ma li supa
tan jan Lakuse, tan jan Tepo
jan Tepo: o kama pona tawa kalama sin!
jan Lakuse: lon. tenpo mute la kalama sin li kama ala. taso...
j.Tepo: pakala.
j.Lakuse: a lon. mi pakala.
j.Tepo: lon. tenpo suli la kalama li kama sin ala. ni li kalama sin ala! li kalama taso. kalama pini. pakala!
j.Lakuse: kalama pini pini. ike!
j.Tepo: a a a.
j.Tepo: taso tenpo ni la kalama li sin!
j.Lakuse: lon.
j.Tepo: a mi jan Tepo.
j.Lakuse: mi jan Lakuse.
j.Tepo: jan Lakuse li lon.
j.Lakuse: lon.
j.Lakuse: mi tu li kama toki e seme?
j.Tepo: supa!
j.Lakuse: supa? supa seme? jan Tepo o.
j.Tepo: nanpa wan la, n. tenpo ni la mi lon supa lape. ni li sama supa. mi lon supa. mi pilin pona tan ni. sina sama anu seme?
j.Lakuse: lon. mi kin li lon supa lape. mi pilin e ni: ale li pona. supa lape li pona. sijelo mi li ken lape. tenpo ale pi suno ni la mi pali mute wawa e ijo pi tomo sona la ni ale li pini la mi ken lon supa lape li ken toki pona taso e ijo seme? mi toki e ijo seme?
j.Tepo: ijo! lon. ijo toki li supa a.
j.Lakuse: supa!
j.Tepo: lon. kalama ni la mi wile toki e sona nasa. a, n. sina lon tomo sona la jan sona li toki e ni tawa sina: "ma li sike." a a a. sina tawa poka lon ma la sina ken kama lon sike lon ma li ken kama sin tawa ma open.
j.Lakuse: a lon, lon. ni li lon.
j.Tepo: ni li lon.
j.Tepo: a taso-- ni li lon. ni li lon: sina lon ma Kaliponija li tawa lon ma Nujo li awen tawa la sina kama lon ma Elopa... sina kama lon ma Asija...
j.Lakuse: ma mute.
j.Tepo: kama sin lon ma Mewika. lon. sina ken tawa lon sike, lon ni. taso! taso...
j.Lakuse: taso?
j.Tepo: lon la...
j.Lakuse: lon la??
j.Tepo: lon la jan sona li toki e sona ike!
j.Lakuse: a?
j.Tepo: lon la ma li supa. a. ona li sike. taso sike ni li supa. jan sona li pana e sike la ona li supa ala li lipu ala. sina ken tawa e... sina tawa e sike la ona li a... nasin seme la mi ken toki e ni? ona li supa ala.
j.Lakuse: ma li sike ala, la mi ken ala tawa lon nasin wan. mi ken tawa lon... mi tawa sinpin la, mi awen tawa sinpin la mi kama sin lon monsi, anu seme?
j.Lakuse: ni li lon ala...
j.Tepo: lon la ma li sike. taso sike ni li supa a. a. sina ken tawa ma Elopa. sina ken tawa ma Asija. taso sina ken tawa lon sike lon ni. taso sina ken ala tawa anpa. sina ken ala-- sina tawa anpa... sina lon ma Mewika li tawa ma Mewika seli anu seme... ... awen tawa anpa... kama ma Antasika la sina ken ala awen tawa anpa.
j.Lakuse: a, mi ken ala-- seme li kama pini e tawa mi?
j.Tepo: sinpin lete suli.
j.Lakuse: sinpin lete suli??
j.Tepo: sinpin lete.
j.Tepo: lon lon lon lon! lon! ma Antasika la lete li suli li sinpin suli. sina ken ala tawa lon sewi supa. sina ken ala weka tan... sina lon ma Antasika li awen tawa lon nasin sama la sina kama ken ala awen tawa. sina ken ala weka, tan ni: sinpin ni li suli li lon li pini e tawa tan ni: sina ken tawa, tawa insa, tawa insa sinpin li ken tawa weka la sina weka tan ma.
j.Lakuse: a! mi weka tan ma?
j.Tepo: jan ala o sona e ken ni.
j.Lakuse: mi tawa mun anu seme?
j.Tepo: lon! sina weka tan ma!
j.Lakuse: wa!
j.Lakuse: taso tan seme la jan sona li toki ala e ni tawa mi? ni li sona wawa anu seme!?
j.Tepo: mi sona ala! ona li wile e ni anu seme: jan sona taso-- jan suli taso-- jan lawa taso li sona e lon. n. jan suli li sona e ijo suli la ona taso li sona e ni la ona li ken anpa e jan ante ale kepeken ni anu seme? ni la mi wile toki mute e sona lon tawa sina ale. o sona: ma li supa.
j.Lakuse: kepeken nasin seme la mi ken anpa e jan kepeken sona?
