Hærramek ja bæsstamek Jesus Kristus ođđa Testament/St. Paulus girje Titusi

[ 671 ]

St. Paulus girje Titusi.

1. Kapittal.

Paulus, Ibmel balvvalægje, ja Jesus Kristus apo­stal, Ibmel valljijuvvum olbmui osko sarnedet ja duotvuođa dieđo, mi Ibmelballolašvutti, doalvvo,

² aǥalaš ællem doaivodedin, maid Ibmel, gutte i giellastalla, aǥalaš aigi rajast jo loppedam læ,

³ mutto dal aigestes sanes almostattam læ dam sarne čađa, mi munji oskalduvvum læ, Ibmel min bæsstamek goččom mield:

⁴ Titusi, muo rieftes bardnai, dam oftasaš osko mield: arbmo, vaimolađesvuotta, raffhe Ibmelest ačest ja hærrast Jesusest Kristusest, min bæsste­stæmek!

⁵ Damditti du Kretai guđđim lagedam ditti, mi vailoi, ja vuorrasid juokke gavpugi asatet, nuftgo du ravvijim:

⁶ jos daggar læ mainnetæbme, oft nisson boadnja, gæst oskolaš manak læk, guđek guod­deluvvum æi læk vacišvuođa ditti, æige æppe­gullolaš læk;

⁷ Dastgo bisp galgga galle læt mainnetæbme, nuftgo Ibmel dalodoalle, gutte aive ječas miela mield i ællet aigo, gutte i sutolaš læk, vidnai i [ 672 ]vaimel, ige vaimel cabmet, ige nævrre vuittui vaimel;

⁸ mutto buorre maŧkkeolbmui vuosstai læ, gutte rakisen adna, mi buorre læ, gutte jiermalaš læ, vanhurskes, basse, butes;

⁹ gutte duot sanest bisovaǯǯan orro oapo mield, vai son sikke ravvit matta dam diervas oapo boft, ja sigjidi duotvuođa čajetet, guđek vuosstai naggijek.

¹⁰ Dastgo ædnagak gaǯǯarak læk, duššalaš saǥaid adnek ja bættolaǯak, ænemusat si, guđek birračuppujuvvum læk,

¹¹ gæidi javotuttujuvvut fertijek njalmek, dast­go obba daloid si moivašuttek, oapatedin, mi heivvimættom læ, nuoskes avke ditti.

¹² Muttom sist, sin ječaidæsek prophet, celki: Kretalaǯak alelessi giellastallek, bahha spirik si læk, laikes čoavjek.

¹³ Dat duođaštussa duot læ. De damditti rangašt sin garaset, vai diervasak si šaddek oskost,

¹⁴ ja amasek judalaš cufcasid ja olbmui bakkomid si doattalet, guđek duotvuođa bælest ječaidæsek jorggalek.

¹⁵ Buok galle butes læ buttasidi, mutto nuo­skes ja æppeoskolaš olbmuidi i mikkege butes læk, mutto sin jurddagidæsek ja sin oamedovddo­sek duolvvam læk.

¹⁶ Si dovdastek galle Ibmel diettet, mutto daǥoidæsekguim si biettalek su, dastgo fastes si læk ja æppegullolaǯak ja buok buorre dakkoi dokkimættosak.

[ 673 ]

2. Kapittal.

¹ Mutto don, sarno, mi diervas oappoi soappa:

² atte boares olbmak morriš galggek lt, sivo­laǯak, jiermalaǯak, diervasak oskost, rakisvuođast, gierdavašvuođast;

³ nuft maida, atte boares nissonak adnet galg­gek ječaidæsek biftasi sist, nuftgo basse nissonidi soappa, æi si galga læt sælgebæld sardnok, æi ollo vidnai vaimelak, mutto buorre bagadus si addet galggek;

⁴ atte nuorra nissonid si bagadek boadnjaidæsek rakisvuođast adnet, ja manaidæsek rakisen adnet,

⁵ jierbmajen ællet, butesen, atte si dalosek ec­cek, atte buorremiellalaǯak si læk, boadnjaidassasek vuolebuǯak; amas Ibmel sadne bilkadussam šaddat.

⁶ Ravve maida nuft nuorra olbmaid jierma­laǯǯan ječaidæsek adnet;

⁷ juokke lakkai auddamærkkan ješječčad čaje­dedin buorre daǥoi harrai, ja du oappod sist butesvuođa, duotvuođa,

⁸ diervas, laittemættos sanid sarned, vai vuos­staičuoǯǯo hæppad jufsa, go sust i mikkege ba­haid læk din oaivvai sardnot.

