Якстере теште/1924/33/Сисемь иеть топотсть Октябрской революциянтень

←Рабочейть ды сокицят ащить яла ве мельсэ

Якстере теште, № 33, 4—7 ноября 1924 г. редактор Глухов, Пётр Семёнович Сисемь иеть топотсть Октябрской революциянтень сёрмадызе Г. Баранов

Мезе макссь Октябрьской революциясь аватненень?→

Якстере теште. Еженедельный орган Мордовской секции при Ц. К. Р. К. П. (б.). — № 33, 4—7 ноября 1924 г. — с. 2—3

 

[ 2 ]

---

 

Сисемь иеть топотстъ Оkтябрской революциянтень.

 

Сисемь иеть ютасть, кода минь, робочейтне и крестьянтне нельгинек буржуйтнень, бояртнынь, попнень и кулакнень кецтэ властенть. Кавксоце иес тусь минек советской властесь, минек богатыресь. Эрьва иень ютазь сон касы яла седе покшсто. Кода бойкасто касы минек советской Богатыресь — истя-же бойкасто робочейтне чувить калмо эрьва масторга буржуйтнинень.

 

Варштадо Удалов! Ванынк кодамо киява мольсь советской властись.

Октябрьской революциясь минянек савсь теимс стака порасто. Верьди симиця инязорось Николай Романов минек Россиянь масторонть прянду лангс велявтызе, нищейкс теизе. Нилиньгемень месецть (40) нарьгась сон окопсо кемсисемге миллион ломань лангсо. Феврлальской революциястонть властенть саизь буржуйтне, меньшевикень и эссеровской партиятнень марто вейцэ, конат кармасть войнанть эйсэ ветямо истя-жа кода сонды ветясь инязурось.

Большевикнень валондо прявиндэ трудицятне кунсолызь, Октябрень 25 чистэнть (ташто стиль) 1917 иестэнть робочейтнэ и сокицятне вейце Большевикнень марто влестенть буржуйтнень кецтэ нельгизь.

Буржуйтне, бояртнё, попне и кулакнэ пряст кепидизь минек трудицятнень карчо. Минек армиянок арась — ташто армиясь сизесь тусь кудов. Заводонок роботамудо лоткасть, робочеитнинень амезди ульнись ярцамс. Чугунной кинек калацть, вагононок и паровозонок теивсть янгазь крандайкс. Сокицятне ни весе ульнисть саизь войнав. Моданук пеледедест ламу апак витть апак сокак. Кудосо сыре тетянок, сыре аванок, козейканук и вишка эйкакшунок авардить-учить тетяст эйсэ кудов. — Вана кодамо порасту сатуць минянек властись.

Меньшевикень и эссеровской партиятнэ вачо вергизыкс кармасть пеист порими большевикнень лангс. Сынь тандацть Октябрской революциянть эйстэ.

Сынест эсть думавт — кода истя чтобо безтолковой робочейтне и рудазов сокицятне саивлизьбу сынст ялгаст — буржуйтнень и бояртнынь — кецтэ модаст и заводст. Сынь травизь минек лангс весе верьди симиця инязоронь генералтнэнь офицертнэнь, попнень и кулакнень конат кискакс кармакшнусть минек эйсэ сезьнеме. Сынь тейсть Советэнтень война.

 

Зняро генерал армият тюрсть советэнть марто.

Октябрьской властенть ванстумазо ульнись стака, минек марто тюрсть вана зняро генералонь армият; 1) Корниловонь 2) Деникинэнь, 3) Калединэнь, 4) Врангелень, 5) Юденичень, 6) Мамонтовонь, 7) Дутовонь, 8) Колчаконь, 9) Анненковонь, 10) Чехословакнэ, 11) Эмир Бухарской, 12) Гайдамакнэ 13) Петлюра, 15) Савинковонь. 16) Антоновонь, 17) Туркестансо басмачт. 18) Зеленой дезертирэнь армият, конат аловновитяк и ламо лият. Нетне подлой генералтнэнень болшевикне вейце робочейтнень и сокицятнень марто, мерсть, что тынкь лацо — больше аули знярдуяк. Куваць генералтнэ озясть минек марто, сынст эсист виест минек карчо эсть сато, сынь кармасть минек масторонть эйсэ микшниме лия масторонь буржуйтнинень жальть теивсть рузонь буржуйтне, сынь кармасть пособлямо сынест.

