴ Mutto Ibmeli gittos, gutte oppeti migjidi adda vuoito oaǯǯot Kristus sist, ja gutte juokke baikkai su dieđos njalgga haja almostatta min boft!

¹⁵ Dastgo mi Kristus njalgga hagja læp Ib­meli sin gaskast, guđek besstujuvvujek, ja sin gaskast, guđek lappujek:

¹⁶ daidi galle jabmem hagja jabmemi, mutto doidi ællem hagja ællemi; mutto gi læ dasa dokkalaš?

¹⁷ Dastgo æp mi læk nuftgo dak ædnagak, gu­đek Ibmel sanid nubbastuttek; mutto nuftgo vuoi­gadvuođa olbmuk, vela nuftgo Ibmel olbmuk, Ibmel čalmi audast mi sardnomen læp.

[ 563 ]

3. Kapittal.

¹ Jogo mi fastain ječčaidæmek ramedišgoattep? daihe darbašæpgo mi ramadus girjid digjidi, nuftgo soabmasak, daihe ramadusa girjid dist?

² Di min ramadussamek girje læppet, min vaimoidassamek sisačallujuvvum, mi buok olbmuin dittujuvvu ja lokkujuvvu;

³ di, gæi birra almostuvvum læ, atte di læp­pet Kristus girje, min balvvalussamek boft doai­matuvvum, sisačallujuvvum i blækain, mutto ælle Ibmel vuoiŋain, i gæđgetavalidi, mutto vaimo oaǯǯetavilidi.

⁴ Mutto daggar dorvvo mist læ Ibmeli Kri­stus boft.

⁵ Æp, atte ječaldamek mi dokkalaǯak læp maidegen jurdašet, nuftgo mist aldamek, mutto min dokkalašvuottamek Ibmelest boatta,

⁶ gutte maida min dokkalaǯǯan daǥai ođđa litto balvvalægjen šaddat, i bogstava, mutto vuoiŋa; dastgo bogstav godda, mutto vuoiŋ ællendakka.

⁷ Mutto jos bogstav balvvalussa, mi jabmem buvti, mi sasačallujuvvum læi geđgidi, hærvasvuođa sist dakkujuvui, atte Israel manak æi duddom Mo­ses čalmid gæččat su muođoi hærvasvuođa ditti, mi nokkamen læi,

⁸ manne i galggam dalle vuoiŋa balvvalussa ain stuorrab hærvasvuođa adnet?

⁹ Dastgo jos dubmitusa balvvalussa hærvas­vuođa ani, de adna galle dalle vanhurskesvuođa balvvalussa sagga stuorrab hærvasvuođa.

¹⁰ Vela dot, mi hærvasvuođa ani, dago [ 564 ]dafhost i obbage hærvas læm dam sagga stuorra hærvasvuođa æftoi.

¹¹ Daftgo jos dat, mi nokka, hærvasvuođa ani, de adna sagga æmbo dat, mi bissta, hær­vasvuođa.

¹² Dademield go mist daggar doaivvo læ, de stuorra roakadvuođa mi adnep,

¹³ ja æp daǥa, nuftgo Moses, gutte govčas muođoides bagjeli bijai, amasek Israel manak daid gæččat, auddalgo dat, mi nokkavaš læi, nokkam læi.

¹⁴ Mutto sin miella buoššeduvvum læ; dastgo datanaǥa gofčas gidda odna bæive ragjai orromen læ boares testamenta lokkujuvvudedin; dastgo dat dušše fal Kristus boft erit valddujuvvu.

¹⁵ Vela odna dam bæive ragjai orromen læ gofčas sin vaimosek bagjel, go Moses lokkujuvvu.

¹⁶ Mutto go hærra bællai si jorggalek, de gofčas erit valddujuvvu.

¹⁷ Mutto hærra læ vuoiŋ, mutto gost hærra vuoiŋ læ, dast læ isedvuotta.

¹⁸ Mutto mi buokak, guđek ravas čalmi hærra hærvasvuođaid oaidnep, nuftgo spejal sist, šad­dap damanaǥa gova mield nubbastuvvut, hærvas­vuođast hærvasvutti, ja dat hærrast dakkujuvvu, (gutte læ) vuoiŋ.

4. Kapittal.

¹ De damditti, go dat balvvalussa mist læ, dademield go migjidi vaimolađesvuotta læ dakku­juvvum, de æp vaiba.

² Mutto eritid hæittam mi læp hæppadvuođa [ 565 ]čikkujuvvum daǥoid, æpge gavvelvuođa ane, æpge Ibmel sanid nubbastutte, mutto duotvuođa almo­stusa boft buok olbmui oamedovdo duomo ala mi oskaldæp Ibmel čalmi audast.

³ Mutto jos maida min evangelium čikkujuv­vum læ, de dat čikkujuvvum læ sigjidi, guđek lappujek;

⁴ gæi sist dam mailme Ibmel čuovgatuttam læ æppeoskolaǯai vaimoid, amas Kristus hærvas­vuođa evangelium čuovgas, gutte Ibmel govva læ, sigjidi baittet.

⁵ Dastgo ješječaidæmek æp mi sarned, mutto Kristus Jesus, hærra, mutto ješječaidæmek din balvvalægjen Jesus ditti.

