nasin ISO
tan jan Pensa, tan jan Tepo
jan Tepo: o kama pona, tawa kalama sin! mi jan Tepo. tenpo ni la jan Pensa li lon poka mi. toki.
jan Pensa: toki! mi jan Pensa.
j.Tepo: toki a. tenpo ni la jan Pensa li wile toki e ijo. tenpo poka la toki pona la nimi sin li kama tawa ona tan kulupu Iso. ni li pona mute tan ijo mute. jan Pensa li wile toki mute e ni!
j.Pensa: lon.
j.Tepo: n, nanpa wan la mi o toki e ni: jan Pensa o. sina seme?
j.Pensa: a mi jan Pensa. mi jan pi toki pona. mi jan pi toki Epelanto kin. mi o toki e seme? mi sona ala, a a.
j.Tepo: n, ni li pona. ni li pona. a, ni la o toki e ijo pi kulupu Iso.
j.Pensa: lon. kulupu Iso li jo e nasin mute, e lipu mute pi nasin mute.
j.Tepo: a kulupu ni li pana e nasin tawa ijo.
j.Pensa: a a.
j.Tepo: ijo seme? ijo ale!
j.Pensa: ijo ale! lon, a a. kulupu Iso li jo e lipu pi nasin pali, pi nasin wawa, pi nasin... nasin mute! taso kalama ni la mi wile toki e lipu pi nimi toki, pi nasin Iso. nasin Iso ale li jo e nanpa. nanpa pi nimi toki li luka wan ale mute luka luka luka tu tu, lon nasin nanpa pona. ona li jo e nimi pi toki mute a, pi kulupu pi jan ale.
j.Tepo: n. nasin ni li sama lipu anu seme?
j.Pensa: ona li lipu.
j.Tepo: a ona li toki e ni: toki ni li lon. ma ale la toki ni li lon. ona li pana e nimi tawa toki ale. toki ale pi ma ale.
j.Pensa/j.Tepo: lon.
j.Pensa: nimi lili.
j.Tepo: lon. nimi li lili, li sitelen tu wan, lon sitelen nasin.
j.Pensa: anu, sitelen tu.
j.Tepo: a, lon.
j.Pensa: ni kin li lon.
j.Tepo: ni li ken sitelen tu.
j.Pensa: nasin ni la jan en ilo li ken sona e toki ale. nimi pi toki ni li sama lon toki ante kin. jan li ken sona e ni: toki ni li toki ni a, li toki ante ala. ona li pona mute tawa lipu mute pi sona toki.
j.Tepo: n. lon.
j.Pensa: kin la kulupu seme li lawa e nasin Iso pi nimi toki? kulupu ni li kulupu Sili. ona li kulupu lon ma Mewika. jan ale li ken toki e ni tawa kulupu Sili: mi wile e nimi sin lon nasin Iso pi toki ni. kulupu Sili li kulupu e wile ale ni, li lukin e wile ale pi jan ale, li toki e ni: wile ni li pona ala pona? toki ni o jo e nimi pi nasin Iso anu seme?
j.Tepo: a. tan seme la jan o toki tawa kulupu Sili, o toki tawa kulupu Iso ala.
j.Pensa: a, lon. kulupu Iso li jo e nasin mute mute mute mute a. kulupu Iso taso li ken ala lukin e pona pi ante ale.
j.Tepo: a.
j.Pensa: nasin Iso mute la kulupu Iso li pana e lawa tawa kulupu ante.
j.Tepo: a.
j.Pensa: kulupu Iso li toki e ni: kulupu Sili li ken lawa e nasin ni, li ken toki e ni: "nimi seme li pona? nimi seme o lon?"
j.Tepo: n. mi sona. mi sona.
j.Pensa: jan li wile e toki sin lon nasin Iso la kulupu Sili li jo e wile. toki pali la wile ni li ante. kalama ni la mi toki e "toki pali" la mi toki ala e ni: "jan li kepeken toki ni lon pali ona." mi toki e ni: "jan li pali e toki ni lon tenpo pini lili."
j.Tepo: n.
j.Pensa: toki pona li toki pali.
j.Tepo: n. toki li tan pali jan... li tan ni ala: jan li lon ma li toki e toki ni lon tenpo ale ona.
j.Pensa: lon. toki pona en toki Epelanto en toki Losupan en toki Sintelen li toki pali, li toki sin pi tenpo pini lili. toki ale li pona tawa kulupu Sili. toki li lon la ona li ken lon nasin Iso. ijo wan taso li suli: ona en toki ante li sama ala.
