Epistola I a Timotheo Capitulo 2
1 Io exhorta dunque, ante de omne altere cosa, que on face supplicationes, orationes,
intercessiones, action de gratias pro tote le homines,
2 pro le reges e pro tote le autoritates, a fin que nos pote haber un vita tranquille
e quiete, in omne pietate e honestitate.
3 Isto es bon e acceptabile coram Deo, nostre Salvator,
4 le qual vole que tote le homines sia salvate e arriva al cognoscentia del veritate.
5 Pois que il ha un sol Deo e etiam un sol mediator inter Deo e le homines, Christo Jesus homine,
6 le qual donava se ipse qual precio de riscate per omnes; pro servir como testimonio a su tempore,
7 e pro attestar lo io esseva constituite predicator e apostolo (io dice le veritate,
in Christo io non mente), doctor del Gentiles in fede e in veritate.
8 Io volerea dunque que le homines ora, in omne loco, altiante manos pur, sin ira e sin disputas.
9 Similemente que le feminas se adorna de habitos decorose, con verecundia e modestia:
non con tressas ni auro o perlas ni vestes sumptuose,
10 sed de bon operas, como conveni a feminas que face profession de pietate.
11 Que le femina apprende in silentio con tote submission.
12 Pois que io non permitte al femina de inseniar, ni de usar autoritate sur homine,
ma illa debe star in silentio.
13 Perque Adam esseva create prime, e postea Eva;
14 e Adam non esseva seducite; sed le femina, essente seducite, cadeva in transgression;
15 nonobstante illa essera salvate al generar filios, al perseverar in le fide,
in le amor e in le sanctification con modestia.
Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev