Священная история Ветхого завета (мокшень)/B/47
45. Пророк Илія.
Израильскя̈й царствась кирць кафта сятт ведгемы̃нь сисемь кизы̃т. Сонь эсы̃нза комсь оцязы̃ры̃ль. Синь сембя̈ аф цебя̈рьтельть — сюкы̃някшнельть [ 60 ]идолы̃нди. Сембы̃да аф цебя̈рь Израильскя̈й оцязы̃рсель Ахавсь. Ахавсь эрьвя̈я̈сь Сидонскя̈й оцязы̃рть стиренц лаҥкс, конань лемы̃цы̃ль Іезавель. Іезавельсь шачы̃ма васцты̃нза тусь Израильскя̈й царствав идол — Ваал дӑ кармась сембы̃нь кошя̈ряма Ваалти озы̃нды̃ма дӑ сюкы̃някшнемя̈. Шкайсь наротть каендафты̃ма кучсь пророк Иліять. Иліясь сась Ахавти дӑ кя̈жиста мя̈рьксь: тонь аф цебя̈рь эря̈фцень иҥкса дӑ тонь наротцень аф цебя̈рь эря̈фы̃нц иҥкса, аф ули пиземь тонь царствасы̃т сенярс, мы̃зярс мон аф озы̃ндан Шкайти пиземы̃ҥкса. Тяда меля̈ Иліясь тусь Іорданть омбокс дӑ кармась эряма аф оцю ля̈йня̈ ваксса, коза кокнайхня̈ канельхть теенза я̈рь шиня̈ кши, а симы̃ндель сон ся̈ ля̈йняста. Кизы̃да меля̈ ля̈йня̈сь коськсь. Шкайсь мя̈рьксь Иліяти тумда Сарептав (ош) фкя̈ вдовой авань пя̈ли.
Сарептав сувамста Иліясь васьфць фкя̈ ава дӑ анась кя̈цты̃нза ярцама. Авась мя̈рьксь: монь иля̈ць анцяк курмы̃сь почфы̃зя̈ дӑ кукшы̃нняса аф лама ваезя̈; молян куду, сивсайнекь снятнень цёразя̈ марта, а сальдя̈ арай кулы̃мс вачы̃да. Иліясь мя̈рьксь теенза: тят пель, арт пидекь теень васенда кевы̃рькс, а сальдя̈ эстить цёрацень марта, — тонь аф машты парьнясты̃т почфця̈ дӑ кукшеннясты̃т вайця̈ сенярс, мы̃зярс Шкайсь аф максы модать лаҥкс [ 61 ]пиземь. Кода Иліясь мя̈рьксь, станя̈ и ульсь: авать афы̃ль машня̈ почфы̃цка, ваецка. Иліясь кармась эряма ся̈ вдовать пя̈ля̈. Ся̈ пиҥкть ся̈ авать кулы̃сь цёрац, Иліясь озы̃нць велькссы̃нза Шкайти, и цёраня̈сь я̈реклась[1].
Иліять Ахавти кортамац топы̃ць: колма кизы̃т пя̈ля̈ марта ашель пиземь. Ся̈ пиҥкть ётамда меля̈, Шкайсь мя̈рьксь Иліяти: арт Ахавы̃нди, Мон максан пиземь модать лаҥкс. Илія̈сь сась дӑ мя̈рьксь Ахавти дӑ сембя̈ народти: ламы̃с-ли тинь карматада шамы̃рды̃ма кафта пильгя̈ лаҥкс? весть озы̃нтада Ваалти, омбы̃цеда видя̈ Шкайти; канттама жертва, кона шкайсь максы менельста тол жертвать лаҥкс, ся̈ ули видя̈ Шкайсь. Васенда канцть жертва Ваалы̃нь жрецы̃нза. Жрецня̈ анасть Ваалть кя̈цта тол жертвать лаҥкс; синь жертвасны̃н лаҥкс ашы̃зь пра менельста тол. Шопы̃дем-бя̈ли Иліясь тись жертвенник, мя̈рьксь шувы̃мда жертвенникть перьфь лотка дӑ кайсефць пеҥгя̈тнень лаҥкс ведь, лоткть пя̈шкедемс, сяда тяст арься̈ Израильтятня̈, штӑ жертвенникти иҥгы̃лькигя̈ путф тол. Сяда меля̈ Иліясь кармась Шкайть кя̈цта толы̃нь анама. Менельста [ 62 ]прась тол, пы̃лтазя̈ сембя̈ жертвенникть дӑ косьфтазя̈ лоткста ветть. Эста сембя̈ Израильтятня̈ прасть комада дӑ ивацть: видя̈ Шкайсь Иліять Шкаец. Иліясь мя̈рьксь шавы̃нды̃мда Ваалть жрецы̃нзы̃н; сальдя̈ тага озы̃нць видя̈ Шкайти; Шкайсь макссь пиземь.
Іезавельсь, Ахавы̃нь эрьвац, мы̃зярда кулезя̈, штӑ Ваалть жрецензы̃н шавы̃нды̃зь, пя̈кь кя̈жія̈сь Иліять лаҥкс. Иліясь тусь Харив панть пряс дӑ кя̈шсь пещерас Тоса сон кармась пя̈кь ризнама Израильтятнень кувалмы̃ва, мяс синь кады̃зь видя̈ Шкайть. Шкайсь мя̈рьксь Иліяти: Израильскя̈й нароць аф сембя̈ кады̃мань Монь, улихть сисемь тёжя̈тть ломатть, конат ашы̃сть сюкы̃някшня̈ Ваалти. Эста Шкайсь мя̈рьксь Иліяти путы̃мда эсь васты̃зы̃нза пророкы̃кс Елисейть.
- ↑ Шивы̃ндась.