Jv/Kakawin Nāgarakṛtâgama/Pupuh 1
Pupuh 1 - Jagaddhita 
1.
- a. Oṃ nāthāya namo 'stu te stutining atpada ri pada bhaṭāra nityaśa
- b. sang sūkṣmêng tĕlĕnging samādhi Śiwa Buddha sira sakala niṣkalātmaka
- c. sang śrī Parwatanātha nāthaning anātha sira ta patining jagatpati
- d. sang hyangning hyang iniṣṭy acintyaning acintya hana taya tĕmahnirêng jagat.
- ꦎꦀꦤꦴꦡꦴꦪꦤꦩꦺꦴꦱ꧀ꦠꦸꦠꦺꦱ꧀ꦠꦸꦠꦶꦤꦶꦔꦠ꧀ꦥꦢꦫꦶꦥꦢꦨꦛꦴꦫꦤꦶꦠꦾꦯ꧈
- ꦱꦁꦱꦹꦏ꧀ꦱ꧀ꦩꦺꦁꦠ꧀ꦭꦼ ꦔꦶꦁꦱꦩꦴꦣꦶꦯꦶꦮꦧꦸꦢ꧀ꦣꦱꦶꦫꦰꦏꦭꦤꦶꦰ꧀ꦏꦭꦴꦠ꧀ꦩꦏꦴ꧈
- ꦱꦁꦯꦿꦷꦥꦮ꧀ꦮꦂꦠꦤꦴꦡꦤꦴꦡꦤꦶꦔꦤꦴꦡꦱꦶꦫꦠꦥꦠꦶꦤꦶꦁꦗꦒꦠ꧀ꦥꦠꦶ꧈
- ꦱꦁꦲꦾꦁꦤꦶꦔ꧀ꦲꦾꦔꦶꦤꦶꦰ꧀ꦛꦾꦕꦶꦤ꧀ꦠꦾꦤꦶꦔꦕꦶꦤ꧀ꦠꦾꦲꦤꦴꦮꦪꦃꦤꦶꦫꦺꦁꦗꦒꦠ꧀ ꧅
2.
- a. byāpi byāpaka sarwatattwagata nirguṇa sira ring apakṣa weṣṇawa
- b. ring yogīśwara Poruṣêng Kapila Jambhala sakala sira n hyang ing dhana
- c. śrī Wāgindra sira n hyang ing sakalaśāstra Manasija siring smarāgama
- d. ring wighnotsaraṇaprayoga Yamarāja sira makaphala ng jagaddhita.
- ꦧꦾꦴꦥꦶꦧꦾꦴꦥꦏꦱꦮ꧀ꦮꦂꦠꦠ꧀ꦮꦒꦠꦤꦶꦒꦸꦟꦱꦶꦫꦫꦶꦔꦥꦏ꧀ꦱꦮꦺꦰ꧀ꦟꦮ꧈
- ꦫꦶꦁꦪꦺꦴꦒꦷꦯ꧀ꦮꦫꦥꦺꦴꦫꦸꦰꦺꦁꦏꦥꦶꦭꦗꦩ꧀ꦨꦭꦱꦏꦭꦏꦭꦱꦶꦫꦴꦤ꧀ꦲꦾꦔꦶꦁꦣꦤ꧈
- ꦯꦿꦷꦮꦴꦒꦶꦤ꧀ꦢꦿꦱꦶꦫꦴꦤ꧀ꦲꦾꦔꦶꦁꦱꦏꦭꦯꦴ ꦱ꧀ꦠꦿꦩꦤꦱꦶꦗꦱꦶꦫꦺꦁꦱ꧀ꦩꦫꦴꦒꦩ꧈
- ꦫꦶꦁꦮꦶꦓ꧀ꦤꦺꦴꦠ꧀ꦰꦫꦤ ꦥꦿꦪꦺꦴꦒꦪꦩꦫꦴꦗꦱꦶꦫꦩꦏꦥꦭꦁꦗꦒꦢ꧀ꦣꦶꦠ ꧅
3.
- a. nāhan doning umastutī padanirâhyun umikĕta kathe nareśwara
- b. sang śrī nātha ri Wilwatikta haji Rājasanagara wiśeṣa bhūpati
- c. sākṣāt janma bhaṭāra nātha sira n anghilangakĕn i kalangka ning prajā
- d. hĕnty angbhūmi Jawâtibhakti manukūla tumuluyi tĕkêng digantara.