⁶ Dastgo Ibmel, gutte čuovgas gočoi sævd­njadasast baittet, son dat læ, gutte dam læ ad­dam min vaimoidassamek baittet, Ibmel hær­vasvuođa dieđo migjidi čuvggit Jesus Kristus čalmin.

⁷ Mutto dak davverak mist læk lairrelittin, atte famo stuoresvuotta Ibmelest boatta, ja mist al­damek i.

⁸ mi, guđek juokke lakkai hæđostuvvujep, mutto æp dorvotuvu; guđek æppedæmen læp, mutto æp doaivotaǥa;

⁹ vaššotuvvum, mutto æp hilggujuvvum; æd­nami časskujuvvum, mutto æp roappanam,

¹⁰ hærra Jesus jabmem alelessi rubmašest guodededin, vai maida Jesus ællem min rubmaši almostuvvuši;

¹¹ dastgo josjoge ællep, de alelessi mi [ 566 ]jabmemi dokko addujuvvujep Jesus ditti, vai Jesus ællem maida min jamolaš oaǯǯai almostuvvuši.

¹² De læ dalle jabmem barggolaš sistamek, mutto ællem sistadek.

¹³ Mutto go oft osko vuoiŋ mist læ, dam mield, mi čallujuvvum læ: osskum, damditti sard­num; nuft maida migis osskop, de damditti mi maida sardnop,

¹⁴ dieđededin, atte, gutte hærra Jesus bajas­čuoǯǯaldatti, son min bajasčuoǯǯaldatta Jesus boft, ja min auddandivvo dinguim.

¹⁵ Dastgo dat buokrakkan din ditti dapatuvvu, vai dat sagga stuorra arbmo ædnag olbmui gitto­lusai boft ain stuorrab šadda Ibmeli gudnen.

¹⁶ De damditti æp mi vaiba; mutto jos vela min olgoldas olmuš roappan, de ođđasmattujuvvu dat siskaldes bæive bæivest;

¹⁷ dastgo min gifsamek, mi oanekas læ ja gæppad, aǥalaš ja cælkkemættom divras hær­vasvuođa migjidi adda;

¹⁸ go æp mi čalmidæmek audast ane, mi oainolaš læ, mutto mi oaidnemættom læ; dastgo mi oainolaš læ, aigasaš læ, mutto mi oaidnemæt­tom læ, aǥalaš læ.

5. Kapittal.

¹ Dastgo mi diettep, jos min goattamek æd­namlaš viesso roappan, de vieso Ibmelest mi oaǯǯop, vieso, mi gieđaiguim i læk dakkujuvvum, aǥalaš, almin.

² Dastgo dast mi šuokkamen læp, haliduvadedin [ 567 ]almalaš viesoinæmek garvotuvvut,

³ daddeke nuft, atte garvodam mi gavdnu­juvvujep, ja alasak æp.

⁴ Dastgo nuft gukka go dam goađest mi orrop, de mi maida noađe vuold šuokkep: dade­mield go nullujuvvut æp mi aigo, mutto garvo­tuvvut, vai dat, mi jamolaš læ, ællemest šadda njillujuvvut.

⁵ Mutto gutte min dam varas rakadi, Ibmel læ, gutte maida vuoiŋa migjidi nanostussan addam læ.

⁶ Damditti mi alelessi roakadlaǯak læp, jos­joge mi diettep, atte, nuft gukka go goađest mi læp rubmaš sist, de mi Ibmel lut æp læk.

⁷ — Dastgo osko sist mi vagjolæp, æp oaid­nem sist. —

⁸ Almaken mi dorvolaǯak læp, ja buoreb miela adnep rubmašest erit sirddet, ja sidastæmek orrot hærramek lut.

⁹ De damditti mi maida barggap, daihe mi sidastæmek læp, daihe æp sidastæmek læk, sunji dokkit;

¹⁰ dastog mi buokak ittet galggap Kristus duobmostuolo ouddi, vai juokkaš dam mield oaǯo, mi dakkujuvvum læ rubmašest, dam mield, maid dakkam læ, lekkus buorre daihe bahha.

¹¹ De damditti go hærra balo mi diettep, de mi bivddep olbmuid vuoittet, mutto almosak læp Ibmel audast; ja mon doaivom vela, atte mi al­mosak šaddam læp din oamedovddoi.

¹² Dastgo æp mi læk fastain ramadallamen din vuosstai, mutto digjidi ašše mi addep mist [ 568 ]ramadallat, vai di maidegen sin vuosstai oaǯǯo­bættet, guđek olgoldas hamest ramadallamen læk, ja æi vaimost.

¹³ Dastgo jos appar ramadallamen mi læp, de dat læ Ibmel ditti, daihe mi vuollegaš læp, de dat læ din ditti.

¹⁴ Dastgo Kristus rakisvuotta min naggi,

¹⁵ dam duobmededin, atte, jos oft buokai audast jami, de buokak jabmam læk; ja son buokai audast jami, amasek si, guđek ællemen læk, ald­sesek šat æmbo ællet, mutto sunji, gutte jabmam læ ja bajasčuoǯǯelam læ sin audast.

¹⁶ Atte dastmaŋas æp mi ovtage dieđe oaǯe mield; mutto jos mi maida Kristus diettam læp oaǯe mield, de æp mi šat æmbo su nuft dieđe.

¹⁷ Atte, jos guttege Kristus sist læ, de ođđa sivnadussa son læ; dat, mi boares læi, vassam læ, gæč! buok ođđasen læ dakkujuvvum.

¹⁸ Mutto dat buokrakkan Ibmelest læ dakku­juvvum, gutte soavati min ječaines Jesus Kristus boft, ja soavatusa amat migjidi addi.

¹⁹ Go Ibmel Kristus sist mailme ješječaines soavati, loǥatallakættai sigjidi sin suddoidæsek, ja soavatusa sanid migjidi addi.

²⁰ Sane sarnedægjek mi damditti læp Kristus sajest, nuftgo Ibmel ravvijægje læ min čađa; Kristus sajest mi rokkadallap: addet ječaidædek soavatuvvut Ibmelin.

²¹ Dastgo son, gutte suddo i diettam, su son suddon dakkam læ min audast, vai su sist mi vanhurskesen dakkujuvvušeimek Ibmel audast.

[ 569 ]

6. Kapittal.

¹ Mutto nuftgo barggoguoimek migis ravvi­jep, amadek di duššeditti vuosstaivalddam læt Ib­mel armo;

² — dastgo son sardno: gullim du armo aige, ja vækketim du bæsstem bæive, gæč! dal læ armo aigge, gæč! dal læ besstujume bæivve, —

³ ja æp guđege dafhost mi værranattemen læk, amas amat šaddat laittujuvvut;

⁴ mutto juokke dafhost Ibmel balvvalægjen mi ječaidæmek čajetæp: stuorra gierdavašvuođain, givsin, hæđest, baloin,

⁵ cabmijuvvum, giddagasain, vuosstaihaǥost, vaivin, goccemest, nælgest,

⁶ butesvuođain, oappavašvuođain, gukka gier­davašvuođain, buorre miellalašvuođain, basse vuoi­ŋain, duot rakisvuođain;

⁷ duotvuođa saniguim, Ibmel famoin, vanhur­skesvuođa værjoiguim olgiš ja guro gieđa bæld;

⁸ gudne ja æppegudne dillest, bahha nama ja buorre nama vuold; nuftgo fillijægjek, ja almaken duođalaǯak;

⁹ boassto dubmijuvvum, ja daddeke dovddu­juvvum; nuftgo si, guđek jabmemen læk, ja gæč! mi ællep; nuftgo si, guđek rangaštusa vuold læk, ja daddeke æi goddujuvvum;

¹⁰ nuftgo si, guđek morrašest læk, almaken alelessi illolaǯak; nuftgo vaivašak, guđek dad­deke ædnagid riggasen dakkek; nuftgo si, gæin i mikkege læk, ja daddeke gæin buok læ.

¹¹ Di Korinthialaǯak! min njalbmamek [ 570 ]ravastuvvum læ digjidi, min vaibmomek læ galljom.

¹² Dist i læk garǯe sagje sistamek, mutto din vaibmo læ garǯe;

¹³ mutto vuoigadlaš mavso ditti, — mon sarnom nuftgo manaidassam: — galjodækket di maida vaimoidædek.

¹⁴ Allet heivvimættom gæssa vuollai mana æppeoskolaǯaiguim; dastgo mi særvvamvuođaid læ vanhurskesvuođa verudaǥain? ja maid særvolaš­vuođaid adna čuovgas sævdnjadassain?

¹⁵ ja mi soavalšvuođaid lægo Kristus ja Be­lial gaskast? daihe maid oasalašvuođaid adna oskolaš olmuš æppeoskolaš olbmuin?

¹⁶ Maid guoibmevuođaid adna Ibmel tempal æppeibmeliguim? dastgo ælle Ibmel tempal di læppet, nuftgo Ibmel cælkkam læ: mon sin ga­skast assat aigom, ja sin gaskast vagjolet aigom; ja mon aigom sin Ibmel læt, ja sin galggek muo olbmuk læt.

¹⁷ De damditti sin gaskast erit vuolgget, ja čuolddet ječaidædek, goččo hærra, ja allet mai­degen buttesmættomvuođaid likkatalla; ja mon din vuosstaivalddet aigom;

¹⁸ ja mon aigom læt din aččadek, ja di galg­gabættet muo barnek ja muo nieidak læt, cælkka hærra, dat buokvæǥalaš.

7. Kapittal.

¹ De damditti, go mist daggar loppadusak læk, di æcalaǯak! de butestækkop mi ječaidæmek oaǯe ja vuoiŋa duolvain, ja barggop mi [ 571 ]bassendakkujubmamek ollasen dakkat Ibmel balost.

² Vuosstaivaldet min! æp mi gæsagen læk verid dakkam, æp mi ovtage læk fillim, æp mi ovtage læk bættam.

³ Dam mon im soaimatussan cælke; dastgo cælkkam jo læm, atte di min vaimost læppet ovtast jabmet, ja ovtast ællet.

⁴ Muo roakadvuotta stuores læ din vuosstai; dist mon sagga ramadallam, jeđđitusain mon læm devddujuvvum, must hui sagga stuorra illo læ buok hæđestæmek.

⁵ Dastgo Masedoniai boattam, de min oaǯest orrommaššo i læm, mutto juokke lakkai atestussa læi; olgoldasat riddo, siskaldasat ballo.

