Иоанн-вельденьне Шкайстонь Ёнь-куля/ТПО/01
ИОАНН-ВЕЛЬДЕННЕ
Шкайстонь Ёнь-куля
Васенце Пакш.
1. Первай ульсь Вал, Валське Шкайсоль, Шкайське Валоль.
2. Сон первай киге Шкайсоль.
3. Сонь вельденза сембе ушедозь улемаснон, а Соньфтемонза улемаснон ушедыхнень ёткста мезямотка исть ушедуфт.
4. Сонь эсонза ульсь эряма, эрямаське ломатнень валдсноль.
5. Валдсь шобдасонга валдоми, шобдатиге сон изь сяську.
6. Шкайть пяльде кучф ульсь ломань, лемоц Иоанн.
7. Тя сась свидетелькс азондомонза валдть, сембе кемельть вельденза.
8. Аф сонцель валдсь, аньцек кучфоль свидетелькс азондомонза валдть.
9. Ульсь виде валда, конац валдоптсы эрь ломанть, мастор-лангс шачить.
10. Масторть лангсоль, масторське улеманц кядьстонза сявозе, и ту Сонь ашезе сода.
11. Сонценнензон ёткс сась, нятка Сонь изезь прима.
12. Няньге, Эсь кельгиензон, лемозонза кемиензон, нолдазень Шкайти идькс арьсемс.
13. Конат аф верста, аф телань кельгомаста, аф мирдень кельгомаста, а Шкайть пяльде шачсть.
14. Валське арась телакс, эрясь ётксонок, пяшксе пара-максомада и видеда; минь няеськ Сонь пара-славанц, кодама пара-славац фкя-шачфть Аляста.
15. Иоаннсь Сонне азондсы свидетелькс, серьгядезь корхтай: Тя Сякось, Конанц мон азондыне, мельган молись мондедон инголе улеманц кувалма.
16. Пяшксенц эзда сембе минь сявоськ парамаксомать пара-максомадонга вельф.
17. Моисейть вельде максфоль закон, Иисус Христозть вельде пара-максомась видеське лиссь.
18. Шкайть кивок ашезе няй мъзярдонга; фкя-шачф Цёрась, Алянц виенц эса ащись, ся няйфтезе.
19. Вага азондомац Иоаннть, мъзярда Иудейхне кучезь Иерусалимста Левиттнень мархта поптнень кизефтемонза: тон кият?
20. Сон азсь, азозе видеста: аф мон Христозсь.
21. Кизефтезь сонь: мезямат ина? Ильят? сон мярьгсь: аяф. Пророкат? сон пшкядсь: аш.
22. Мярьгсть теенза: кият ина тон? азондозатядязь минь кучинекенди: кода мярьгат тон эсь лангат?
23. Сон мярьгсь: мон шава-вастува серить вайгялецан: петесть Шкайть кинц, кода азсь инголи-содай (пророк) Исайясь. (Ис. 40, 3.).
24. Ня кучфтне Фарисейхнень ёткстольхть.
25. Синь кизефтезь сонь: кода ина тон кстиндат (лемдят), Христосфтярят, Илияфтярят, инголи-содай-фтярят (пророкфтярят)?
26. Иоаннсь пшкядсь теест: мон кстиндан ведьса; а ётксононт ащи, Конанц тинь аф содасасть.
27. Тя мельган молись, мондедон инголе шкатодьфське самай Ся, Конанц кеме-шнанцка юкссемс аф яраштан.
28. Нят Вифаварасольхть, Иорданть търваса, коса Иоаннсь кстиндась (лемнесь).
29. Омбоце шине Иоаннсь няйсы теенза моли Иисузть и корхтай: вага Шкаень верозсь, Конац сявсы Эсь лангозонза мастор-лангстотнень грехснон.
30. Тя, Конанц ланга мярьгень мон: мельган моли ломансь мондедон инголе арась мондедон инголе улеманц кувалма.
31. Сон ашель содаф тейне; аньцек мон сань кстиндама ведть мархта, няевоза Сон Израильти.
32. Свидетелькс кортазь, Иоаннсь мярьгсь: мон няйне менельть лангста Духть валгоманц, прьмечень кодямоста, лоткаманцка Сонь вельксозонза.
33. Сон ашель тейне содаф, аньцек кучезе кстиндамс ведть мархта азсь тейне: Конанц лангс няйсак валгомда да лоткамда Духть, Ся ули Святой Духть виенц мархта кстиндай.
34. Мон ва няине и азондыне: Ся Шкайть Цёрац.
35. Омбоце шиня тага ащесь Иоаннсь кафта тонафниензон мархта.
36. Няезь Иисузть молемда, сон мярьгсь: вага Шкаень верозсь.
37. Ня валонзон марямдост меле кафцьке тонафниенза тусть Иисузть мельге.
38. Шарфтозь Иисузсь, няемстост мельганза молемда, корхтай теест: мезема тейнть эряви? Синь пшкядсть: Равви! (минь кяльсонок: тонафты!) коса эрят?
39. Корхтай теест: аряда, няйсасть. Синь мольсть, няезьге эряма-вастонц Сонь, ся шиня ащельхтьке пялонза. Эста кеменьцекс цястошкаль.
40. Кафта кулихнень Иоаннста Иисузть ланга мельганза молихненьге ёткста фкясь Андреель, Петрань Симонть брадоц.
41. Тя первай музе эсь брадонц Симонть, корхтай теенза: минь муськ Мессиять, эсь ладсонок: Христозть.
42. И вятезе сонь Иисузти. Иисузсь, варжакстозь лангозонза, азсь: тон Симон, Иононь цёрась, мярьгеньдевозат: Кифа, мезямось содафты: кев (Петр).
43. Омбоце шиня Иисузсь, мяльшазь Галилеяв молеманц, музе Филипонь и корхтай теенза: аре мельган.
44. Тя Филипсь Вифсаидаэряль, фкя ошеннель Андрейть Петратьке мархта.
45. Филипсь, Нафанаилонь мумста, корхтай теенза: минь муськ Сянне, Конанц сёрмадозь Моисейсь сёрманзон эса (законсонза) инголи-содайхтьке (пророктка). (Сон) Иисус, Иосифонь цёрась, Назаретэряй.
46. Нафанаилсь пшкядсь каршозонза: Назаретста лисеви-ъли мезеньге пара? Филипсь кортай теенза: арт да ванк.
47. Иисузсь, няезь Сонцьтеенза молемда Нафанаилть, корхтай ланганза: вага ни виде Израилень алясь, кяльготнемафтома ломансь.
48. Нафанаилсь корхтай Теенза: кода Тон содасамак? Иисузсь азсь теенза: Филипть кядьста терьдемдензот инголе смоковница ала ащемдет Мон няихтень.
49. Нафанаилсь пшкядсь Теенза корхтазь: Равви! Тон Шкайть Цёрацат, Тон Израильтнень Оцязорснат.
50. Иисузсь пшкядсь теенза: тон кемсамак азоманксон теть: Мон няихтень смоковницять алда; тяда лама няят.
51. Эзк корхтай теенза: видеста, видеста азондан тейнть: тяниста няеви тейнть менельсь панжада, Шкайть Ангелонзонга куцемде валгомда Ломанень Цёрать вельхксса.