j.Tepo: a.
j.Pensa: ona o ante.
j.Tepo: ona li wile ala pana e nimi tu tawa toki wan, anu seme?
j.Pensa: lon. ni. taso toki pali la jan mute li ken pali e toki pali. tan ni la toki pali mute a li lon. taso toki pali mute la jan ala li toki e ona. tan ni la toki li lon taso la ni taso li pona ala. jan o kepeken ona. ona o lon tenpo suli. ni li suli tawa kulupu Sili. toki pona li wile kama jo e nimi lon nasin Iso. ni la kulupu pi toki pona li wile pana e sona ni, tawa kulupu Sili: toki pona li lon! toki pona li wawa! jan mute li mute li toki kepeken ona. ona li jo e lipu mute. ijo ni ale li suli.
j.Tepo: lon. toki o suli. toki li suli ala la ona li pana ala e nimi.
j.Pensa: lon. ona li pana e nimi tawa toki pi suli ala la... n, nimi ni li lon, lon tenpo kama ale.
j.Tepo: n. nimi li ken ala kama toki e toki ante lon tenpo kama. nimi li sitelen tu wan taso la ni li mute lili anu seme? nimi li tawa toki ale a, la ken la nimi sin a ken ala lon tenpo kama.
j.Pensa: lon. a, pona. mi o open e toki pi tenpo pini pi alasa nimi. alasa nimi pi toki pona li open lon tenpo pini suli. ni li tenpo sike nanpa luka tu pi toki pona. tenpo ni la jan Moku li pana e lipu, li pana e ona tawa kulupu Sili.
j.Tepo: n, mi o toki e ni: "Moku" li nimi jan.
j.Pensa: lon.
j.Tepo: jan ni li moku ala. nimi ona li "Moku".
j.Pensa: jan moku taso ala li pali e lipu ni. jan Mimoku en jan Elumutu en jan Male kin li pali lon lipu ni, li pana e nimi ona lon ona. jan ale ni li pana e lipu wile tawa kulupu Sili, li toki e ni: "mi wile e nimi sin pi toki pona. toki pona li ken ala ken lon nasin Iso?" tenpo ni li la kulupu Sili li toki e ni: "mi ken sona ala e suli pi toki pona lon tenpo ni, "tan ni: toki pona li lon tenpo lili taso." toki pali mute li kama la jan li ken kama sona e ona li ken pali kepeken ona. taso tenpo mute mute la tenpo lili li weka la jan ala li awen kepeken toki ni. tan ni la kulupu Sili li wile sona e ni: "toki pona li awen ala awen lon tenpo kama?" tan ni la kulupu Sili toki e ni: "mi wile awen. mi wile lukin e ni: toki pona li awen ala awen, "li kama ala kama suli?" tan ni la ona li toki e ni: "mi ken ala pana e nimi tawa toki pona lon tenpo ni." tan toki ni pi kulupu Sili [la] tenpo suli la jan ala li pana sin e wile ona tawa kulupu Sili. taso tenpo ni la... tenpo pini ni la, jan Mimoku li pana e lipu ni tawa lipu Wikija: jan ale li ken pana e sona pi toki pona. sona ni li ken pona tawa alasa nimi pi tenpo kama.
j.Tepo: a, a! lipu ni li... nimi pi lipu ni li sama ni: "seme li kepeken toki pona?"
j.Pensa: tenpo ni la ona li jo e nimi ni. lon. taso tenpo open pi lipu ni la ona li jo e nimi "Iso" taso.
j.Tepo: a.
j.Pensa: tenpo pini lili la jan Mimoku li ante e nimi pi lipu ni, tan ni: ona li pona tawa alasa pi nimi Iso taso ala, li pona tawa ijo mute.
j.Tepo: lon.
j.Pensa: jan mute li ken kepeken ona tawa ni: ona li ken kama sona e ijo mute pi toki pona. pona. tenpo sike luka luka li weka la pali li open sin. pali pi nimi Iso li open tan ilo Amikumu. sina sona ala sona e ilo Amikumu?
j.Tepo: a, mi sona e ona. taso ken la jan kute li sona ala.
j.Pensa: sona sina la ilo Amikumu li seme? sina ken ala ken toki e ni?
j.Tepo: a. mi ken toki e ni. ona li ilo toki. taso ona li kama e ni: jan li sona e toki li wile alasa e ni: jan ante seme li sona e toki? sina wile kama sona e toki la sina wile toki tawa jan toki. ni la ilo Amikumu li pona tawa ni: ona li ken kulupu e jan toki pi toki mute. ni li suli lon kulupu pi toki Epelanto anu seme.
j.Pensa: lon.
j.Tepo: n, sina... sina kepeken ilo Amikumu la ilo li ken pana e sona ni tawa jan ale: jan ni li weka pi mute seme tawa sina? sina ken tawa ona kepeken tomo tawa anu seme? ni li ken sona pona. sina wile kulupu, li wile toki, li wile lon poka lon ma la ni li ken sona pona. a, taso n... ona li kulupu li tawa toki mute a. toki pona kin. sina ken... sina ken tawa ilo Amikumu li ken toki e ni: mi sona e toki pona! ni la jan ante li lukin, li ken toki tawa sina.
j.Pensa: lon. ilo Amikumu li kama lon tan wile pi jan pi toki Epelanto. jan pi toki Epelanto li pali e ilo ni, tan ni: jan mute pi toki Epelanto li sona ala e jan poka pi toki Epelanto. jan mute pi toki Epelanto li ken lon poka sina! taso tenpo mute la sina sona ala e lon pi jan ni. tan ni la jan li pilin e ni: ken la mi ken weka e ike ni kepeken ilo.
j.Tepo: a. ona li pona. ike la mi lukin e ilo la mi lukin ala e jan poka pi toki pona. taso... ken la jan li lon tenpo kama.
j.Pensa: lon. lawa pi ilo Amikumu li jan Sa. jan Sa li jan suli pi kulupu pi toki Epelanto. ona li open e lipu Wikipesija pi toki Epelanto, li jan pali lawa pi ilo Tujolinko pi toki Epelanto, li pali e ijo mute a. tan seme la ni li suli lon toki pi nasin Iso? ona li suli tan ni: jan Sa li wile e ni: toki ale li ken lon ilo Amikumu. tan ni la ona li kepeken nasin Iso-- nimi ale pi nasin Iso pi toki jan. toki li lon nasin Iso la sina ken toki e ni: "mi sona e toki ni", lon ilo Amikumu.
j.Tepo: a. taso toki li lon ala lipu Iso la ni li ken ala, anu seme?
j.Pensa: ona li ken. taso kulupu pi ilo Amikumu li pali e nimi sin tawa toki pi mute ala. ona li tawa e nimi ni tawa toki pona tawa toki Pantunija tawa toki pali ante. tawa toki Tosula kin pi sitelen tawa pi... sina sona ala sona e ni?
j.Tepo: n musi supa! a a. mi sona.
j.Pensa: a a lon. musi supa!
j.Tepo: nimi ni li pana ala e sona. ona li musi ni: jan lawa li lon supa sewi... nimi li nasa lon toki Inli. a, taso jan lawa li wile lon supa sewi li wile... sina lon supa la sewi tawa jan ale! jan mute li wile tawa supa. a a a! mi toki e ni kepeken toki pona. ni li musi kute!
j.Pensa: a a lon. taso, jan Sa li toki e ni: "mi pana e nimi pi nasin mi tawa toki ni. taso ni li ike lili. mi wile ala e ni. "mi wile e ni: toki ni li lon nasin Iso. ona li lon la ni li pona." tan ni la ona li toki e ni: "jan li wile toki e wile ona pi nimi sin tawa kulupu Sili la "mi pana e pona tawa jan ni." tan ni la-- jan Mimoku li kute e ni. jan Mimoku li pali lon wile nanpa wan pi alasa nimi pi toki pona. ona li kute e toki pi jan Sa li open e pali, li open sin e pali pi alasa nimi, li open e kulupu kin, lon kulupu pali, lon ilo Telekan. kulupu ni la jan li toki e ni: "mi o toki e seme lon lipu wile mi? "mi o toki e seme tawa kulupu Sili? seme li pona?" ijo mute ni. open pi kulupu ni la mi kin li lon. mi lon open pi pali ni. taso open la mi pali lili taso. a a mi pali ala. jan ante li lon li pali mute. ona li jan Mimoku, li jan Sa, li jan Lopin kin. ona ali li jan pi toki Epelanto li kepeken toki Epelanto taso lon kulupu ni. ni li musi lili. jan pi toki Epelanto li alasa e pona pi toki pona. taso, pona. n. mi ale li pali e alasa pi nimi sin, li kulupu e sona. taso ijo li lon, lon tenpo ni. mi wile toki e [musi la mi weka e toki Inli ni].
j.Tepo: aaa!
j.Pensa: a a a.
j.Tepo: kulupu-- n mi ken toki sama ni: kulupu Sili li kute lon tenpo wan taso lon tenpo sike wan. sina ken pana e... n. nasin li sama ni: tenpo sike ale la sina pana e lipu. tenpo sike li pini la kulupu Sili li lukin e lipu li toki e pona ona li toki e ni: "ni li ike. mi wile ala e nimi tawa toki ni." tenpo ni li kama a!
j.Pensa: lon. tenpo lili taso li awen. lon tenpo ni la jan ante li kama lon lipu Pepu pi toki pona, li toki e ni: "mi wile toki e wile pi nimi sin pi toki pona tawa kulupu Sili. "mi pana e lipu ni lon tenpo kama lili. jan seme li wile pana e nimi sina." a mi o alasa e nimi pi jan ni.
j.Tepo: a ken la mi sona. jan Mika Awison?
j.Pensa: lon! ona li ni. tenpo sike pini ni la ona li wile pana e lipu wile mute pi toki pali mute tawa kulupu Sili.
j.Tepo: wawa a. ona li pali mute a, tawa ijo mute, tawa toki mute... tawa toki sin, tawa toki ma, tawa toki mute a.
j.Pensa: lon.
j.Tepo: ona li pona.
j.Pensa: a a ona li pona mute. taso ike lili li lon. ona li wile pali e lipu wile pi toki pona lon tenpo lili taso. tenpo pini ni la kulupu mi li pali lon tenpo mun mute. taso ona li pali lon tenpo lili taso li sona ala e pali mi e pali pi kulupu mi.
j.Tepo: a! nasa.
j.Pensa: tenpo ni la jan Sa li kama sona e wile ona pi alasa nimi, li toki e ni tawa ona: "jan Lopin li pali e ni e alasa sona lon tenpo suli. "sina wile ala wile toki tawa ona? sina wile ala wile kepeken sona ona?" taso jan Lopin li kepeken ala Pepu. jan ni li kepeken ala ilo Telekan. ona li ken ala toki tawa jan ante.
j.Tepo: a, pakala!
j.Pensa: a a a. tan ni la pilin mi la jan ni li lukin ala e pali pi kulupu mi lon tenpo ni li pana ala e sona ni tawa lipu ona. tan ni la pali pi kulupu mi li weka...
j.Tepo: aa!
j.Pensa: li lon ala lipu. kulupu Sili li lukin ala e ona. ni li ike lili. taso ona li ike suli ala. tenpo sike pini ni la kulupu Sili li lukin e lipu pi jan... a nimi ona li seme?
j.Tepo: a mi toki e jan Mika Ewison.
j.Pensa: Mika Ewison.
j.Tepo: n, Pika Ewison...
j.Pensa: Mika Ewison. lon. kulupu Sili li lukin e lipu pi jan Mika Ewison li toki e ni: "tenpo ni la mi wile ala pana e nimi tawa toki pona, tan ni: "jan pi mute ala li kepeken toki pona li kepeken ona lon ilo sona taso. "jan pi majuna taso ala li kepeken toki pona. "kulupu ona li suli ala, li wawa ala." taso kulupu pali mi li pilin e ni: kulupu Sili li lukin ala e sona. tan ni la tenpo sin la toki pona li kama ala jo e nimi sin pi nasin Iso.
j.Tepo: aa, ike.
j.Pensa: ike lili. taso mi ken pali e wile sin lon tenpo sike sin! kulupu pali mi li wile pali e ni lon tenpo sike kama. taso ike la mi ale li pali e ijo ante, li pali lili e ijo pi nasin Iso.
j.Tepo: aa.
j.Pensa: tan ni la, ona li weka tan lawa...
j.Pensa/j.Tepo: a a a.
j.Pensa: mi ale li pilin ala e ni: "a. mi o alasa e ni."
j.Tepo: tenpo li weka...
j.Pensa: tenpo li weka! mi ale li pali ala. taso pona-- tenpo li weka. taso mi ken alasa sin lon tenpo sike sin!
j.Tepo: a a a.
j.Pensa: taso tenpo sike sin kin la mi ale li pali e ijo ante.
j.Pensa/j.Tepo: a a a!
