Se̿ng-géng/Cho̤̿ng Si̿ Gi̿/1
1
edit1:1 Dĭ buo̿i-chǒ gâ̤ sî-hē Ciōng-Di̿ kṳé tíng bī dī.
1:2 Dī sī lòng kóng iǎng o̤̿ng gâ̤; chéng tâing gâ̤ sù-cài dú sī ú-o̤̿ng. Ciōng-Di̿ gâ̤ Sěng hū da̿u iŏ̤ng sṳ̌
1:3 mīng. Ciōng-Di̿ uā, Niōng iǔ guáng: ciū iǔ guáng
1:4 hīng chṳ̆ lâ̤. Ciōng-Di̿ chū iŏ̤ng guáng sī děng hǎu: Ciōng-Di̿ ciū nà iŏ̤ng guáng iáu o̤̿ng bṳ́ing-kṳé.
1:5 Ciōng-Di̿ hǎng iŏ̤ng guáng ca̿ Nì-sî, hǎng iŏ̤ng o̤̿ng ca̿ o̤̿ng-mâng. Iǔ dō̤ng ú iǔ tíng guáng, sī hō̤ ca̿ tê cì góng.
1:6 Ciōng-Di̿ uā, Sṳ̌ dô̤ng-ó̤ng-séng niōng chěng ca̿ kóng dé̤ng, nà ciōng-bíng gâ̤ sṳ̌ iáu à-bíng gâ̤ sṳ̌
1:7 bṳ́ing-kṳé. Ciōng-Di̿ ciū ca̿ chěng iŏ̤ng kó̤ng dè̤ng, nà kóng dé̤ng ciōng-bíng gâ̤ sṳ̌ iáu kóng dé̤ng à-bíng gâ̤ sṳ̌ bṳ́ing-kṳé: ciū cia̿u iŏ̤ng-gă̤-sĭ ca̿ chěng.
1:8 Ciōng-Di̿ ciū hǎng iŏ̤ng kóng dé̤ng ca̿ Tíng. Iǔ dō̤ng
1:9 ú iǔ tíng guáng, sī hō̤ ca̿ di̿ nī góng. Ciōng-Di̿ uā, Tíng-à gâ̤ sṳ̌ niōng cṳ̀ ca̿ cì dó, sǎ̤ ùing dī ŏ̤ hīng
1:10 chṳ̆ lâ̤: ciū cia̿u iŏ̤ng-gă̤-sĭ ca̿ chěng. Iŏ̤ng ùing dī Ciōng-Di̿ ciū hǎng ca̿ Diá; iŏ̤ng cṳ̀ cì dó gâ̤ sṳ̌ ciū hǎng ca̿ Huǒi: Ciōng-Di̿ chū iŏ̤ng dī sī děng hǎu.
1:11 Ciōng-Di̿ uā, Diá-di̿ niōng sáng giĕ cǎ̤ gâ̤ chǎu, giĕ cǎ̤ gǎ̤ cha̤̿, iáu sáng guǎ ciě gâ̤ chiū, guǎ-ciě dǐ bíng dú iǔ hō, gŏ̤ chiū iǔ gŏ̤ iōng gâ̤ guǎ-ciě da̿u diá-di̿:
1:12 ciū cia̿u iŏ̤ng-gă̤-sĭ ca̿ chěng. Iŏ̤ng-gă-sĭ diá-di̿ ciū sáng giĕ cǎ̤ gâ̤ chǎu, iáu giĕ cǎ̤ gâ̤ cha̤̿, gu̿ iǔ sáng guǎ-ciě gâ̤ chiū, guǎ-ciě dǐ-bíng dú iǔ hō, gŏ̤ chiū iǔ gŏ̤ iōng gâ̤ guǎ-ciě: Ciōng-Di̿ chū iŏ̤ng dī sī děng
1:13 hǎu. Iǔ dō̤ng ú iǔ tíng guáng, sī hō̤ ca̿ di̿ sáng góng.
1:14 Ciōng-Di̿ uā, Tíng ciōng-bíng niōng iǔ sáng guáng hīng chṳ̆ lâ̤, nà nì-sî iáu o̤̿ng-mâng bṳ́ing-kṳé; ǐ ca̿
1:15 gi̿-nēng, diāng si̿ gṳ̿, nîng-sěng, nì-ciě. Iŏ̤ng gúang da̿u tíng ciōng niōng hīng chṳ̆ lâ̤, iǎ niōng cia̿ da̿u
1:16 si̿-gáing: ciū cia̿u iŏ̤ng-gă̤-sĭ ca̿ chěng. Ciōng-Di̿ ca̿ chěng liòng-ciă duōi guáng; duōi gâ̤ gǔing-lǐ nì-sî, siǎu gâ̤ gǔing-lǐ o̤̿ng-mâng: iǎ ca̿ chěng lǒng-cǒng
1:17 gâ̤ sáing-siu̿. Ciōng-Di̿ nà iŏ̤ng guáng bo̿ng da̿u
1:18 tíng ciōng cia̿u da̿u si̿-gáing, Gǔing-lǐ nì-sî iáu o̤̿ng-mâng, nà guáng iáu o̤̿ng bṳ́ing-kṳé: Ciōng-Di̿ chū
1:19 iŏ̤ng dī sī děng hǎu. Iǔ dō̤ng ú iǔ tíng guáng, sī hō̤ ca̿ di̿ si̿ góng.
