Иоанн-вельденьне Шкайстонь Ёнь-куля/ТПО/02

Омбоце Пакш.

1. Колмоце шиня свадьбаль Галилейскай ошса Кана лемса, тосоль Иисузть тяряцка.

2. Иисузське тердьфоль эза Эсь тонафниензон мархта.

3. Винань маштома пингста Иисузть тяряц корхтай Теенза: синь аш винасна.

4. Иисузсь пшкядсь теенза: мезяма теть Моньстон? ашезе сак нинге Монь пингезе.

5. Сонь тяряц мярьгсь урятненьди: мезямос кошардтядязь Сон, тиесть.

6. Эзк улельть кафтонь али колмонь ведаркань тяльгомшкат кота кевонь ведень-каннемада (корьцягада), Иудейхнень эшеляма-абуцяснон эрявиксокс ащельхть нят.

7. Корхтай Иисузсь урятненьди: пяшкедиенть нянне ведте. Синь эстокиге пяшкедезь пряда.

8. Тоса мярьги теест: тяни амолдаенть и кандыенть торонь-кандыти. Синь кандозь.

9. Кодак торонь-кандысь варжазе винакс арафтф ведть (сон афольце сода, костоннель кандф винась, содалезь аньцек амолдай урятне), эстокиге серьгядезе торонь-кандысь ърьвяяйть.

10. Корхтай теенза: эрь ломань первай явондсы цебярь винать, сатомшка симомда меле ина сяда кальдявть; эрь ва тон ванфтыть цебярь винацень мянь тя пингс.

11. Стане ушедозень Иисузсь оцю-тевонзон Галилейскай ошса Кана лемса, станяк няйфтезе Эсь оцю пара-славанцка; эста Сонь кемезь тонафниензонга.

12. Тяда меле Сон Капернауму сувась Сонць тярянц мархта, брадонзонга тонафниензон мархта; аф лама шить ащельхтьке тозк.

13. Иудейхнень оцю-шиснон малаткшнемга сувась Иисузсь Иерусалиму.

14. Эса мусь церькавста букань, учань, прьмечень мишендихть, ярмаконь полафнихтьке озадот.

15. Тись Сон пиксонь эрьхтема и сембонь панезень церькавста учанек, буканек; ярмаконь полафнихнень пароснон пяярдезень, шраснонга веляфнезень.

16. А прьмечень мишендихненди мярьгсь: нянне сявиенть тяста, тясть и арафне Монь Алязень кудонц мишендема-кудкс.

17. Нянь пингста Сонь тонафниензон мялезост лядсь Валда-Сёрмать (Писаниять) валоц: кунелямазе кудцень инкса сивондсамань монь (Псал. 68, 10).

18. Эста Иудейхне пшкядсть и мярьгсть теенза: кодама оцю-тев (чуда) вельде Тон миндейнек няйфтсак сяшка воляцень стане тиендемс?

19. Иисузсь пшкядсь каршозост: срафтость тя церькавть, колма шиста киге Мон меки петсан сонь.

20. Тянь карша Иудейхне мярьгсть: тя церькавсь ниленьгемонь котува кизоста строявсь, а Тон колма шиста петсак?

21. Сон эрь азондозе Эсь телань церькавть.

22. Къда Сон живолгодсь куломда меле, эста лядсь мялезост Сонь тонафниензон тя азондомац; сяс кемезь синь Валда-Сёрматьке, валтьке, конанц азозе Иисузсь.

23. Иерусалимса улемстонза Оцю-Ши празнекть ёткова ламонест кемезь Сонь лемонц няемаснон кувалма оцю-тефнень, конань Сон тиендезень.

24. Сонць эрь Иисузсь аф пяк макссель пря теест, сембень содамга.

25. Теенза изь эряв ломань ланга азондомась, стадонга содаль Сон ломанть потмонц.