tan jan Beatrix Potter ante pi toki pona tan jan Ke Tami
[ 288 ][ 289 ]tenpo wan la, tomo pi pona mute li lon. ona li tawa jan ala, li sama tomo jan. ona li lili, li tawa ijo. sinpin ona li loje. selo lupa li walo. len walo pona li lon lupa, li len lon a. lupa tawa kin li lon. sewi tomo la, lupa li ken pana e kon.
[ 290 ]ijo musi suwi tu li lawa e tomo. ona li ijo Ipiki, li ijo Jante. ona li sama jan tawa lukin. lon la, ijo Ipiki taso li lawa, taso ona li wile ala e pali moku tan ijo Jante.
ijo Jante li jan pi pali moku; taso ona li pali e moku lon tenpo ala tan ni: moku ale li lon a, li wile ala e pali moku, li pini. esun la, moku li awen lon poki lon ko awen.
[ 291 ][ 292 ][ 293 ]kala pipi loje tu en ko soweli moku en kala laso en ko suwi en kili mute li lon.
ona li awen, li ken ala weka tan supa ona, taso ona li pona mute tawa lukin.
[ 294 ]tenpo suno wan li open la, ijo Ipiki en ijo Jante li tawa weka lon poki tawa ona. jan ala li lon tomo pi jan lili la, kalama ala li lon a. a, taso kalama lili li kama, li tan luka lili anu noka lili, li lon poka pi poki seli. lupa li lon noka sinpin.
[ 295 ]soweli Lukan li tawa e lawa ona lon lupa, li weka sin e ni.
soweli Lukan li soweli pi lili mute. kute ona li sike. monsi ona la linja palisa suli li lon. kiwen uta sinpin tu li palisa.
[ 296 ][ 297 ][ 298 ]soweli Lukante li meli ona, li tawa kin e lawa ona lon lupa. ona li lukin e jan ante lon tomo ni la, ona li tawa, lon len ma supa.
[ 299 ]tomo lili ijo li lon poka ante pi poki seli. soweli Lukan en soweli Lukante li tawa ona kepeken nasin pi lukin mute. ona li luka e lupa tawa—lupa li awen ala, li open.
[ 300 ][ 301 ][ 302 ]soweli Lukan en soweli Lukante li tawa sewi pi tomo lili, li lukin e tomo moku. ni la, ona li mu pi pilin pona wawa!
moku pona a li lon supa moku! ilo moku li lon—supa monsi tu kin li lon, li suli
pona a!
[ 303 ]soweli Lukan li wile pali lon ko soweli moku. ona li pona tawa lukin, li jelo suno, li loje lili linja kin.
ilo li kama pakala lon luka ona, li utala e luka. pilin pakala la, ona li uta pona e luka.
[ 304 ]"ona li kama ala seli pona lon tenpo pini la, ona li kiwen mute. soweli Lukante o lukin pali."
[ 305 ][ 306 ][ 307 ]soweli Lukante li sewi tan supa monsi ona, li lukin utala kin e ko kepeken ilo.
soweli Lukante li toki: moku soweli ni li kiwen a sama moku soweli lon jan pi ko moku pona."
[ 308 ]moku en supa lili ona li kama tu pakala. moku li tawa anpa kepeken wawa, li tawa anpa pi supa moku.
soweli Lukan li toki: "o tawa ala ona. o pana e kala, soweli Lukante o!"
[ 309 ][ 310 ][ 311 ]soweli Lukante li kepeken ilo moku ale, taso kala li awen lon supa lili ona.
ni la, soweli Lukan li kama pilin utala. ona li pana e moku soweli lon ma, li kepeken ilo suli moku, li kepeken ilo pali ante—li utala, Utala, Utala, Utala, Utala!
[ 312 ]moku soweli li pakala mute tan ni: selo kule ona li weka la insa ona li kiwen ko taso!
[ 313 ]ni li suli e pilin utala pi soweli tu, e pilin anpa ona. ona li pakala e ko suwi, e kala pipi loje, e kili ale.
kala laso li ken ala weka tan supa lili ona la, soweli li pana wawa e kala tawa poki seli pi lipu loje; taso kala li kama ala seli.
