Әкиәттәр генә үлмәһен

← Донъя йәме

Әкиәттәр генә үлмәһен (Шиғыр) автор Лилиә Һаҡмар

Мин Ҡояшҡа китеп барам →

Ижад итеү ваҡыты: 26.01.2002. Нәшер ителгән: 2006 йыл. Сығанаҡ: Һаҡмар Л. Эстафета: Шиғырҙар, поэма. – Өфө: Китап, 2006. – 176 бит. (54-се бит) ISBN 5-295-03798-3

ӘКИӘТТӘР ГЕНӘ ҮЛМӘҺЕН!

Әкиәттәр – хыял ғына түгел,
Әкиәттәр әйҙәй күктәргә,
Мөхәббәт ул – мәңге тынмаҫ көрәш,
Ҡарыуынан килмәй күптәрҙең.

Тормош үҙе гел йомаҡтан тора,
Табып ҡына өлгөр яуабын!
Ысынбарлыҡ менән әкиәттәр
Дыу килтерә көрәш яланын…

Кеше – рәйес кенә был алышта –
Ҡиммәттәрҙең тере бизмәне:
Әкиәткә өҫтөнлөктәр бирһә,
Үпкәләй шул Тормош тигәне.

Тормош, тормош,
алға әйҙәй бирһен!
Күлдәр яҙмышына күнмәһен!
Тик күңелдә,
Һағыш иретерлек
Әкиәттәр генә үлмәһен.
Әкиәттәр генә үлмәһен!

---

Иҫкәрмәләр

• Авторҙың башҡа әҫәрҙәре Author:Лилиә_Һаҡмар