Rig Veda, Book 1A (ASCII)

Book 1

1.49.1a u/So bhadre/bhir aa/ gahi diva/sh cid rocanaa/d a/dhi
1.49.1c va/hantv aruNa/psava u/pa tvaa somi/no gRha/m
1.49.2a supe/shasaM sukha/M ra/thaM ya/m adhya/sthaa uSas tva/m
1.49.2c te/naa sushra/vasaM ja/nam praa/vaadya/ duhitar divaH
1.49.3a va/yash cit te patatri/No dvipa/c ca/tuSpad arjuni
1.49.3c u/SaH praa/rann Rtuu/M+r a/nu divo/ a/ntebhyas pa/ri
1.49.4a vyucha/ntii hi/ rashmi/bhir vi/shvam aabhaa/si rocana/m
1.49.4c taa/M tvaa/m uSar vasuuya/vo giirbhi/H ka/Nvaa ahuuSata
1.50.1a u/d u tya/M jaata/vedasaM deva/M vahanti keta/vaH
1.50.1c dRshe/ vi/shvaaya suu/ryam
1.50.2a a/pa tye/ taaya/vo yathaa na/kSatraa yanty aktu/bhiH
1.50.2c suu/raaya vishva/cakSase
1.50.3a a/dRshram asya keta/vo vi/ rashma/yo ja/naaM+ a/nu
1.50.3c bhraa/janto agna/yo yathaa
1.50.4a tara/Nir vishva/darshato jyotiSkR/d asi suurya
1.50.4c vi/shvam aa/ bhaasi rocana/m
1.50.5a pratya/~N devaa/naaM vi/shaH pratya/~N~N u/d eSi maa/nuSaan
1.50.5c pratya/~N vi/shvaM sva\r dRshe/
1.50.6a ye/naa paavaka ca/kSasaa bhuraNya/ntaM ja/naaM+ a/nu
1.50.6c tva/M varuNa pa/shyasi
1.50.7a vi/ dyaa/m eSi ra/jas pRthv a/haa mi/maano aktu/bhiH
1.50.7c pa/shya~n ja/nmaani suurya
1.50.8a sapta/ tvaa hari/to ra/the va/hanti deva suurya
1.50.8c shoci/SkeshaM vicakSaNa
1.50.9a a/yukta sapta/ shundhyu/vaH suu/ro ra/thasya naptya\H
1.50.9c taa/bhir yaati sva/yuktibhiH
1.50.10a u/d vaya/M ta/masas pa/ri jyo/tiS pa/shyanta u/ttaram
1.50.10c deva/M devatraa/ suu/ryam a/ganma jyo/tir uttama/m
1.50.11a udya/nn adya/ mitramaha aaro/hann u/ttaraaM di/vam
1.50.11c hRdroga/m ma/ma suurya harimaa/NaM ca naashaya
1.50.12a shu/keSu me harimaa/NaM ropaNaa/kaasu dadhmasi
1.50.12c a/tho haaridrave/Su me harimaa/NaM ni/ dadhmasi
1.50.13a u/d agaad aya/m aadityo/ vi/shvena sa/hasaa saha/
1.50.13c dviSa/ntam ma/hyaM randha/yan mo/ aha/M dviSate/ radham
1.51.1a abhi/ tya/m meSa/m puruhuuta/m Rgmi/yam i/ndraM giirbhi/r madataa va/svo arNava/m
1.51.1c ya/sya dyaa/vo na/ vica/ranti maa/nuSaa bhuje/ ma/MhiSTham abhi/ vi/pram arcata
1.51.2a abhii/m avanvan svabhiSTi/m uuta/yo .antarikSapraa/M ta/viSiibhir aa/vRtam
1.51.2c i/ndraM da/kSaasa Rbha/vo madacyu/taM shata/kratuM ja/vanii suunR/taa/ruhat
1.51.3a tva/M gotra/m a/~Ngirobhyo .avRNor a/potaa/traye shata/dureSu gaatuvi/t
1.51.3c sase/na cid vimadaa/yaavaho va/sv aajaa/v a/driM vaavasaana/sya narta/yan
1.51.4a tva/m apaa/m apidhaa/naavRNor a/paa/dhaarayaH pa/rvate daa/numad va/su
1.51.4c vRtra/M ya/d indra sha/vasaa/vadhiir a/him aa/d i/t suu/ryaM divy aa/rohayo dRshe/
1.51.5a tva/m maayaa/bhir a/pa maayi/no .adhamaH svadhaa/bhir ye/ a/dhi shu/ptaav a/juhvata
1.51.5c tva/m pi/pror nRmaNaH praa/rujaH pu/raH pra/ Rji/shvaanaM dasyuha/tyeSv aavitha
1.51.6a tva/M ku/tsaM shuSNaha/tyeSv aavithaa/randhayo .atithigvaa/ya sha/mbaram
1.51.6c mahaa/ntaM cid arbuda/M ni/ kramiiH padaa/ sanaa/d eva/ dasyuha/tyaaya jaj~niSe
1.51.7a tve/ vi/shvaa ta/viSii sadhrya\g ghitaa/ ta/va raa/dhaH somapiithaa/ya harSate
1.51.7c ta/va va/jrash cikite baahvo/r hito/ vRshcaa/ sha/tror a/va vi/shvaani vR/SNyaa
1.51.8a vi/ jaaniihy aa/ryaan ye/ ca da/syavo barhi/Smate randhayaa shaa/sad avrataa/n
1.51.8c shaa/kii bhava ya/jamaanasya coditaa/ vi/shve/t taa/ te sadhamaa/deSu caakana
1.51.9a a/nuvrataaya randha/yann a/pavrataan aabhuu/bhir i/ndraH shnatha/yann a/naabhuvaH
1.51.9c vRddha/sya cid va/rdhato dyaa/m i/nakSata sta/vaano vamro/ vi/ jaghaana saMdi/haH
1.51.10a ta/kSad ya/t ta usha/naa sa/hasaa sa/ho vi/ ro/dasii majma/naa baadhate sha/vaH
1.51.10c aa/ tvaa vaa/tasya nRmaNo manoyu/ja aa/ puu/ryamaaNam avahann abhi/ shra/vaH
1.51.11a ma/ndiSTa ya/d usha/ne kaavye/ sa/caaM+ i/ndro va~Nkuu/ va~Nkuta/raa/dhi tiSThati
1.51.11c ugro/ yayi/M ni/r apa/H sro/tasaasRjad vi/ shu/SNasya dRMhitaa/ airayat pu/raH
1.51.12a aa/ smaa ra/thaM vRSapaa/NeSu tiSThasi shaaryaata/sya pra/bhRtaa ye/Su ma/ndase
1.51.12c i/ndra ya/thaa suta/someSu caaka/no .anarvaa/NaM shlo/kam aa/ rohase divi/
1.51.13a a/dadaa a/rbhaam mahate/ vacasya/ve kakSii/vate vRcayaa/m indra sunvate/
1.51.13c me/naabhavo vRSaNashva/sya sukrato vi/shve/t taa/ te sa/vaneSu pravaa/cyaa
1.51.14a i/ndro ashraayi sudhyo\ nireke/ pajre/Su sto/mo du/ryo na/ yuu/paH
1.51.14c ashvayu/r gavyuu/ rathayu/r vasuuyu/r i/ndra i/d raaya/H kSayati prayantaa/
1.51.15a ida/M na/mo vRSabhaa/ya svaraa/je satya/shuSmaaya tava/se .avaaci
1.51.15c asmi/nn indra vRja/ne sa/rvaviiraaH sma/t suuri/bhis ta/va sha/rman syaama
1.52.1a tya/M su/ meSa/m mahayaa svarvi/daM shata/M ya/sya subhva\H saaka/m ii/rate
1.52.1c a/tyaM na/ vaa/jaM havanasya/daM ra/tham e/ndraM vavRtyaam a/vase suvRkti/bhiH
1.52.2a sa/ pa/rvato na/ dharu/NeSv a/cyutaH saha/sramuutis ta/viSiiSu vaavRdhe
1.52.2c i/ndro ya/d vRtra/m a/vadhiin nadiivR/tam ubja/nn a/rNaaMsi ja/rhRSaaNo a/ndhasaa
1.52.3a sa/ hi/ dvaro/ dvari/Su vavra/ uu/dhani candra/budhno ma/davRddho maniiSi/bhiH
1.52.3c i/ndraM ta/m ahve svapasya/yaa dhiyaa/ ma/MhiSTharaatiM sa/ hi/ pa/prir a/ndhasaH
1.52.4a aa/ ya/m pRNa/nti divi/ sa/dmabarhiSaH samudra/M na/ subhva\H svaa/ abhi/STayaH
1.52.4c ta/M vRtraha/tye a/nu tasthur uuta/yaH shu/Smaa i/ndram avaataa/ a/hrutapsavaH
1.52.5a abhi/ sva/vRSTim ma/de asya yu/dhyato raghvii/r iva pravaNe/ sasrur uuta/yaH
1.52.5c i/ndro ya/d vajrii/ dhRSa/maaNo a/ndhasaa bhina/d vala/sya paridhii/M+r iva trita/H
1.52.6a pa/riiM ghRNaa/ carati titviSe/ sha/vo .apo/ vRtvii/ ra/jaso budhna/m aa/shayat
1.52.6c vRtra/sya ya/t pravaNe/ durgR/bhishvano nijagha/ntha ha/nvor indra tanyatu/m
1.52.7a hrada/M na/ hi/ tvaa nyRSa/nty uurma/yo bra/hmaaNiindra ta/va yaa/ni va/rdhanaa
1.52.7c tva/STaa cit te yu/jyaM vaavRdhe sha/vas tata/kSa va/jram abhi/bhuutyojasam
1.52.8a jaghanvaa/M+ u ha/ribhiH sambhRtakratav i/ndra vRtra/m ma/nuSe gaatuya/nn apa/H
1.52.8c a/yachathaa baahvo/r va/jram aayasa/m a/dhaarayo divy aa/ suu/ryaM dRshe/
1.52.9a bRha/t sva/shcandram a/mavad ya/d ukthya\m a/kRNvata bhiya/saa ro/haNaM diva/H
1.52.9c ya/n maa/nuSapradhanaa i/ndram uuta/yaH sva\r nRSaa/co maru/to/ .amadann a/nu
1.52.10a dyau/sh cid asyaa/mavaaM+ a/heH svanaa/d a/yoyaviid bhiya/saa va/jra indra te
1.52.10c vRtra/sya ya/d badbadhaana/sya rodasii ma/de suta/sya sha/vasaa/bhinac chi/raH
1.52.11a ya/d i/n nv ai\ndra pRthivii/ da/shabhujir a/haani vi/shvaa tata/nanta kRSTa/yaH
