Мезэ эряви содамс эрь дэяти/Кода эряви якамс иднэть мелэ
| Кода эряви якамс иднэть мелэ. |
Штоба иднэцэ вишконяста касоль, тэль урмаскачыэ, ды̆ лядоль шиса, эряви маштомс, кода мельганза якамс, эряви кулхцондомс содай ломатть: дохторть, фершелть, акушеркать, а аф сембэ ломатнень, конат мезнява аф шерськодийхть.
Сицэ ломансь машты лац идь мелэ аякама, конац кемоста ваны арунэть мелэ. Ырдазть эзд [ 20 ]лиси зараза, а заразать эзда - урма. Штоба иднэсь дэль урмаськад аряви аруняста, акщеняста кырьдемс сонцень, перьфканзонга сембэ вастенянзон.
Иднэть тела кедняц пэк шуванэнэ, лэпонэ. Кыда аф ужэльдезь кеднянц мелэ якат, сон ранедндави. Кыда сидеста аф эшлесак иднэть кедняц предндан, а сэрьфонц, да ливсонц эзда курок азаргады.
Сянкса эшлек иднэть эрь шинэ ару сюманяса. Сицэ сюманать кодамовок лие тевс тяк нолэ. Эзонза тят лопафнэ муськопт и лие мезевок тят шта. Сюманяти эшлемста ацак ару нуланэ; прялнза додукс путк омцэ нуланэть ды каяк лэмба веднэ (парной лофцть горяс сяда лэмбонэ). Путк иднэть сюманэти станэ, штоба теланяц ашчель ветть эса, а прэняц вэрэ. Прэнянц начфтк ведняса а мэштенянц да пеконянц эзк-эзк валонтк сюмать эзда ведняса. Шаманянц ды селмонзон штайть аф сюманэть эзда ветть эса, а лие ару локафтф ведняса.
Кафта шинзон топодьмода мелэ уйфтьк иднэть эшклемонза сапоньса. Кенордазь запонияфти прэнянц ды теланянц кэцот, ылэ ару лэпэ котфонь ылэ понанень лоскоткаса. Кыда эапоньса станэ шовсесак сембэ теланянц, торгак иднэть сюмать эзда, шарфтк алу шаманянц и валк сонь лэмбэ ведняса сембэ теланянц. Нардак иднэть ару лэпэ нуланяса. Сялдасканц, кавалолонганц тэйть нарнэ, анцек токафнек нуланэть. Тоса кэдцесь пэк шуванэ, курок сэзеви. Кода сят вастнень эзда кэднесь коськи, почердайть стамка почфкаса, конанцти мэрьгихть „тальк“. Мишенцазь сонь аптекава. Сяда мелэ потяфтк.
Эшлекшнэк иднэть ве утору, эста веть сон кармай кемоста и кувац удома.
[ 21 ]Кыда иднэсь венеледндай, а сон венеледндакшни кафкст—нилексть шизонза, эста штак сонь лэмбэ ведняса, нардак валомнэ нуланяса, танга почеряк ды ашкотк ару нуланяса. Кыда венелодндаф вастонзон аф кармат штакшномост, аф кармат мельгаст якама, эста иднэть кедняц кармай якстерьгодма, вастова начфтай, комотихть покольнят. Покольнетнэ кармйать касома, тийвийхть сэрэтьфт ды̆ иднэсь урмаськады, кармай рангома.
Курга потмонянц иднэть, кода ни азфоль, тяк нарнэ, ды тяк навсэ сурцень-гэ, тят макссэ резинканнь потэнят, тэйть палсэ иднэть губанянзон, лияндингэ киндингэ тят мэрьк палсемодонза. Палсемась иднэти аф пара, сяда сон урмайэй.
Сельмонянзон эрь шудаванэ нарнийть аптекаста сэвф ватаняса, ылэ лэпэ, аруняста муськф, шюванэ лоскоткаса, конанц начфнек лакафтф кельмэ ведняса. Ватанэть, лоскоткэть-кэ нарно мода мелэ ердайть. Мызярдонянга тэйть палсэ сельмонянзон, кы̆да синь кармайхть сэрэдьма.
Щалхконц, кы̆да эзознза тиевихть кувонят, валомнэ ароптк аптекань ватканяса, конанц ватьк ару салфтома вайнэса, или вазелинца. Вазелинть мишенцазь тожа аптекаса.
Пиленянзон, анцек эшлемода мелэ нарнийть нула уженяса, ылэ ватканяса. Мызярдонга тят ецекшнэ пиленязонза, пилень карамаса ылэ шевняса.
Лятфтак! Иднэть малас шаштомода инголэ штайть кэтнень сапоньца.