| فەلەک نەقشی پێی دی لە زەمیندا
|
خوێی گرینی هات وە ڕووی بریندا
|
| چاوگەی چاوەکەی لێڵ و حەسرەتمەند
|
«لَيتَنی كُنتُ ترابا»ی دەخۆند
|
| هەرچی ڕیفعەت و عیزز و هەستی وێ
|
فیدای نەبوونی و خواری و پەستی وێ
|
| حەق ڕەحمی ئاورد بەو سۆز و تاودا
|
دەقیقی پەردەی لابرد لە ناودا
|
| سورمەی گەردی پێی کێشا وە چاودا
|
بەو چاوی پڕ ئێش دووری و بێ خاودا
|
| ئێشی چاوی چوو نەختێ پڕ خەو بوو
|
لە حیکمەت میعراج ئەو یەکێ ئەو بوو
|
| تێی هەڵدە مەزهەب فەلسەفەی خیداج
|
ئیمان بێرانە بە قیسسەی میعراج
|
| هەیوولا و سوورەت لاوە لەم ناوێ
|
بۆ ئیسباتی جوز، زەحمەت کێش تاوێ
|
| جەوازی هەیە خەرق و ئیلتیام
|
چونکە تەماسول هەیە بۆ ئەجسام
|
| «ما يمكن لِذا يمكن للٲخير
|
والله علی الممكنِ قدير»
|
| «ما كان ما بی يكفی بحمده؛
|
سُبحانَ الَّذی ٲسری بعبده»
|
| زاهیری «ٲسری بعبدهِ» دەکات
|
میعراج «باليقظة» و «بالشخص»ی ئیسبات
|
| نەک بە خەو یا خێر «بالروحِ فقط»
|
ئەوە زەعمێکە بێ مەزە و سەقەت
|
| چلۆن، ئەر بە ڕۆح یا مەنام دەبوو؟
|
باعیسی ئینکار بۆ عەوام دەبوو
|
| تەحریرێ کەوا شیرین بێ و «ٲحق»
|
«بين الٲحاديث بذا يوفّق»
|
| موکەڕڕەر بووگە میعراج و فتووح
|
«مرّةً بالشخص كرّةً بالروح
|
| ليلاً»؛ شەو خەڵوەت بەینی یارانە
|
جێی ڕاز و نیاز دەردەدارانە
|
| فرسەت غەنیمەت، ماڵ بێ ئەغیارە
|
عالەم نووستگ، دۆس خەبەردارە
|
| نەک ڕۆژ «ظلّ» بەم لا، یا بەولادا وێ
|
یا ژێر پێ لە وەخت ئیستیوادا وێ
|
| وەک مەولید شەو بوو عورووجی یەقین
|
«صار رحمةً علی العالمين»
|
| بۆ ژێرزەمین و ئەفلاکی بەرین
|
سوللەی ئەووەلین، سوللەی ئاخیرین
|
| «من المسجد الحرام الٲنفس
|
الي المسجد الٲقصي المقدّس»
|
| تا ئەگرە قەتعی و نەسی کیتابە
|
ئینکاری کوفرە دائیم عەزابە
|
| «منهُ للسما و منهُ الی
|
ماشاءالله من حِلی العُلی»
|
| سابت بە خەبەر مەشهوورە و ئاحاد
|
ترتیباً ئینکار بیدعەتە و فەساد
|
| لادە لە ڕێگەی بیدعەت و مونکەر
|
بێرە سەیری سەیر سەییدی سەروەر
|
| بارەی ناسووتی لە مەیدان ئاورد
|
حەی کرد و نەی کرد، پەی کرد و تەی کرد
|
| لە گەرمیی سەمووم نزیکی ئەو ڕەوت
|
دای لە جیبرەئیل «لو دنوت» کەوت
|
| پێی ناسووتی سووت، مەلەکووتی مات
|
«هاتِ الكؤوس»ی لاهووت ئەلای هات
|
| هەر چەند کە قەدەم قوربەتی دەنا
|
لەو: نەوای «ٲدن»، لەم: «ثمّ دنی
|
| فَتَدلّی» تا لاچوو پێ و قەدەم
|
حودووس بە ئەدەب هاتە پێی قیدەم
|
| «فكان قابَ قوسين ٲوٲدنی»
|
مابەینی ئیمکان وجووبی ئەسنا
|
| «فٲوحی الی عبدهِ ما ٲوحی
|
و فاحَ ما فاح عليهِ فوحا»
|
| فەلەک پڕ مەلەک، سیدرە غەوغا بوو
|
«مازاغ البَصَر»، «وَ مَا طغی» بوو
|
| ویسعەتی مەشرەب ناموتەناهی
|
هیچ لە ئاگاهی نەیدەکرد لاهی
|
| ئومووری قودسی لە دڵ دەدەن سەر
|
«ثم تنتقل منه للبصر
|
| بل لسائر الحسّ والقِوی
|
بل لِعالَم الخلق والسَّوِی»
|
| بە هەر وەجهێ دڵ عیرفانی پێی بوو
|
بەو ڕوو بۆ بەسەر ڕوئیەتی دای ڕوو
|
| بەسیرەت ناسی، بەسارەت بینی
|
دڵ بێنی درۆی نەدا لە بینی
|
| ڕێی چەند هەزار ساڵ، تەی چەند حیجابات،
|
زاتی حەق، کەلام، سوئال، جەوابات
|
| چوو، بوو، دیی، بیستی، کریا، دریاوە
|
هاتەوە و حەڵقە هەر دەلەریاوە
|
| هەی تەل! هەی تێی گەی؟! پێی گەی؟! هەی نەیخۆی!
|
وەک ماری زامدار هەر پێچ دا لە خۆی!
|
| فەرقیان، هەی فام ئەبنای زەمانە!
|
هەر لە سەرزەمین تا ئاسمانە
|
| شۆڵەی ئەو بەدرە لەو دەورە ئەوشەو
|
شەونم لەو هەورە بەو تەورە ئەوشەو
|
| دای وە دەشتی دڵ گشت ئەسفیادا
|
وەشت وە کشتی سیڕ گشت ئەولیادا
|
| «ٲشرقَتِ الٲرض...» تەئویل دریاوە
|
«ماءة حبّة...» تەفسیر کریاوە
|
| پەردەی زوڵمانیی نەفسانی لاچوو
|
تۆمی وەردی عیلم عیرفان سەر ئاو بوو
|
| خەندەی غونچەی کەشف کەونی و ئیلاهی
|
سەوزەی کەرامات ناموتەناهی
|
| هەر یەک بە تەرزێ خۆی نومایش دا
|
باغچەی ئەولیای پێ ئارایش دا
|