1.52.11c a/traa/ha te maghavan vi/shrutaM sa/ho dyaa/m a/nu sha/vasaa barha/Naa bhuvat
1.52.12a tva/m asya/ paare/ ra/jaso vyo\manaH sva/bhuutyojaa a/vase dhRSanmanaH
1.52.12c cakRSe/ bhuu/mim pratimaa/nam o/jaso .apa/H sva\H paribhuu/r eSy aa/ di/vam
1.52.13a tva/m bhuvaH pratimaa/nam pRthivyaa/ RSva/viirasya bRhata/H pa/tir bhuuH
1.52.13c vi/shvam aa/praa anta/rikSam mahitvaa/ satya/m addhaa/ na/kir anya/s tvaa/vaan
1.52.14a na/ ya/sya dyaa/vaapRthivii/ a/nu vya/co na/ si/ndhavo ra/jaso a/ntam aanashu/H
1.52.14c no/ta/ sva/vRSTim ma/de asya yu/dhyata e/ko anya/c cakRSe vi/shvam aanuSa/k
1.52.15a aa/rcann a/tra maru/taH sa/sminn aajau/ vi/shve devaa/so amadann a/nu tvaa
1.52.15c vRtra/sya ya/d bhRSTima/taa vadhe/na ni/ tva/m indra pra/ty aana/M jagha/ntha
1.53.1a ny uuaa\ Su/ vaa/cam pra/ mahe/ bharaamahe gi/ra i/ndraaya sa/dane viva/svataH
1.53.1c nuu/ cid dhi/ ra/tnaM sasataa/m ivaa/vidan na/ duSTuti/r draviNode/Su shasyate
1.53.2a duro/ a/shvasya dura/ indra go/r asi duro/ ya/vasya va/suna ina/s pa/tiH
1.53.2c shikSaanara/H pradi/vo a/kaamakarshanaH sa/khaa sa/khibhyas ta/m ida/M gRNiimasi
1.53.3a sha/ciiva indra purukRd dyumattama ta/ve/d ida/m abhi/tash cekite va/su
1.53.3c a/taH saMgR/bhyaabhibhuuta aa/ bhara maa/ tvaayato/ jaritu/H kaa/mam uunayiiH
1.53.4a ebhi/r dyu/bhiH suma/naa ebhi/r i/ndubhir nirundhaano/ a/matiM go/bhir ashvi/naa
1.53.4c i/ndreNa da/syuM dara/yanta i/ndubhir yuta/dveSasaH sa/m iSaa/ rabhemahi
1.53.5a sa/m indra raayaa/ sa/m iSaa/ rabhemahi sa/M vaa/jebhiH purushcandrai/r abhi/dyubhiH
1.53.5c sa/M devyaa/ pra/matyaa viira/shuSmayaa go/agrayaa/shvaavatyaa rabhemahi
1.53.6a te/ tvaa ma/daa amadan taa/ni vR/SNyaa te/ so/maaso vRtraha/tyeSu satpate
1.53.6c ya/t kaara/ve da/sha vRtraa/Ny aprati/ barhi/Smate ni/ saha/sraaNi barha/yaH
1.53.7a yudhaa/ yu/dham u/pa ghe/d eSi dhRSNuyaa/ puraa/ pu/raM sa/m ida/M haMsy o/jasaa
1.53.7c na/myaa ya/d indra sa/khyaa paraava/ti nibarha/yo na/muciM naa/ma maayi/nam
1.53.8a tva/M ka/ra~njam uta/ parNa/yaM vadhiis te/jiSThayaatithigva/sya vartanii/
1.53.8c tva/M shataa/ va/~NgRdasyaabhinat pu/ro .anaanuda/H pa/riSuutaa Rji/shvanaa
1.53.9a tva/m etaa/~n janaraa/j~no dvi/r da/shaabandhu/naa sushra/vasopajagmu/SaH
1.53.9c SaSTi/M saha/sraa navati/M na/va shruto/ ni/ cakre/Na ra/thyaa duSpa/daavRNak
1.53.10a tva/m aavitha sushra/vasaM ta/voti/bhis ta/va traa/mabhir indra tuu/rvayaaNam
1.53.10c tva/m asmai ku/tsam atithigva/m aayu/m mahe/ raa/j~ne yuu/ne arandhanaayaH
1.53.11a ya/ udR/ciindra deva/gopaaH sa/khaayas te shiva/tamaa a/saama
1.53.11c tvaa/M stoSaama tva/yaa suvii/raa draa/ghiiya aa/yuH pratara/M da/dhaanaaH
1.54.1a maa/ no asmi/n maghavan pRtsv a/Mhasi nahi/ te a/ntaH sha/vasaH pariiNa/she
1.54.1c a/krandayo nadyo\ ro/ruvad va/naa kathaa/ na/ kSoNii/r bhiya/saa sa/m aarata
1.54.2a a/rcaa shakraa/ya shaaki/ne sha/ciivate shRNva/ntam i/ndram maha/yann abhi/ STuhi
1.54.2c yo/ dhRSNu/naa sha/vasaa ro/dasii ubhe/ vR/Saa vRSatvaa/ vRSabho/ nyR~nja/te
1.54.3a a/rcaa dive/ bRhate/ shuuSya\M va/caH sva/kSatraM ya/sya dhRSato/ dhRSa/n ma/naH
1.54.3c bRha/cchravaa a/suro barha/Naa kRta/H puro/ ha/ribhyaaM vRSabho/ ra/tho hi/ Sa/H
1.54.4a tva/M divo/ bRhata/H saa/nu kopayo/ .ava tma/naa dhRSataa/ sha/mbaram bhinat
1.54.4c ya/n maayi/no vrandi/no mandi/naa dhRSa/c chitaa/M ga/bhastim asha/nim pRtanya/si
1.54.5a ni/ ya/d vRNa/kSi shvasana/sya muurdha/ni shu/SNasya cid vrandi/no ro/ruvad va/naa
1.54.5c praacii/nena ma/nasaa barha/Naavataa ya/d adyaa/ cit kRNa/vaH ka/s tvaa pa/ri
1.54.6a tva/m aavitha na/ryaM turva/shaM ya/duM tva/M turvii/tiM vayya\M shatakrato
1.54.6c tva/M ra/tham e/tashaM kR/tvye dha/ne tva/m pu/ro navati/M dambhayo na/va
1.54.7a sa/ ghaa raa/jaa sa/tpatiH shuushuvaj ja/no raata/havyaH pra/ti ya/H shaa/sam i/nvati
1.54.7c ukthaa/ vaa yo/ abhigRNaa/ti raa/dhasaa daa/nur asmaa u/paraa pinvate diva/H
1.54.8a a/samaM kSatra/m a/samaa maniiSaa/ pra/ somapaa/ a/pasaa santu ne/me
1.54.8c ye/ ta indra dadu/So vardha/yanti ma/hi kSatra/M stha/viraM vR/SNyaM ca
1.54.9a tu/bhye/d ete/ bahulaa/ a/dridugdhaash camuuSa/dash camasaa/ indrapaa/naaH
1.54.9c vy a\shnuhi tarpa/yaa kaa/mam eSaam a/thaa ma/no vasude/yaaya kRSva
1.54.10a apaa/m atiSThad dharu/NahvaraM ta/mo .anta/r vRtra/sya jaTha/reSu pa/rvataH
1.54.10c abhii/m i/ndro nadyo\ vavri/Naa hitaa/ vi/shvaa anuSThaa/H pravaNe/Su jighnate
1.54.11a sa/ she/vRdham a/dhi dhaa dyumna/m asme/ ma/hi kSatra/M janaaSaa/L indra ta/vyam
1.54.11c ra/kSaa ca no magho/naH paahi/ suurii/n raaye/ ca naH svapatyaa/ iSe/ dhaaH
1.55.1a diva/sh cid asya varimaa/ vi/ papratha i/ndraM na/ mahnaa/ pRthivii/ cana/ pra/ti
1.55.1c bhiima/s tu/viSmaa~n carSaNi/bhya aatapa/H shi/shiite va/jraM te/jase na/ va/MsagaH
1.55.2a so/ arNavo/ na/ nadya\H samudri/yaH pra/ti gRbhNaati vi/shritaa va/riimabhiH
1.55.2c i/ndraH so/masya piita/ye vRSaayate sanaa/t sa/ yudhma/ o/jasaa panasyate
1.55.3a tva/M ta/m indra pa/rvataM na/ bho/jase maho/ nRmNa/sya dha/rmaNaam irajyasi
1.55.3c pra/ viirye\Na deva/taa/ti cekite vi/shvasmaa ugra/H ka/rmaNe puro/hitaH
1.55.4a sa/ i/d va/ne namasyu/bhir vacasyate caa/ru ja/neSu prabruvaaNa/ indriya/m
1.55.4c vR/Saa cha/ndur bhavati haryato/ vR/Saa kSe/meNa dhe/naam magha/vaa ya/d i/nvati
1.55.5a sa/ i/n mahaa/ni samithaa/ni majma/naa kRNo/ti yudhma/ o/jasaa ja/nebhyaH
1.55.5c a/dhaa cana/ shra/d dadhati tvi/Siimata i/ndraaya va/jraM nigha/nighnate vadha/m
1.55.6a sa/ hi/ shravasyu/H sa/danaani kRtri/maa kSmayaa/ vRdhaana/ o/jasaa vinaasha/yan
1.55.6c jyo/tiiMSi kRNva/nn avRkaa/Ni ya/jyave/ .ava sukra/tuH sa/rtavaa/ apa/H sRjat
1.55.7a daanaa/ya ma/naH somapaavann astu te .arvaa/~ncaa ha/rii vandanashrud aa/ kRdhi
1.55.7c ya/miSThaasaH saa/rathayo ya/ indra te na/ tvaa ke/taa aa/ dabhnuvanti bhuu/rNayaH
1.55.8a a/prakSitaM va/su bibharSi ha/stayor a/SaaLhaM sa/has tanvai\ shruto/ dadhe
1.55.8c aa/vRtaaso .avataa/so na/ kartR/bhis tanuu/Su te kra/tava indra bhuu/rayaH
1.56.1a eSa/ pra/ puurvii/r a/va ta/sya camri/So/ .atyo na/ yo/Saam u/d ayaMsta bhurva/NiH
1.56.1c da/kSam mahe/ paayayate hiraNya/yaM ra/tham aavR/tyaa ha/riyogam R/bhvasam
1.56.2a ta/M guurta/yo nemanni/SaH pa/riiNasaH samudra/M na/ saMca/raNe saniSya/vaH
1.56.2c pa/tiM da/kSasya vida/thasya nuu/ sa/ho giri/M na/ venaa/ a/dhi roha te/jasaa
1.56.3a sa/ turva/Nir mahaa/M+ areNu/ pau/Msye gire/r bhRSTi/r na/ bhraajate tujaa/ sha/vaH