j.Tepo: aa. jan ala-- n ike ni li ken kama sama ni: jan mute li ken pali e ijo, la jan ale li pilin e ni: "a. mi wile ala pali. jan ante li pali!"
j.Pensa: a a lon!
j.Tepo: taso ni la jan ala li pali.
j.Pensa: a a a, lon.
j.Tepo: ken la kalama sin li kama sama ni: jan ante li lukin e ni: jan Itan li pali. jan Tepo li pali... la mi wile ala pali... a a a. aaa. sina o kama o pali a.
j.Pensa: a a. lon. pona. tenpo sike sin li kama la mi wile pali e lipu wile sin, li wile pali e ona tawa kulupu Sili, li toki e ni tawa kulupu Sili: "mi ken ala ken pana e wile sin?" taso tenpo ni la kulupu Sili li toki e ijo sin, li toki e ni: "tenpo ni la mi ale li alasa ante e wile mi pi toki pali. "mi ante e ni: toki pali seme li ken kama jo e nimi pi nasin Iso." pali ni li ijo suli li wile e toki suli.
j.Tepo: a jan o toki mute o alasa mute...
j.Pensa: lon. wile sin ni li "o pona mute", li "o pona lon tenpo kama suli". ni la jan li wile toki mute. taso tenpo sike pini ni li tenpo pi jaki Kolona. tan ni la jan mute li ken ala pali, li ken ala kama kulupu, li ken ala toki e ijo mute. tan ni la kulupu Sili li toki e ni tawa mi mute: "tenpo sike ni la pali ni li pini ala. mi ken ala... "sina toki e wile sina pi toki pona tawa mi la mi ken ala toki e ni: "wile ni li pona ala pona? tan ni [la] mi sona ala e wile mi."
j.Pensa: a a.
j.Tepo: a!
j.Pensa: tan ni la ona li toki e ni: "o awen lon tenpo sike wan, o alasa sin lon tenpo sike kama." ni la mi ale li toki e ni: "pona. ni li ike lili. taso mi ken ala ante e ni. mi o awen. "mi o alasa sin lon tenpo sike sin." tenpo sike kama la ijo sin tu li kama. ijo wan la jan Mimoku li toki e pali ni pi kulupu mi lon ilo Siko, lon ma pona pi toki pona. ni la jan mute pi ma pona li toki e "pona a! mi wile pana e pona tawa pali ni! "nasin seme la mi ken pali lon ni?" tan ni la jan Mimoku li open e nasin tawa jan mute. jan mute li kama lon kulupu pali.
j.Tepo: li kama tawa ilo Telekan.
j.Pensa: lon. sina kin li kama lon tenpo ni anu seme?
j.Tepo: ni li lon. ni li lon. a sona mi la jan Jan li pana e nasin..? jan Mimoku ala? ken la mi sona ike.
j.Pensa: a, ni li ken. mi sona ala. ni li suli ala, a a. suli li ni: jan mute sin li kama li pana e pona li toki e ijo pona. mi ken sitelen e sona pona sin lon lipu. ijo nanpa tu la kulupu Sili li toki tawa jan Mimoku, li toki e ni: "tenpo kama lili la mi pini e toki pi ante wille. "tenpo ni la kulupu mi li sona e ni: toki pali seme li pona lon nasin Iso? "toki pali seme li pona ala? "sina pana e wile sina pi nimi sin la ken mute la mi ken pana e nimi ni tawa sina." taso kulupu Sili li toki e ken taso. "ken la sina kama jo e nimi sin." taso ni li ken taso.
j.Tepo: a ona li wile ala toki e ni: "ni li kama".
j.Pensa: lon. ona li toki e ni: "ken m-- ken li suli. "taso ken la ona li kama ala." toki sin ni pi kulupu Sili li pona tawa kulupu pali, li sin e wile pali. mi ale li wile... li sona e ken pona la mi wile pali mute.
j.Tepo: a, wawa.
j.Pensa: tan ni la mi ale li toki mute li alasa kama sona e ni: seme li suli tawa kulupu Sili? seme li suli ala? mi ale li toki mute, a a. ni la mi alasa pali e lipu pi ijo toki ale ni. taso ike la ken mi pi pali ni ike lili. taso pona la kulupu pi ma Siko li lon. mi pali e lipu mi tawa ma pona... ma pona pi ilo Siko. ni la jan mute li pali lon lipu ni li pana e sona sin li pona e lipu li pali mute a.
j.Tepo: ni li wawa mute! sina pana e linja la jan mute mute li kama li sitelen mute! li wawa mute.