⁶ Mutto Ibmel, gutte morraštegjid jeđđijægje læ, min jeđđi Titus boattem boft;

⁷ daddeke i dušše fal su boattem boft, mutto maida dam jeđđitusa boft, main son dist jeđđı­juvvum læ, go din angastæme son migjidi muit­tali, din čierrom, din angervuođaid muo bællai; atte ain stuorrab illoi mon šaddim.

⁸ Dastgo jos maida din bavčagattim dom gir­jin, im de gađa, jos lifčim gattam; dastgo oainam, atte girje din bavčagatti, jošjoge dušše oanekassi.

⁹ Dal ilost læm, im damditti go di morraši šaddaidek, mutto dam ditti go morraši di šaddai­dek buorradusa guvllui: dastgo morraši šaddaidek Ibmel guvllui, atte æppet guđege lakkai di læk vahagattujuvvum mist.

¹⁰ Dastgo moraš Ibmel ditti jorggalæme dakka audogasvutti, maid olmuš i gađa; mutto mailme [ 572 ]moraš dakka jabmem.

¹¹ Dastgo gæč! aido dat, atte morraši di šad­daidek Ibmel guvllui, maggar angervuođa dat digjidi daǥai! ja bæloštus, ja moare, ja balo, ja angastæme, ja ælšarvuođa, ja rangaštus; juokke harrai di læppet čajetam, atte buttasak di læppet dam daǥo dafhost.

¹² De damditti, go digjidi čallim, de i dat læm su ditti, gutte verid daǥai, ige su ditti, gutte verid gilai; mutto vai min angervuottamek din audast Ibmel čalmi audast din lut almostuvvuši.

¹³ De damditti mi jeđđijuvvum læp dam jeđ­đitusa boft, maid dist mi oaǯoimek, mutto ain sagga stuorrab illoi mi šaddaimek Titus ilo ditti, dastgo su vuoiŋ ervosmattujuvvum læ dist buokain.

¹⁴ Dastgo jos din sagga ramedam læm sunji, de hæppad vuollai im læk šaddam; mutto nuftgo mi juokke dafhost duotvuođa digjidi læm sard­nom, de læ maida min ramadæbmamek din ditti Titusi šaddam duotvuottan.

¹⁵ Ja hui stuorra rakisvuotta sust læ digjidi, go din buokai gullolašvuođa son muitta, moft di balost ja doargestæmest su vuosstaivaldidek.

¹⁶ Ilost læm, go juokke dafhost din ala oskal­det matam.

8. Kapittal.

¹ Mutto mi dieđetep digjidi, veljačak! dam Ibmel armo, mi Masedonia særvvegoddidi addu­juvvum læ;

² atte, josjoge si saggarak hæđe čađa [ 573 ]gæččaluvvujegje, de šaddai sin stuorra illo ja sin stuorra vaivašvuotta stuorra riggesvuottan sin šiega vai­mosek ditti.

³ Dastgo æfto datost si gærggad legje rađe­sek mield, — dam mon duođaštam, — vela ra­đesek bagjel;

⁴ rokkadalladedin mist ædnag sarnotaddamin sin addaldaǥaid ja væke vuosstaivalddet dai vai­vaš basi varas.

⁵ Ja æi si dušše fal dakkam, maid mi doai­voimek, mutto si adde vela ječaidæsek, vuost hær­rai, ja de maida migjidi, Ibmel dato mield.

⁶ Atte Titus mi læp ravvim, nuftgo auddal son jo riebmam læi, de nuft maida dam buorre daǥo din luttadek ollašubmai buftet.

{{verse|8|7} Mutto nuftgo di juokke dafhost valljogas læppet, oskost ja oapost, ja dieđost, ja buok an­gervuođast, ja rakisvuođast migjidi, de barggat dal valljogassam šaddat maida dam buorre dakkoi.

⁸ Dam mon im naggim lakkai cælke, mutto dai ærrasi angervuođa čađa din rakisvuottadek duotvuođa mon gæččalet aigom.

⁹ Dastgo di diettebættet min hærramek Jesus Kristus armo, atte din ditti son vaivaš šaddai, go rigges læi, vai di su vaivašvuođa boft šaddašei­dek riggasen.

¹⁰ Ja muo arvvalusa dam birra mon cælkam; dastgo dat digjidi avkalaš læ, di, guđek jo dimag buok audemussta æppet dušše fal riebmam dak­kat, mutto maida dattot.

¹¹ Mutto ollašubmai dam dal maida dakkat, [ 574 ]vai, nuftgo gærggadvuotta læi dattot, nuft maida ollašubme læ vare mield.

¹² Dastgo jos buorre miellalašvuotta læ, de juokkaš dokkalaš læ dam mield, mi sust læ, i dam mield, mi sust i læk.

¹³ Dastgo im aigo ærra olbmuidi gæppanæme, mutto digjidi hæđe;

¹⁴ mutto oft dillalašvuođa mield, atte din valljevuottadek dal sin vajegvutti væken boatta, vai maida sin valljevuotta dastmaŋŋel din vajegvutti vækken boatta, vai oft dillalašvuotta šaddaši,

¹⁵ nuftgo čallujuvvum læ: gutte ollo čokki, sust valljogasvuotta i læm; ja gutte uccanaš čokki, sust vajegvuotta i læm.

¹⁶ Mutto Ibmeli gittos, gutte bovti dam an­gervuođa dist Titus vaibmoi;

¹⁷ dastgo ravvag galle son vuosstaivaldi; mutto go su ječas duokken ain stuorrab anger­vuotta læi, de mielastes son din lusa vulgi.

