Колхозонь эряф/1932/12-13/Рабочай классть тевонц инкс пионерхнень тюремасна
| ←Ударнайста тялятама | Колхозонь эряф (1932), 12-13 №, 31-це июль edited by Шестов Н. С., Кондратьев М. И. Рабочай классть тевонц инкс пионерхнень тюремасна by Черапкин, Иосиф Григорьевич |
„Колхозонь эряф“ журналть морафтыензонды!→ |
| Колхозонь эряф (Колхозная жизнь). Лисенди ковти кафксть, общественно-политическ. и вель.-хоз. журнал. Нолдаец Мокшэрзянь ВКП(б)-нь обкомсь, облисполкомсь и облпрофсовець. — 12-13 №, 31-це июль, 1932 киз. — с. 34—36 |
| Рабочай классть тевонц инкс пионерхнень тюремасна. |
Англиянь столицаса, Лондон ошса, „школань тевонь кизефксонь тонафнемань обществать“ зданиянц пиндолды залса, тостонь министерсь Хейлок корхтась тениень идень организациятнень ланга. „Ивнинг Ньюс“ газетась азонцы, што мистер Хейлок, кода пара ломань, седиень ризназь корхтась пионеронь организациятнень кувалма. „Синь пионерхне тевснон тиенцазь эрекста ды упрямста. Сядонга пяк дивандаманьди ащи ся, што марнек европейскай странава (капиталистонь масторга), фкень апак йотак, сембова, не том што аш синь официальнайста ширень кирьдисна, но ниньге сяконь ваныхть, кода бы синь машфтомс. Кода няеви синьцень литературастост, синь инь оцю тевоньди пароньди лувсазь эсь тевюронь классовай принципснон, и кола пролетариатонь организация, мяльсна тиемс учительснон коряньнек лиякс.“
Афпелезь пионерхне колсесазь школань распорядкань „аф классовостть". Буржуазнай школать тиенцазь классовай тюремань вастокс. Школаста молихть фабрикава ды заводга сянкса, штоба улемс классовай тюремаса.
Эссенца, шинь-стяма ширень Пруссияса, Вальтерсгаузенца од пионерхне аф кунара лезць фашистонь каршос тюри отряттненьди гитлеровскай прянь—сязихнень панемаса рабочайхнень ланкс вргятемаснон аерфтомаса. Президентокс смекаф коммунистонь кандидатти Тельман ялгати синь лезцть пролетариатонь классовай виень пуроптомаса, петфнест кочкамань колга плакатт, прдасть ярмакт, терьнезь рабочайхнень митинкс.
Севернай Американь, седень тарксема Харланскай районца пионерхне ванонцть штрейкбрехерхнень мельге и няфнезь синь забастовкань кирьди аляснонды Кемнилие кизоса Кэвис пионерть судиндазь забастовщикнень мархта фкакс, бта сянкса, мес сон „шавондома врьгятьфнесь“.
Чехо—Словакиянь Брюкке лемса васца од пионерхне рабочайхнень мархта марс эзь нолда тюреме жандарматнень рабочаень поселкав. Тень ланга кежень бачк сермады тостонь „Народни освободзени“ буржуазнай газетась.
Англиянь Южнай цэльсса пионерхне лезнесть коммунисттненьди учрежденияс депутатонь кочкамать колга плакатонь петьфнемати шахтава, ды заводга синь уленцть се компанияса, кона вятевсь работам питьнеть крьфтаманц каршос.
Австрияса, Осфальд ошонь пионерхне машинань тиеме завоца ков кувалмонь забастовка йоткть канцть-вяцть сторожевой служба. Синь ванозь станокнень, заводу лисем-сувам васттнень, ванцть жандарматнень сей-тов арсемаснон-якамаснон мельге ды [ 35 ]азонкшнелезь нень стачкань вяти комитетти, кирьцть связь рабочаень пикеттнень йоткса.