[ 314 ][ 315 ][ 316 ]soweli Lukan li tawa sewi tomo, li lukin e lupa pi pana kon—pimeja pi seli pini li lon ala.
[ 317 ]soweli Lukan li lon sewi la, ike ante li kama tawa soweli Lukante. sewi pi supa poki la, ona li lukin e poki lili a. nimi li lon poki, li toki e pan—e namako wawa pi telo pimeja—e kili lili—taso ona li anpa e sewi poki la, kiwen laso taso en kiwen loje taso li kama tan poki.
[ 318 ][ 319 ][ 320 ]ni ale la, soweli ni tu li kama pali e ike ale tan wile ona— soweli Lukan li pali mute kin e ike! ona li weka e len pona pi ijo Jante tan poki len lon tomo lape, li tawa e ni tan lupa lukin lon sewi tomo.
[ 321 ]taso soweli Lukante li pilin wile. ona li weka e len waso mute tan supa lape pi ijo Ipiki la, sona li kama sin lon ona: ona li wile e supa lape pona pi len waso insa.
[ 322 ]soweli Lukan li pana kin e pali la, ona li tawa e supa len lape, li tawa anpa tomo, li tawa weka pi tomo lili, li tawa lon len ma supa, li tawa lupa lon sinpin. ona li wile insa e supa len la ona li kepeken pali mute, li kepeken wawa mute; taso ona li kama pali e ni a.
[ 323 ][ 324 ][ 325 ]sin la, soweli Lukante li tawa tomo, li jo e supa monsi, e supa pi lipu mute, e poki pi jo waso, e ijo ante mute. taso supa lipu en poki waso li ken ala tawa insa pi lupa soweli.
[ 326 ]soweli Lukante li poka e ni tu lon poki pi kiwen seli, li alasa e supa pi jan lili sin.
[ 327 ][ 328 ][ 329 ]soweli Lukante li kama e supa monsi ante la, kalama toki li kama tan weka tomo. soweli li tawa wawa lon lupa. ijo musi jan li kama lon tomo pi jan lili.
[ 330 ]ijo Jante en ijo Ipiki li lukin e ale ni a!
ijo Ipiki li kama awen lon supa pi seli moku, li lukin taso; ijo Jante li kama poka lon poki pi ilo moku. sinpin ona li awen sama. taso ona tu li toki ala.
[ 331 ][ 332 ][ 333 ]ona li kama ken awen e supa lipu e poki waso tan poki pi kiwen seli—taso soweli Lukante li jo e supa pi jan lili sin e len mute kin pi ijo Ipiki.
[ 334 ]ona li jo e poki pona kin e ilo poki moku kin e ijo ante kin.
[ 335 ][ 336 ][ 337 ]ni ale li lon tomo pi jan lili la, jan lili ni li lukin e ike lon tomo lili musi ona. ona li toki—"mi wile pana e len tawa ijo musi jan mi. len ni la, ona o sama jan pi awen lawa!"
[ 338 ]taso jan pi pali mama li toki—"mi pali e ilo alasa tawa soweli pi lili mute!"
[ 339 ][ 340 ]ni la sina sona e toki ni pi soweli lili ike tu—taso ona li ike mute ala tan ni: soweli Lukan li kama pana e pona tan ike ona pi tenpo pini.
ona li kama lukin e mani wan lon anpa pi len ma supa; tenpo pana sewi la, ona en soweli Lukante li pana e mani ni lon len tawa ijo Ipiku tawa ijo Jante.
[ 341 ][ 342 ][ 343 ]open pi tenpo suno mute anu open pi tenpo suno ale kin la—jan ala li pini e lape la—soweli Lukante li kama, li jo e ilo pi weka jaki, li weka e jaki tan tomo lili pi ijo tu a!
pini
This work is available under the Creative CommonsCC0 1.0 Universal Public Domain Dedication. The person who associated a work with this deed has dedicated the work to the public domain by waiving all of his or her rights to the work worldwide under copyright law, including all related and neighboring rights, to the extent allowed by law. You can copy, modify, distribute and perform the work, even for commercial purposes, all without asking permission.
