Якстере теште/1924/33/Октябрень Революциясь паньжиньзе школань кенкшнень трудицятнень

←Мезе макссь Октябрьской революциясь аватненень?

Якстере теште, № 33, 4—7 ноября 1924 г. редактор Глухов, Пётр Семёнович
Октябрень Революциясь паньжиньзе школань кенкшнень трудицятнень сёрмадызе Кручинин, Михаил Игнатьевич

Лия масторга→

Якстере теште. Еженедельный орган Мордовской секции при Ц. К. Р. К. П. (б.). — № 33, 4—7 ноября 1924 г. — с. 3—4

[ 3 ]

Оkтябрень Революциясь паньжиньзе шkолань kенkшнень трудицятнень.

Сисемь иеть ютасьть се шкастоньть, знярдо сюровидиця марто робочейтне ертызь икелень властеньть, знярдо Коммунистической партиясь ды Советне саизь эсь кедезост Россиянь келес властеньть. Шкась байтяк ютась, а нейгак яло астуфтуфтувить инязоронь властеньть апаронзо. Весе трудицятнень ланга сон нарьгась, а вишка наротнэнь ланга нарьгамозо пезэ-як арасель.

Варштатонок, кода инязороньть пинкстэ мольсь трудицянь тонафтума тевесь Ламо кортамс тень кувалт а сави. Инязаронь правительствась панчлесь сокеця-видицятнень аньцяк велень школат, косо тонафцьть аньцяк ловномо, кой-кода сермадомо ды ловомо и псалтирень ловномо. Сон парьсте содыль, што чопуда народось седе чождине кирдемс ды вересь эйстэнзо потямс.

Секс эзь нолда икелень правительствась трудицянь пакшатнень начальной школадо башка лия школав. А штобу те тофниманьть эйстэ-як кинь-гак сельмест авольть паньжовт, весе вишка наротнэнь (эрьзятнень-гак мартост) тонафцть рузонь кельцэ. Сы эрьзянь пакшинесь школав, ве вал-гак рузонь а соды, дух рускс а чаркоди и попугай лацо учителеньть мельга корты. Ламо апак корта тевесь мольць евксоньть лацо: „Ярцамксоньть нефцызь, а андоманьть а антадызь, аньцяк цют-цют нолцемс теть максыть“. Вана истя пищсть эрьзянь-мокшонь пакшатне. Арцевсь пезэ-як аули те пищеманьть ды народ лангсо нарьгамоньть.

Вана трудиця народонь кежензо топоцть, весе трудицятне паньжизь сельмест и Коммунистической партияньть пособлямонзо марто каизь кецтост-пильгстост кшнитнень. А Советонь властесь чи валдо лацо валдомтызе трудицятнень эрямост.

Весемеде икеле кундась сон народонь тонафтума тевеньти. Нолдась декрет, конань кувалт трудицятненень паньжизь эрьва мезень школань кенькшест. Те декреттоньть мейле удалцитне арасьть икелевь, икельцетне удалов. Эрьва школас кармасть примамо анцяк трудицятнень, беднойтнень.

Кармасть паньжомо оц эрьва мезень школат. Штобу седе вадрясто вишка наротнэ чаркодевлезь тонафтоманьть Советской властесь октябрень 31 чистэ 1918 иестэ нолдась истямо декрет, конань кувалма весе Россиясо эриця виш-

[ 4 ]

ка наротненень максуфт оля эсь кельцост школасо тонафнеме, эсь кельцост кинигань ды газетонь печатамо. Советонь властеньть пинкстэ минь велень школадо башка паньжинекь второй ступенень школат, кафто педтехникумт: вейкесь Петровской уездсо, Саратовонь губернясо, омбоцесь Толкай велесэ Бугурусланской уездсо, Самарон. губ. Теде башка паньжовт рузонь педтехникумсо эрьзянь-мокшонь отделеният: Пензасо ды, Алатырьсо. Не педтехникумтнень ды отделениятнень эйсэ тонафнить эрьзянь-мокшонь одломать, конат тонафнимаст прядомадо мейле сралить эрьзя-мокшо велева эсь кельцо эйкакшонь тонафтума, чопуда чиньть марто бароцямо.

Эсинекь кельцо кинигань ды газетань нолдамо тевесь—как Октябрень Революциядоньть мейле аламонь-аламонь кармась теевеме. Ней улить вете эсинекь газетонок: ниле эйстост лисить эрьзянь кельсо, вейкесь мокшонь кельсо. Улить эсинекь кельсо и эрьва мезень киниганок—как.

Весе ней нейсызь Советонь властеньть паронзо. Сон стараи весе трудицятнень валдомгафтомс. Сонзо арасьть а татарт, а руст, а эрьзят—мокшот, — сон вейкецто чи валдоньть лацо весексиэнь свети.

Чумбра чи мерьдян теть Советской—пуворць кедень власть!

Чумбра чи Коммунистической партияньти, паро эрямос ветицяньти!

М. Кручинин.

This work is in the public domain in the United States because it was first published outside the United States prior to January 1, 1929. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1953 or earlier (more than 70 years ago).[1]

This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1929 works copyrighted at home.

Данная работа, впервые изданная до 1929 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России.