Шида—шис марнек капиталистонь масторга од пионерхне аф сизезь прокс вятихть тюрема школать фашисткайкс тиеманц каршос, идень сязеньдемать—нозондомать каршос, тюрема вятихть революциянь тевти осал арьси учительхнень мархта.
Аш кода мярьгомс сявок, што капиталистонь масторга сембе учительхне аф лац ваныхть пионерхнень ланкс. Но стама учтельхненьди, кона смелгоцть аф ламда лац пионерхнень ланкс ванома эстокиге и пяк кяжиста теест осалт тиеньдихть.
II
Шимадома ширень пионерскай движениять историяц макссь лама пара кепотькс революционнай учительхнень стака тевонь тиемаснон ланга...
Баварияса, Нюренберг ошень фке учительница пионерхнень мархта полафтозе шобдавань мярьгоньдемать: „Шнаф улеза иисус христозсь“. Нолдазень пионерхнень коммунистическай плакатонь повфнеме, эзь мярьге религиознай литературань лувондомда, кочкась нолдась пионеронь стенгазета. Се учительницать эстакиге валхтозь работаста, а кафта шида меле шава паксяса учезь фашисттне, врьгяцть лангозонза ды кода зверьхть шавозь пиксозь. Элли Малакке учительницать, конац 14 киза учителькс работамда меле, аф пелезь азозе эсь паронь арьсеманц од пионерхненди, сонь тиезь виноватокс сембе грехса-осалса, ды валхтозь вастстонза, Эстиенза Гольденбергонди Баварияса тонафнемань тевонь министерти, народ ингольде савсь виденцямс, што Малакке учительницать валхтозь тевста аф законц коре, зря. А коста се учительницать ширес арасть разнай партияста общественностень лама ломань революциянь афкельгихнень сась седисна тиемс пек оцю осал синь яцезь-кяшезь се учительницать пеляс ломаненьди куц, коса сон седи ризфти ды сязеньдемати—нозондомати курок кулось.
Севернай Американь Чикаго ошса Куайт учительть азафтозь кафта ковс тюрьмас сянкса, мес сон математикань урокса азондозе, кода кочксевихть—тиеньдевихть пионерорганизациятне.
Касне ошса, Чехо—Словакияса, Бодачек учительть панезь вастстонза и мярьксть лия школав аф нолдамдонза сянкса, мес сон явонць пионеронь литература ды ванфнезень школаса Ленинонь сочинениянзон.
Европань ды Американь буржуазнай печатьти, нлта, савсь виденцямс, што — политическай активнозьсна од пионерхнень пек йотнесы школань лия организациятнень тевонь вятемаснон. Немецонь „Берлинер Тагеблатт“ буржуазнай газетась аф пек кунара пеняндась сень ланкс, што „лама вастова моли идень забастовкатне, конат школань тефнень колсесазь, марнек од пионерхнень тевса“. Америкеса, Чехо—Словакияса ды лия масторга идень забастовкатне, тостонь буржуазнай газетава сьорматфнень коряс, сембе тожи „идень коммунистическай организациятнень тевста лисендихть“.
III
Буржуазнай печатнай валсь васькафни пионерорганизациятнень ланкс и, бта, рудазса мялец валондомс синь не васькафнеманзон мархта. Аф кунара Бавариянь „Фолькоблатт“ реакционнай эрь шинь газетась кяжень пачк, бта, крназь корхтай, што „коммунисттне фатьнесазь эсь инжань котфснон мархта оюдуф идень ваймотнень школава. Синь мяльсна касфтомс преступниконь ряттнень, кода мярьгихть теест, эсь пионеронь группаваст. Те тевть аш эрямань коряненза-юронза: немецень итть аш стама туфталонза, штоба молемс не бунтарень мяльхнень—арьсематнень шири“.
