Колхозонь эряф/1936/01/Ашесть сяськя/2
II.
„Энгельс“ колхозсь аделазень урядамда сембе паксянь сьоронзон. Кнаркигя ни аделазень тяляманзон и фкя килограмонь пес пяшкодезе сьоронь анокламань максф планонц. Трудошити савсь кафкса килограпт сембе сьоротьнень эзда. Тядде колхозникне сяда пяк кармасть козякадома, йотай кизоть коряс. Хуть и эстонга ни аньцек кеменьшка колхозниконь ашельхть тракссна, а тядде сембе рамсесть тракст. Петя атя рамась учатка, а Иван атянь кемоньшка жуватань пря ни пирьфсонза. Тядде рамась сон кемень мацихть и кеветие яксярга. Ведьсь яхянь перенц фтала, ули теест коса штамс-нардамс и ярхцамс, а ся аф саты — нолдасыне веле песта оцю эрьхкти. А тяфтама, Иван атянь кодяма, колхозникта „Энгельс“ колхозса тяни лама.
Колхозникне тяни аньцек ваймосесть. Сиретьне яксекшнесть фкя-фкянь пяли корхнемя.
Од ломатьне яксекшнельхть морафтома куду, ульцяв и стак тов.
Пцтай сембе башка эряйхне пара мяльса сувасть колхозу Тусь синь мялезост марстонь эряфсь. Сире колхозникне няфцть теест кепедькс. Башка эряйда Серана вели илядсь аньцек комосьшка куд, конятнень йоткса ульсть и Вирьгинц, кяжень Пракась, Колгин Фокась и илят. Синь йотксост шарсь Розгинць.
Розгинць ниньге нона кизотьнень раскулаченай и прважафоль Казакстану. Тяни сон тоста ворьгедсь и кяшенць шить вирьгя, а веть Вирьгинтть и коста-коста Кяржин Пракать ..ля.
Тячи иляденьди Иван атянь кафта цьоранза Васькась и Мишась лиссть вальмалу и кармасть кафта алалайкаса морама. Иван атя хуть и сире-ни, ну сякокс седиец ашезь кирьде, лиссь сонга вальмалу и озась цьоранзон ваксс кульхцендома.
Аф ламос ащезь гитаранц мархта нежедсь ваксозост Петя атянь цьорац Александр, синь кармасть морама колмонест. Пяк-ни ладясть гитарать зойняй вайгяленза балалайкатьнень шуваня вайгяльснон йоткс и морсь кулевсь кафксть сяда цебярьста гармоньять мораманц коряс. Васенда морасть „Полькать, сямольде ушедсть „краковякть“. Илядь ичкози кулевсь морама вайгяльсь, срхкафнезень од ломатьтнень седиснон и [ 84 ]терьдсь синь эсост сяда малати. Курок пуромсть Иван атянь вальмалу стирьхть, цьорат, алят, ават, атят и бабат и шабат.
Иван атя мзылдозь ащесь озада цьоранзон ваксса. Сон эрекста комоць вастстонза и ивадьсь. „Нука дайтя атяти круг! Вася, паньдя морасть „вркамякть“. Дайтя тейне камаринскайть“. Цератьне ушедсть морама заказаф морть и Иван атя комоць моразь кштимя.
Атясь хуть сирель, а кштись ниньге теждяняста, шарсь бта толганя ланкса, мяньцесь ронгонц эса, кокшкодкшнесь. Ваныхне пекень кундазь рахасть атять ланкс. Мекпяли сон топстадезе пильгенц Петя атянь ингели и мярьксь: „Полафтомак, атя ялгай ату сизень-ни“ и озась меки цьоранзон ваксс.
„Козять пяля раньши соксень, |
Илядыкс валонзон опаптозень народть кайгиста дивандамац, а аф ламос ащезь танга марявсь:
Раньши ашуста мон эрянь, |
„Молодец Петя атя!" ивадсь вайгяль ломатнень йоткса. Атясь лоткась кштимде и топстадезе пильгенц од ломатнень ингели. Кштима лиссть Иван атянь урьвяняц, Васькарясь и Иван атянь унокоц Марькась. Кштийхне лапасть кядьснон и лыкшфтордсть сурснон.
— Эрька, Васькарясь, моразь кштика, — мярьксь урьвянянцты Иван атя. Васькарясь ушедсь морама:
„Тон, гитара, морака, |
[ 85 ]Коста кочксесыне Васькарясь валхнень, — пшкядьсь наротть йоткса Митярясь баба.
Кулевсь ичкези Васькарять кайги морама вайгялец и кармась пуромома ниньге народ.