 

Весе масторонь буржуйтне кармасть сезнеме Октябрской революциянть эйсэ.

 

Германия.

Германиянь буржуйтне — саикшнизь весе Украинанть и Дононть, сынст армияст пачкудикшнесть Ленинградонтень. Советской властинтень волей неволей эрявкшнусь теимс Германия марто договор (Брестской мир) конатань кувалт минянек савкшнусь пандомс покш дань. Но минь эзинек тандат, Троцкой ялганть минек правительствась кучизе мирэнь теиме.

Ломань верди симиця Вельгельмсь серматсь договоронть истямо, кодамо тусь сонзэ мельс. Троцкой ялгась подписал те договоронть пекстазь сельмсэ. Минь меренек Вильгельманинь, что тонь эряму чить кадовсть аволь ламо тонь пургавтадызь истяжо, кода минек робочейтне пургавтызь Николашкань. Тевись лиссь минек лацо Вильгельмань Германиянь робочейтне пургавтызь. Минь Германиянинь дань апантанок.

Англия.

Англичатнэ саикшнизь минек Северной краинть, пеледендэ ламо Туркестанунть, Кавказонть косто минь сайтянок мазут и керосин (Баку). Архангелс сон пурнакшниндэ весе ашу и раужо бандатнень тосо сынь теикшнесть Рузонь правительства, конатань кис минек попнэ служасть обеднят прок инязороньтень. Английской буржуйтне Октябрской революциянть пряндо ютавсть маштомс — ярмак милнард целковой золотом. (Ве миллиардонть эйсэ тысяча миллионов рублей золотом).

Япония.

Японской буржуйтне — Колчак марто явшикснизь весе минек сюпав Сибиринть, сон хотел озамс Иркутскойс. Но Япония лацо тевись эзь листь, сонды минь тосто пургавтынек. Япония марто минек Карахан ялгась вети кортнима тевть (перговорт) Япония курок остатка войскандояк сайсынде Сахалинстэ.

[ 3 ]

Франция.

Французонь буржуйтнэ пеист эйсэ порсть октябрской властинть лангс эрьва киди ламо, сынь ютавсть ярмак советэнть маштомс Англиядо ламо, сынь аньсть Колчаконь, Деникенень и Врангелень армиятне эйсэ, французонь буржуйтнинень акона пельде ульнись самс минек лангс, сынь кучокшнизь флотост Черной моряв и хотели леднемс Одессань робочейтнень, но тесэяк сынст тевист эсть листь. Французонь мотроснэ (робочейтне) эсть кармак леднеме и эзизь кунсолок командирыст, французонь матроснэнь ютксо те тевинть теизе Марти ялгась (Марти ялгась французонь матрос) сон ней аумок сась советской масторов госькс.

И истеняк весе масторонь буржуйтне кружакшнизь минек советской масторонть кшнинь кольцяс (блокада) минек марто эсть кортак и эсть торговак.

 

Вачодо 1921 и 1922 иеть.

Весе, кода минек буржуйтнень истя-жа чи лия масторонцетнень минь невтенек кода машты минек советской богатыресь сынст пряст сезнеме. Эзинек кенирть аламушкадо оймсими, Советской властинтень сась ютавтомс вачодо ие. Комсветие миллион ломать эрясть пельс кулозь. Ульнисть таркат косо-косо ярцасть ломанень сывельде.

Вана ялгат кода варштат удалов и парсте думасак кодамо ульнись эрямусь советской властинтень то мерят, что да!!! Робочеень и сокицянь властись богатырь!

 

Мези максь миненек Октябрской революциясь.

1) Нельгинек бояртнынь, попнень и кулакнень кецтэ модаст и именияст конань явшинек сокицятнень ланга (аньсяк 36 губернява минь нельгинек комськолмово миллион десятинат).

2) Нельгинек весе заводтнень, фабрикатнень, банкатнень, чугунка китнень и ламо лиятнень, аньсяк аволь минек буржуйтнень кецтэ но и заграничной—тнень кецтеяк конат ульнисть Россиянь масторсо, Киненьдяк нетнень кис апантанок янгазь трешникак.