1.56.3c ye/na shu/SNam maayi/nam aayaso/ ma/de dudhra/ aabhuu/Su raama/yan ni/ daa/mani
1.56.4a devii/ ya/di ta/viSii tvaa/vRdhota/ya i/ndraM si/Sakty uSa/saM na/ suu/ryaH
1.56.4c yo/ dhRSNu/naa sha/vasaa baa/dhate ta/ma i/yarti reNu/m bRha/d arhariSva/NiH
1.56.5a vi/ ya/t tiro/ dharu/Nam a/cyutaM ra/jo/ .atiSThipo diva/ aa/taasu barha/Naa
1.56.5c sva\rmiiLhe ya/n ma/da indra ha/rSyaa/han vRtra/M ni/r apaa/m aubjo arNava/m
1.56.6a tva/M divo/ dharu/NaM dhiSa o/jasaa pRthivyaa/ indra sa/daneSu maa/hinaH
1.56.6c tva/M suta/sya ma/de ariNaa apo/ vi/ vRtra/sya sama/yaa paaSyaaaa\rujaH
1.57.1a pra/ ma/MhiSThaaya bRhate/ bRha/draye satya/shuSmaaya tava/se mati/m bhare
1.57.1c apaa/m iva pravaNe/ ya/sya durdha/raM raa/dho vishvaa/yu sha/vase a/paavRtam
1.57.2a a/dha te vi/shvam a/nu haasad iSTa/ya aa/po nimne/va sa/vanaa havi/SmataH
1.57.2c ya/t pa/rvate na/ sama/shiita haryata/ i/ndrasya va/jraH shna/thitaa hiraNya/yaH
1.57.3a asmai/ bhiimaa/ya na/masaa sa/m adhvara/ u/So na/ shubhra aa/ bharaa pa/niiyase
1.57.3c ya/sya dhaa/ma shra/vase naa/mendriya/M jyo/tir a/kaari hari/to naa/yase
1.57.4a ime/ ta indra te/ vaya/m puruSTuta ye/ tvaara/bhya ca/raamasi prabhuuvaso
1.57.4c nahi/ tva/d anyo/ girvaNo gi/raH sa/ghat kSoNii/r iva pra/ti no harya ta/d va/caH
1.57.5a bhuu/ri ta indra viirya\M ta/va smasy asya/ stotu/r maghavan kaa/mam aa/ pRNa
1.57.5c a/nu te dyau/r bRhatii/ viirya\m mama iya/M ca te pRthivii/ nema o/jase
1.57.6a tva/M ta/m indra pa/rvatam mahaa/m uru/M va/jreNa vajrin parvasha/sh cakartitha
1.57.6c a/vaasRjo ni/vRtaaH sa/rtavaa/ apa/H satraa/ vi/shvaM dadhiSe ke/valaM sa/haH
1.58.1a nuu/ cit sahojaa/ amR/to ni/ tundate ho/taa ya/d duuto/ a/bhavad viva/svataH
1.58.1c vi/ saa/dhiSThebhiH pathi/bhii ra/jo mama aa/ deva/taataa havi/Saa vivaasati
1.58.2a aa/ sva/m a/dma yuva/maano aja/ras tRSv a\viSya/nn atase/Su tiSThati
1.58.2c a/tyo na/ pRSTha/m pruSita/sya rocate divo/ na/ saa/nu stana/yann acikradat
1.58.3a kraaNaa/ rudre/bhir va/subhiH puro/hito ho/taa ni/Satto rayiSaa/L a/martyaH
1.58.3c ra/tho na/ vikSv R\~njasaana/ aayu/Su vy aaaa\nuSa/g vaa/ryaa deva/ RNvati
1.58.4a vi/ vaa/tajuuto atase/Su tiSThate vR/thaa juhuu/bhiH sR/Nyaa tuviSva/NiH
1.58.4c tRSu/ ya/d agne vani/no vRSaaya/se kRSNa/M ta e/ma ru/shaduurme ajara
1.58.5a ta/purjambho va/na aa/ vaa/tacodito yuuthe/ na/ saahvaa/M+ a/va vaati va/MsagaH
1.58.5c abhivra/jann a/kSitam paa/jasaa ra/ja sthaatu/sh cara/tham bhayate patatri/NaH
1.58.6a dadhu/S Tvaa bhR/gavo maa/nuSeSv aa/ rayi/M na/ caa/ruM suha/vaM ja/nebhyaH
1.58.6c ho/taaram agne a/tithiM va/reNyam mitra/M na/ she/vaM divyaa/ya ja/nmane
1.58.7a ho/taaraM sapta/ juhvo\ ya/jiSThaM ya/M vaagha/to vRNa/te adhvare/Su
1.58.7c agni/M vi/shveSaam arati/M va/suunaaM saparyaa/mi pra/yasaa yaa/mi ra/tnam
1.58.8a a/chidraa suuno sahaso no adya/ stotR/bhyo mitramahaH sha/rma yacha
1.58.8c a/gne gRNa/ntam a/Mhasa uruSyo/rjo napaat puurbhi/r aa/yasiibhiH
1.58.9a bha/vaa va/ruuthaM gRNate/ vibhaavo bha/vaa maghavan magha/vadbhyaH sha/rma
1.58.9c uruSyaa/gne a/Mhaso gRNa/ntam praata/r makSuu/ dhiyaa/vasur jagamyaat
1.59.1a vayaa/ i/d agne agna/yas te anye/ tve/ vi/shve amR/taa maadayante
1.59.1c vai/shvaanara naa/bhir asi kSitiinaa/M sthuu/Neva ja/naaM+ upami/d yayantha
1.59.2a muurdhaa/ divo/ naa/bhir agni/H pRthivyaa/ a/thaabhavad aratii/ ro/dasyoH
1.59.2c ta/M tvaa devaa/so .ajanayanta deva/M vai/shvaanara jyo/tir i/d aa/ryaaya
1.59.3a aa/ suu/rye na/ rashma/yo dhruvaa/so vaishvaanare/ dadhire .agnaa/ va/suuni
1.59.3c yaa/ pa/rvateSv o/SadhiiSv apsu/ yaa/ maa/nuSeSv a/si ta/sya raa/jaa
1.59.4a bRhatii/ iva suuna/ve ro/dasii gi/ro ho/taa manuSyo\ na/ da/kSaH
1.59.4c sva\rvate satya/shuSmaaya puurvii/r vaishvaanaraa/ya nR/tamaaya yahvii/H
1.59.5a diva/sh cit te bRhato/ jaatavedo vai/shvaanara pra/ ririce mahitva/m
1.59.5c raa/jaa kRSTiinaa/m asi maa/nuSiiNaaM yudhaa/ deve/bhyo va/rivash cakartha
1.59.6a pra/ nuu/ mahitva/M vRSabha/sya vocaM ya/m puura/vo vRtraha/NaM sa/cante
1.59.6c vaishvaanaro/ da/syum agni/r jaghanvaa/M+ a/dhuunot kaa/SThaa a/va sha/mbaram bhet
1.59.7a vaishvaanaro/ mahimnaa/ vishva/kRSTir bhara/dvaajeSu yajato/ vibhaa/vaa
1.59.7c shaatavaneye/ shati/niibhir agni/H puruNiithe/ jarate suunR/taavaan
1.60.1a va/hniM yasha/saM vida/thasya ketu/M supraavya\M duuta/M sadyo/artham
1.60.1c dvija/nmaanaM rayi/m iva prashasta/M raati/m bharad bhR/gave maatari/shvaa
1.60.2a asya/ shaa/sur ubha/yaasaH sacante havi/Smanta ushi/jo ye/ ca ma/rtaaH
1.60.2c diva/sh cit puu/rvo ny a\saadi ho/taapR/chyo vishpa/tir vikSu/ vedhaa/H
1.60.3a ta/M na/vyasii hRda/ aa/ jaa/yamaanam asma/t sukiirti/r ma/dhujihvam ashyaaH
1.60.3c ya/m Rtvi/jo vRja/ne maa/nuSaasaH pra/yasvanta aaya/vo jii/jananta
1.60.4a ushi/k paavako/ va/sur maa/nuSeSu va/reNyo ho/taadhaayi vikSu/
1.60.4c da/muunaa gRha/patir da/ma aa/M+ agni/r bhuvad rayipa/tii rayiiNaa/m
1.60.5a ta/M tvaa vaya/m pa/tim agne rayiiNaa/m pra/ shaMsaamo mati/bhir go/tamaasaH
1.60.5c aashu/M na/ vaajambhara/m marja/yantaH praata/r makSuu/ dhiyaa/vasur jagamyaat
1.61.1a asmaa/ i/d u pra/ tava/se turaa/ya pra/yo na/ harmi sto/mam maa/hinaaya
1.61.1c R/ciiSamaayaa/dhrigava o/ham i/ndraaya bra/hmaaNi raata/tamaa
1.61.2a asmaa/ i/d u pra/ya iva pra/ yaMsi bha/raamy aa~NguuSa/m baa/dhe suvRkti/
1.61.2c i/ndraaya hRdaa/ ma/nasaa maniiSaa/ pratnaa/ya pa/tye dhi/yo marjayanta
1.61.3a asmaa/ i/d u tya/m upama/M svarSaa/m bha/raamy aa~NguuSa/m aasye\na
1.61.3c ma/MhiSTham a/choktibhir matiinaa/M suvRkti/bhiH suuri/M vaavRdha/dhyai
1.61.4a asmaa/ i/d u sto/maM sa/M hinomi ra/thaM na/ ta/STeva ta/tsinaaya
1.61.4c gi/rash ca gi/rvaahase suvRktii/ndraaya vishvaminva/m me/dhiraaya
1.61.5a asmaa/ i/d u sa/ptim iva shravasye/ndraayaarka/M juhvaaaa\ sa/m a~nje
1.61.5c viira/M daanau/kasaM vanda/dhyai puraa/M guurta/shravasaM darmaa/Nam
1.61.6a asmaa/ i/d u tva/STaa takSad va/jraM sva/pastamaM svarya\M ra/Naaya
1.61.6c vRtra/sya cid vida/d ye/na ma/rma tuja/nn ii/shaanas tujataa/ kiyedhaa/H
1.61.7a asye/d u maatu/H sa/vaneSu sadyo/ maha/H pitu/m papivaa/~n caa/rv a/nnaa
1.61.7c muSaaya/d vi/SNuH pacata/M sa/hiiyaan vi/dhyad varaaha/M tiro/ a/drim a/staa
1.61.8a asmaa/ i/d u gnaa/sh cid deva/patniir i/ndraayaarka/m ahiha/tya uuvuH
1.61.8c pa/ri dyaa/vaapRthivii/ jabhra urvii/ naa/sya te/ mahimaa/nam pa/ri STaH
1.61.9a asye/d eva/ pra/ ririce mahitva/M diva/s pRthivyaa/H pa/ry anta/rikSaat
1.61.9c svaraa/L i/ndro da/ma aa/ vishva/guurtaH svari/r a/matro vavakSe ra/Naaya
1.61.10a asye/d eva/ sha/vasaa shuSa/ntaM vi/ vRshcad va/jreNa vRtra/m i/ndraH
1.61.10c gaa/ na/ vraaNaa/ ava/niir amu~ncad abhi/ shra/vo daava/ne sa/cetaaH
1.61.11a asye/d u tveSa/saa ranta si/ndhavaH pa/ri ya/d va/jreNa siim a/yachat
1.61.11c iishaanakR/d daashu/Se dashasya/n turvii/taye gaadha/M turva/NiH kaH
1.61.12a asmaa/ i/d u pra/ bharaa tuu/tujaano vRtraa/ya va/jram ii/shaanaH kiyedhaa/H
1.61.12c go/r na/ pa/rva vi/ radaa tirashce/Syann a/rNaaMsy apaa/M cara/dhyai
1.61.13a asye/d u pra/ bruuhi puurvyaa/Ni tura/sya ka/rmaaNi na/vya ukthai/H
1.61.13c yudhe/ ya/d iSNaana/ aa/yudhaany Rghaaya/maaNo niriNaa/ti sha/truun
1.61.14a asye/d u bhiyaa/ gira/yash ca dRLhaa/ dyaa/vaa ca bhuu/maa janu/Sas tujete
1.61.14c u/po vena/sya jo/guvaana oNi/M sadyo/ bhuvad viiryaaaa\ya nodhaa/H
1.61.15a asmaa/ i/d u tya/d a/nu daayy eSaam e/ko ya/d vavne/ bhuu/rer ii/shaanaH
1.61.15c prai/tashaM suu/rye paspRdhaana/M sau/vashvye su/Svim aavad i/ndraH
1.61.16a evaa/ te haariyojanaa suvRktii/ndra bra/hmaaNi go/tamaaso akran
1.61.16c ai/Su vishva/peshasaM dhi/yaM dhaaH praata/r makSuu/ dhiyaa/vasur jagamyaat
1.62.1a pra/ manmahe shavasaanaa/ya shuuSa/m aa~NguuSa/M gi/rvaNase a~Ngirasva/t
1.62.1c suvRkti/bhi stuvata/ Rgmiyaa/yaa/rcaamaarka/M na/re vi/shrutaaya
1.62.2a pra/ vo mahe/ ma/hi na/mo bharadhvam aa~NguuSya\M shavasaanaa/ya saa/ma
1.62.2c ye/naa naH puu/rve pita/raH padaj~naa/ a/rcanto a/~Ngiraso gaa/ a/vindan
1.62.3a i/ndrasyaa/~NgirasaaM ceSTau/ vida/t sara/maa ta/nayaaya dhaasi/m
1.62.3c bR/haspa/tir bhina/d a/driM vida/d gaa/H sa/m usri/yaabhir vaavashanta na/raH
1.62.4a sa/ suSTu/bhaa sa/ stubhaa/ sapta/ vi/praiH svare/Naa/driM svaryo\ na/vagvaiH
1.62.4c saraNyu/bhiH phaliga/m indra shakra vala/M ra/veNa darayo da/shagvaiH
1.62.5a gRNaano/ a/~Ngirobhir dasma vi/ var uSa/saa suu/ryeNa go/bhir a/ndhaH
1.62.5c vi/ bhuu/myaa aprathaya indra saa/nu divo/ ra/ja u/param astabhaayaH
1.62.6a ta/d u pra/yakSatamam asya ka/rma dasma/sya caa/rutamam asti da/MsaH
1.62.6c upahvare/ ya/d u/paraa a/pinvan ma/dhvarNaso nadya\sh ca/tasraH
1.62.7a dvitaa/ vi/ vavre sana/jaa sa/niiLe ayaa/sya sta/vamaanebhir arkai/H
1.62.7c bha/go na/ me/ne parame/ vyo\mann a/dhaarayad ro/dasii suda/MsaaH
1.62.8a sanaa/d di/vam pa/ri bhuu/maa vi/ruupe punarbhu/vaa yuvatii/ sve/bhir e/vaiH
1.62.8c kRSNe/bhir akto/Saa/ ru/shadbhir va/purbhir aa/ carato anyaa/nyaa
1.62.9a sa/nemi sakhya/M svapasya/maanaH suunu/r daadhaara sha/vasaa suda/MsaaH
1.62.9c aamaa/su cid dadhiSe pakva/m anta/H pa/yaH kRSNaa/su ru/shad ro/hiNiiSu
1.62.10a sanaa/t sa/niiLaa ava/niir avaataa/ vrataa/ rakSante amR/taaH sa/hobhiH
1.62.10c puruu/ saha/sraa ja/nayo na/ pa/tniir duvasya/nti sva/saaro a/hrayaaNam
1.62.11a sanaayu/vo na/masaa na/vyo arkai/r vasuuya/vo mata/yo dasma dadruH
1.62.11c pa/tiM na/ pa/tniir ushatii/r usha/ntaM spRsha/nti tvaa shavasaavan maniiSaa/H
1.62.12a sanaa/d eva/ ta/va raa/yo ga/bhastau na/ kSii/yante no/pa dasyanti dasma
1.62.12c dyumaa/M+ asi kra/tumaaM+ indra dhii/raH shi/kSaa shaciivas ta/va naH sha/ciibhiH
1.62.13a sanaayate/ go/tama indra na/vyam a/takSad bra/hma hariyo/janaaya
1.62.13c suniithaa/ya naH shavasaana nodhaa/H praata/r makSuu/ dhiyaa/vasur jagamyaat
1.63.1a tva/m mahaa/M+ indra yo/ ha shu/Smair dyaa/vaa jaj~naana/H pRthivii/ a/me dhaaH
1.63.1c ya/d dha te vi/shvaa gira/yash cid a/bhvaa bhiyaa/ dRLhaa/saH kira/Naa nai/jan
1.63.2a aa/ ya/d dha/rii indra vi/vrataa ve/r aa/ te va/jraM jaritaa/ baahvo/r dhaat
1.63.2c ye/naaviharyatakrato ami/traan pu/ra iSNaa/si puruhuuta puurvii/H
1.63.3a tva/M satya/ indra dhRSNu/r etaa/n tva/m RbhukSaa/ na/ryas tva/M Saa/T
1.63.3c tva/M shu/SNaM vRja/ne pRkSa/ aaNau/ yuu/ne ku/tsaaya dyuma/te sa/caahan
1.63.4a tva/M ha tya/d indra codiiH sa/khaa vRtra/M ya/d vajrin vRSakarmann ubhnaa/H
1.63.4c ya/d dha shuura vRSamaNaH paraacai/r vi/ da/syuuM+r yo/naav a/kRto vRthaaSaa/T
1.63.5a tva/M ha tya/d indraa/riSaNyan dRLha/sya cin ma/rtaanaam a/juSTau
1.63.5c vy a\sma/d aa/ kaa/SThaa a/rvate var ghane/va vajri~n chnathihy ami/traan
1.63.6a tvaa/M ha tya/d indraa/rNasaatau sva\rmiiLhe na/ra aajaa/ havante
1.63.6c ta/va svadhaava iya/m aa/ samarya/ uuti/r vaa/jeSv atasaa/yyaa bhuut
1.63.7a tva/M ha tya/d indra sapta/ yu/dhyan pu/ro vajrin puruku/tsaaya dardaH
1.63.7c barhi/r na/ ya/t sudaa/se vR/thaa va/rg aMho/ raajan va/rivaH puura/ve kaH
1.63.8a tva/M tyaa/M na indra deva citraa/m i/Sam aa/po na/ piipayaH pa/rijman
1.63.8c ya/yaa shuura pra/ty asma/bhyaM ya/Msi tma/nam uu/rjaM na/ vishva/dha kSa/radhyai
1.63.9a a/kaari ta indra go/tamebhir bra/hmaaNy o/ktaa na/masaa ha/ribhyaam
1.63.9c supe/shasaM vaa/jam aa/ bharaa naH praata/r makSuu/ dhiyaa/vasur jagamyaat
1.64.1a vR/SNe sha/rdhaaya su/makhaaya vedha/se no/dhaH suvRkti/m pra/ bharaa maru/dbhyaH
1.64.1c apo/ na/ dhii/ro ma/nasaa suha/styo gi/raH sa/m a~nje vida/theSv aabhu/vaH
1.64.2a te/ jaj~nire diva/ RSvaa/sa ukSa/No rudra/sya ma/ryaa a/suraa arepa/saH
1.64.2c paavakaa/saH shu/cayaH suu/ryaa iva sa/tvaano na/ drapsi/no ghora/varpasaH
1.64.3a yu/vaano rudraa/ aja/raa abhoggha/no vavakSu/r a/dhrigaavaH pa/rvataa iva
1.64.3c dRLhaa/ cid vi/shvaa bhu/vanaani paa/rthivaa pra/ cyaavayanti divyaa/ni majma/naa
1.64.4a citrai/r a~nji/bhir va/puSe vy a\~njate va/kSassu rukmaa/M+ a/dhi yetire shubhe/
1.64.4c a/MseSv eSaaM ni/ mimRkSur RSTa/yaH saaka/M jaj~nire svadha/yaa divo/ na/raH
1.64.5a iishaanakR/to dhu/nayo rishaa/daso vaa/taan vidyu/tas ta/viSiibhir akrata
1.64.5c duha/nty uu/dhar divyaa/ni dhuu/tayo bhuu/mim pinvanti pa/yasaa pa/rijrayaH
1.64.6a pi/nvanty apo/ maru/taH sudaa/navaH pa/yo ghRta/vad vida/theSv aabhu/vaH
1.64.6c a/tyaM na/ mihe/ vi/ nayanti vaaji/nam u/tsaM duhanti stana/yantam a/kSitam
1.64.7a mahiSaa/so maayi/nash citra/bhaanavo gira/yo na/ sva/tavaso raghuSya/daH
1.64.7c mRgaa/ iva hasti/naH khaadathaa va/naa ya/d aa/ruNiiSu ta/viSiir a/yugdhvam
1.64.8a siMhaa/ iva naanadati pra/cetasaH pishaa/ iva supi/sho vishva/vedasaH
1.64.8c kSa/po ji/nvantaH pR/Satiibhir RSTi/bhiH sa/m i/t sabaa/dhaH sha/vasaa/himanyavaH
1.64.9a ro/dasii aa/ vadataa gaNashriyo nR/SaacaH shuuraaH sha/vasaa/himanyavaH
1.64.9c aa/ vandhu/reSv ama/tir na/ darshataa/ vidyu/n na/ tasthau maruto ra/theSu vaH
