Se̿ng-géng/Mǎ-tuo̿i Hŭ-éng/19
Di̿ 19 Cióng
edit
- 1 Iǎ-Sú iǒ̤ng dī uā làu, ciū chṳ̌ Gá-lī-lī, lâ̤ Iǔ-tuo̿i gǎ-ga̿i gâ̤ sù-cài, da̿u Iǒ̤-dàng ǔ-bíng kái.
- 2 Iǔ cèng cāi nêng gáing gṳ̀, Iǎ-Sú da̿u ǔ-di̿ ta̿i gṳ̀ í-bāng.
- 3 Iǔ Huǎ-lī-so̿ nêng lâ̤ chi̿ Iǎ-Sú, uā, Nêng mǎu-lō̤ng sū-mū dī dú gǒ̤ng chṳ̌-tiāu sē-mǎ, ēng gǒ̤ng?
- 4 Iǎ-Sú a̿ing uā, Se̿ng-géng gi̿-diū gâ̤ dī, nì gu̿ ēng-nǎing nāng-gua̿, ciū-sī uā, buo̿i-chǒ ca̿ nêng gâ̤ Cṳ̌ ca̿ ciǎ nâng, ciǎ nṳ̌.
- 5 Ǐ uā, Éng-ṳē iǒ̤ng di̿ nêng niōng piě-tiāu dá-nǎi, iáu sē-mǎ níng-níng-diū; liōng nêng hō̤ ca̿ ǐ tǐ.
- 6 Iǒ̤ng-gǎ̤-sǐ sé̤ng-é̤ng sē-mǎ cuo̿i mài so̤̿ng-dǎ̤ liōng nêng, :sī hō̤ cā ǐ tǐ gâ̤. Gu̿-chu̿ Ciōng-Di̿ pō diāng-gṳ́ gâ̤, nêng dú ēng gǒ̤ng bṳ́ing-kṳé.
- 7 Huǎ-lī-so̿ nêng uā, Í ni iǒ̤ng-gǎ̤-sǐ uā, Mǒ̤-sái í ṳē-sū-dī gáu-dō uòi siǎ chṳ̌-tiāu sē-mǎ gâ̤ cī, chṳ̌-tiāu sē-mǎ ?
- 8 Iǎ-Sú iáu nì uā, Lâ̤-ēng-sī 7ē te̿ng nêng iǎ sī tóng-gáing.
- 10 Hǎ-sáing iáu Iǎ-Sú uā, Nêng iáu sē-mǎ lâ̤-sī iǒ̤ng-gǎ̤-sǐ da̿u-bǔ-ṳ̌, ēng tǎu ga̿ing hǎu.
- 11 Iǎ-Sú uā, Nêng mǎu-bǒ̤ng-sū dú ŏ̤ í iǒ̤ng dī, cǒng-lâ̤ nǎ sū-mū nêng iǔ3-bǒ̤ng-sū, sū-mū nêng ciū ŏ̤ í.
- 12 Éng-ṳē iǔ nêng chṳ́-si̿ sáng-chěng mài saing-iǒng gâ̤: cù-cī iǔ nǎ nêng uā3i-tiáu gâ̤; iǎ iǔ éng-ṳē tíng gǒ gâ̤ dī cù-cī ēng tǎu-chéng. Sū nêng iǔ-nǎing-ge̿ í iǒ̤ng dī, ciū niōng í.
- 13 Ǔ-cì-sî iǔ nêng iáu-diū gǐ-ciǎ hā Iǎ-Sú-di̿ lâ̤, o̿ Iǎ-Sú nà siǔ ga̿ hā gṳ̀ tê-di̿, ta̿i gṳ̀ gǐ-dǎu; hǎ-sáing uā iǒ̤ng nêng.
- 14 Iǎ-Sú uā, Běng-cie̿ gṳ̌ing-ciě hā uòi iǒ̤ng-di̿ lâ̤, ēng niōng lûing-cǔ gṳ̀, éng-ṳē tíng gǒ gâ̤ nêng dú su̿-siōng iǒ̤ng-gǎ̤-sǐ gâ̤ gṳ̌ing-ciě.
- 15 Iǎ-Sú ciūga̿ siǔ hā gṳ̀ tê-di̿, giǎng ǔ sù-cài ko̤̿-tiāu.
- 16 Iǔ cì-ciă hē-sáng nêng hā Iǎ-Sú-di̿ lâ̤, uā, Síng-sáing, uòi niōng ca̿ sū-mū hǎu gâ̤ dī, ciū ŏ̤ dǎ̤-diō̤ ě̤ng-ṳ̌ing gâ̤ sáng-miāng?