3) Пурдынек пряст весе минек верди симиця генералтнень и сынст офицерэнь армияст, а конат кадовсть живстэ сетнень пургавтынек. Косой нумоло лацо кавто миллион нетьне тандавтозь нумолотне орготсть границянь тона пелев, косо властись буржуйтнень кецэ. Сынь ней авардить и вешить советской властинть кецтэ прощения и ламунь ули мелест велявтомс аньсяк мэкив, но уж ауль инязоронь масторс — советской масторс и роботаму.

4) Теинек и пурнынек—сэрнинек Красной армия конатань эйстэ ливтсть якстере искирькат, коната пурьгиникс ранги ендолокс вярьгиди конатань эйсты буржуйтнень прякедист стить дубошком. Коната кармавтынде весе масторонь буржуйтнень — советской властинть меленде ваномо.

5) Теинек Коммунистической Интернационал коната весе масторга робойчейтнень стявтынде пильги лангс, сынь тейсть эсист масторга минек лацо Коммунистической партият конат пособлить минянек и конатнэ анукстыть пряст эйсэ минек лацо эсист буржуйтнень пряст сезнеме.

6) Ваньскавтынек весе учебной заведениянок косо ней тонафнить минек робочеень и сокицянь эйкакшне, косто курок кармить лисеме эсинек: агрономт, инженерт, докторт, учительть и лия ламо тонавтозь ломать.

7) Нолдынек кемивь ярмакт, конатнэ питнейть буржуинь ярмакниде.

8) Кавксоце и‘е плотнасто кулаконок эйсэ киртянок буржуйтнень карчо и дружнасто мольтянок Коммунистической партиянть марто кияванть, конатань невтезе минянек Ленин ялгась.

 

Кармавтынек мартонок кортамо.

Красной армиясь, Коммунистической Интернационалось и эрьва масторонь робочейтне кармавтызь буржуазной правителстватнень минек советской властенть меленде, ваномо. Советской властенть законнойкс путызь (признали) аньсяк 1924 иестэнть вана зняро буржуазной государстват: Италия, Англия, Норвегия, Швеция, Дания, Греция, Албания, Мексика, Австрия, Венгрия. Те иестенть-жа Китай кучсь минянек посол, и минь кученек тов Карахан ялганть посолкс минек пельде. Япония марто Карахан ялгась-жа вети переговорт, сон истя-жа Советской властенть путы законнойкс. Французонь правительствась октябрянь 28 чистенть 1924 иестенть путызе (признал) Советской властинть законнойкс. Французонь буржуйтне учость сисем иеть Советэнь кулома чинды эйсэ. Но сынь манявсть — Советской властись акулы знярдояк.

Нетне буржуазной государстватнэ куваць учость Советской властенть кулома чиндэ эйсэ, но сынь манявсть пек. Минек виенек касы эрьва иестэ богатырь лацо, Советской властенть эйсэ вете минек стальной Коммунистической партиясь Ленин ялганть киява.

 

Мясть эрявить тейме Советской властинтень.

Сисемь иес теинек тевть ламо а икилев кадувсть тейме седеяк ламо. Ленин ялгась мерсь, что Советской властись ванстуве сэстэ кода плотнасто робочей класось карми кирдеме Союз сокицятнэ марто.

Те союзось кеме карми улиме сестэ, кода сюронть-скотинанть питьнезэ карми улиме вейкитстэ фабричной товаронть марто. Тевись те покш курок атеиви, заводонть витемазо стака, но теимс эряви, седе бойкасто. Дешева кши робочеентень, дешева товар сокицянтень. Коммунистической партиясь терьди робочей класонть, чтобу сонзэ фабричной товарондо улист седе дешеват. Советской властись те тевинтень кундась робочейтненень и сокицятненень эреви соняндэ пособлямс.

Чумбрасто эряк Советской власть — тонь марто кутмордазь молить робочейтне и сокицятне.

Чумбрасто роботак комунистэнь партия тонь эйсэ кунсолыть сокицятне и робочейтне.

Г.  Баранов.