Якстере теште/1924/10/Роднявтумо сиротатни пурнамот
| ←Красной армия | Якстере теште, № 10, 6 апреля 1924 г. edited by Васильев, Тимофей Васильевич Роднявтумо сиротатни пурнамот by Башаев, Пантелеймон Петрович |
Лия масторга→ |
| Якстере теште. Еженедельный орган мордовской секции при Ц. К. Р. К. П. (б.). — № 10, 6 апреля 1924 г. — с. 1 |
[ 1 ]
| Роднявтумо сиротатни пурнамот. |
Ялгат! Мон таго басян сиротань кувалма. Эрьва городга, веси губернятнень эзга газетсэ сермадыть, что эйкакшонь трямо лангс пурнасть сюрот, одижат. ярмакт, теить эйкакшонь кудот.
Эряви эйкакшнэнь пурнамс ве куцясь, тейме сыненст вадря эрямо чи, ата сынь улицява якить штапо, вачо, веси сэредить вачо ормадо. А ведь сынь тожо ломать и сынст истя жо сявады сельмист лиянь эйкакш лангс, конань улить тетяст—аваст.
Ялгат, Сазорт! Ведь неть бедной сиротатнень тетяст чавовсеть войнасо, аваст кулцесть вачо чиде ды ормадо. Ки сынст ней жалясынзе, коли а минь, конат кадувинек живстэ несчасной иетнень эйстэ мейле. Минь должны сыненст лездыме, минь должны сынст трямо, тонавтомо, кастомо. Сестэ минь, ялгат, тейдяно паро тев. Коли минь сынст пурнасынек ве кудос, орчасынек ды анцынек, сестэ сынь кастыть и мереть: „Минь аволь сиротат, миник кис заботесть паро ломать ды паро общества“.
Ялгат! Велинь атят, велинь ават Тынь тынць эйкакшт триде, а конат эйстынк ульнисть тожо сиротакс — содасынк сиротань апаро эрямонть. Кунцоломизь монь. Давайте сиротатнень пурнасынек эрьва велисэ, давайте тейдяно общества друзей безпризорного ребенка. Обществанть эряви кочкомс эсь эйстэ. Эсь юткова обществась теи комитет, кона карми пурнамо эрьва мейсы: косо сюросо, косо ярмаксо, косо картушкат, секлат. морковт, ямкст ловсыне, алныть; эрявить пурнамс сумать, ташто одижат, карть-пракстат, эрьва месть, мези лишноиник ули.
Тыненк мон сермадан, председателть комитета взаимопомощи, сельсовета, волсовета, учителть, учительницат, велинь интеллигенцият. Тынк пельде ламо учутам минь эйкакшнэ марто. Теиде велива обществат, пурнадо сиротатнень ве таркас, те тынк тевись.
Эрявить пурнамс ды трямс сиротатнень.
Зам. Предсовнацмена Самарского Губоно.
П. Башаев.
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
- its creator fought or worked for Soviet Union victory during the Great Patriotic War — so the 74-year protection term is applied;
- and the creator died before January 1, 1950 (more than 74 years ago), and has been not posthumously rehabilitated since that date;
- and this work was first published before January 1, 1950 (more than 74 years ago).
This work is in the public domain in the United States because it was published before January 1, 1929 (more than 95 years ago).
The author died in 1944, so this work is also in the public domain in other countries and areas where the copyright term is the author's life plus 79 years or less (if applicable), or the copyright term is 99 years or less since publication (if applicable).
Public domainPublic domainfalsefalse