- ꦤꦲꦤ꧀ꦢꦺꦴꦤꦶꦔꦸꦩꦱ꧀ꦠꦸꦠꦷꦥꦢꦤꦶꦫꦴꦲꦾꦸꦤꦸꦩꦶꦏꦼꦠꦏꦠꦺꦤꦫꦺꦯ꧀ꦮꦫ꧈
- ꦱꦁꦯꦿꦷꦤꦴꦡꦫꦶꦮꦶꦭ꧀ꦮꦠꦶꦏ꧀ꦠꦲꦗꦶꦫꦴꦰꦤꦒꦫꦮꦶꦯꦺꦰꦨꦹꦥꦠꦶ꧈
- ꦱꦴꦏ꧀ꦱꦠ꧀ꦗꦤ꧀ꦩꦨꦛꦴꦫꦤꦴꦡꦱꦶꦫꦤꦔ꧀ꦲꦶꦭꦔꦏꦼꦤꦶꦏꦭꦔ꧀ꦏꦤꦶꦁꦥꦿꦗ꧈
- ꦲꦼꦤ꧀ꦠꦾꦁꦨꦹꦩꦶꦗꦮꦴꦠꦼꦨꦏ꧀ꦠꦶꦩꦤꦸꦏꦸꦭꦠꦸꦩꦸꦭꦸꦪꦶꦠ꧀ꦏꦺꦁꦢꦶꦒꦤ꧀ꦠꦫ ꧅
4.
- a. ri śākartu śarena rakwa ri wijil nṛpati tĕlas inastwakĕn prabhū
- b. an garbeśwara nātha ring kahuripan wihaganira namā nuṣādbhuta
- c. liṇḍung bhūmi kĕtug hudan hawu gĕrĕh kilat awilĕtan ing nabhasgala
- d. luntur tang himawān ri kāmpudananang kujana kuhaka māti tan pagap
- ꦫꦶꦁꦯꦴꦏꦠ꧀ꦠꦸꦂꦯꦫꦺꦤꦫꦏ꧀ꦮꦫꦶꦮꦶꦗꦶꦭ꧀ꦤꦽꦥꦠꦶꦠ꧀ꦭꦱꦶꦤꦱ꧀ꦠ꧀ꦮꦏꦼꦤ꧀ꦥꦿꦨꦸ꧈
- ꦄꦤ꧀ꦒꦧ꧀ꦨꦺꦂꦯ꧀ꦮꦫꦤꦴꦡꦫꦶꦁꦏꦲꦸꦫꦶꦥꦤ꧀ꦮꦶꦲꦒꦤꦶꦫꦤꦩꦴꦤꦸꦄꦴꦢ꧀ꦨꦹꦠ꧈
- ꦭꦶꦟ꧀ꦣꦸꦁꦨꦹꦩꦶꦏ꧀ꦠꦸꦒ꧀ꦲꦸꦢꦤ꧀ꦲꦮꦸꦒꦼꦉꦃꦏꦶꦭꦠꦮꦶꦊꦠꦤꦶꦁꦤꦨꦱ꧀ꦒꦭ꧈
- ꦒꦸꦤ꧀ꦠꦸꦠ꧀ꦠꦁꦂꦫꦲꦶꦩꦮꦴꦤꦿꦶꦏꦴꦩ꧀ꦥꦸꦢꦤꦤꦁꦏꦸꦗꦤꦏꦸꦲꦏꦩꦴꦠꦶꦠꦤ꧀ꦥꦒꦥ꧀ ꧅
5.
- a. nāhan hinghanirān bhaṭāra girinātha sakala matĕmah prabhūttama
- b. na lwir sādĕgireka nangsaya wabhūmicawatĕluk umungkulādara
- c. wiprakṣa triya waiśya śudra caturaśrama sama nipuṇeng samāhita
- d. hĕntyang durjana marya buddhi kala kewala matakut i wīrya sang prabhū
- ꦤꦴꦲꦤ꧀ꦲꦶꦔꦤꦶꦫꦴꦤ꧀ꦨꦛꦴꦫꦒꦶꦫꦶꦤꦴꦡꦱꦏꦭꦩꦠ꧀ꦩꦃꦥꦿꦨꦹꦠ꧀ꦠꦩ꧈
- ꦤꦭ꧀ꦮꦶꦱꦴꦂꦢꦼꦒꦶꦫꦺꦏꦤꦁꦱꦪꦮꦨꦹꦩꦶꦕꦮꦠ꧀ꦭꦸꦏꦸꦩꦸꦔ꧀ꦏꦸꦭꦴꦢꦫ꧈
- ꦮꦶꦥꦿꦏ꧀ꦱꦠꦿꦶꦪꦮꦻꦯꦾꦯꦹꦢꦿꦕꦠꦸꦫꦯꦿꦩꦱꦩꦤꦶꦥꦸꦟꦺꦁꦱꦩꦴꦲꦶꦠꦴ꧈
- ꦲꦼꦤ꧀ꦠꦾꦁꦢꦸꦗ꧀ꦗꦂꦤꦩꦪꦾꦂꦧꦸꦢ꧀ꦣꦶꦏꦭꦏꦺꦮꦭꦩꦠꦏꦸꦠꦶꦮꦶꦪꦾꦂꦱꦁꦥꦿꦨꦹ ꧅ ꧐ ꧅