j.Pensa: a a lon.
j.Tepo: pali li kama pini lon tenpo lili.
j.Pensa: lon! mi pana e lipu la ona li pona. taso ona li pona lili. taso jan mute ni li pali la ona li kama pona mute. ni li pona mute tawa mi! tenpo li pini la mi pana e lipu ni tawa kulupu Sili, li pini e pali. tenpo ni la mi ale li ken awen taso! mi ale li awen lon tenpo mun mute!
j.Tepo: a lon... pali suli li pini la... a a pali wile li weka. o pali ala lon tenpo mun mute. jan li lukin e pali sina. taso sina wile ala pali, a a... ni li musi lili.
j.Pensa: a a lon. sina sona ala sona e ni: tan seme la kulupu Sili li awen lon tenpo suli ni?
j.Tepo: mi sona ala!
j.Pensa: ona li tan ni: jan ante pi kulupu Sili ala li ken lukin e wile ale lon lipu pi kulupu Sili.
j.Tepo: aa!
j.Pensa: li ken toki e pilin ona tawa kulupu Sili.
j.Tepo: aa. mi sona.
j.Pensa: kulupu Sili li wile e tenpo suli tan ni: jan ale li ken lukin li ken toki e pona e ike pi wile ni.
j.Tepo: n, lon la ni li pona.
j.Pensa: lon. taso pini la kulupu Sili li lukin e lipu wile li toki e ona, li toki e pona, e ike. taso tenpo ni la jan pi kulupu ni li toki e ni: "ona li pona lili. ona li ike ala... taso mi sona ala e ni: " 'wile pi nimi sin ni li pona mute anu seme?' "mi wile e sona sin. mi wile e sona namako."
j.Tepo: a.
j.Pensa: tenpo ni la kulupu Sili li toki tawa, a... tawa jan seme? tawa mi!
j.Tepo: lon. tawa sina! n ni li tenpo seme?
j.Pensa: a, ni li tenpo mun nanpa wan pi tenpo sike ni.
j.Tepo: a ni la ona li kama toki e pona e ike lon tenpo kama lili a!
j.Pensa: lon!
j.Tepo: tenpo suno kama pi mute lili.
j.Pensa: tenpo ni la kulupu Sili li toki tawa mi. "mi wile e sona namako. "sina ken ala ken pana e sona ni tawa mi? mi wile e sona ni." tenpo ni la mi toki e ni: "a pona. mi en kulupu mi li alasa e sona ni li pana e ona tawa sina."
j.Tepo: a ona li wile e sona namako seme?
j.Pensa: a. ona li... kulupu Sili li toki e wile sona ni: "toki pona li wawa ala wawa li ken ala ken toki e ijo mute?" ni li ijo nanpa wan. ijo nanpa tu li... "toki pona li jo ala jo e lipu mute? "lipu ni li kama mute anu seme lon tenpo kama?" ijo nanpa tu wan la "kulupu pi toki pona li lawa e toki pona anu seme?" jan Sonja li lawa e toki pona la ni li ike lili tawa ona. ona li wile e ni: jan pali pi toki pali li lawa ala e ale. kulupu li suli li wawa li ken lawa e nasin pi toki ni. ijo nanpa tu tu la "toki pona li suli ala suli tawa jan pi toki pona ala? "ona li suli ala suli tawa jan sona toki tawa jan ante?" ona li wile sona e ni: "toki pona li suli tawa jan pi toki pona taso ala." ni li sona namako.
j.Tepo: a. ni la sina pana e sona...
j.Pensa: lon. taso mi taso li pana ala. mi tawa ilo Siko. mi toki e wile sin ni pi kulupu Sili tawa jan ale, li toki e ni: "jan ale o. o alasa e sona ni. mi wile e sona ni lon lipu. o sitelen."
j.Pensa/j.Tepo: a a.
j.Tepo: sin la jan li kama li sitelen wawa!
j.Pensa: lon a a. pali wawa li lon. jan mute li alasa e sona sin li pana e ona tawa lipu. pini la mi pana e lipu ni tawa kulupu Sili. tenpo ni la, sin la, mi ale li awen. mi sona ala e ni: wile mi li pona ala pona tawa kulupu Sili? mi ken awen taso. taso pini la, pona la, mi ale li kama sona e ni: kulupu Sili li pana e nimi tawa toki pona!
j.Tepo: wa! pali li pona!
