Pitla Storia bibia/5

5. Idie castiga l picià y mpermët l Salvator.

Chël Bel Die a po' dit ala beca: "Jache tu es fat chësc, ies tu maledida tra duc i tieres dla tiera. Nemezizia uei mëter danter té y l'ëila. L'ëila te sfranjerà l cë."

Al'ëila à dit Idie: "Tu messeres n sté ora de grandes con ti mutons y messeres sté al cumando de ti uem."

Y a Adam à dit Chël Bel Die: "La tiera sarà maledida per ti gauja. Spines, giardons y spinaces dëssela te purté! Tu messeres maië ti pan sul sué, nchina che tu jires inò ala tiera, de chëla che tu ies stat tëut; pervia che tu ies stuep y stuep deventeres inò."

Śën à po' fat Idie a Adam y Dieva guanc de peves y i à trac sëura. Nsci furnii i al ciacei dui doi ora dl paravis terester y à metù su angiuli cun spedes da fuech, acioche i ne posse plu jì ite.