Crusoe de novo
Robinson Crusoe
scribite de novo pro infantes
per
James Baldwin
Traducite in interlingua in 2022 per Jarmo Hietala
Le autor
Le autor del libro "Robinson Crusoe scribite de novo pro infantes" James Baldwin (1841–1925) esseva un educator, administrator e scriptor statounitese. Ille laborava 18 annos como superintentente del systema scholar del Indiana. Ille es un del plus cognite scriptores specialisate in libros pro infantes, scribite per ille mesme o rescribite in un linguage plus facile, melior apte a lectores juvene. Secundo un estimation on ha vendite 26 milliones copias de su libros in le tote mundo.
Prefacio
In le anno 1719 un anglese con nomine Daniel Defoe scribeva un conto multo longe, que ille appellava "Le vita e aventuras surprendente de Robinson Crusoe". Su conto non esseva designate pro infantes, e pro isto illo esseva difficile a leger. Le conto tamen habeva multe cosas que esseva interessante pro juvenes, e desde ille tempore a hodie, le conto meraviliose de Robinson Crusoe ha essite un favorito del pueros plus juvene e plus vetule. Io ha rescribite le conto per parolas facile pro cata infante, e abbreviate lo per omitter le partes obtuse.