- 17 Iǎ-Sú uā, Nì ṳē sū-mū dī mōng uòi sū-mū dī sī hǎu gâ̤? Iǔ cì-ciă hǎu gâ̤, ciū-sī Ciōng-Di̿, nì o̿ nì ě̤ng-ṳ̌ing gâ̤ sáng-miāng, ciū niōng í ǔ gáu-dō nì gâ̤ dī.
- 18 Ǔ hē-sáng nêng uā, Nì cì-iōng gáu-dō uòi gâ̤ dī? Iǎ-Sú uā, Ciū-sī ēng gǒ̤ng huōi-sǐ nêng, ēng gǒ̤ng tóng-gáing ēng gǒ̤ng ca̿ chā̤ .
- 19 Niōng ge̿ng dá-nǎi : iǎ niōng o̿ biē-nêng su̿-siōng cù-cī ǐ-búing.
- 20 Ǔ hē-sáng nêng uā, Iǒ̤ng duói dī uòi dú í làu: gu̿ chá sū-mū dī nī?
- 21 Iǎ-Sú uā, Nì o̿ ca̿ sí-huó̤ng hǎu gâ̤ nêng, ciu niōng ko̤̿ nà nì iǔ gâ̤ mî-dī dú māi-tiāu māi-tiāu, kāng-nīng gê̤ng-mǎu gâ̤ nêng, ciū iǔ ngê̤ng-cîng mî-dī da̿u tíng ciōng : ǐ niōng lâ̤ gáing uòi.
- 22 Ǔ hē-sáng nêng tia̿ng-nī-gi̿ng iǒ̤ng-di̿ ciū cèng ki̿ ko̤̿ tiáu: éng-ṳē gṳ̀ gâ̤ gá-do̤̿ng cèng cāi.
- 23 Iǎ-Sú iáu hǎ-sáing uā, Uòi ì-cài iáu nì uā , Cuòi-cṳ̌ gâ̤ nêng nì tíng gǒ sī cèng nûing.
- 24 Uòi ì-cài iáu nì uā, Lo̤̿-dǒ̤ chṳ̿ing-gua̿ céng-pī, piāng cuòi-cṳ̌ nì Ciōng-Di̿ gâ̤ gǒ ga̿ing kṳe̿-chṳe̿.
- 25 Hǎ-sáing tia̿ng-nī-gi̿ng iǒ̤ng-di̿, cèng gǐ-guo̿i , gō̤-uā, Iǒ̤ng-gǎ̤-sǐ gu̿ sū nêng ŏ̤ dǎ̤ giù nī?
- 26 Iǎ-Sú chū-diū gṳ̀, gō̤-uā, Lâ̤-sī cài nêng ciū mǎu-nǎing-ge̿, lâ̤-sī cài Ciōng-Di̿ mǎu-lō̤ng sū dī dú iǔ-nǎing-ge̿.
- 27 Bǐ-dǎ̤ ciū iáu Iǎ-Sú uā, Uôi-huōi-nêng lǒng-cǒng gâ̤ mî-dī chìng-mâng dú diú-tiāu làu, lâ̤ gáing nì, iǒ̤ng-gǎ̤-sǐ ŏ̤ dǎ̤-diō̤ sū-mū dī nī?
- 28 Iǎ-Sú uā, Uòi ì-cài iáu nì uā , Nì iǒ̤ng gáing uòi gâ̤ nêng, da̿u běng sū-mū dī dú ǒ̤-séng gâ̤ sî-hē, nêng gâ̤ Gṳ̌ing ŏ̤ cō da̿u ě̤ng-iāu gâ̤ ǔ-di̿, nì-huōi-nêng iǎ ŏ̤ cō hā sí-nī-bǎ ǔ-di̿, sěng Ì-să̤-liĕ sí-nī bǒng-tê gâ̤ nêng.
- 29 Mǎu-lō̤ng sū nêng éng-ṳē uòi gâ̤ miâng diú-tiāu chio̤̿, hiáng-dī, ci̿-mṳē, dá-nǎi , sē-mǎ , gṳ̌ing, châing-di̿, dú ŏ̤ dǎ̤-diō̤ cì-bǎ bò, iǎ ŏ̤ dǎ̤-diō̤ ě̤ng-ṳ̌ing gâ̤ sáng-miāng.
- 30 Lâ̤-sī iǔ cèng cāi nêng giâ-gíng da̿u bò-hē, hē-lǎi ŏ̤ da̿u tê-chîng; da̿u tê-chîng hē-lǎi ŏ̤ da̿u bò-hē.