Вай, шитне ётнесть,
Етнесть недлятне,
Недлятнень мельгя
Етнесть кизотне.
Етнихть кизотне —
Эряфсь полафни,
Лиякс эряма
Народсь тонафни.
Коса вирьхть улендьсть,
Тоса паксят ни,
Лангаст сёротне
Пряснон комафнихть.
Тяфта Алдутькя
Эряфкац полафтсь —
Емла стирьняста
Оцю стирькс арась:
Мази келунякс
Петевсь ронгоняц,
Алянь сельме вий
Салсесь мяштеняц;
Крфазня крфась
Соньня шаманяц,
Парцинь сюренякс
Цифтордсь шяярьняц.
Касомань шовор
Полафтсь прявицка,
Пингень юкснькшневсь
Кулоф тяряцка.
Ся кизотнень сась
Кельме Сибирьста
Анна аканяц,
Радной сазорняц.
Кинди азови
Кеняндемасна,
Кинди морави
Радовамасна!
Корхтайхть, аварьдихть,
Рахсихть-пеедихть,
Кеняндезь, ялгат,
Месть аф тиендихть!..
Сяка шинятнень
Весялгодсь Алдусь,
Лия кинява
Эряманяц тусь.
„Вай, цебярь Алдусь,
Серецка сери,
Содаф, козянди
Урьвянякс моли“. —
Тяфта корхнекшнесть,
Аньцек эсть сода
Соньня ёнензон,
Потма думонзон.
Зря кизефнезь
Козя кудатне,
Велень азорхне,
Велень потяйхне.
— Тядде аф туян,
— Мес, ши валдоняй?
Кенерян нинге,
Пара щаканяй.
— Мяньцак вастонять,
Сяльде пеняндат...
Азк ляды валцень
Тяддя аф туят?
— Аф, аф, щаканяй, —
Корхтай Алдунясь,
И лиси кудста
Тевень якайнясь.
Кяжсна сашенкшнесть
Ляй велень стирьхнень,
Мес паньцесыне
Алдусь кудатнень;
Нльня ладсекшнесть
Морот ланганза,
Ульцяв яксекшни
Соньцень ялганза:
„Алдунясь цебярь,
Алдунясь мазы,
Рьвянякс арай —
Казьнет аф кази“.
[ 44 ]
Но курок ётась
Весяла сёксесь,
Эрязда ласькозь
Сась кяжи тялось.
Вельхтязе паксять
Ляпе ловняса,
Ляйхнень седязень
Эчке эйняса.
Кармасть увнама
Кяжи варматне,
Урокодсть вирьгя
Эи тарадтне.
Эень кудряса
Ацавсть вальмятне,
Морасть вармати
Соду трубатне.
Вай, юкставсть кизонь
Лямбе шинятне,
Юкставсть паксяста
Стака тевнятне.
Юксневсть стирьхненди
Сёксень ульцятне;
Аф эрявихть ни
Ульцянь моротне.
Эряви кундамс
Тялонь тефненди,
Кайгиста морай
Келунь кштирьхненди.
Вов тя тялоня
Яксесь Алдути,
Семкань Ванянясь,
Кудряв шяярнясь.
Кона шабакска
Алдуть кельгозе,
Седи кучкаса
Лемонц кирьдезе.
А тя тялоть ни
Мяленц азозе,
Лямбе трваса
Алдуть палазе.
„Алду, кельговат.
Лия аф кельган,
Вай, куломозон
Эздот аф яван“.
Мзярда пейдезевсь
Лямбе тунданясь,
Сиведьсь постуфокс
Семкань Ванянясь.
Гайнязевсь локшец
Паксять келева,
Вяшкозьне увнась
Пиже лаймова.
Сон эсь воляса
Сиведсь ванома,
Вай, траксонь стада
Мельга якама.
Ванозьне ёрай
Ярмак добувамс,
Штоба улеза
Мезьса урьвяямс.
„Етай тунданясь,
Етай кизонясь,
Кизонять мельгя
Ласьки сёксенясь.
Сёксенда ёрдса
Кядьстон локшезень,
Эряфс ётафтса
Арьсеф мялезень:
Мазы Алдунять
Рьвакс васькафтса,
Крёсналянц кядьста
Рамазь-рамаса,“ —
Думсекшнесь Ванясь
Кели паксяса,
Обедонди кантф
Кшида ярхцамста.
|
Весялаль тундась,
Лямботольхть шитне,
Опананятольхть
Сетьме илядьтне.
Морсекшнесть илять
Стирьхне, цёратне,
Вай, велень — сядонь
Од вий ломаттне.
Алдусь, Ваняськя
Лисендьсть юргома,
Вай, кафта-колма
Валонь азома.
Исаня алу,
Вай, синь озсекшнесть,
Ши ётконь кулят
Марса корхнекшнесть.
— Надияк, Ваня,
Рьвясь тонь улян.
— Эх, аф надиян —
Козянди туят.
— Лоткака, Ваня,
Козят аф кельган,
Козя цёранди
Урьвакс аф молян.
Варьхмодема лангть
Куду тушенкшнесть.
Пара мяльняса
Сёксеть ученкшнесть.
Эх, думафкасна
Эряфс эзь ёта.
[ 45 ]
Вай, цёлак слава
Алдути токась.
Шятьта морафтысь
Кунарки шарьхкодьсь,
Кодама осал
Алдути вачкодсь.
Но мон азондса —
Кирьдеза мяльце,
Хоть морафтомста
Синневи кяльце...
Пяк тят пенянда —
Цёлак аф ули
Кда морозе
Сембе лувови.
Вай, исяконь шись
„Шкаень“ праздниколь,
Сиренек-однек
Народсь церькавсоль.
Алдуськя ёрась
Молемс церькаву,
Пильцкомня арамс
„Спасительть“ алу.
Акша панарса
Щазе ронгонянц,
Кельме ведьняса
Штазе шаманянц.
Вай, лядондсь сотнемс
Руця прязонза,
Мзярда крёсналяц
Рангстась фталдонза:
— Ков тяфта молят?
Ков эряскодат
Ков шобдавакиге
Тяфта наряжат?
Тейть тев ули —
Ковга тят яка,
Од карьхнень эса
Зря тон тят тапа.
Баярть паксяста
Сурось варжама,
Меки вирьста
Пенгат кандомат —
Мзярда эждезе
Шинясь моданять,
Курок косьфтазе
Кельме расанять,
Срхкась Алдунясь
Сура варжама,
Штоба крёсналяц
Лоткаль лажнамда.
Велеть лисезе,
Нльня пелезевсь:
Кели паксяста
Кивок эзь няев;
Аньцек сьоротне
Кожфкяти люкасть,
Алдуть палянцты
Пряняснон шукасть;
Тага нармоттне
Морасть моронят,
Бта кизефнесть?
„Алду, ков молят?“
Мзярда вирьти
Алдунясь сувась,
Панчфонь кочказьня
Морама кармась
Марясы: вирьса
Пиня увазевсь,
Тоса ружиянь
Вайгяль гайнязевсь.
Эводьсь Алдунясь,
Седиц тотназевсь.
Кульсы: фталонза
Ломань корхтазевсь:
„Кие тейть мярьгсь
Панчфонь кочкамда,
Кие тейть мярьгсь
Тишеть тапамда?“
Шарфтозе Алдусь
Каршонц корхтайти,
Кона кяжда ванць
Паньчфу модати;
— Салаюфть цёрац, —
Алдуть валоц мяньць...
Цёрать сельмонза
Пиндолдсть, кода гляньць.
„Мон тонь содатя...
Тон пяк мазыят
Норак... ков курок
Маластон туят?“..
Акша ловкс арась
Алдуть шаманяц,
Нльня эзь мярьгов
Цёрати валняц.
Пинекс Салаюфсь
Кундась эзонза,
Ашкодозь ронгонц
Таза кяденза.
Кода гулюнясь
Карциганть карша,
Тргадсь Алдунясь
Визьксфтомоть мархта...
Эх, аф сяськови
Авати алясь.
Акша келунякс
Алдунясь велясь.
“Эх, имать, Алду! —
[ 46 ]
Модась уфкстазевсь,
Пиже лопатне
Пелезь тошказевсть.
— О—ой, арелямасть!...
— Асть, — вирьсь тайнязевсь
И сюдуф стирьти
Шинясь шобдалгодсь.
|
