toki soweli tan jan Beatrix Potter/soweli Penjamin

by Beatrix Potter

[ 222 ]

soweli Penjamin

 

 

tan jan Beatrix Potter

ante pi toki pona tan jan Ke Tami

 

 

[ 223 ]

soweli Penjamin

 

 

 

 

[ 224 ]

soweli Penjamin

 

tan jan Beatrix Potter

ante pi toki pona tan jan Ke Tami

 

 

 

[ 225 ]jan lili o sona e ni: lipu ni la, soweli mama li utala e soweli lili ona. ni li ike. mama o utala ala e lili ona. utala ni li pona lon tenpo ala a. mama sina li utala e sina la, ni li ike, li nasin ala.

 

 

[ 226 ]

[ 227 ]tenpo suno wan li open la, soweli lili pi kute suli li awen lon supa monsi.

ona li sewi e kute ona, li kute e tawa noka noka noka a tan soweli suli tawa.

poki tawa li kama lon nasin. jan Mekeke li lawa e ona. meli ona li lon poka ona, li jo e len lawa seli pona a.

[ 228 ]ona li tawa, li tawa weka la, soweli lili Penjamin li tawa lon nasin–li tawa noka, li tawa noka–li wile tawa kulupu pi soweli sama ona. kulupu li lon ma pi kasi suli, li lon monsi pi ma kili moku. ma kili li ma pi jan Mekeke.

[ 229 ]

[ 230 ]

[ 231 ]ma pi kasi suli la, lupa mute pi tomo soweli li lon. lupa pona pi ko pona mute la, soweli mama pi kulupu sama ona en soweli lili sama li lon. soweli lili li soweli Lawako, li soweli Sikeko, li soweli Monsiko, li soweli Pita.

soweli olin pi mama soweli ni li moli. mani la, ona li pali e len luka, li esun e ni.

[ 232 ](tenpo wan la, mi esun e len ni.) sama la, ona li esun e kasi pi namako moku, e kasi pi telo seli, e namako pi kon moku seli. (jan la, namako ni li kon moku ala, li pona tawa nena taso, li laso loje.)

[ 233 ]soweli lili Penjamin li tawa kulupu, taso mama kulupu la, wile ona li wawa ala.

ona li tawa poka ante pi kasi suli wan la, soweli sama ona Pita li kama lon noka ona.

[ 234 ]

[ 235 ]

[ 236 ]soweli Pita li anpa, li wan taso. lukin la, ona li pilin ike, li jo awen e len loje awen taso.

soweli lili Penjamin li wile sona, li kepeken kalama lili: "soweli Pita o, len laso sina li lon seme?"

[ 237 ]soweli Pita li toki: "ona li lon ilo pi sama jan lon ma pi kili moku lon ma pi jan Mekeke." ona li toki e tenpo pini: jan Mekeke li alasa e ona la, ona li kama weka tan ma kili, li weka e len ona.

[ 238 ]soweli lili Penjamin li kama anpa lon poka pi soweli

sama ona, li pana e sona: jan Mekeke en meli ona kin li kama weka lon tenpo pini lili, li awen weka lon ale pi tenpo suno tan ni: jan meli Mekeke li jo e len lawa pona a.

[ 239 ]

[ 240 ]

[ 241 ]toki la, soweli Pita li wile e telo tan sewi. tenpo ni la, soweli mama li kalama lon insa pi lupa tomo: "soweli Monsiko o! soweli Monsiko o kama sin e kasi namako pona"

soweli Pita li toki: "ken la, mi kama pilin pona sin tan tawa."

[ 242 ]ona tu li luka e luka, li tawa, li kama lon supa sinpin lon ma pi kili moku. ona li lukin e ma jan. len laso pi soweli Pita en len noka ona kin li lon ilo pi sama jan. ilo la, len lawa pi jan Mekeke li lon sewi.

[ 243 ]

[ 244 ]

[ 245 ]soweli lili Penjamin li toki: "mi tawa lon anpa sinpin la, ni li ken jaki e len. nasin pona li ni: mi anpa pona e mi tan kasi suli la mi kama lon insa."

soweli Pita li anpa la, lawa ona li open e anpa. taso ni li ike ala tan ko anpa ma pona.

[ 246 ]kili lipu laso li kama tan ma. ona tu li tawa lon ma la, lupa noka lili li kama lon ma ale ni. soweli Penjamin li jo e noka len la, lupa li wawa.

[ 247 ]

[ 248 ]

[ 249 ]soweli lili Penjamin la, ijo wan li suli: ona li wile jo sin e len pi soweli Pita. ni li pini la, ona li ken kepeken len loje awen.

ona li weka e len tan ilo pi sama jan. telo li kama tan sewi lon tenpo pimeja la, telo li lon insa pi len noka. len laso sijelo li kama lili tan telo.