¹⁸ Mutto sunji guoibmen mi maida dam velja vuolgateimek, gutte buok særvvegoddin rame­duvvum læ angervuođastes evangelium sist,

¹⁹ mutto i dušše fal dat, mutto son særvve­goddin maida asatuvvum læ migjidi maŧkkeguoib­men mannat dain addaldagain, mi mist doaima­tuvvu, hærrai gudnen, ja din buorre vaibmoi ramadussan;

²⁰ dastgo mi ječaidæmek varotæp, amas gut­tege min værratet dam valljogas væke dafhost, mi mist doaimatuvvu:

²¹ dam audast, mi buore læ, angervuođa [ 575 ]anededin, æp dušše fal hærra čalmi audast, mutto maida olbmui čalmi audast.

²² Mutto sin farroi mi bigjam læp dam velja, gæn ædnag dafhost mi davjarak ælšaren gavdnam læp, mutto dal sagga angerabbo læ dam stuorra oskaldamvuođa ditti digjidi.

²³ Lægo dat nabbo dalle Titus, gæn birra sadne læ, de son muo velljam læ, ja barggoguoibmam din lut; daihe dat læ min veljak, gæi birra sadne læ, de si læk særvvegoddi apostalak, Kristus gudne;

²⁴ addet sigjidi damditti særvvegoddi čalmi audast dieđaštusaid din rakisvuođast, ja dam ala, man ditti mi læp ramedam din.

9. Kapittal.

¹ Dastgo im darbaš digjidi čallet væke daf­host basidi,

² dastgo din buorre miellalašvuottadek mon dieđam, man ditti din Masedonialaǯai lut ramedam, cælkededin: Akaja jo garves læi jaǥe gæčest; ja dat angervuotta, mi dist læi, ædnagid æljosmatti.

³ Mutto veljaid mon vuolgatim, amas ramadus­samek din birra dago dafhost duššen dakkujuv­vut, vai di, nuftgo celkkim, garvvasen šaddašeidek;

⁴ amamek, jos Masedonialaǯak muo farroi šaddaši ja jos si æi gavnaši din garvvasen, — mi dalle, amamek cælkket, amadek di dalle, hæppad vuollai šaddat dam min dorvolaš ramadussamek ditti.

⁵ Darbašlaǯǯan damditti adnim veljaid ravvit, vai audelaš din lusa si vuolgaši, ja dam din lop­peduvvum addaldaǥa auddal gærgatet, vai garves [ 576 ]dat læ nuftgo buristsivneduvvum, ja i nuftgo ha­nes addaldak.

⁶ Dastgo dat duot læ: gutte hanesvuođa mield gilvva, son hanesvuođa mield lagji, ja gutte bu­ristsivnadusa mield gilvva, son maida buristsivna­dusa mield lagji.

⁷ Addus juokkaš dademield go vaimostes læ arvvalam, i morrašin, ige dato bagjel; dastgo rakisen adna Ibmel illolaš adde.

⁸ Mutto Ibmel gieđast galle læ buok armo arvaset digjidi golgatet; atte dist alelessi, juokke dafhost, buokrakkan læ, maid di darbašæpet, ja atte valljogasvuotta dist læ buok buorre daǥo varas;

⁹ nuftgo čallujuvvum læ: son biđgi, addi vai­vašidi; su buorrevuot aǥalaš aiggai bissta.

¹⁰ Mutto gutte gilvveolbmai gilvvagid adda ja laibe borram varas, son maida digjidi gilvvagid addet ja daid lassetet aiggo, ja din buorrevuottadek šaddoid ædnagen son dakkat aiggo;

¹¹ vai juokke daffhoi di riggušeidek duođa­laš rakisvuođa daǥoidi, mai boft, min čađa, gitto­lusak Ibmeli dakkujuvvujek;

¹² dastgo dam væke doaimatubme i dušše fal dai basse oskolaǯai vuorradusa vækket, mutto rig­ges šaddoid šaddadæmen læ ædnag gittolusai boft Ibmeli,

¹³ — go si dam dist sigjidi čajetuvvum buorrevuođast Ibmel gittek din gullolašvuottadek ditti Kristus evangelium duođaštet, ja din duođa­laš rakisvuođa daǥo ditti sin vuosstai ja buokai vuosstai, —

[ 577 ]¹⁴ ja sin rokkus boft din audast, go vaimo­stæsek si din rakisen adnek Ibmel hui stuorra armo ditti din vuosstai.

¹⁵ Mutto Ibmeli gittos su cælkkemættom ad­daldaǥast.

10. Kapittal.

¹ Mutto mon Paulus ješ din ravvim Kristus lojesvuođa ja lađesvuođa boft, mon, gutte vuol­legaš galle læm din lut ælededin, mutto, go din lut im læk, de duobmarvuođa din bagjel anam.

² Mutto mon rokkadallam, amam, lut ælede­dinam, mon dam duobmarvuođa darbašet adnet dam dorvolašvuođain, main must miella læ jallo læt muttom olbmui vuosstai, guđek min oaǯe mield vagjolæmen lokkek.