1:20 Ciōng-Di̿ uā, Sṳ̌-dǐ niōng huăi ǔ su̿ da̿u diá ciōng-
1:21 bíng bu̿ing-tíng ŭ-di̿. Ciōng-Di̿ ciū ca̿ huǒi-dǐ děng lǒng-cǒng ŏ̤ ṳě gâ̤ ciā-ciě, gŏ̤ iōng iǔ gŏ̤ iōng gâ̤ gă̤-sĭ, ca̿ lǒng-cǒng ŏ̤ ṳě gâ̤ ciā-ciě, gŏ̤ iōng iǔ gŏ̤ iōng
1:22 gâ̤ gă̤-sĭ: Ciōng-Di̿ chū iŏ̤ng dī sī děng hǎu. Ciōng-Di̿ ciū hṳ̌ nà hŭ-ki̿ nă gṳ̀, gō̤ uā, Niōng huăi-dă̤ cèng cāi, sǎ̤ mǔing huǒi dú sī, ciā-ciě iǎ niōng huăi cèng
1:23 cāi da̿u diá-di̿. Iǔ dō̤ng ú iǔ tíng guáng, sī hō̤ ca̿ di̿ ngù góng.
1:24 Ciōng-Di̿ uā, Si̿-gáing niōng nà sáng-ŏ huăi chṳ̆ lâ̤, gŏ̤ iōng iǔ gŏ̤ iōng gâ̤ gă̤-sĭ, lṳ̀ tṳ̆, tông-tuōi, súing di̿ gâ̤ tê-sáng, gŏ̤ iōng iǔ gŏ̤ iōng gâ̤ gă̤-sĭ: ciū cia̿u
1:25 iŏ̤ng-gă̤-sĭ ca̿ chěng. Ciōng-Di̿ ciū ca̿ chěng iŏ̤ng súing-di̿ gâ̤ tê-sáng, gŏ̤ iōng iǔ gŏ̤ iōng gâ̤ gă̤-sĭ, gìng tê-sáng, gŏ̤ iōng iǔ gŏ̤ iōng gâ̤ gă̤-sĭ, gu̿ iǔ diá-di̿ bâ-lâ gâ̤ tông-tuōi, gŏ̤ iōng iǔ gŏ̤ iōng gâ̤ gă̤-sĭ: Ciōng-Di̿ chū iŏ̤ng dī sī děng hǎu.
1:26 Ciōng-Di̿ uā, Uòi-huo̿i-nêng giâ-gíng niōng ca̿ chṳ̆ nêng lâ̤, niōng cia̿u-diū uòi gâ̤ hěng-còng, uòi gâ̤ gă̤-sĭ ca̿ chṳ̆ lâ̤: nà huǒi-di̿ gâ̤ ngṳ̂, kóng dé̤ng gâ̤ ciā-ciě, tê-sáng, gìng diá-di̿ bâ-lâ gâ̤ tông-tuōi, dú nă gṳ̀
1:27 gǔing-lǐ, gṳ̀ iǎ niōng gǔing-lǐ tóng si̿-gáing. Ciōng-Di̿ ciū cia̿u-diū cù-cī gâ̤ hěng-cò̤ng ca̿ nêng chṳ̆ lâ̤, ca̿ chṳ̆ lâ̤ ciū su̿-siōng Ciōng-Di̿ gâ̤ hěng-cò̤ng; sī ca̿ chṳ̆
1:28 cì-ciă nâng cì-ciă cṳ̌. Ciōng-Di̿ hṳ̌ nà hŭ-ki̿ nă gṳ̀-huo̿i-nêng iáu gṳ̀ uā, Niōng huăi-dă̤ cèng cāi, sǎ̤ tóng si̿-gáing dú sī, iǎ niōng di̿-hū-dă̤ si̿-gáing dǎu: ciū-sī huǒi-di̿ gâ̤ ngṳ̂, kóng dé̤ng gâ̤ ciā-ciě, iáu diá-di̿ gŏ̤ iōng ŏ̤ dòng gâ̤ sáng-ŏ, nì dú niōng gǔing-lǐ.
1:29 Ciōng-Di̿ uā, Tóng si̿-gáing giĕ cǎ̤ gâ̤ cháng cha̤̿, iáu chiū-di̿ sáng iǔ hō gâ̤ guǎ-ciě; uòi lǒng-cǒng
1:30 dú nă nì ca̿ liông-chǎu. Lâ̤-sī ŭ duói diá-di̿ giǎng gâ̤ tê-sáng kóng dé̤ng ṳě gâ̤ ciā-ciě, iáu gŏ̤ iōng da̿u diá-di̿ bâ-lâ gâ̤ sáng-ŏ, uòi nà gŏ̤ iōng gâ̤ cháng chǎu nă gṳ̀ ca̿ liông-chǎu: ciū cia̿u iŏ̤ng-gă̤-sĭ ca̿
1:31 chěng. Ciōng-Di̿ chū iŏ̤ng duói ca̿ gâ̤ dī dú sī děng hǎu. Iǔ dō̤ng ú iǔ tíng guáng, sī hō̤ ca̿ di̿ lṳ̀ góng.