1.64.10a vishva/vedaso rayi/bhiH sa/mokasaH sa/mmishlaasas ta/viSiibhir virapshi/naH
1.64.10c a/staara i/SuM dadhire ga/bhastyor ananta/shuSmaa vR/Sakhaadayo na/raH
1.64.11a hiraNya/yebhiH pavi/bhiH payovR/dha u/jjighnanta aapathyo\ na/ pa/rvataan
1.64.11c makhaa/ ayaa/saH svasR/to dhruvacyu/to dudhrakR/to maru/to bhraa/jadRSTayaH
1.64.12a ghR/Sum paavaka/M vani/naM vi/carSaNiM rudra/sya suunu/M hava/saa gRNiimasi
1.64.12c rajastu/raM tava/sam maa/rutaM gaNa/m RjiiSi/NaM vR/SaNaM sashcata shriye/
1.64.13a pra/ nuu/ sa/ ma/rtaH sha/vasaa ja/naaM+ a/ti tasthau/ va uutii/ maruto ya/m aa/vata
1.64.13c a/rvadbhir vaa/jam bharate dha/naa nR/bhir aapR/chyaM kra/tum aa/ kSeti pu/Syati
1.64.14a carkR/tyam marutaH pRtsu/ duSTa/raM dyuma/ntaM shu/Smam magha/vatsu dhattana
1.64.14c dhanaspR/tam ukthya\M vishva/carSaNiM toka/m puSyema ta/nayaM shata/M hi/maaH
1.64.15a nuu/ SThira/m maruto viira/vantam RtiiSaa/haM rayi/m asmaa/su dhatta
1.64.15c sahasri/NaM shati/naM shuushuvaa/M+sam praata/r makSuu/ dhiyaa/vasur jagamyaat
1.65.1a pashvaa/ na/ taayu/M gu/haa ca/tantaM na/mo yujaana/M na/mo va/hantam
1.65.2a sajo/Saa dhii/raaH padai/r a/nu gmann u/pa tvaa siidan vi/shve ya/jatraaH
1.65.3a Rta/sya devaa/ a/nu vrataa/ gur bhu/vat pa/riSTir dyau/r na/ bhuu/ma
1.65.4a va/rdhantiim aa/paH panvaa/ su/shishvim Rta/sya yo/naa ga/rbhe su/jaatam
1.65.5a puSTi/r na/ raNvaa/ kSiti/r na/ pRthvii/ giri/r na/ bhu/jma kSo/do na/ shambhu/
1.65.6a a/tyo naa/jman sa/rgaprataktaH si/ndhur na/ kSo/daH ka/ iiM varaate
1.65.7a jaami/H si/ndhuunaam bhraa/teva sva/sraam i/bhyaan na/ raa/jaa va/naany atti
1.65.8a ya/d vaa/tajuuto va/naa vy a/sthaad agni/r ha daati ro/maa pRthivyaa/H
1.65.9a shva/sity apsu/ haMso/ na/ sii/dan kra/tvaa ce/tiSTho vishaa/m uSarbhu/t
1.65.10a so/mo na/ vedhaa/ Rta/prajaataH pashu/r na/ shi/shvaa vibhu/r duure/bhaaH
1.66.1a rayi/r na/ citraa/ suu/ro na/ saMdR/g aa/yur na/ praaNo/ ni/tyo na/ suunu/H
1.66.2a ta/kvaa na/ bhuu/rNir va/naa siSakti pa/yo na/ dhenu/H shu/cir vibhaa/vaa
1.66.3a daadhaa/ra kSe/mam o/ko na/ raNvo/ ya/vo na/ pakvo/ je/taa ja/naanaam
1.66.4a R/Sir na/ stu/bhvaa vikSu/ prashasto/ vaajii/ na/ priito/ va/yo dadhaati
1.66.5a duro/kashociH kra/tur na/ ni/tyo jaaye/va yo/naav a/raM vi/shvasmai
1.66.6a citro/ ya/d a/bhraaT chveto/ na/ vikSu/ ra/tho na/ rukmii/ tveSa/H sama/tsu
1.66.7a se/neva sRSTaa/maM dadhaaty a/stur na/ didyu/t tveSa/pratiikaa
1.66.8a yamo/ ha jaato/ yamo/ ja/nitvaM jaara/H kanii/naam pa/tir ja/niinaam
1.66.9a ta/M vash caraa/thaa vaya/M vasatyaa/staM na/ gaa/vo na/kSanta iddha/m
1.66.10a si/ndhur na/ kSo/daH pra/ nii/ciir ainon na/vanta gaa/vaH sva\r dR/shiike
1.67.1a va/neSu jaayu/r ma/rteSu mitro/ vRNiite/ shruSTi/M raa/jevaajurya/m
1.67.2a kSe/mo na/ saadhu/H kra/tur na/ bhadro/ bhu/vat svaadhii/r ho/taa havyavaa/T
1.67.3a ha/ste da/dhaano nRmNaa/ vi/shvaany a/me devaa/n dhaad gu/haa niSii/dan
1.67.4a vida/ntiim a/tra na/ro dhiyaMdhaa/ hRdaa/ ya/t taSTaa/n ma/ntraaM+ a/shaMsan
1.67.5a ajo/ na/ kSaa/M daadhaa/ra pRthivii/M tasta/mbha dyaa/m ma/ntrebhiH satyai/H
1.67.6a priyaa/ padaa/ni pashvo/ ni/ paahi vishvaa/yur agne guhaa/ gu/haM gaaH
1.67.7a ya/ iiM cike/ta gu/haa bha/vantam aa/ ya/H sasaa/da dhaa/raam Rta/sya
1.67.8a vi/ ye/ cRta/nty Rtaa/ sa/panta aa/d i/d va/suuni pra/ vavaacaasmai
1.67.9a vi/ yo/ viiru/tsu ro/dhan mahitvo/ta/ prajaa/ uta/ prasuu/Sv anta/H
1.67.10a ci/ttir apaa/M da/me vishvaa/yuH sa/dmeva dhii/raaH sammaa/ya cakruH
1.68.1a shriiNa/nn u/pa sthaad di/vam bhuraNyu/ sthaatu/sh cara/tham aktuu/n vy uuaa\rNot
1.68.2a pa/ri ya/d eSaam e/ko vi/shveSaam bhu/vad devo/ devaa/naam mahitvaa/
1.68.3a aa/d i/t te vi/shve kra/tuM juSanta shu/Skaad ya/d deva jiivo/ ja/niSThaaH
1.68.4a bha/janta vi/shve devatva/M naa/ma Rta/M sa/panto amR/tam e/vaiH
1.68.5a Rta/sya pre/Saa Rta/sya dhiiti/r vishvaa/yur vi/shve a/paaMsi cakruH
1.68.6a ya/s tu/bhyaM daa/shaad yo/ vaa te shi/kSaat ta/smai cikitvaa/n rayi/M dayasva
1.68.7a ho/taa ni/Satto ma/nor a/patye sa/ cin nv aaaa\saam pa/tii rayiiNaa/m
1.68.8a icha/nta re/to mitha/s tanuu/Su sa/M jaanata svai/r da/kSair a/muuraaH
1.68.9a pitu/r na/ putraa/H kra/tuM juSanta shro/San ye/ asya shaa/saM turaa/saH
1.68.10a vi/ raa/ya aurNod du/raH purukSu/H pipe/sha naa/kaM stR/bhir da/muunaaH
1.69.1a shukra/H shushukvaa/M+ uSo/ na/ jaara/H papraa/ samiicii/ divo/ na/ jyo/tiH
1.69.2a pa/ri pra/jaataH kra/tvaa babhuutha bhu/vo devaa/naam pitaa/ putra/H sa/n
1.69.3a vedhaa/ a/dRpto agni/r vijaana/nn uu/dhar na/ go/naaM svaa/dmaa pituunaa/m
1.69.4a ja/ne na/ she/va aahuu/ryaH sa/n ma/dhye ni/Satto raNvo/ duroNe/
1.69.5a putro/ na/ jaato/ raNvo/ duroNe/ vaajii/ na/ priito/ vi/sho vi/ taariit
1.69.6a vi/sho ya/d a/hve nR/bhiH sa/niiLaa agni/r devatvaa/ vi/shvaany ashyaaH
1.69.7a na/kiS Ta etaa/ vrataa/ minanti nR/bhyo ya/d ebhya/H shruSTi/M caka/rtha
1.69.8a ta/t tu/ te da/Mso ya/d a/han samaanai/r nR/bhir ya/d yukto/ vive/ ra/paaMsi
1.69.9a uSo/ na/ jaaro/ vibhaa/vosra/H sa/Mj~naataruupash ci/ketad asmai
1.69.10a tma/naa va/hanto du/ro vy R\Nvan na/vanta vi/shve sva\r dR/shiike
1.70.1a vane/ma puurvii/r aryo/ maniiSaa/ agni/H susho/ko vi/shvaany ashyaaH
1.70.2a aa/ dai/vyaani vrataa/ cikitvaa/n aa/ maa/nuSasya ja/nasya ja/nma
1.70.3a ga/rbho yo/ apaa/M ga/rbho va/naanaaM ga/rbhash ca sthaataa/M ga/rbhash cara/thaam
1.70.4a a/drau cid asmaa anta/r duroNe/ vishaa/M na/ vi/shvo amR/taH svaadhii/H
1.70.5a sa/ hi/ kSapaa/vaaM+ agnii/ rayiiNaa/M daa/shad yo/ asmaa a/raM suuktai/H
1.70.6a etaa/ cikitvo bhuu/maa ni/ paahi devaa/naaM ja/nma ma/rtaaMsh ca vidvaa/n
1.70.7a va/rdhaan ya/m puurvii/H kSapo/ vi/ruupaa sthaatu/sh cara/tham \!\ Rta/praviitam
1.70.8a a/raadhi ho/taa sva\r ni/SattaH kRNva/n vi/shvaany a/paaMsi satyaa/
1.70.9a go/Su pra/shastiM va/neSu dhiSe bha/ranta vi/shve bali/M sva\r NaH
1.70.10a vi/ tvaa na/raH purutraa/ saparyan pitu/r na/ ji/vrer vi/ ve/do bharanta
1.70.11a saadhu/r na/ gRdhnu/r a/steva shuu/ro yaa/teva bhiima/s tveSa/H sama/tsu
1.71.1a u/pa pra/ jinvann ushatii/r usha/ntam pa/tiM na/ ni/tyaM ja/nayaH sa/niiLaaH
1.71.1c sva/saaraH shyaa/viim a/ruSiim ajuSra~n citra/m ucha/ntiim uSa/saM na/ gaa/vaH
1.71.2a viiLu/ cid dRLhaa/ pita/ro na ukthai/r a/driM rujann a/~Ngiraso ra/veNa
1.71.2c cakru/r divo/ bRhato/ gaatu/m asme/ a/haH sva\r vividuH ketu/m usraa/H
1.71.3a da/dhann Rta/M dhana/yann asya dhiiti/m aa/d i/d aryo/ didhiSvo\ vi/bhRtraaH
