Саровонь „преподобнай“ Серафимсь.
Кие тиезе „святойкс“.
Оцюазорсь Николай II-й Россиять эса лама лифнесь „святойда“. Лисентсь и тяфта, што фке „святойсь“ калмаф кафта вастова, кода лиссь Новгородонь архиепископть Пифонтть мархта, кона калмаф и Новгородса и Киевса. Тяфта лиссь и Серафимсь.
Сонць Николай II-сь аванц мархта образованиянь пялде лафчтольхть и верондасть чудатненьди.
Се пиньгоне оцюазоравась пельсь аф шачы цьорасна и озоншнесть, штоба шкайсь максоль цьоране.
Попне кунара ни думандасть танга лифтемс кодама святой. Лоткасть Серафимть ланкс и ушоцть сонь колганза корхнема оцюазоравати и мерьгонцть, што кда угодникти тиихть кодама эряви почет, то сон шачфты цьора.
Оцюазорти Серафимть колга лама корхнесь Иван Кронштадский и француз „доктор Филипп“, кона Францияса ульсь сиволень мишендиксти, (а Россиянь оцюазорсь макссь сондиенза ученай доктор медицинань степень).
И вов оцюазорсь макссь согласие. Вага, кода азонцы тень граф Витте.
Синодть прокуроронц Победоносцевть тердезь оцюазорти завтракама, кона пинкста оцюазорсь мерксь, што Серафимть праздновандама шинцты (а праздновама шиц ули аф лама неделе йотазь) эряви оцюазорти анокламс уставть планонц, конань колга Серафимть лифцазь святойкс. А мзярда Победоносцев мерьксь, што святойкс лифнихть мзярда лац сонь содасазь сонь эряфонц колга оцюозоравась мерьксь оцюазорти аш аф тиемшка тефть, а илеть Победоносцевти оцюазорсь кучсь сьорма, конань эса „повелевал“ тиемс Серафимть святойкс и синодсь ушодсь аноклама тевть.
Эрявсь, ваномс мощатне. Тисть комиссия, конань эса ульсть Московскай митрополитсь Владимир и лама лие вастста епископт и лият.
1903 кизоста 11 январьста и мусть аньцек шава наксада колода, конань эса ащесть пакарьхть и монахонь одежань наксада пакшт. Шеерец и сакалоц исть наксада и ащесть эсь васцост. Ащесть наксада каренза, да меднай крезоц, а евангелиесь, конань путнесазь попнен калмамстост, юмась. Нееви, што кие бди калму сувсесь петезень сембонь, кода эряви комиссиять самс.
Хотя комиссиясь мезевок изь му, но сонь изь горява и тисть „нетленнай“ мощат ватаста и эчке кагодста. Анееманц исть пель сяс, што мощатнень вельхтямаснон штафнемаснон исть мерьгонде сяс, што сень шкайсь тийсы аф неикс или кулофцы.
И вов мезевок ланкс аф ванозь 1903 кизоста 29 январьста Серафим Саровский тиезь святойкс, а сойнь пакаренза мощакс.
Оцюазорсь тналонц мархта мольсть Сарову. Штоба оцюазорть кивок афолезе тока ки лангса, мзярда сон йотась поезса, ащесть вооруженнай полицейскахть, сотскахть, десятскахть и мзярда ушоцть служама то аф церькаву, аф оградав киньге изь нолне.
Киель Серафимсь.
Тени ванцаськ киель тяфтама Серафимсь и кодапт сойнь чуданза.
Ульсь сон Курскай купецень цьора. Сась Сарову 17 кизоса, но ладняс сонь колганза кивок аф содась и житиесь сон колганза тештьф кода повсь, кода маресть ломатнень эзда. Васенце житиесь кафксть колмоксть тешнефсь лиякс иле ломаннь мархта тешнезь, тиеньдезь лияк, цеберьгафнезь и лиссь житиеть коряс святой, кона тиенць чудат.
Житиетнень коряс и тештьфонзон коряс, конат иляцть кой коса монастырень тевса нееви, што сон лафчста содась сьормас, кона аньцек и содазь обрядть, а религиеть эса мезевок изь шаркоде.
Житияста нееви, што атесь хоть сонць и тонафнесь постнень колга, а сонць кельгозе симомс винанеть и ламбамняда ярхцамать.
Няеви, што сон содазе мезе тии. Нетненьди кить сашонцть сондиенза сон мерьгонць озондома 3 сурхса, а аф кафца. Тень сон тиеньдезя сяс, што се пингоне Николай I й оцюазорсь бороцяс кафта сурса озондыхнень, старообрядецнень мархта. Власттнень вайгельснон сон кулхцондозе и синнь инголест арсесь лиякс.
Што офтсь сонь кяцтонза ярхтась — тень эса мезевок святой аяш. Тонафтомс можна кинь повсь.
Житиетне азондыхть фке генерал колга, конань кельяв сувамста прасть орденонза. Теньге примасазь чудакс, но вдь тяфтама тевь эрь ломантть мархта может лисемс.
Пекь кельгондезень Серафим аватнень и синь сидеста яксесть сондиенза пустыньтти.
Мзярда весть велерей Лихачев няезе Серафимть од стирь мархта вирьса, Серафимсь мольсь алети нефтезе седой прянц и мерксьмон кула ломанян.
И лама можна азондомс Серафимть колга, конань эзда няеволь мезьса васькафнезь шовда ломатнень.
Тени аф лама вал ликанц колга. Житияса кона лиссь 1877 кизоста тештьф ликац и тоса сон няеви аф вяткень кодямас шупай шама и кой кодама шеерьне мархта. Тяфтама ликсь святоеньди аф ладель и 1903 кизонь житияса Серафимсь тештьф акша кудряв шеерь и оцю акша сакал мархта.
 |
| Серафимть „мощанзон“ ванондозень башка комиссия, конац мусь аф фкя ломаньцта наксада пакархть, штат и лия кархчт. |