[ 250 ]soweli Penjamin li lukin jo e len lawa jan lon lawa ona, taso len li suli ike.

ni li pini la soweli Penjamin li wile e kili mute lon len loje awen, li wile pana e ni tawa mama kulupu.

soweli Pita li pilin pona ala. ona li awen kute e kalama.

[ 251 ]

[ 252 ]

[ 253 ]taso soweli Penjamin li pilin

pona. ona li moku ijo lipu tan kili lipu. ona li toki: "moku pi tenpo suno lape ale la, mi awen kama lon ma pi kili moku lon poka pi mama mi."

(mama pi soweli Penjamin li soweli Penjakin.)

lon la, kili lipu li pona a.

[ 254 ]soweli Pita li moku ala. ona li wile tawa tomo ona. ona li anpa ijo kili mute.

[ 255 ]

[ 256 ]

[ 257 ]soweli lili Penjamin li toki: "mi ken ala tawa sewi sin kepeken kasi suli tan kili mute." ona li open ijo nasin tawa poka ante pi ma kili. ona tu li tawa lon kiwen kasi, li tawa lon anpa pi sinpin loje.

[ 258 ]soweli pi lili mute li lon. ona li lon lupa tomo ona, li moku e kiwen kili, li tawa toki e luka tan soweli ni tu pi kute suli.

tenpo ni la, soweli Pita li anpa sin e len loje awen e kili.

[ 259 ]

[ 260 ]

[ 261 ]ona tu li tawa lon poka pi poki kasi, li tawa lon poka palisa, li tawa lon poka pi supa suli. soweli Pita li kute e kalama ike a sama ala kalama pi tenpo pini. lukin ona li kama suli sike a.

ona li tawa lon sinpin pi soweli sama ona la, ona li pini a e tawa lon tenpo ni.

[ 262 ]soweli ni tu li lukin e ni lon

nasin sinpin!

soweli lili Penjamin li lukin lon tenpo lili taso, li pali lon tenpo lili, li len e ona tu e kili kin lon anpa poki.

[ 263 ]

[ 264 ]

[ 265 ]soweli alasa pi kalama noka ala li pini e lape, li suli e sijelo ona, li weka e pilin lape tan sijelo. ona li kama lon poki, li pilin e kon kepeken nena.

ken la kon kili li pona tawa ona!

taso ale ni la, ona li kama lape lon poki.

[ 266 ]ona li awen lon poki lon tenpo suli mute a.

*****

mi ken ala pana e sitelen pi soweli tu lon insa poki tan pimeja. kin la, kon kili li ike tawa nena lon tenpo, li kama e telo tan lukin pi soweli tu.

[ 267 ]tenpo la, suno li tawa ma pi kasi suli. suno li awen kama anpa, taso soweli lape li awen lape lon poki.

[ 268 ]

[ 269 ]

[ 270 ]tenpo li kama la, kalama lili en kalama lili li lon. kiwen lili li kama tan sewi sinpin.

soweli lape li lukin lon sewi, li lukin e soweli Penjakin. soweli Penjakin li tawa lon sewi sinpin, li tawa kepeken musi.

[ 271 ]ona li moku e kon seli pimeja tan ilo pi kon moku kepeken namako pi kon moku. palisa utala lili li lon luka ona.

ona li wile tawa soweli lili ona.

[ 272 ]soweli alasa pi kalama noka ala li suli ala tawa soweli Penjakin.

ona li tawa wawa sewi tan sinpin, li tawa sewi pi soweli lape, li weka utala e soweli tan poki, li noka utala e soweli tawa tomo kasi, li weka utala kin e linja lili tan soweli.

[ 273 ]sin ni li nasa e soweli weka la, ona li kama ala utala kin.

[ 274 ]

[ 275 ]

[ 276 ]soweli Penjakin li tomo e soweli weka la, ona li pini awen e lupa.

ni li pini la, ona li kama sin lon poki, li kama jo e kute pi soweli lili ona Penjamin lon luka, li utala e soweli lili kepeken palisa lili.

[ 277 ]sama la, ona li kama e soweli lili ante Pita, li utala sin.

ona li jo wawa e len loje awen pi kili mute, li tawa weka tan ma kili.

[ 278 ]

[ 279 ]jan Mekeke li kama lon tenpo lili la, ona li lukin e ijo nasa mute.

lukin la, lupa lili li lon ma kili ale. lukin la, lupa ni li tan len noka–taso, lukin la, lupa ni li lili li ken tan noka lili taso!

[ 280 ]kin la, soweli ona li kama awen lon insa pi tomo kasi, li ken ala weka tan lupa pini. jan li ken ala kama sona e ken ni pi soweli ona.

[ 281 ]

[ 282 ]

[ 283 ]soweli Pita li kama lon tomo ona la, mama ona li toki ike ala tawa ona, li pilin pona tan ni: ona li kama jo sin e len ona a. soweli Monsiko en soweli Pita li lili pona e len loje awen la, mama soweli li jo e kili, li pana e kili lon sewi pi tomo moku lon poka pi kasi namako.

pini