Эрзянь Мастор/2005/07/Явдано седей ризкс Инязоронтень
| ←Строки, опалённые войной | Эрзянь Мастор, № 7 (207), 7 апреля 2005 редактор Нуянь Видяз, Кшуманцянь Пиргуж Явдано седей ризкс Инязоронтень. |
Прявтлопа→ |
| Статья на сайте газеты: № 207, 07.04.2005, Явдано седей ризкс Инязоронтень. |
| Явдано седей ризкс Инязоронтень. |
Чадыковонь 1-це чистэ, 9 чассо кулось Екатерина Алексеевна Мусалёва, Инязоронть Кшуманцянь Пиргужонь — Мусалёв Григорий Дмитриевичень авазо. Тусь эрямостонть алкуксонь, прясто пильгс эрзянь ава, ломань, кона грамотас апак тонавто домкасто чарькодилизе эрзянь келенть питнечинзэ, парсте содылинзе койтнень-кирдатнень, кона оймензэ лисемс ульнесь нежекс ды превс путыцякс цёранзо туртов, лездась тензэ, кода маштсь, стакадояк стака тевсэнзэ. Кецнесь цёранзо эрьва тевезэнзэ — Велень Озкст, Раськень Озкст, инжень вастомат.
Мусалёва Е. А. чачсь 1911 иень ацамковонь 1-це чистэ Покш Игнатбуень Од Чамза велесэ. 1943 иестэ Харьков ало маштовсь-ёмась мирдезэ, кедезэнзэ кадовсть колмо эйкакшт.
Екатерина Алексеевнань кондят аватне тейсть 1941-1945 иетнестэ истямо жо подвиг, кодамо цёратне войнасонть — ванстызь, мезе лангскак апак вано, виень, шумбрачинь апак вансто, эйкакшост вачодо куломадонть.
Минь, эрзянь келень идема Фондонь ломантне, «Эрзянь Мастор» газетань теицятне ды ловныцятне, ёвтатано Мусалёв Г. Д. ды малавиксэнзэ туртов седей ризкс ды мель нардевстэ ютавтомс апаронть — эйстэнзэ сехте малавиксэнзэ туеманть.
|
RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal. |