³ Dastgo ælededin galle oaǯest, æp mi alma­ken oaǯe mield gilvvomen læk,

⁴ — dastgo min soatteværjok oaǯalaš æi læk, mutto Ibmel audast famolaǯak duššadet, mi vuos­stai ječas bigja, —

⁵ arvvalusaid duššadedin, ja buok allagvuođa, mi Ibmel dieđo vuosstai ječas bajed, ja buok jurddagid gidda valdededin Kristus gullolašvuođa vuollai,

⁶ ja garvvasak læp buok æppegullolašvuođa rangaštet, go din gullolašvuottadek ollašubmai læ dakkujuvvum.

⁷ Gæččabættet di olgoldas hame bællai? jos guttege vaimostes oskald, atte Kristus olmuš son læ, de bigjus son fastain jurddagides vuollai, [ 578 ]atte, nuftgo son Kristus olmuš læ, nuft maida migis Kristus olbmuk læp.

⁸ Jos vela æmbo ramadallat riemašim dam min famostæmek, maid hærra migjidi addam læ bajas­rakadussan ja i din hævo varas, de im hæppad vuollai boađaši.

⁹ Amam orrot dego girjiguim din suorgatet datušim,

¹⁰ — dastgo girjek, si makka celkkek, garas læk ja famolaǯak, mutto rubmaš lutællem hægjo læ, ja sardne laives, —

¹¹ de jurdašekkus daggar olmuš dam, atte maggarak mi, erit ælededin, saniguim girji boft læp, daggark mi maida, lut ælededin, aiggop læt daǥo sist.

¹² Æp mi galle duosta jeaidæmek sin særv­vai lokkat, daihe ječaidæmek sin boft værdedet, guđek ječaidæsek ramedek; mutto æi si arved, atte si ješječaidæsek mield ječaidæsek dubmijek, ja ječaidæsek værdedek ješječaidæsek boft.

¹³ Mutto dast æp mi ramadallamen læk, mi migjidi mærreduvvum i læk; mutto dast, atte mærreduvvum raja mield, dam raja, maid Ibmel migjidi addam læ, vela din lusa boattam læp.

¹⁴ Dastgo ragjamek bagjel æp mi lavke, dego si, guđek din ragjai æi ollam læk; dastgo vela din ragjai mi boattam læp Kristus evangelium sist.

¹⁵ De dast, mi migjidi mærreduvvum i læk, ærra olbmui bargost, æp mi ramadallamen læk; mutto mist doaivvo læ, go din ossko auddanæmen læ, de din boft, dam migjidi addujuvvum asatusa [ 579 ]mield, sagga vidasabbuid bæssat,

¹⁶ evangelium sigjidi sarnedet, guđek dom bæld din assamen læk: mutto æp dast mi rama­dalla, mi nubbe olbmui læi mærreduvvum, dast, mi jo læ ollušuvvum.

¹⁷ Mutto gutte ramadalla, ramadallus son hærra sist!

¹⁸ Dastgo i son, gutte ječas maidno, dokka­laǯǯan gavdnujuvvum læk, mutto son, gæn hærra maidno.

11. Kapittal.

¹ Vare di ucca jallagvuođaš must datušeidek gillat! mutto dieđam galle, di dam gillabættet.

² Dastgo anger læm din ditti Ibmel anger­vuođain; dastgo loppedattam læm din oft olbmai, Kristusi bigjam ditti butes nieida.

³ Mutto balost læm, atte, nuftgo gærmaš gav­velvuođaines Eva beti, nuft šadda maida din mielladek billašuvvut, atte dat dam oftgærdasaš­vuođast erit hæitta, mi Kristus lusa doalvvo.

⁴ Dastgo jos guttege boatta, ja sarnedægje læ muttom ærra Kristus, gæn mi æp sarnedam, daihe di muttom ærra vuoiŋa oaǯǯobættet, gæn mist di æppet oaǯǯom, daihe muttom ærra evangelium, maid di æppet mist vuosstaivalddam, de galle su di gillabættet.

⁵ Doaivom mon galle, vuoleb im læk go dak sagga alla apostalak.

⁶ Mutto jos čuorbbe læm saǥaidassam, de im daddeke nuft læk dieđo harrai; mutto juokke [ 580 ]dafhost ja buok lakkai mi almostuvvum læp luttadek.

⁷ Dakkimgo suddo, go ječčam vuolledim, vai di aleduvvušeidek, go aibas balkataǥa Ibmel evan­gelium mon digjidi sarnedim?

⁸ Ærra særvvegoddi æloid mon valddim, sist balka valdedin, din balvvalam ditti; ja go din lut legjim, ja vuorradusast legjim, de almaken im guđege vaivedam;

⁹ dastgo veljak, guđek Masedoniast botte, muo vuorradusa vækketegje; ja buok lakkai ječčam adnam læm, ja ain adnet aigom ječčam din vai­vedkætta.

¹⁰ Nuft duot go KRistus duotvuotta muo sist læ, de dat rabme i galga must erit valddujuvvut Akaia ædnamin.

¹¹ Manditti? damditt go rakisvuođastam din im ane? — Ibmel dam dietta!

¹² Mutto maid daǥam, de ain vela dakkat aigom, vai gæino sigjidi mon duššen daǥam, guđek gæino bivddek, moft si mattek gavdnu­juvvut, nuftgo mi læp, dago sist, man ditti si ječaidæšek ramedek.