1.71.3c a/tRSyantiir apa/so yanty a/chaa devaa/~n ja/nma pra/yasaa vardha/yantiiH
1.71.4a ma/thiid ya/d iiM vi/bhRto maatari/shvaa gRhe/-gRhe shyeto/ je/nyo bhuu/t
1.71.4c aa/d iiM raa/j~ne na/ sa/hiiyase sa/caa sa/nn aa/ duutya\m bhR/gavaaNo vivaaya
1.71.5a mahe/ ya/t pitra/ iiM ra/saM dive/ ka/r a/va tsarat pRshanya\sh cikitvaa/n
1.71.5c sRja/d a/staa dhRSataa/ didyu/m asmai svaa/yaaM devo/ duhita/ri tvi/SiM dhaat
1.71.6a sva/ aa/ ya/s tu/bhyaM da/ma aa/ vibhaa/ti na/mo vaa daa/shaad ushato/ a/nu dyuu/n
1.71.6c va/rdho agne va/yo asya dviba/rhaa yaa/sad raayaa/ sara/thaM ya/M junaa/si
1.71.7a agni/M vi/shvaa abhi/ pR/kSaH sacante samudra/M na/ srava/taH sapta/ yahvii/H
1.71.7c na/ jaami/bhir vi/ cikite va/yo no vidaa/ deve/Su pra/matiM cikitvaa/n
1.71.8a aa/ ya/d iSe/ nRpa/tiM te/ja aa/naT chu/ci re/to ni/SiktaM dyau/r abhii/ke
1.71.8c agni/H sha/rdham anavadya/M yu/vaanaM svaadhya\M janayat suuda/yac ca
1.71.9a ma/no na/ yo/ .adhvanaH sadya/ e/ty e/kaH satraa/ suu/ro va/sva iishe
1.71.9c raa/jaanaa mitraa/va/ruNaa supaaNii/ go/Su priya/m amR/taM ra/kSamaaNaa
1.71.10a maa/ no agne sakhyaa/ pi/tryaaNi pra/ marSiSThaa abhi/ vidu/S kavi/H sa/n
1.71.10c na/bho na/ ruupa/M jarimaa/ minaati puraa/ ta/syaa abhi/shaster a/dhiihi
1.72.1a ni/ kaa/vyaa vedha/saH sha/shvatas kar ha/ste da/dhaano na/ryaa puruu/Ni
1.72.1c agni/r bhuvad rayipa/tii rayiiNaa/M satraa/ cakraaNo/ amR/taani vi/shvaa
1.72.2a asme/ vatsa/m pa/ri Sa/ntaM na/ vindann icha/nto vi/shve amR/taa a/muuraaH
1.72.2c shramayu/vaH padavyo\ dhiyaMdhaa/s tasthu/H pade/ parame/ caa/rv agne/H
1.72.3a tisro/ ya/d agne shara/das tvaa/m i/c chu/ciM ghRte/na shu/cayaH saparyaa/n
1.72.3c naa/maani cid dadhire yaj~ni/yaany a/suudayanta tanva\H su/jaataaH
1.72.4a aa/ ro/dasii bRhatii/ ve/vidaanaaH pra/ rudri/yaa jabhrire yaj~ni/yaasaH
1.72.4c vida/n ma/rto nema/dhitaa cikitvaa/n agni/m pade/ parame/ tasthivaa/Msam
1.72.5a saMjaanaanaa/ u/pa siidann abhij~nu/ pa/tniivanto namasya\M namasyan
1.72.5c ririkvaa/Msas tanva\H kRNvata svaa/H sa/khaa sa/khyur nimi/Si ra/kSamaaNaaH
1.72.6a tri/H sapta/ ya/d gu/hyaani tve/ i/t padaa/vidan ni/hitaa yaj~ni/yaasaH
1.72.6c te/bhii rakSante amR/taM sajo/SaaH pashuu/~n ca sthaatRR/~n cara/thaM ca paahi
1.72.7a vidvaa/M+ agne vayu/naani kSitiinaa/M vy aaaa\nuSa/k churu/dho jiiva/se dhaaH
1.72.7c antarvidvaa/M+ a/dhvano devayaa/naan a/tandro duuto/ abhavo havirvaa/T
1.72.8a svaadhyo\ diva/ aa/ sapta/ yahvii/ raayo/ du/ro vy R\taj~naa/ ajaanan
1.72.8c vida/d ga/vyaM sara/maa dRLha/m uurva/M ye/naa nu/ kam maa/nuSii bho/jate vi/T
1.72.9a aa/ ye/ vi/shvaa svapatyaa/ni tasthu/H kRNvaanaa/so amRtatvaa/ya gaatu/m
1.72.9c mahnaa/ maha/dbhiH pRthivii/ vi/ tasthe maataa/ putrai/r a/ditir dhaa/yase ve/H
1.72.10a a/dhi shri/yaM ni/ dadhush caa/rum asmin divo/ ya/d akSii/ amR/taa a/kRNvan
1.72.10c a/dha kSaranti si/ndhavo na/ sRSTaa/H pra/ nii/ciir agne a/ruSiir ajaanan
1.73.1a rayi/r na/ ya/H pitRvitto/ vayodhaa/H supra/Niitish cikitu/So na/ shaa/suH
1.73.1c syonashii/r a/tithir na/ priiNaano/ ho/teva sa/dma vidhato/ vi/ taariit
1.73.2a devo/ na/ ya/H savitaa/ satya/manmaa kra/tvaa nipaa/ti vRja/naani vi/shvaa
1.73.2c puruprashasto/ ama/tir na/ satya/ aatme/va she/vo didhiSaa/yyo bhuut
1.73.3a devo/ na/ ya/H pRthivii/M vishva/dhaayaa upakSe/ti hita/mitro na/ raa/jaa
1.73.3c puraHsa/daH sharmasa/do na/ viiraa/ anavadyaa/ pa/tijuSTeva naa/rii
1.73.4a ta/M tvaa na/ro da/ma aa/ ni/tyam iddha/m a/gne sa/canta kSiti/Su dhruvaa/su
1.73.4c a/dhi dyumna/M ni/ dadhur bhuu/ry asmin bha/vaa vishvaa/yur dharu/No rayiiNaa/m
1.73.5a vi/ pR/kSo agne magha/vaano ashyur vi/ suura/yo da/dato vi/shvam aa/yuH
1.73.5c sane/ma vaa/jaM samithe/Sv aryo/ bhaaga/M deve/Su shra/vase da/dhaanaaH
1.73.6a Rta/sya hi/ dhena/vo vaavashaanaa/H sma/duudhniiH piipa/yanta dyu/bhaktaaH
1.73.6c paraava/taH sumati/m bhi/kSamaaNaa vi/ si/ndhavaH sama/yaa sasrur a/drim
1.73.7a tve/ agne sumati/m bhi/kSamaaNaa divi/ shra/vo dadhire yaj~ni/yaasaH
1.73.7c na/ktaa ca cakru/r uSa/saa vi/ruupe kRSNa/M ca va/rNam aruNa/M ca sa/M dhuH
1.73.8a yaa/n raaye/ ma/rtaan su/Suudo agne te/ syaama magha/vaano vaya/M ca
1.73.8c chaaye/va vi/shvam bhu/vanaM sisakSy aapaprivaa/n ro/dasii anta/rikSam
1.73.9a a/rvadbhir agne a/rvato nR/bhir nRR/n viirai/r viiraa/n vanuyaamaa tvo/taaH
1.73.9c iishaanaa/saH pitRvitta/sya raayo/ vi/ suura/yaH shata/himaa no ashyuH
1.73.10a etaa/ te agna uca/thaani vedho ju/STaani santu ma/nase hRde/ ca
1.73.10c shake/ma raaya/H sudhu/ro ya/maM te/ .adhi shra/vo deva/bhaktaM da/dhaanaaH
1.74.1a upapraya/nto adhvara/m ma/ntraM vocemaagna/ye
1.74.1c aare/ asme/ ca shRNvate/
1.74.2a ya/H snii/hitiiSu puurvya/H saMjagmaanaa/su kRSTi/Su
1.74.2c a/rakSad daashu/Se ga/yam
1.74.3a uta/ bruvantu janta/va u/d agni/r vRtrahaa/jani
1.74.3c dhanaMjayo/ ra/Ne-raNe
1.74.4a ya/sya duuto/ a/si kSa/ye ve/Si havyaa/ni viita/ye
1.74.4c dasma/t kRNo/Sy adhvara/m
1.74.5a ta/m i/t suhavya/m a~NgiraH sudeva/M sahaso yaho
1.74.5c ja/naa aahuH subarhi/Sam
1.74.6a aa/ ca va/haasi taa/M+ iha/ devaa/M+ u/pa pra/shastaye
1.74.6c havyaa/ sushcandra viita/ye
1.74.7a na/ yo/r upabdi/r a/shvyaH shRNve/ ra/thasya ka/c cana/
1.74.7c ya/d agne yaa/si duutya\m
1.74.8a tvo/to vaajy a/hrayo .abhi/ puu/rvasmaad a/paraH
1.74.8c pra/ daashvaa/M+ agne asthaat
1.74.9a uta/ dyuma/t suvii/ryam bRha/d agne vivaasasi
1.74.9c deve/bhyo deva daashu/Se
1.75.1a juSa/sva sapra/thastamaM va/co deva/psarastamam
1.75.1c havyaa/ ju/hvaana aasa/ni
1.75.2a a/thaa te a~Ngirastamaa/gne vedhastama priya/m
1.75.2c voce/ma bra/hma saanasi/
1.75.3a ka/s te jaami/r ja/naanaam a/gne ko/ daashva\dhvaraH
1.75.3c ko/ ha ka/sminn asi shrita/H
1.75.4a tva/M jaami/r ja/naanaam a/gne mitro/ asi priya/H
1.75.4c sa/khaa sa/khibhya ii/DyaH
1.75.5a ya/jaa no mitraa/va/ruNaa ya/jaa devaa/M+ Rta/m bRha/t
1.75.5c a/gne ya/kSi sva/M da/mam
1.76.1a kaa/ ta u/petir ma/naso va/raaya bhu/vad agne sha/Mtamaa kaa/ maniiSaa/
1.76.1c ko/ vaa yaj~nai/H pa/ri da/kSaM ta aapa ke/na vaa te ma/nasaa daashema
1.76.2a e/hy agna iha/ ho/taa ni/ Siidaa/dabdhaH su/ puraetaa/ bhavaa naH
1.76.2c a/vataaM tvaa ro/dasii vishvaminve/ ya/jaa mahe/ saumanasaa/ya devaa/n
1.76.3a pra/ su/ vi/shvaan rakSa/so dha/kSy agne bha/vaa yaj~naa/naam abhishastipaa/vaa
1.76.3c a/thaa/ vaha so/mapatiM ha/ribhyaam aatithya/m asmai cakRmaa sudaa/vne