Но эста мезень туфтал муй газетась сеньди, мес пек касы идень беспризорнозьсь шимадомань ширень масторхнень эзга, кда „аш туфталхт бунтавамань шири молемати“. Капиталистонь масторхнень сатотень стама кризис, кодама синь аф меляфтыхть, а сень вельде пролетариатонь семиятнень анцинякс тиениазь, а ицнон урадомас вяцазь, идень беспризорнозьть касфцазь. Аф фке тьожень беспризорнай идь якафты тени Германиява, Польшава, Венгриява. Буржуень газетатне нень аф азонцазь, сьопонцазь а пионерхне сембоньди марямга нень ланга корхтахть. Синь сьормадыхть: „Тени корхтамась моли аф най не итьтнень кувалма, конат вачеда ащекшнихть школань скомьятнень ланкса, но тага не тьоженца лувондови итьтнень ланга, конат куломланксот мадозь вачеда ащекшнихть ульцянь кефнень ланга, конат юмафтозь кризисть осалса эрям васцнон, родительснон, идень шамаснон“. Тяфта сьормады „Унзер Лейбен“, Берлинца лисеньди Германиянь пионеронь газетась и тяфта аделакшнесы сьорматфонц: „Беспризорникне — нят минь браднеке класс коре, конань эрямась васькафтозень. Аньцек бойскауттне (идень буржуазнай организация) безярьдезь лангозост ваныхть“.
„Лерер Цейтунг“ буржуазнай газетась сьормады: „Безпризорнозьсь шипка касы“. Тефне няфнесазь, што йолма беспризорнахне прокс якахт бандань банда. Най аньцек Берлинца лама сяда банда, эрь бандаса 200 итьте лама. Бандатнень синьцень лемсна, кода: „Татаронь вер“, „Куломада афпелихне“, „Равжа флак“ и лият стапт. Бандань оцюне церанятненьди мярьгихть „пуромксонь бука“, а бандань оцюне стирьнятненьди — „пуромксонь скал“.
Пролетарскай идень положениять кувалма „Пролетарише фрейденькерштиме“ журналсь тяфта сьормады: „Девочинань базарса, Бранник, пеньгень кирси пролетарийть авац мишеньдезень эсь идензон сяс, мес пенгень керома васца тарвафтовсь мирьдец ды путф больницяв середеме и тоса вачеда кулси. Колма кизоса Иленка ды 14 кизоса Эсфирь стирьнянза теенза мивсть 40 тьожень кронада (ярмак сьорма лем). Йолма идьняц эзь мив, се савсь мархтонза мекн сявомс“.
[ 36 ]Буржуазиясь васкафнезь йорай пеедем вастокс тиемс пионерорганизациятнень, сяс азонды йофкст—баснят „пионер движенияса диктатурать“ ланга. Корхтахть синь, „Итьтнень тяса аф ужельдезь, од шиснон ланкс апак ватт маятасазь, аф кадондыхть вастоневок идень фантазияти ды эсь мяльса налхксемати, — тевонь тиемань кшнинь рамкатнень иоткста макссесазь теест“ — сьормады сяка „фольксблат“ бавариянь газетась.
Но кажнай пионерсь содасы, кода тевсь ащи. Самай аньцек пионеронь коллективса пролетариень иць воляса и сонь мяленза арьсаманза аф содахть „патриотизмань, кандалат религиянь закотт и лия прявиень юмафты буржуазнай педагогикань принципт“. Американскай „Бойс-Лайф“ скаутонь журналсь сьормады: „Минь — прянь—кядень нолдамать каршос, эсь родонь плямонь шумбра и кельгови джентельментть ды флагонеконь диктатурать инкса.“ Вайгельбешка мек маряви „шинец“ те Ку Клус-Кланонь фашистскай валонь шарфтомать шинец. Фашистонь ЦК-ать секретарец Джуриата корхтась тяфта италиянь скаутненди: Тинь нациять сай пингонь надияма вастоц. Сембоньке минь кармай улеме, кда улеме кармай эсонок верондама, а верондамафтома мезьнекевок аф ули. Эряви кемокстамс, што Муссолини прокслацтии и што сон мзярдонга аф эльбятькшни. Тейненть аф эряви кизефнемс, коза и мзярда сяфтедезь. Саты сявок што содасасть сень, што Муссолини ащи вятикс тинь легиононьтеньди. Муссолини содасы, што сонь вяцы аф эльбятькшни шкаень кяць и што победась ули минь ширесонок.
Классовай тюремась яцекшни буржуазнай школав. Кафта вихть яснайста няевихть сонь эсонза — комунистическайсь ды фашистскайсь, од пионерхне ды буржуазнай идень организациятне. „Афклассовай“ тонафнем тевонь колга баснянясь кольсь-калаць.
Тяфта сьормады М. Касвинов „За Коммунистическое Просвящение“ газетать 1932 кизонь 164-це №-са. А мезе минь няеньтяма-содатама пионерхнень, миньцень идьнеконь эрямаста? Синь эрь васца мархтонокт. Школаса тонафнихть, колхозса работахть, лаздыхть общественнай тевса. Касыхть аф минь, касоманекень лаца Прокс инголемокт. Буржуень иттьненьди ичкозе минь, Советонь союзса эряень, иттьнень коряс. Минь строятама идьнеконь мархта од эряф, а капиталистонь масторга, аньцек пролетариатонь итьтне валда вастокс ащихть капиталистонь иттьнень йоткса. Но нень шири буржухне афпек ваныхть, синь беспризорнайкс-арсихть. Минь масторсонок разнай народонь иттьне браткс ашихть, фкяфкень мархта марс лездыхть оцюфненьди социализмань строямаса. Минь Мокшэрзянь облазсонок алясна мархта ряц работахть колма нациянь итть: мокшэрзянь, рузонь, татаронь. А марнек Союзса лама нация эряй и сембе марса идьнек оцюнек партиять вятемаса од эряф тиихть.
И. Черапкин
Мистер — азор, господин.
Официальнай — должностень тев или ломань.
Принцип — арьсемань, тевонь вятемань ушоткс—корянь.
Распорядка — тевонь ладяма.
Фашист — коммунистнень каршос тюри буржуазнай партиянь член.
Гитлеровецт — Бавариянь фашисткай организациянь члетт.
Призедент — капиталистонь мастрга марнек государствать ланкс оцюкс кочкаф ломань.
Штрейкбрехер — стачкань, забастовкань срафты-калафты ломань.
Пикет — забастовка йоткть рабочаень аф-оцю отряд, кона ваны, штоба штрекбрехерхне забастовкать афолезь сязь.
Реакционнай — революциянь аф кельги, сире эрямань инкса ащи.
Фантазия — аф тиеви тевонь колга эсь потмова арьсема.
Патриотизм — най аньцек эсь эряма вастонь шнай кельги.
Джентльмен — цебярь плямань ломань
Ку-Клус-Клан — Севернай Американь Соединеннай Штатонь пелес салава ащи фашистскай организация.
Легион — полк, отряд.
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
- its creator didn't fight or work for Soviet Union victory during the Great Patriotic War — so the 70-year protection term is applied;
- and the creator died before January 1, 1954 (more than 70 years ago), and has been not posthumously rehabilitated since that date;
- and this work was first published before January 1, 1954 (more than 70 years ago).
This work is in the public domain in the United States because it was first published outside the United States (and not published in the U.S. within 30 days), and it was first published before 1989 without complying with U.S. copyright formalities (renewal and/or copyright notice) and it was in the public domain in its home country on the URAA date (January 1, 1996 for most countries).
This work was in the public domain in Russia on the URAA date January 1, 1996, according to the Law 09.07.1993 No 5351-1 which was enacted on that date:
- its creator didn't fight or work for Soviet Union victory during the Great Patriotic War — so the 50-year protection term was applied;
- and the creator died before January 1, 1946 (more than 50 years ago from 1/1/1996), and has been not posthumously rehabilitated since that date;
- and this work was first published before January 1, 1946 (more than 50 years ago from 1/1/1996).
The author died in 1935, so this work is also in the public domain in other countries and areas where the copyright term is the author's life plus 88 years or less (if applicable), or the copyright term is 91 years or less since publication (if applicable).
Public domainPublic domainfalsefalse