Коммунистическай Интернационалсь.
Коммунистическай Интернационалсь арси сембя масторонь Коммунисттнень партиякс.
Коммунистическай Интернациональть (нюрьхкеняста — Коминтернать) членонза сембе масторонь инголи моликс виде ваймонь рабочайхне и сокай ломаттне.
Коминтернать башка секциянза улихть Европаса, Америкаса, Азияса и Африкаса. Сембя союзонь ВКП(б нь) партиясь лувондови Коминтернати секциякс.
Коминтернць пуроптовсь 1919 кизонь март ковста, аф лама ков йотазь мировой буржуазнай ваинать аделамок. Мес сон шачсь те пинкть, вайнать аделамок? А ва мес. Сембе прявий — сяви рабочайхне и сокай ломаттне, няезь сембе аф кандомшка осалхнень, конань синь канцть вайна пинкста и шарьхкодезь, што сяда ламас тяфта аф ащема и што стак ащемда пеерьдемс море трудяй ломанень вер аш мезенкса.
Тянь колга синь путозь тевкс пуромомс марс Коммунистическай партияв и путозь мяльксь азомс и сергядемсь сембя трудяй ломматтнень, штоба йордамс капиталлисттнень власцта, конат эсь эрямшиснон цебяренкса люпштазь кирьцазь лама миллион трудяй ломаттнень и кучсесазь синь фке—фкянь шавома, аф лама ломаненень мяленкса.
Коминтернать васенце пуроптыец, миннь большевиконь—коммунистонь партиясь, Ленин ялгать вятемаса и мяленц коряс.
Нинге вайнать ушодомста большевикне, сяда меля, к‘да няезь, што омбоце Интернационалсь, конань перьфь эста пуромфольхть сембе рабочай партиятне и конац полафтозе мяленц рабочайхнень каршос, — азозь, што эряви тиемс Колмоце Коммунистическай Интернационалсь.
Ингольдень войнась, Октябрь ковонь революциясь и сяда мелень революциятне Германияса и Австрияса кеподезь рабочайхнень мяльснон тиемс Коммунистическай партият и лия масторга Март ковста 1919 кизоне Москуса пуромсь коминтернать васенце тевонь уставай пуромксоц (конгресоц).
Те конгрезсь примась лама эрявикст мезе тиема коминтернати и лифць эстиенза ви. 9 киза квалмоти Коминтернась тернесь 5 конгрест, кснаста 3 не работасть Ленин ялгать вятемаса, а нилецеса сон тиезя мекпяльдень оцю докладонц середемадонза инголе.
Не конгрезга кочксевсть тефть, кода вятемат сембе масторонь рабочайхне капиталть каршос, профсоюзонь работась, сокай ломаттнень работасна, колониява эряйхнень йотконь работать, СССР—онь эрям-ащем тев — од кига молеманц Нэп) и лама лия кизефкста.
Мекпяльдень коминтернтть 6 це конгрезсь лифць программа, кода вятимс тевть сембе масторга.
Коминтернць 10 кизонь квалмоста оцюста сыргозьфтезя революционнай тевть — нингя сяда оцю задачат ащихть инголенза те пингоня, мзярда буржуазиясь моли рабочахнень лангс.