1.76.4a prajaa/vataa va/casaa va/hnir aasaa/ ca huve/ ni/ ca satsiiha/ devai/H
1.76.4c ve/Si hotra/m uta/ potra/M yajatra bodhi/ prayantar janitar va/suunaam
1.76.5a ya/thaa vi/prasya ma/nuSo havi/rbhir devaa/M+ a/yajaH kavi/bhiH kavi/H sa/n
1.76.5c evaa/ hotaH satyatara tva/m adyaa/gne mandra/yaa juhvaaaa\ yajasva
1.77.1a kathaa/ daashemaagna/ye kaa/smai deva/juSTocyate bhaami/ne gii/H
1.77.1c yo/ ma/rtyeSv amR/ta Rtaa/vaa ho/taa ya/jiSTha i/t kRNo/ti devaa/n
1.77.2a yo/ adhvare/Su sha/Mtama Rtaa/vaa ho/taa ta/m uu na/mobhir aa/ kRNudhvam
1.77.2c agni/r ya/d ve/r ma/rtaaya devaa/n sa/ caa bo/dhaati ma/nasaa yajaati
1.77.3a sa/ hi/ kra/tuH sa/ ma/ryaH sa/ saadhu/r mitro/ na/ bhuud a/dbhutasya rathii/H
1.77.3c ta/m me/dheSu prathama/M devaya/ntiir vi/sha u/pa bruvate dasma/m aa/riiH
1.77.4a sa/ no nRNaa/M nR/tamo rishaa/daa agni/r gi/ro/ .avasaa vetu dhiiti/m
1.77.4c ta/naa ca ye/ magha/vaanaH sha/viSThaa vaa/japrasuutaa iSa/yanta ma/nma
1.77.5a evaa/gni/r go/tamebhir Rtaa/vaa vi/prebhir astoSTa jaata/vedaaH
1.77.5c sa/ eSu dyumna/m piipayat sa/ vaa/jaM sa/ puSTi/M yaati jo/Sam aa/ cikitvaa/n
1.78.1a abhi/ tvaa go/tamaa giraa/ jaa/tavedo vi/carSaNe
1.78.1c dyumnai/r abhi/ pra/ NonumaH
1.78.2a ta/m u tvaa go/tamo giraa/ raaya/skaamo duvasyati
1.78.2c dyumnai/r abhi/ pra/ NonumaH
1.78.3a ta/m u tvaa vaajasaa/tamam a~Ngirasva/d dhavaamahe
1.78.3c dyumnai/r abhi/ pra/ NonumaH
1.78.4a ta/m u tvaa vRtraha/ntamaM yo/ da/syuuM+r avadhuunuSe/
1.78.4c dyumnai/r abhi/ pra/ NonumaH
1.78.5a a/vocaama ra/huugaNaa agna/ye ma/dhumad va/caH
1.78.5c dyumnai/r abhi/ pra/ NonumaH
1.79.1a hi/raNyakesho ra/jaso visaare/ .ahir dhu/nir vaa/ta iva dhra/jiimaan
1.79.1c shu/cibhraajaa uSa/so na/vedaa ya/shasvatiir apasyu/vo na/ satyaa/H
1.79.2a aa/ te suparNaa/ aminantaM+ e/vaiH kRSNo/ nonaava vRSabho/ ya/diida/m
1.79.2c shivaa/bhir na/ sma/yamaanaabhir aa/gaat pa/tanti mi/ha stana/yanty abhraa/
1.79.3a ya/d iim Rta/sya pa/yasaa pi/yaano na/yann Rta/sya pathi/bhii ra/jiSThaiH
1.79.3c aryamaa/ mitro/ va/ruNaH pa/rijmaa tva/cam pR~ncanty u/parasya yo/nau
1.79.4a a/gne vaa/jasya go/mata ii/shaanaH sahaso yaho
1.79.4c asme/ dhehi jaatavedo ma/hi shra/vaH
1.79.5a sa/ idhaano/ va/suS kavi/r agni/r iiLe/nyo giraa/
1.79.5c reva/d asma/bhyam purvaNiika diidihi
1.79.6a kSapo/ raajann uta/ tma/naa/gne va/stor uto/Sa/saH
1.79.6c sa/ tigmajambha rakSa/so daha pra/ti
1.79.7a a/vaa no agna uuti/bhir gaayatra/sya pra/bharmaNi
1.79.7c vi/shvaasu dhiiSu/ vandya
1.79.8a aa/ no agne rayi/m bhara satraasaa/haM va/reNyam
1.79.8c vi/shvaasu pRtsu/ duSTa/ram
1.79.9a aa/ no agne sucetu/naa rayi/M vishvaa/yupoSasam
1.79.9c maarDiika/M dhehi jiiva/se
1.79.10a pra/ puutaa/s tigma/shociSe vaa/co gotamaagna/ye
1.79.10c bha/rasva sumnayu/r gi/raH
1.79.11a yo/ no agne .abhidaa/saty a/nti duure/ padiiSTa/ sa/H
1.79.11c asmaa/kam i/d vRdhe/ bhava
1.79.12a sahasraakSo/ vi/carSaNir agnii/ ra/kSaaMsi sedhati
1.79.12c ho/taa gRNiita ukthya\H
1.80.1a itthaa/ hi/ so/ma i/n ma/de brahmaa/ cakaa/ra va/rdhanam
1.80.1c sha/viSTha vajrinn o/jasaa pRthivyaa/ ni/H shashaa a/him a/rcann a/nu svaraa/jyam
1.80.2a sa/ tvaamadad vR/Saa ma/daH so/maH shyenaa/bhRtaH suta/H
1.80.2c ye/naa vRtra/M ni/r adbhyo/ jagha/ntha vajrinn o/jasaa/rcann a/nu svaraa/jyam
1.80.3a pre/hy abhiiaa\hi \!\ dhRSNuhi/ na/ te va/jro ni/ yaMsate
1.80.3c i/ndra nRmNa/M hi/ te sha/vo ha/no vRtra/M ja/yaa apo/ .arcann a/nu svaraa/jyam
1.80.4a ni/r indra bhuu/myaa a/dhi vRtra/M jaghantha ni/r diva/H
1.80.4c sRjaa/ maru/tvatiir a/va jiiva/dhanyaa imaa/ apo/ .arcann a/nu svaraa/jyam
1.80.5a i/ndro vRtra/sya do/dhataH saa/nuM va/jreNa hiiLita/H
1.80.5c abhikra/myaa/va jighnate .apa/H sa/rmaaya coda/yann a/rcann a/nu svaraa/jyam
1.80.6a a/dhi saa/nau ni/ jighnate va/jreNa shata/parvaNaa
1.80.6c mandaana/ i/ndro a/ndhasaH sa/khibhyo gaatu/m ichaty a/rcann a/nu svaraa/jyam
1.80.7a i/ndra tu/bhyam i/d adrivo/ .anuttaM vajrin viirya\m
1.80.7c ya/d dha tya/m maayi/nam mRga/M ta/m u tva/m maaya/yaavadhiir a/rcann a/nu svaraa/jyam
1.80.8a vi/ te va/jraaso asthiran navati/M naavyaaaa\ a/nu
1.80.8c maha/t ta indra viirya\m baahvo/s te ba/laM hita/m a/rcann a/nu svaraa/jyam
1.80.9a saha/sraM saaka/m arcata pa/ri STobhata viMshati/H
1.80.9c shatai/nam a/nv anonavur i/ndraaya bra/hmo/dyatam a/rcann a/nu svaraa/jyam
1.80.10a i/ndro vRtra/sya ta/viSiiM ni/r ahan sa/hasaa sa/haH
1.80.10c maha/t ta/d asya pau/MsyaM vRtra/M jaghanvaa/M+ asRjad a/rcann a/nu svaraa/jyam
1.80.11a ime/ cit ta/va manya/ve ve/pete bhiya/saa mahii/
1.80.11c ya/d indra vajrinn o/jasaa vRtra/m maru/tvaaM+ a/vadhiir a/rcann a/nu svaraa/jyam
1.80.12a na/ ve/pasaa na/ tanyate/ndraM vRtro/ vi/ biibhayat
1.80.12c abhy e\naM va/jra aayasa/H saha/srabhRSTir aayataa/rcann a/nu svaraa/jyam
1.80.13a ya/d vRtra/M ta/va caasha/niM va/jreNa sama/yodhayaH
1.80.13c a/him indra ji/ghaaMsato divi/ te badbadhe sha/vo/ .arcann a/nu svaraa/jyam
1.80.14a abhiSTane/ te adrivo ya/t sthaa/ ja/gac ca rejate
1.80.14c tva/STaa cit ta/va manya/va i/ndra vevijya/te bhiyaa/rcann a/nu svaraa/jyam
1.80.15a nahi/ nu/ yaa/d adhiima/sii/ndraM ko/ viiryaaaa\ para/H
1.80.15c ta/smin nRmNa/m uta/ kra/tuM devaa/ o/jaaMsi sa/M dadhur a/rcann a/nu svaraa/jyam
1.80.16a yaa/m a/tharvaa ma/nuS pitaa/ dadhya/~N dhi/yam a/tnata
1.80.16c ta/smin bra/hmaaNi puurva/the/ndra ukthaa/ sa/m agmataa/rcann a/nu svaraa/jyam
1.81.1a i/ndro ma/daaya vaavRdhe sha/vase vRtrahaa/ nR/bhiH
1.81.1c ta/m i/n maha/tsv aaji/Suute/m a/rbhe havaamahe sa/ vaa/jeSu pra/ no .aviSat
1.81.2a a/si hi/ viira se/nyo/ .asi bhuu/ri paraadadi/H
1.81.2c a/si dabhra/sya cid vRdho/ ya/jamaanaaya shikSasi sunvate/ bhuu/ri te va/su
1.81.3a ya/d udii/rata aaja/yo dhRSNa/ve dhiiyate dha/naa
1.81.3c yukSvaa/ madacyu/taa ha/rii ka/M ha/naH ka/M va/sau dadho .asmaa/M+ indra va/sau dadhaH
1.81.4a kra/tvaa mahaa/M+ anuSvadha/m bhiima/ aa/ vaavRdhe sha/vaH
1.81.4c shriya/ RSva/ upaaka/yor ni/ shiprii/ ha/rivaan dadhe ha/stayor va/jram aayasa/m
1.81.5a aa/ paprau paa/rthivaM ra/jo badbadhe/ rocanaa/ divi/
1.81.5c na/ tvaa/vaaM+ indra ka/sh cana/ na/ jaato/ na/ janiSyate/ .ati vi/shvaM vavakSitha
1.81.6a yo/ aryo/ martabho/janam paraada/daati daashu/Se
1.81.6c i/ndro asma/bhyaM shikSatu vi/ bhajaa bhuu/ri te va/su bhakSiiya/ ta/va raa/dhasaH
1.81.7a ma/de-made hi/ no dadi/r yuuthaa/ ga/vaam Rjukra/tuH