¹³ Dastgo daggar værreapostalak bættolaš barggek læk, guđek Kristus apostali hame ba­gjelassasek valddek,

¹⁴ ige dat læk ovdušæmest! dastgo satan ješ čuovgas engel hame bagjelassis valdda;

¹⁵ de damditti galle oavddo i læk, jos su balvvalægjek maida vanhurskesvuođa balvvalegji hame bagjelassasek valddek; sin loap galle šadda sin daǥoidæsek mield.

[ 581 ]¹⁶ Fastain cælkam, ellus oftage muo jallan lokku; mutto jos nuft, de gillat muo nuftgo jalla, vai mongis oaǯom ječčam ramedastet.

¹⁷ Maid dal sarnom, hærra mield im sarno, mutto nuftgo jallavuođast, go daggar nanna oskal­dasvuođain ječčam mon ramedam.

¹⁸ Go ædnagak oaǯe mield ramadallamen læk, de mon maida ječčam ramedet aigom.

¹⁹ Dastgo buorre mielast di galle jallaid gil­labættet, go di daggar jiermalaš olbmuk læppet.

²⁰ Dastgo dam galle di gillabættet, jos gut­tege garra hærravuođa din ala bigja, jos guttege din borra, jos gutege bællasis gæssa, jos guttege ječas bajed, jos guttege din muođoidædek vuos­stai doarsskal.

²¹ Digjidi hæppaden dam cælkam, atte mi dago dafhost njuoras læimek, mutto dast, man ditti guttege oskald, — jallavuođast dal sarnom, — mon maida oskaldam.

²² Lækgo si Ebræalaǯak? de mon maida; læk­go si Abraham sokkagodde olbmuk? mon maida;

²³ lækgo si Kristus balvvalægjek? — jallan mon sarnom, — mon dam æmbo læk; mon æmbo barggam læm, davjabut cabmujuvvum, davjabut giddagassi bigjujuvvum, davja hægga hæđest.

²⁴ Judalaǯai oaǯǯom læm vit gærde njællja loǥe cabmemid oft cabmem vailodedin.

²⁵ Golm gærde rissijuvvum læm, oft gærde geđgiguim časskujuvvum, golm gærde skip hæv­vanæme hæđest, oft birralmbæive mæra favlest.

²⁶ Ædnag maŧkid mon læn dakkam, davja [ 582 ]hægga heđin dænoin, hægga heđin rievvari ga­skast, hægga heđin muo olbmuidam lut, hægga heđin bakkeni lut, hægga heđin gavpugin, hægga heđin mæcest, hægga heđin avest, hægga heđin værre veljai gaskast;

²⁷ bargost ja vaivest, davja igjagoccemest, nælgest ja goikost, davja borakættaivuođast, bo­lašin ja alasvuođast;

²⁸ æreb mi vela dasa boatta: olbmui bæivalaš bagjelimannam, ja moraš buok særvvegoddi audast.

²⁹ Gi læ hægjodillalaš, go mon im læk hæ­gjodillalaš olmuš? šadda guttege værranattujuv­vut, igo dat dalle buollemen læk sistam?

³⁰ Jos ramadallat galgam, de hægjovuođastam ramadallat aigom.

³¹ Ibmel ja min hærramek Jesus Kristus ačče, gutte buristsivneduvvum lekkus aǥalaš aiggai, dietta, atte im giellastalla.

³² Damaskusist gočoi gonagas Areta ædnam­hærra Damasenalaǯai gavpug gattijuvvut, go muo giddavalddet aigoi,

³³ ja lasa čađa væddelitte sist mure bagjel mon vuolas luittujuvvujim, ja nuft velttim mon su gieđain.

12. Kapittal.

¹ Ramadallat munji avkken i læk; de dal oai­natusaid ja hærra almostusaid sardnot aigom.

² Olbmu mon dieđam Kristus sist, gutte aud­dal njællja nubbe lokkai jaǥi — læigo son rub­mas sist, im dieđe, daihe rubmaš olggobæld im [ 583 ]dieđe, Ibmel dietta — goalmad albmai rottišuvui.

³ Ja daggar olbmu dieđam, — læigo rubmaš sist, daihe rubmaš olggobæld, im dieđe, Ibmel dietta! —

⁴ atte paradisa sisa son rottišuvui, ja cælkke­mættom sanid gulai, maid olmuš i oaǯo bægotet.

⁵ Dast ramadallat aigom; mutto ječastam im ramadallat aigo, æreb muo hægjovuođainam.

⁶ Dastgo jos vela ramadallat riemašim, de jal­lan im šaddaši; dastgo duotvuođa sarnušim; mutto dam im daǥa, amas guttege muo alebun jurdašet, go son oaidna muo, daihe must gulla.

⁷ Ja amam dai alla almostusai ditti ječčam goargotet, de munji sæčagas bigjujuvvum læ oaǯǯai; muttom engel satan njalbmam vuosstai muo doarsskalet, amam goargodišgoattet.

⁸ Golm gærde hærrast rokkadallam læm, atte dat muo bagjelist erit hæitaši;

⁹ ja son munji celki: læǥe duttavaš muo arb­moi; dastgo muo fabmo hægjovuođast ollašuvvu. De damditti buorebun anam muo hægjovuođain ramadallat, vai Kristus fabmo muo sist orro.

¹⁰ De damditti duttavaš læm hægjovuođa, bilkadusai, hæđe, vašše, balo dillai Kristus ditti; dastgo go hægjo læm, de famolaš læm.

