Pitla Storia bibia/N14

Gejù ressuscitea da mort l jëun de Naim

Gejù jiva n iede te na zità, che se tlamova Naim. Cun ël jivel nce si sculeies y truepa d'autra jënt. Canche Gejù ie ruvà daujin dal purton de zità, cële śën, purtovi ora n mort, l unich fi de si oma, che fova vëidua. Se lamentan y bradlan jivela do la bara y truepa jënt de zità l'acumpagnova.

Canche Gejù à udù chësta oma, se al menà picià d'ëila y à dit: "No bradlé!" Po' iel jit daujin ala bara y l'à arzicheda. Chëi che purtova l mort, se à fermà. Gejù à dit: "Jëun, ie te dije, leva su!" Subit ie l mort levà su y à scumencià a rujené. Y Gejù i l à cunsenià a si oma.

Duc canc, chëi che fova iló, se à sperdù a udëi na tela y se temova. Ëi laudova Idie y dijova: "N gran profet ie levà su danter nëus y Chël Bel Die à vijità si popul."