j.Pensa: pali li pona!
j.Tepo: lon! a mi ale li kama sona e ni kepeken nasin nasa.
j.Pensa: lon.
j.Tepo: lon. jan ante li... jan ante ni li seme? ona li...
j.Pensa: ona li jan sona toki.
j.Tepo: mi sona ala. ona li pali e lipu kepeken toki Kanse. lipu ni li sona pi toki pona, li pana e sona pi toki pona. n nimi ona li "sona li wan".
j.Pensa: jan ni li jan sona Tokikin.
j.Tepo: a, mi sona mute ala e jan ni. taso jan ni li toki tawa kulupu Sili li toki e ni: "toki pona li pona! toki pona li toki pona!"
j.Pensa: a a!
j.Tepo: "nimi o lon."
j.Tepo: ni la jan li toki tawa ona li toki e ni: "mi pilin sama! toki pona li pona! nimi li kama tawa ona lon tenpo kama lili!"
j.Pensa/j.Tepo: a a a.
j.Tepo: tan ni la mi ale li kama... tenpo ni la ona li pana ala e nimi. taso mi ale li kama sona e ni: nimi li kama a!
j.Pensa: lon.
j.Tepo: ...la jan ale li pilin musi li pilin wawa.
j.Pensa: ken la tenpo ni la jan mute li... ijo sin ni li pona mute tawa jan mute. jan mute li wile ante e lipu Wikipesija li wile pana e nimi ni tawa ona. taso kulupu Sili li toki e ni tawa jan wan taso, li toki ala e ni tawa jan ale. jan ala li ken sona e nimi sin pi toki pona lon lipu pi kulupu Sili. ale ni li tenpo pini alasa nimi. nasin ni la mi kama jo e nimi pi nasin Iso tawa toki pona. taso, nimi Iso li pona tan seme? ona li pana e pona seme tawa kulupu pi toki pona?
j.Tepo: n, a... suli la ona li pona tan ni: ilo mute li ken kepeken toki ante mute, anu seme... taso ilo mute li ken kepeken toki tan lipu pi kulupu Iso taso.
j.Pensa: lon.
j.Tepo: toki li lon lipu ni ala la ilo li ken ala kepeken toki ni. ilo mute li wile a e ni.
j.Pensa: nimi pi nasin Iso li lon ala la ona li ken ala pana e toki pona tawa lipu tawa ilo.
j.Tepo: lon. ilo mute li wile e ona. mi ken toki lili e ni: ilo seme li wile?
j.Pensa: pona. o toki.
j.Tepo: n. ni li pona mute-- n. ilo mute li wile e sona toki tan toki lipu Silesija. lipu ni li tan kulupu Junkio li toki e sona lili tawa toki ale a. sona lili li sama ni: "nimi pi toki ante li seme lon toki ni?" ni la sina wile... ni la ilo li ken wile pana e ilo ni: jan li ken toki e ni: "mi wile pi toki e toki ni." taso ni la jan li wile lukin e ni: "toki ante li nimi seme lon toki mi?" toki ale li jo e nimi lon toki ante ale. ni li nimi mute. nimi ni ale li lon lipu Sijesija.
j.Pensa: lon.
j.Tepo: n ante la, nimi ma li lon... suli mute la ni li lon: nanpa li ante la nimi ante o ante lon tenpo seme? ante nanpa seme li wile ante e nimi? ni li pona tan ni: ilo li wile toki e nanpa li wile ante e toki lon tenpo wan, anu seme? ni la... ni li sona suli tawa ilo mute.
j.Pensa: ilo o sona e nasin nanpa pi toki mute.
j.Tepo: lon a.
j.Pensa: kin la ijo ante pi ken sin li lon lipu Wikitata. lipu Wikitata li tan kulupu Wikimesijo. lipu Wikipesija kin li tan kulupu ni. lipu Wikitata li jo e sona mute a pi ijo mute a. ona li jo e sona jan e sona toki e sona pi ijo ale, a a. lipu li lon "Wikipesija" la lipu Wikitata li jo e sona pi ijo ni.
j.Tepo: a taso n. mi toki e ni: lipu Wikitata la... a sona mute li lon lipu Wikipesija kin. taso lipu Wikitata la sona li nasin ante, li nasin sama ni: ilo li ken lukin e sona ni.
j.Pensa: lon.
j.Tepo: lipu Wikipesija li tawa jan. taso lipu Wikitata li tawa ilo.