j.Tepo: mi sona ala. taso ni li ken anu seme? sona li wawa... jan li sona e ijo la ante li sona ala la jan sona li wawa lon ni anu seme?
j.Lakuse: sinpin lete li lon... n. jan seme li kama sona e sinpin lete?
j.Tepo: a. tenpo weka la jan ale li tawa ma Antasika li sona ala e ona. taso tenpo wan la jan li toki e ni: "ma Antasika taso la jan ala li tawa ni. mi wile tawa ni." ona li pali e poki telo, e tomo tawa telo, li kama e jan. jan mute li tawa lon poka ona la ona li tawa ma Antasika li kama tawa ma lete li tawa la ona li kama lukin e supa ni. tenpo nanpa wan. tenpo sona nanpa wan.
j.Lakuse: n.
j.Tepo: taso a ni la...
j.Lakuse: lon tenpo pini mute anu seme?
j.Tepo: lon. ni li tenpo weka.
j.Lakuse: tenpo weka.
j.Tepo: taso a, n. ona li kama pilin e ni: "a sinpin ni li nasa mute. tenpo suli la jan li pilin e ni: " 'ma li sike li tawa sike'. jan sona mute li pilin e ni. "taso mi kama sona e lon la ni li ike tawa jan sona anu seme? "taso mi toki e ni tawa jan sona la ona li pilin ike tan ni li wile weka e mi. "taso mi toki jan lawa la..." a a a. a. sona ni li kama sona len suli, lon lawa ma mute. jan lawa mute li kama sona li wile awen len e ni li toki wawa e ni tawa jan alasa ni: "o toki ala e sinpin ni tawa jan mute." taso ona li kama toki tawa jan wan. ona li kama toki tawa jan olin ona.
j.Lakuse: aaa.
j.Tepo: lon. a a a.
j.Lakuse: jan olin li toki e lon!
j.Tepo: jan olin li kama toki tawa jan poka ona.
j.Tepo: ona ale li kama toki tawa jan ante. taso lawa li kama kute e ni la ona li alasa e jan sona e olin li poki e ona, li moli e ona. taso jan wan li awen. tenpo mute la lawa li lukin weka e jan sona. taso tenpo ale la jan sona li weka ale ala.
j.Lakuse: jan Tepo o. sina toki e sona len ni tawa mi la mi kama moli! kin ni li seme (?)
j.Tepo: a a. pakala a! aa aa aa...
j.Lakuse: sina kin li moli tan seme? li moli ALA tan seme?
j.Tepo: aaa mi sona ala. sina o toki tawa jan ante mute. mi pali e kalama... mi pana e sona lon kalama la sona li tawa jan ante mute mute la
j.Lakuse: a! lon! ni!
j.Tepo: ona li ken ala moli e jan ni ale!
j.Lakuse: ni li lon. kin la jan li kepeken toki pona taso la jan lawa kin li sona ala e toki pona anu seme. ni la mi ken kepeken toki pona taso la ni li ken nasin len pona.
j.Tepo: a!
j.Lakuse: kin la ni li tan ni: jan Tepo o. sina toki ala kepeken toki Inli anu seme.. sina sona ala toki Inli. sina sona toki pona taso. ni la, jan lawa li ken ala sona e ni: sina sona wawa.
j.Tepo: a! ale li pona. mi ken awen pona. mi ken moli ala.
j.Lakuse: a. ni li pona.
j.Tepo: pona mute.
j.Lakuse: sina pi moli ala li pona. a a.
j.Tepo: ni li lon. ni li lon. mi moli la ni li ike tawa mi.
j.Lakuse: a. taso kin la mi wile sona mute e ni: suno la ma li tawa sike lon poka suno anu seme?
j.Tepo: a. suno. suno. mi wile toki e nasin suno.
j.Tepo: n. taso mi sona ala toki e ni kepeken sitelen ala. taso mi ken lukin toki. n. a. jan sona pi sona ike li toki e ni: "ma li sike. lon weka mute la suno li lon. suno kin li sike.
j.Lakuse: n. lon.
j.Tepo: "ma li tawa lon sike lon suno. n "suno li lon insa sike la ma li lon selo sike li tawa...
j.Lakuse: a, lon lon lon lon. ma li selo suno li insa.
j.Tepo: lon. n kin la ma li tawa lon selo sike ni la kin la ona li tawa sike-- selo ma kin li tawa sike.
j.Lakuse: a lon.
j.Tepo: lon. tenpo suno wan la ona li sike wan. ma Mewika li lon suno li tawa weka tan suno li lon suno. ni li tenpo suno wan.
j.Lakuse: ona li sama ilo "musi sike, o sike, o sike"... sama ni?
j.Tepo: lon a.
j.Lakuse: sinpin li tawa monsi li tawa sinpin.
