Wigia łidła

←

Wigia łidła
by Józef Gara

„Wymysöjer śtytła” – miasteczko Wilamowice oraz jego osobliwości zawarte w zbiorze piosenek wilamowskich Józefa Gary

→

113595Wigia łidła — „Wymysöjer śtytła” – miasteczko Wilamowice oraz jego osobliwości zawarte w zbiorze piosenek wilamowskich Józefa GaryJózef Gara

[ 56 ]

Wigia łidła

Kyndła majśłöf^[1] siun aj.
Wajł dy śtaomła kuma
an der möndej siun nönd
wejder ufgyśwuma.

O wigła, wigła, wigła maj
śłöf maj kyndła, śłöf siun aj.

Wigła maj s'śłyft siun aj.
Maj siejn łiwys kyndła
śłöf güt aj wao dö zajn
an traojm fun enieła.

O wigła, wigła, wigła maj
śłöf maj kyndła, śłöf siun aj.

Śłöf güt aj kyndła maj.
Engln waon dir zyngia
dy naocht ej łaong zyc ufer baonk
wył dich abysła wigia.

O wigła, wigła, wigła maj
śłöf maj kyndła, śłöf siun aj.

Przypisy

↑ Błąd w druku; powinno być – maj śłöf.

This work is licensed under the Creative Commons Attribution-ShareAlike 3.0 Unported license.

[1] Błąd w druku; powinno być – maj śłöf.

[1]