— Марька, а тон мес аф морат? — пшкядсь Петя атя. — Эрька ашкодта фкя-кафта!
— Визьди няйсак ниньге стирьнязе, — аралазе Петярясь баба. — Эрь ина-ни морак.
Марькась ушедсь припевандама:
„Якай ялганязень келькса, |
Афламос ащезь наротть йоткса кулевсь Мишкань морама вайгялец:
„Митянь звенац илядсь фталу, |
Кштимда-морамда меле сиретьне срадсть кудга. Илядсть аньцек кафтонь-кафтонь цьоратьне, стирьхнень мархта, а сяда меле и нятка срачнесть кудга.
Кяшевсь валда ковнясь равжа дуцятьнень алу. Весь арась пяк шобда. Тусь сетьме пиземни и весь ниньге сяда пяк шобдалгадсь.
Сяка пинкть, мзярда колхозникне кштисть-морасть Иван атянь вальмала, Вирьгинтть пялонза пуромсть Розгинць, Кяржин Прокась и Калгин Фокась и илят башка эряйхть.
Розгинць чаказе кенкшканц и эстакиге толсь кудста мадсь. Вирьгинць лиссь каршезонза.
„Тя вага венясь миньня, — тошказь корхтась Розгинць Вирьгути — Монь йотань — Иван атянь ингеле колхозникне, кштихть, морайхть. Тя веть минь кштифцайнек синь веньберьф“.
Куду сувамок Розгинць шарфсть пуромфненьди: Мон корхнень теентть, што колхосне улефтяряльхть — тинь афоледязь теснинда тяшкава. Тяни, няйсасть, мода кадсть теентть Казлань Шуварляи. Уматьнень пегя шуденьди тундань ведсь, кодама ни сьора шачи тоза? И эздонза ниньгя пантт тя праклятай государствати. Ярмаконь налокта кафксть-колмоксть сяда лама лангозонтт путнихть колхозникнень коряс. А мес тяни синь: вярьдя, штоли, прасть? Сембе модатькя фатязь, ды ниньге сембедень цебярьть. Кода теест марс аф эрямс!
Колхозу суваледя, ды вдь тосонга аф ламос тяфтак тевсь кармай ащемя. Сембе колхоснень эзга улихть стама ломатть, конат сембе колхозть кармангаст марсесазь. Теентть тосонга повихть аньцек сур йотконь пяндратьне. Кие минь велень колхозникнень йоткса цебярьста эряй? Иван атя, Петя атя, Степанясь. Ня ломаттне сембе колхозникнень шейса эряйхть. Норавак, нинге пинге сай, тяфтама Иван атятьне сембе колхоснень курмоштасазь курмоозьзост, вага мля коса и барщинаське ули Первай, няйсак кочкасть колхозу алашатнень, а курок сай пинге кочкасазь и траксненьге, учатьненьге, тувотьненьге, ну кочкасазь мянь саразонь пес. Марстопцазь мянь кутненьге, илядыхть аньцек ланкс и пилькс щаматьне. Наротть васькафцазь — коммуна тиихть. А ся сянкса теест эряви, штоба кочкамс марс сембе паршить, а эстить шава кятьнень мархта козонга аф ули тумс. И сай мля сон азонды меки Корзин помещикть цьорац. Вага мля ули барщина!
Но улихть нинге стама ломатть, конат нельксазь наротть тя пролятай колхозста: Тейнек тинь мархтононтт эряви хуть тя колхозсь срафтомс, штоба ся пинкть минь колхозниконеке тялезь сата, сяволезь колхозста меки алашаснон и ушедольхть башка эряма.
„Тон Юргин, азонтк тянь вандыкигя сяда надияма колхозникеньди, и катк сон азонды сембе колхозникненьди. Тейне пачфтят куля, мезе азыхть тонь корхтамацень каршес“ — Розгинць аделазе васькафнема баснянц, нежедсь ведаркати симме. Сонь курга потмоц мянь коськсь васькафнемстонза.
Афламос ащезь вирьгинтть пяли сашендыхне ттсь. Илядсть аньцек Розгинць, Калгин Фокась, Вирьгусь и Пракась. — Кэнордамс эряви, пяля вешка ули ни, аряда, — корхтась Розгинць.
Весь ульсь станяк шовда. Ковсь йофси ашезь лисеньде равжа дуцятьнень фталда, сон кяшфоль бта понань [ 86 ]кеньдса. Ашезь няев менельса и фкявок тяштеня, синь бта коньцесь сельмоснон и удость тангода удомаса. Бта сиде сифтемонь пачк мольсь сетьме пиземня, сятявняста прашендсь йомлма пизем путерькскятьне сьоксень модать равжа шаманц лангс и валомне симнесть эсонза.
