Muart è il P..., tombolà a l'abiss

by Ermes di Colloredo

In morte del Dottor N. N.

SONETTO

MUART è il P..., tombolà a l'abiss
Chel parassit zigant, jò uei dì chel
Cu voleve cui Feuz mangià il vidiel,
e cul formadi ju Fideicomiss.

Lu cancar l'ha schianat, no cul curtiss
Come si schiane un cussì gran purciel,
Che a no 'l si risïa di lài al quel,
Che al vè päure che a no lu glutiss.

Costui pative tant dal mal de love,
Che al varess divorat i puars Furlans,
O che al foss fi d'un lof o d'une scrove.

Friul ringrazie il cil, ten su lis mans,
Che cumò dal mal fà lu dolz al prove,
E i fàs chel pro, cu fàs la jarbe ai chians.