j.Tepo: ni li lon. a taso sona ni li ike. mi toki e sona lon lon tenpo ni. lon la, a, n. ma li supa. ma li tawa ala. ma li awen a.
j.Lakuse: a!
j.Tepo: suno li tawa. n jan sona ike li toki e ni: "suno li awen. ma li tawa lon sike, lon selo sike suno" anu seme. taso lon la ma li awen. suno li lon sewi ma. a suno li tawa lon sike. sike ni li sama ni: n mi o toki e ijo suli. insa pi sike ma li a... n selo pi sike ma li ma Antasika. ona la sinpin suli li lon.
j.Lakuse: a lon lon.
j.Tepo: insa li a... mi sona ala e nimi pona tawa ona. a ni li ma lete ante. soweli mute li lon ona li walo.
j.Lakuse: ma jasima?
j.Tepo: n ken. ni li ma Kanata anu seme?
j.Lakuse: n ma mi?!
j.Tepo: lon a! lon a. lon ma lete pi ma Kanata la ni li insa pi sike ma.
j.Lakuse: a! mi pilin e ni: insa li seli mute anu seme? taso sina otki e ni: "ona li lete".
j.Tepo: a. selo li lete. insa kin li lete. lon... lete tu ni la insa li seli li kama seli.
j.Lakuse: aa.
j.Tepo: a ni li tan ni: suno li tawa lon sike la n... sike ni li lon sewi ma. a suno li tawa lon sike ni la ona li lon sewi pi ma seli ni. n lon lete tu la insa la ma ni li seli mute. suno li tawa lon sike lon sewi ni.
j.Lakuse: lon sewi seli, lon sewi.
j.Lakuse/j.Tepo: lon sewi seli.
j.Tepo: ma seli li... lon a. lon a. a...
j.Lakuse: ma seli li sike lili lon insa. taso ona li lon ala insa.
j.Tepo: a sike lili? n... lili tawa seme?
j.Lakuse: ala, a... seli li... ona li sama ni: selo ma li selo ma suli anu... sike tu, n... ni li nasa tawa toki anu seme, a a. a, taso--
j.Tepo: mi wile pana e sona la mi o sitelen e ma lon. taso mi ken ala pana e sitelen lon toki uta.
j.Lakuse: taso sona pi toki sina la a selo suli li ma Antasika. ma insa li ma lete, ma Kanata. taso lon insa pi selo insa la insa ante li lon, li seli mute.
j.Tepo: lon. ni li lon a.
j.Lakuse: a. ma ni li seme?
j.Lakuse/j.Tepo: ma Apika...
j.Tepo: ni li sama ma Apika. seli mute li lon ma Apika la ni li ma seli insa. a... ma seli sama li lon ma Amewika seli.
j.Lakuse: Amelika seli li lon.
j.Tepo: lon a. ma Palata li seli sama lon tenpo...
j.Lakuse: aa.
j.Tepo: n. ni li sama... ni li sike seli. ni li ken nimi pona.
j.Lakuse: sike seli.
j.Tepo: sike li seli tan ni: suno li lon sewi ni li tawa lon sike lon ni: suno li pana e seli mute tawa ni.
j.Lakuse: aaa. wa. ni li sona pona. kin la ona li sama lili ilo tenpo anu seme?
j.Tepo: n! lon. sama lili. ilo tenpo kin la ilo li tawa lon sike.
j.Lakuse: n. wa. sina pana wawa e sona tawa mi. ni li... pilin mi la jan lawa li kama tawa tomo mi. mi sona ala...
j.Tepo: aa a. pakala.
j.Lakuse: mi pilin monsuta mute tan ni: mi pilin e ni: sina toki e sona mute wawa, anu seme?
j.Tepo: a lon. ken la jan lawa li kama sona...
j.Lakuse: lon. ken la jan lawa li kama sona.
j.Lakuse/j.Tepo: pakala. pakala. pakala.
j.Tepo: a. mi o... a. mi wile e ni: ona li awen sona ala e toki pona.
j.Lakuse: ni la jan ale o. o toki ala e toki pona tawa jan ale. a a. o toki ala e toki pona.
j.Tepo: o toki tawa sewi. o toki e ni: "jan lawa o sona ala e toki pona."
j.Lakuse: a lon, a a. jan lawa o sona ala e toki pona. ni li nasin pona. a ni li kalama sin. mi jan Lakuse.
j.Tepo: mi jan Tepo.
j.Lakuse: a.
j.Tepo: o awen pona.
j.Lakuse: o awen pona.
j.Lakuse: kin la sina wile toki e ijo lon kalama sin... sina sona e sona len suli la o kama toki lon ma pali pi toki pona lon ilo Siko. mi mute li ken toki tawa sina kepeken kalama uta, la ni li ken nasin pona wawa tan ni: mi sona ala e ni: kalama sin la ijo seme o lon? a ni la o pali pona lon poka. o awen pona.
j.Tepo: o awen sona!