Велеса ащезь уда аньцек колхозонь сторож Сема и пажаркань сторошне. Сьомась кяшсь пиземть эзда колхозонь правления креленьцяв. Пиземсь сятявняста, валомня зойняфць вельксстонзя жестень крышать, конань ниньге кона кизотнень пинкста вельхтяфнезе Розинць тя кудста панемдонза инголе. Семась сидеста якась карттнень ванома, коса ащесть сембе колхозть жуватанза алашада башка, сятнень синьцень ульсть ванысна луга-ланкса.
Розинтть мархта Вирьгинць мольсть видеста Иван атянь сьвакодонц фталу и озада шочконятьнень ланкса учсесть Кяржань Пракать и Калгин Фокать, конатьненьди мярькфоль кильдемс алашат и молемс теест. Аф ламос ащезь лотка кувалма састь кафта подводат.
— Ладяентть тясткиге полокнень, — пшкядьсь Розгинць и мярьксь алашатьнень айдямда мельганза кинять кувалма.
Таргазь алашатьнень Иван атянь утом инголенза, Розгинць эсткиге мазонка кенькшть пякстазе инзама пейса, штоба афоль лись кивок мазанкаса удыхнень эзда и арась узерьса кудынгель кенькшень ланкс. Вирьгусь пувордазень утом замокнень кшниса и ушедсть Кяржин Пракать мархта утомста крандазу тозеронь марама.
Фокась кучфоль ванома мазонка фталу. Теенза мярькфоль, кда токади кигя йотай ломань, азомс куроконя салайхненьди, штоба синь лоткальхть йотамозонза работамда!“ Фока учсь и радсь, кда кивок йоталь аф кить кучкова, а мянь вальмятнень алга. Няельдцень салайхнень, ушедоль кравулса утькснемя синь ся еткова ворьгодихть и Иван атянь паршиец илядоль апак салак, Теенза ужялькс арась Иван атя, мес сон сяда инголе эрясь ашень потмоса и тяни колхозса честнай трудяманц вельде арась эряйкс, Но зря сон учсь и надиясь кигя йотай ломаттнень ланкс — кивок ашезь йотня. Сон кайндась, мезеньди сявсь Розгинть кядьста ярмакнень и кульхценкшнесь колхозть колга всякай васькафнема басьнянзон конань сюнеда савсь теенза самс мархтост эсь ялганц обижама. Ляць мялезонза ся, кда лиси кивок кенкшкова ушу и тоса учсись шавсы сонь узерть мархта шумфтома. Сон нежедсь Розгинтть малас и тошкась пилезонза: „Кда кивок лиси, варжак тяк шав. Весь шовда и сон аф няйсамазь“, но Розгинць толхмадезе сонь мяштти и арась меки вастозонза.
Вирьгинтть мархта Пракась маразь фкя усфть тазерда, а полокть лангс марасть веченат, конат повфнефтольхть утом пряста олкненьди, омбоце усфти марасть ямкст и ланкти ушедсть одежань марама Ся йоткова чрфса панжевсь куд кенкшсь. Фокась марязя кенкшть чрнаманц Нежедсь кенкшкять ваксс. Трнатсть сонь пильгенза эводемать эзда. Учсь кода лиси Иван атя и Розгинць кярсы узерьть мархта сонь прянц! Сон ерась пешкодомда „кравул“, но пельсь соньцькя узерьть эзда. Марявсь кудынгеле кудста лисить аськолямац, чрназевсь меки кенкшсь и сьолговсь. Озась аф ламда меки вастозонза Фокань седиец, сяда шуроста кармась тотнама. „Тя Иван атя наверна лисеньць ушу“ — думандась Фокась.
Аф ламос ащезь омбоце усфське ульсь мараф пряда Вирьгусь сьолгозе утом кенкшть и повфтазе сяка пувордаф замокть пробойхненьди. Розгинць таргазе меки вастстонза инзама пейть, штоба удыхне, кда сыргозихть, афольхть шарьхкодь. Валомня срхкафтозь алашатьнень и тусть веле кувалма, Пракать мархта Фокась айдясть алашатьнень. Розгинць мольсь алашатьнень ингеля, Вирьгусь фтала, кафцькень наганцна ульсть аноклафт, а узерьсь путфоль крандазу, сон тяни теест-ни ашесь эряв Паршихнень сявозь Карга вели шири, коса Розгинтть и Вирьгинтть ули содаф ломаньцна. Атекшне кукорямаснон и пацянь лапамаснон мархта азондсть куля пяле веть колга, кой-кона ломаттнень колсезь таньцти удомаснон. Тяда меле велесь танга кашт ашезь моль.