¹¹ Jallan mon læm šaddam ramadalladedinam: di naggidek muo dasa; dastgo dist mon maidnu­juvvut fertijim, go halbeb im læk go dak sagga alla apostalak, josjoge mon im mikkege læk.

¹² Alma apostal mærkak din gasski dakku­juvvujegje buok gierdavašvuođain, mærkai ja [ 584 ]oavdoi ja væǥalaš daǥoi boft.

¹³ Dastgo goggo læidek di vuoleb go ærra særvvegoddek, ærebgo daggo, go mon ješ di­gjidi vaivven im læm? andagassi munji addet dam værrevuođa!

¹⁴ Gæč, goalmad gærde garves læm din lusa vuolgget, ja im aigo digjidi vaive dakkat; dastgo æloidædek im bivde, mutto din; dastgo manak æi čoagget galga daverid vanhemidi, mutto vanhe­mak manaidi.

¹⁵ Mutto iloin mon addam, mi must læ, vela muo ječčam din sieloidædek audast; josjoge mon, gutte stuorra rakisvuođast din anam, dist uceb rakisvuođast adnujuvum.

¹⁶ Mutto lekkus dat galle nuft, atte mon im læk din vaivedam; mutto sluokas legjim, ja gav­velvuođa čađa din læm valddam?

¹⁷ Læmgo bættam din ovtage boft dain, gæid din lusa bigjim?

¹⁸ Titus mon ravvim din lusa vuolgget, ja guoibmen dom velja vuolgatim; lægo Titus din bættam guđege dafhost? æpgo mi oft vuoiŋast vagjolam læk, ja oft luodai mield?

¹⁹ Gaddebættetgo di fastain, atte ječaidæmek mi aiggop bæloštet din vuosstai? Kristus sist mi sardnop Ibmel čalmi audast, mutto dam buokrak­kan, di æcalaǯak! digjidi bajasrakadussan.

²⁰ Dastgo balam, go boađam, atte im de dalle din daggaren gavna, maggaren din datom, ja atte mon dist gavdnujuvum daggaren, maggaren di muo æppet dato; atte makka læk ridok, [ 585 ]gađašvuotta, moarre, bælkok, sælgebæld saǥak, bælje savkastallamak, čævlaivuotta, sivvotesvuođak;

²¹ atte, go fastain boađam, muo Ibmel dalle muo vuolledæmen læ din lut, ja atte morraši mon šaddam ædnag olbmui ditti, guđek auddal suddo­degje, ja buoreb guvllui æi læk jorggalam sin nuosskevuođast ja furušæmest ja vacišvuođast, maid si dakkam læk.

13. Kapittal.

¹ Dam goalmad gærde din lusa boađam. Guoft daihe golm duođaštegji njalme boft galgga juokke ašše nannijuvvut.

² Læm jo auddal cælkkam, ja vela cælkam, nubbe gærde, dego lut lifčim, josjoge dal din lut im læk, sigjidi, guđek auddal suddodegje, ja buok ærrasidi, atte, jos fastain boađam, im de dalle sæste;

³ go di duođaštusa gaibedæppet, atte Kristus muo sist sardnomen læ, son, gutte din lut hægjo i læk, mutto famolaš din sist;

⁴ dastgjo josjoge hægjovuođast russinavlijuvui, de Ibmel famo čađa almaken son ælla; ja josjoge migis maida hægjo læp su sist, de mi oftanaǥa suin ællemen læp din lut Ibmel famo čađa.

⁵ Guoratallat ješječaidædek, jos di oskost læppet; sogardækket ješječaidædek; daihe æppetgo ješječaidædek dieđe, atte Jesus Kristus sistadek læ? alma di dalle læppet dokkimættomak.

⁶ Mutto mon doaivom, di šaddabættet diettet, atte æp mi læk dokkimættomak.

[ 586 ]⁷ Mutto Ibmelest rokkadallam, amadek di mai­degen bahaid dakkat: im, vai mi dokkalaǯǯan oidnujuvvušeimek, mutto vai di burid daǥašeidek, jos vela oruši, dego mi dokkimættomak lifčimek.

⁸ Dastgo æp mi mate maidegen duotvuođa vuosstai, mutto duotvuođa audast.

⁹ Dastgo mi illodæp, go mi hægjo læp, mutto di famolaǯak; mutto dam maida aiggop, atte di šaddabættet ollasen.

¹⁰ De damditti, erit ælededinam, mon dam čalam, amam, lut ælededinam, garasvuođa darba­šet adnet dam famo mield, maid hærra bajasraka­dussan munji addi, ja i vuolas njeiddujubmen.

¹¹ Ærra dafhost, veljačak! illodækket, šaddat ollasen, ravvijækket gutteg guimidædek, lækket oft miellalaǯak, lækket rafhalaǯak; ja rakisvuođa ja rafhe Ibmel dalle luttadek læ.

¹² Diervuođaid dakkat gutteg guimidassadek basse cumain; buok basse oskolaǯak digjidi dier­vuođaid celkkek.

¹³ Min hærramek Jesus Kristus arbmo, ja Ibmel rakisvuotta, ja bassevuoiŋa særvvevuotta digjidi buokaidi! Amen.

[Maŋeb girje Korinthialaǯaidi čallujuvui Phi­lippist Masedonia sist Titusin ja Lukasin.]