Иоанн-вельденьне Шкайстонь Ёнь-куля/ТПО/03

Колмоце Пакш.

1. Фарисейхнень ёткса ломанель, Иудейхнень оцюнясна, лемоц Никодим.

2. Ся сась Иисузти веть, мярьгсь Теенза: Равви! содасаськ минь Шкайста саф Тонафтыят, кивок, ватт, аф машты сяшка оцю-тевонь тиеме, кодапт тиендьсайхть Тон, ульфтяряй мархтонза Шкайсь.

3. Иисузсь пшкядсь каршозонза: видеста, видеста корхтан теть: конац оду шачфтяряй, ся аф ярашты Шкайть оцязоршинц няеманцты.

4. Корхтай Теенза Никодимсь: кода сиредень-пяльхть ломансь оду шачи? Шли омбоцеда сувай сон эсь тярянц потмос шачеманкса?

5. Иисузсь азсь: видеста, видеста корхтан теть: конац шачфтяряй ведьста Духстонга, ся аф пчкяй Шкайть оцязоршинцты (царствати).

6. Телань шачф стамка тела; Духста шачф ули дух.

7. Тят диваднда мярьгомазень лангс: ушардтада оду шачемс.

8. Духсь якай, кува мялец, вайгяленцка марясак, аньцек аф шарьхкодьсак, коста лиси, ков туй: станяк уленди эрь шачфонь мархта Духста.

9. Никодимсь мярьгсь Теенза тянь лангс: кода тянь улемшкац арай?

10. Иисузсь тянь каршес мярьгсь теенза: тон Израильтнень тонафтыснат, шли тяньге аф содсак?

11. Видеста, видеста корхтан теть: минь содафоньконь азондсаськ, няйфоньконь няйфнесаськ; а тинь минь няйфнеманьконь аердфтада (аф примасасть).

12. Кемефтярясасть, теенть азондомазень мастор-лангсоть ланга, кода кемсасть, азондондярясайне менель-лангсотнень?

13. Менельть лангс кивок изь куценде менельста валгф, тозк эряй, Ломанень Цёрада башка.

14. Кода Моисейсь шава-вастса кепсезе куйхть, станяк ушарды Ломанень Цёраське кепедьф улемс,

15. Конацка кемиденза Сонь тяза юма, а эряза пингонь-пингс.

16. Шкайсь тяшкава кельгозень мастор-лангстотненне, мянь максозе Сонцень фкя-шачф Цёранц, аньцек кемиец Сонь тяза юма, а эряза пингонь-пингс.

17. Аф мастор-лангстотнень судямс кучезе Шкайсь Эсь Цёранц, а мастор-лангстотне вановост вельденза.

18. Сонь кемиец аф ули судяф, эрь аф-кемиец судяф ни аф-кемоманц кядьста Шкайть фкя-шачф Цёранц лемозонза.

19. Тя судямась ащи валдть масторхть лангс самасонза; аньцек ломатнень мялезост тусь шобдась валдта пяк кальдяв тевснон кувалма.

20. Эрь кальдявонь тиись аф кельгсы валдть, афоле моли пяленза, тяст няюфт тевонзон кальдявшиснон мархта.

21. Видеста эряйсь моли валдть пяли, содавикс араст тевонза Шкайть кувалма тийфснон мархта.

22. Тяда меле сась Иисузсь Эсь тонафниензон мархта Иудейхнень масторозост, эрясь тозк мархтост и кстиндась (ломатть).

23. Иоаннське кстиндась (ломатть) Еннонса Салимать перьфка, тоса, няйсак, ламоль ведте; эза сашендсть, прятка кстиндафнесть.

24. Иоаннсь нинге апак пякстаколь эста шобда-кудс (тюрьмас).

25. Нянь ёткова спорязюсть Иоаннть тонафниенза Иудейхнень мархта эшеляма-абуцяснон кувалма.

26. Састь Иоаннть пяли, азсть теенза: Равви! Ся, Конац мархтот Иорданть вакссоль, Конанц тон азондыть, ва, Сонга кстиндай, сембе молихтьке пяленза.

27. Иоаннсь пшкядсь: ломань аф сяви эсь лангозонза мезевок, ульфтяряй максф теенза менельста.

28. Тинь тинць свидетелькс валозень азондыензотада: аф мон Христозсь, мон аньцек кучфан инголенза.

29. Конанц ули ладяф ървяянди стирь, ся ървяяйсь; ървяяйть ялгац, (вакссонза) ащемста шарьхкодемстонзонга кенярдезь кенярдькшни ървяяйть вайгяленц марямань мархта. Тяни прядусь монь стама кенярдемозе.

30. Сон эряви оцюволгодомс, мон ёмлалгодомс.

31. Вярде сашендысь сембода оцю; масторхть лангса эряйсь сяка мастор-лангсоннекс ащи корхтайге; вярде сайсь сембода оцюсь.

32. Сон някнень азондсыне, мезямот няезень, марязень; аньцек кивок аф примасы Сонь азондоманц.

33. Азондоманц примаец Шкайть виденц няйфтиец.

34. Шкайть кучфоц Шкайть валонзон корхтасыне; аф ункстазне Шкайсь макссесы Духонц.

35. Алясь кельгсы Цёранц, сембонь максозеньге Сонь кядезонза.

36. Цёрать кемиец пингонь-пингс эряй; Цёрать аф-кемиец аф няйсы эрямать, сонь лангсонза Шкайть кяжец эряй.