Колхозонь эряф/1935/04/Эсь колган
| Эсь колган |
Шачень 1907-це кизоня Сире Пичень кужа вели, Слободань районца, сьоравидиень куц. Алязя, Арефкань Ильгясь, ся пинкть эрясь ашуста (сон колма кизода инголя сась семьянц мархта Сибирьста). Сьоравидемада башка алязя машць стройкатнень тиема, кяшень панема и мекпяли ульсь кузнец.
Кафта мельдень тефнень содама тонафтомань моньгя. Тонафнема кармань 8 кизоса и шумордайня велень школать 4 кизоста. Тонафнемста пяк кельгонь, день богатырень колга баснянь и лия азксонь лувомазень.
1925-це кизоста, алязень куломада меля. Сувань комсомолу, 26-це кизоня урьвяянь. омба кизоня тунь тонафнема Пензань СПШ-ти, кона 1928-це кизоня йотась Саранскаи. СПШ-ть изиня шуморда 2 ковда.
Тяда меля улень учителькс, работакшнень “Од-Веле“ редакцияса, коса тянингя работан.
Стихонь сьормадома ушедонь нингя 26-це кизоня, но газетас изень максся. Аньцек 1927-це кизоня лиссь монь „морафтома куца“ стихотворениязе „Од-Велеть“ и лопа ширенц ланкса, а омбоцесь „Тунда“ лиссь „Валда-ян“ журналть 2-це № 1928-це кизоня. Эстонь пингоня, хоть шуроста, но кармасть лисендема и „Од-Веле“ (Тяни „Мокшень правда“) газетась эса и „Валда Ян“ (тяни „колхозонь эряф“) журналть эса.
Оцю лезкс стихонь сьормадома тевса: Пензаса макссь И. Г. Черапкин ялгась, кона васендакигя мярьксь теень стихонь сьормадома и пцтай вийхца канфтозя „морафтома куца“ моразень редакцияв.
А тяда меля ни „валда Ян“ журналть и „Од Веле“ газетать касомаснон вельдя, касонь и монга, конатнень и лувонцайня оцю организаторкс мокшень литературать пуроптома и касфтома тевса, конат касфтомазь монь и кеподезь сьормадома мяленень.
Тя пинкти лиссь Мокшэрзянь ГИЗ-са васенце „Паксянь увф“ книганязя, курок лиси омбоцесь Москуса ГИХЛ-са.
Надиян, што „Колхозонь Эряф“ журналсь, общественно-политическай и художественнай журналть эзда, художественнай журналкс шаромда меля партиять руководстванц ала нингя сяда пяк кармай лездома мокшонь литературать касфтоманцты и од писателень пуроптомати, конатнень мархта марса кармайхть тюрема советско-колхознай литературанкса, тюрема литератураса социалистическай содержаниянкса, национальнай форманкса, конань вельдя лездомс ошень и велень хозяйстваса классфома социалистическай обществань тиемати.
М. Безбородов
Саранск ош.
|
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
This work is in the public domain in the United States because it was first published outside the United States (and not published in the U.S. within 30 days), and it was first published before 1989 without complying with U.S. copyright formalities (renewal and/or copyright notice) and it was in the public domain in its home country on the URAA date (January 1, 1996 for most countries).
The author died in 1935, so this work is also in the public domain in other countries and areas where the copyright term is the author's life plus 88 years or less (if applicable), or the copyright term is 88 years or less since publication (if applicable). |
|