Epistola I a Timotheo Capitulo 6
1 Quicunque es sub le jugo del servitude, considera lor dominos como digne de omne honor, a fin que le nomine de Deo e le doctrina non sia blasphemate. 2 E quicunque ha dominos credente, non les deprecia perque illes es fratres, sed al contrari que les serve melio, perque illes qui recipe le beneficio de lor servicio es fidel e amate. Iste cosas insenia e exhorta. 3 Si qualcuno insenia un doctrina diverse e non seque le san parolas del Senior nostre Jesus Christo e su doctrina que es secundo pietate, 4 le tal es superbe e non sape nihil; sed delira re questiones e disputas de parolas, del qual nasce invidia, contention, maledicentia, mal suspectos, 5 acerbe discussiones de homines corrupte de mente e carente del veritate, le quales crede que le pietate es fonte de lucro. 6 Ora le pietate con contentamento, es un grande lucro; 7 pois que nos non ha apportate nihil in le mundo, e nihil nos potera reportar con nos; 8 sed si nos ha nutrimento e vestimento, sia nos con isto contente. 9 Sed illes qui vole inricchir se cade in tentation, in insidias, e in multe insensate e funeste concupiscentias, que submerge le homines in le destruction e in le perdition. 10 Pois que le amor del pecunia es radice de omne sorta de mal; e in tal cupiditate alcunes se deviava ab le fide transfigente se con multe dolores. 11 Sed tu, o homine de Deo, fugi de iste cosas, e seque le justitia, le pietate, le fide, le amor, le constantia, le mansuetude. 12 Combatte le bon combatto del fide, prende le vita eternal al qual tu esseva vocate e habente jam facite un bon confession in presentia del multe testes. 13 Coram Deo qui vivifica tote le cosas, e Christo Jesus qui ante Pontio Pilato dava testimonio de bon confession, 14 io te exhorta a observar le commandamento divin como homine immaculate, irreprehensibile, usque al advento de nostre Senior Jesus Christo, 15 le qual a su tempore manifestara le beate e unic Soverano, le Rege del reges e Senior del seniores, 16 le qual sol possede le immortalitate e habita in luce inaccessibile; le qual necun homine [natural] ha vidite ni pote vider; al qual sia honor e potentia eternal. Amen. 17 Al riccos de iste mundo ordina de non esser de animo superbe, de non poner lor sperantia in le incertitude del ricchessas, sed in Deo, le qual nos concede abundantemente omne cosa per nostre gaudio; 18 de practicar le ben, de esser ric in bon operas, de esser generose e communicative, 19 pro facer thesauros pro se ipse de un bon fundamento pro le futur, a fin de attinger le ver vita. 20 O Timotheo, custodia le deposito que te esseva confidite, evita le parolas van e profan e le opposition de lo que es falsemente appellate scientia, 21 lo qual professante lo, alcunos si deviava ab le fide. Le gratia sia con vos.
Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud