ပူတိဂတ္တတိဿတ္ထေရဝတ္ထုဂါထာ
၃-စိတ္တဝဂ်
၇- ပူတိဂတ္တတိဿတ္ထေရဝတ္ထုပါဠိဂါထာ
ဆုဒ္ဓေါ အပေတဝိညာဏော, နိရတ္ထံဝ ကလိင်္ဂရံ။
အယံ ကာယော၊ ထက်အောက်ဤကိုယ်, အရည်ယိုလျက်, ပြည်စိုတွေဖုံး, ဤတစ်ကိုယ်လုံးသည်။ အစိရံ၊ ချိန်ခါမတည်, မကြာမီပင်။ ဝတ၊ စင်စစ်ဧကန်, အမှန်အားဖြင့်။ ဆုဒ္ဓေါ၊ လူ၌မစပ်, စွန့်ပစ်အပ်သည်။ အပေတဝိညာဏော၊ ကိုယ်ဝယ်ဆက်ဆက်, အသက်ခေါ်တွင်, ကင်းသောဝိညာဉ်ရှိသည်။ (ဟုတွာ)။ နိရတ္ထံ၊ လူဝယ်လုံးလုံး, အသုံးမကျသော။ ကလိင်္ဂရံ ဣဝ၊ အပုပ်အဆွေး, ထင်းတုံးကလေးကဲ့သို့။ ပထဝိံ၊ သုဿာန်ဟုခေါ်, မြေကြီးပေါ်၌။ အဓိသေဿတိ၊ စင်းစင်းမသွေ, အိပ်နေရတော့လတ္တံ့။ (ပါ-၄၁)
ပူတိဂတ္တတိဿတ္ထေရဝတ္ထုဂါထာနိဿယပြီးပြီ။
ပထဝိံ အဓိသေဿတိ။ ။ “ပထဝိယံ သေဿတိ”ဟူသောအဖွင့်အရ အဓိသည် အနက်မဲ့၊ တတိယာ သတ္တမီနဉ္စသုတ်ဖြင့် သတ္တမီ အနက်၌ ဒုတိယာသက်(ရူ-၁၄၄)၊ အထက်၌ ဤအတိုင်း ပေးထားသည်။
ရူ-၁၂၉၊ ရူဋီ၊၇၇။ ။ ထို၌ “ပထဝိယာ ဥပရိ သယိဿတိ”ဟူသော အဖွင့်နှင့်အညီ အဓိကို ဥပရိဘာဝအနက်ယူ၍ ကွစိ ဒုတိယာ ဆဋ္ဌီနမတ္ထေဖြင့် ဆဋ္ဌီအနက်၌ ဒုတိယာသက်၏၊ ထိုအလို “ပထဝိံ-မြေ၏၊ အဓိသေဿတိ-အပေါ်၌ အိပ်ရလတ္တံ့”ဟု ပေး။
ပါ၊၁၊၄, ၄၆၊ မောဂ်-၂၊၂။ ။ ထို၌ အဓိကို အဓိဘဝန(လွှမ်းမိုးခြင်း) အနက်ယူ၍ ကမ္မတ္ထေ ဒုတိယာဖြင့် ကံအနက်၌ ဒုတိယာသက်၏၊ ထိုအလို “ပထဝိံ-ကို၊ အဓိသေဿတိ-လွမ်းမိုး၍ အိပ်ရလတ္တံ့”ဟုပေး။