Pauli, avìn za passat, che al è un bon piez
| Pauli, avìn za passat, che al è un bon piez (1828) by |
| Poesie scelte edite ed inedite in dialetto friulano |
Al Sig. P.B. che voleva far lite.
SONETTO
PAULI, avìn za passat, che al è un bon piez,
La mieze strade dal vital vïaz;
Ma mi tete di maj e mi dà impaz,
Che il passat al ventur scurte il chiavez.
Une volte erin fradis dal morbez,
E fedei camaradis dal solaz;
Cumò di chel mistir fasìn strapaz,
Che al volè, il no podè entre di miez.
Se in tal biel timp tu no pus plui scozzà,
E t'us fa lit, mistir cu tedie e nause,
Quasi nome a sintilu a nominà;
No no, mude pinsir, e fas pur pause,
Che se sul merit tu voràs tratà,
Cul pendi in man tu piardaràs la cause.