j.Pensa: lon. ni li suli. ilo li ken kepeken sona pi lipu Wikitata. kin la lipu Wikitata li jo e nimi pi ijo mute. ilo li wile sona e nimi pi ma Tosi la ona li ken sona e ni: "toki Tosi la nimi ni li seme? toki Kanse la nimi ni li seme? "toki Nijon la nimi ni li seme?" taso tenpo ni la lipu Wikitata li ken ala pana e nimi pi toki pona tan ni: tenpo pini lili la toki pona li jo ala e nimi pi nasin Iso. lipu Wikitata li wile e nimi ni. nimi ni li lon ala la ona li ken ala pana e toki sin. taso pona la tenpo kama lili la lipu Wikitata li ken jo e nimi ni, li ken jo e sona ni pi toki pona, tan nimi sin pi nasin Iso. ni li ijo pona mute!
j.Tepo: ni li pona a. sona mute li ken lon lipu! n... ijo ante seme?
j.Pensa: a, ijo [musi lami weka e toki Inli ni] li lon.
j.Tepo: n! kalama toki pi uta mute!
j.Pensa: lon!
j.Tepo: a ni li... mi ale li pana e nimi ni tawa ona a. ona li ilo. a, kulupu Mosila li lawa... li pali e ona li lawa e ona. n jan li wile pali e ilo tawa ni: ilo li kute e toki jan la ona li ken ante e ni tawa sitelen.
j.Pensa: lon.
j.Tepo: nasin ilo ni li wile e... jan li wile pali e ilo la nasin li sama ni: ilo o kute mute mute e toki jan mute mute mute e kalama ona. ni la ona li ken kama sona kute li ken kama sitelen. suli mute la ilo li kute e kalama la sitelen toki o lon poka. ni la ona li ken ante e kalama tawa sitelen. a a. ilo pi kalama toki pi uta mute... ilo ni li jo e kalama mute tan jan mute, tan uta mute. kulupu Mosila li pali e ona, li wile e ni: jan mute.. ale li tawa ilo ni li kalama tawa ilo la kalama ale ni li tawa poki, la jan li wile pali e ilo kepeken kalama la ona li ken! a, mi ale li wile pali e ilo kalama sama tawa toki pona la mi wile kepeken ilo ni. taso ona li wile e nimi pi kulupu Iso.
j.Pensa: lon.
j.Tepo: ni li kama lon tenpo pini lili la mi tawa jan lawa ilo. mi toki e wile la toki pona li lon ilo ni, lon tenpo ni a!
j.Pensa: lon!
j.Tepo: tenpo ni la jan li pana e toki e kalama, tawa ilo! ni li pona mute. ken la tenpo kama la ilo li ken kute e kalama pi toki pona, li ken sitelen e ni. a a. ni li pona mute tan ni: kalama sin la mi wile e sitelen toki tawa kalama ale. taso ni li ken pali suli. taso ilo li ken pali e ni la ni li pali lili a. n, ken la ilo li pakala lon tenpo. taso ken la ilo li pali pona lon tenpo mute la mi wile pona e pakala lili taso.
j.Pensa: lon. ilo li pali e ijo suli la jan li ken lukin e ike li ken alasa e ike lon ona.
j.Tepo: lon ni li ken--
j.Pensa: alasa ni li pali lili. ilo ni li kama lon tenpo kama la ni li pona mute tawa mi mute.
j.Tepo: a a. pona mute tawa mi a. a jan Itan li sitelen e ale. ni li pona mute tawa ona kin anu seme? [ante tenpo] jan Itan: aa... kin kin kin kin... ni li ijo tan anpa nanpa. mi kipisi e kalama ni. jan Tepo o. lon la mi wile e ni! ante la o awen kute. [ante tenpo]
j.Pensa: a suli la nimi sin pi nasin Iso li pona tawa ilo taso ala, tawa pali ni taso ala. nimi pi nasin Iso li lon la ni li toki e ni kin: toki pona li lili ala, li suli, li lon!
j.Tepo: li wawa!
j.Pensa: ona li wawa.
j.Tepo: ijo ante ala li lon la kalama li ken pini anu seme?
j.Pensa: a pilin mi la mi ken pini.
j.Tepo: pona. sina kute la sina pona mute! jan Pensa o. sina pona tan ni: sina toki lon kalama sin ni.
j.Pensa: wa.
j.Tepo: o awen pona. jan kute o.
j.Pensa: o awen pona!
j.Tepo: o pona!