⁹ Ravve balvvalegjid hærraidassasek vuole­buǯak læt, juokke harrai sin miela mield ječaid­æsek adnet, ja æi vuosstainaggit,

¹⁰ atte bættolašvuođaid si æi galga dakkat, mut­to buok buorre oskaldasvuođa čajetet; atte Ibmel min bæsstamek oapo si juokke harrai gudniettek.

¹¹ Dastgo Ibmel audogassandakke arbmo al­mostuvvum læ buok olbmuidi,

[ 674 ]¹² mi bagad ibmelmættomvuođaid ja mailmalaš anestumid erithæittet, ja bagad min jierbmalaǯǯan ja vanhurskesen ja ibmelballolaǯǯan dam mailmest ællet;

¹³ audogastvuođa doaivo vuordededin, ja dam stuorra Ibmel ja min bæsstamek Jesus Kristus hærvasvuođa almostusa,

¹⁴ gutte ješječas addi min audast, buok ibmel­mættomvuođast min lonestet, ja olbmuid aldsis ol­mučines butestet, guđek buorre daǥoidi angerak læk.

¹⁵ Dam sarno ja ravve, ja værat buok duob­marvuođain; ale gæsagen adde du bagjelgæččat!

3. Kapittal.

¹ Ravve sin vuolebuǯak læt rađđijegjedi ja essevaldidi, sin jægadet, buok buorre dakkoi gærg­gad læt;

² ravve atte æi si bilked, atte æi si læk bæl­kalaš, mutto gočo sin vuoigadlaǯak læt, ja buok lojesvuođa čajetet buok olbmuidi.

³ Dastgo mi maida jiermetæmek læimek, æppe­gulok, čajedægjek, anestumidæmek gieđast, ja ædnag himoidi vuluǯak, bahhavuođa ja gađašvuođa sist ælededin, fastes, guim guimidæmek vaššest anededin.

⁴ Mutto go Ibmel min bæsstamek armogas­vuotta ja rakisvuotta olbmuidi almostuvui,

⁵ de, i dai vahurskesvuođa daǥoi ditti, maid mi læp dakkam, mutto su vaimolađesvuođas mield, son min bæsstam læ fastrieǥadattujume lavgo boft ja ođđasmattujume boft bassevuoiŋa boft,

⁶ gæn arvaset min bagjel son læ golgatam [ 675 ]Jesus Kristus, min bæsstamek, boft.

⁷ vai mi, su armost vahurskesen dakkujuv­vum, doaivvomek mield, aǥalaš ællem arbbijægjen dakkujuvvušeimek.

⁸ Dat jaketatte sardne læ, ja dam mon aigom don nannit galgak, vai si, guđek Ibmel ala osskom læk, æmbo go ærrak barggat galggek buorre da­ǥoid dakkat. Dat olbmuidi buorre læ ja avkalaš.

⁹ Mutto ane ječčad erit jalla gaččaldaǥain, ja sokkagodde loǥoin, ja ridoin ja nagoin laǥa birra; dastgo dak joavdelas ja duššalaš læk.

¹⁰ Gutte soappamættomvuođai ala vigga, sust batar, go oft guoft gærde don cuoiggodam læk su,

¹¹ dieđededin, atte jorggo olmuš daggar læ, ja suddoid dakka, ječaldes dubmijuvvum.

¹² Go Artemas du lusa bijam, daihe Tyki­kus, de barga muo lusa boattet Nikopolissi; dastgo arvvalam læm dam dalve dobbe orrot.

¹³ Ane morraš Senas, dam lakoappavaš, ja Apollos maŧke audast, amas mikkege vajegvuo­đaid sodnust læt.

¹⁴ Harjanekkusek min olbmuk æmbo go ærrak buorre daǥoid dakkat darbaslaš vækken, amasek si šaddotaǥa šaddat.

¹⁵ Buokak, guđek muo lut læk, dunji dier­vuođaid celkkek. Diervuođaid cælke sigjidi, gu­đek rakisvuođast min adnek osko sist. Arbmo digjidi buokaidi! Amen.

[Titusi, Kretensalaǯai særvegodde vuostas val­ljijuvvum bispa, Nikopolisast Masedonia sist čallujuvui.]