1.81.7c sa/M gRbhaaya puruu/ shato/bhayaahastyaa/ va/su shishiihi/ raaya/ aa/ bhara
1.81.8a maada/yasva sute/ sa/caa sha/vase shuura raa/dhase
1.81.8c vidmaa/ hi/ tvaa puruuva/sum u/pa kaa/maan sasRjma/he/ .athaa no .avitaa/ bhava
1.81.9a ete/ ta indra janta/vo vi/shvam puSyanti vaa/ryam
1.81.9c anta/r hi/ khyo/ ja/naanaam aryo/ ve/do a/daashuSaaM te/SaaM no ve/da aa/ bhara
1.82.1a u/po Su/ shRNuhii/ gi/ro ma/ghavan maa/tathaa iva
1.82.1c yadaa/ naH suunR/taavataH ka/ra aa/d artha/yaasa i/d yo/jaa nv ai\ndra te ha/rii
1.82.2a a/kSann a/miimadanta hy a/va priyaa/ adhuuSata
1.82.2c a/stoSata sva/bhaanavo vi/praa na/viSThayaa matii/ yo/jaa nv ai\ndra te ha/rii
1.82.3a susaMdR/shaM tvaa vaya/m ma/ghavan vandiSiima/hi
1.82.3c pra/ nuuna/m puurNa/vandhura stuto/ yaahi va/shaaM+ a/nu yo/jaa nv ai\ndra te ha/rii
1.82.4a sa/ ghaa ta/M vR/SaNaM ra/tham a/dhi tiSThaati govi/dam
1.82.4c ya/H paa/traM haariyojana/m puurNa/m indra ci/ketati yo/jaa nv ai\ndra te ha/rii
1.82.5a yukta/s te astu da/kSiNa uta/ savya/H shatakrato
1.82.5c te/na jaayaa/m u/pa priyaa/m mandaano/ yaahy a/ndhaso yo/jaa nv ai\ndra te ha/rii
1.82.6a yuna/jmi te bra/hmaNaa keshi/naa ha/rii u/pa pra/ yaahi dadhiSe/ ga/bhastyoH
1.82.6c u/t tvaa sutaa/so rabhasaa/ amandiSuH puuSaNvaa/n vajrin sa/m u pa/tnyaamadaH
1.83.1a a/shvaavati prathamo/ go/Su gachati supraavii/r indra ma/rtyas ta/voti/bhiH
1.83.1c ta/m i/t pRNakSi va/sunaa bha/viiyasaa si/ndhum aa/po ya/thaabhi/to vi/cetasaH
1.83.2a aa/po na/ devii/r u/pa yanti hotri/yam ava/H pashyanti vi/tataM ya/thaa ra/jaH
1.83.2c praacai/r devaa/saH pra/ Nayanti devayu/m brahmapri/yaM joSayante varaa/ iva
1.83.3a a/dhi dva/yor adadhaa ukthya\M va/co yata/srucaa mithunaa/ yaa/ saparya/taH
1.83.3c a/saMyatto vrate/ te kSeti pu/Syati bhadraa/ shakti/r ya/jamaanaaya sunvate/
1.83.4a aa/d a/~NgiraaH prathama/M dadhire va/ya iddhaa/gnayaH sha/myaa ye/ sukRtya/yaa
1.83.4c sa/rvam paNe/H sa/m avindanta bho/janam a/shvaavantaM go/mantam aa/ pashu/M na/raH
1.83.5a yaj~nai/r a/tharvaa prathama/H patha/s tate ta/taH suu/ryo vratapaa/ vena/ aa/jani
1.83.5c aa/ gaa/ aajad usha/naa kaavya/H sa/caa yama/sya jaata/m amR/taM yajaamahe
1.83.6a barhi/r vaa ya/t svapatyaa/ya vRjya/te .arko/ vaa shlo/kam aagho/Sate divi/
1.83.6c graa/vaa ya/tra va/dati kaaru/r ukthya\s ta/sye/d i/ndro abhipitve/Su raNyati
1.84.1a a/saavi so/ma indra te sha/viSTha dhRSNav aa/ gahi
1.84.1c aa/ tvaa pRNaktv indriya/M ra/jaH suu/ryo na/ rashmi/bhiH
1.84.2a i/ndram i/d dha/rii vahato/ .apratidhRSTashavasam
1.84.2c R/SiiNaaM ca stutii/r u/pa yaj~na/M ca maa/nuSaaNaam
1.84.3a aa/ tiSTha vRtrahan ra/thaM yuktaa/ te bra/hmaNaa ha/rii
1.84.3c arvaacii/naM su/ te ma/no graa/vaa kRNotu vagnu/naa
1.84.4a ima/m indra suta/m piba jye/STham a/martyam ma/dam
1.84.4c shukra/sya tvaabhy a\kSaran dhaa/raa Rta/sya saa/dane
1.84.5a i/ndraaya nuuna/m arcatokthaa/ni ca braviitana
1.84.5c sutaa/ amatsur i/ndavo jye/SThaM namasyataa sa/haH
1.84.6a na/kiS Tva/d rathii/taro ha/rii ya/d indra ya/chase
1.84.6c na/kiS Tvaa/nu majma/naa na/kiH sva/shva aanashe
1.84.7a ya/ e/ka i/d vida/yate va/su ma/rtaaya daashu/Se
1.84.7c ii/shaano a/pratiSkuta i/ndro a~Nga/
1.84.8a kadaa/ ma/rtam araadha/sam padaa/ kSu/mpam iva sphurat
1.84.8c kadaa/ naH shushravad gi/ra i/ndro a~Nga/
1.84.9a ya/sh cid dhi/ tvaa bahu/bhya aa/ sutaa/vaaM+ aavi/vaasati
1.84.9c ugra/M ta/t patyate sha/va i/ndro a~Nga/
1.84.10a svaado/r itthaa/ viSuuva/to ma/dhvaH pibanti gaurya\H
1.84.10c yaa/ i/ndreNa sayaa/variir vR/SNaa ma/danti shobha/se va/sviir a/nu svaraa/jyam
1.84.11a taa/ asya pRshanaayu/vaH so/maM shriiNanti pR/shnayaH
1.84.11c priyaa/ i/ndrasya dhena/vo va/jraM hinvanti saa/yakaM va/sviir a/nu svaraa/jyam
1.84.12a taa/ asya na/masaa sa/haH saparya/nti pra/cetasaH
1.84.12c vrataa/ny asya sashcire puruu/Ni puurva/cittaye va/sviir a/nu svaraa/jyam
1.84.13a i/ndro dadhiico/ astha/bhir vRtraa/Ny a/pratiSkutaH
1.84.13c jaghaa/na navatii/r na/va
1.84.14a icha/nn a/shvasya ya/c chi/raH pa/rvateSv a/pashritam
1.84.14c ta/d vidac charyaNaa/vati
1.84.15a a/traa/ha go/r amanvata naa/ma tva/STur apiicya\m
1.84.15c itthaa/ candra/maso gRhe/
1.84.16a ko/ adya/ yu~Nkte dhuri/ gaa/ Rta/sya shi/miivato bhaami/no durhRNaayuu/n
1.84.16c aasa/nniSuun hRtsva/so mayobhuu/n ya/ eSaam bhRtyaa/m RNa/dhat sa/ jiivaat
1.84.17a ka/ iiSate tujya/te ko/ bibhaaya ko/ maMsate sa/ntam i/ndraM ko/ a/nti
1.84.17c ka/s tokaa/ya ka/ i/bhaayota/ raaye/ .adhi bravat tanve\ ko/ ja/naaya
1.84.18a ko/ agni/m iiTTe havi/Saa ghRte/na srucaa/ yajaataa Rtu/bhir dhruve/bhiH
1.84.18c ka/smai devaa/ aa/ vahaan aashu/ ho/ma ko/ maMsate viiti/hotraH sudeva/H
1.84.19a tva/m a~Nga/ pra/ shaMsiSo deva/H shaviSTha ma/rtyam
1.84.19c na/ tva/d anyo/ maghavann asti marDite/ndra bra/viimi te va/caH
1.84.20a maa/ te raa/dhaaMsi maa/ ta uuta/yo vaso .asmaa/n ka/daa canaa/ dabhan
1.84.20c vi/shvaa ca na upamimiihi/ maanuSa va/suuni carSaNi/bhya aa/
1.85.1a pra/ ye/ shu/mbhante ja/nayo na/ sa/ptayo yaa/man rudra/sya suuna/vaH suda/MsasaH
1.85.1c ro/dasii hi/ maru/tash cakrire/ vRdhe/ ma/danti viiraa/ vida/theSu ghR/SvayaH
1.85.2a ta/ ukSitaa/so mahimaa/nam aashata divi/ rudraa/so a/dhi cakrire sa/daH
1.85.2c a/rcanto arka/M jana/yanta indriya/m a/dhi shri/yo dadhire pR/shnimaataraH
1.85.3a go/maataro ya/c chubha/yante a~nji/bhis tanuu/Su shubhraa/ dadhire viru/kmataH
1.85.3c baa/dhante vi/shvam abhimaati/nam a/pa va/rtmaany eSaam a/nu riiyate ghRta/m
1.85.4a vi/ ye/ bhraa/jante su/makhaasa RSTi/bhiH pracyaava/yanto a/cyutaa cid o/jasaa
1.85.4c manoju/vo ya/n maruto ra/theSv aa/ vR/SavraataasaH pR/Satiir a/yugdhvam
1.85.5a pra/ ya/d ra/theSu pR/Satiir a/yugdhvaM vaa/je a/drim maruto raMha/yantaH
1.85.5c utaa/ruSa/sya vi/ Syanti dhaa/raash ca/rmevoda/bhir vy u\ndanti bhuu/ma
1.85.6a aa/ vo vahantu sa/ptayo raghuSya/do raghupa/tvaanaH pra/ jigaata baahu/bhiH
1.85.6c sii/dataa/ barhi/r uru/ vaH sa/das kRta/m maada/yadhvam maruto ma/dhvo a/ndhasaH
1.85.7a te\ .avardhanta sva/tavaso mahitvanaa/ naa/kaM tasthu/r uru/ cakrire sa/daH
1.85.7c vi/SNur ya/d dhaa/vad vR/SaNam madacyu/taM va/yo na/ siidann a/dhi barhi/Si priye/
1.85.8a shuu/raa ive/d yu/yudhayo na/ ja/gmayaH shravasya/vo na/ pR/tanaasu yetire
1.85.8c bha/yante vi/shvaa bhu/vanaa maru/dbhyo raa/jaana iva tveSa/saMdRsho na/raH
1.85.9a tva/STaa ya/d va/jraM su/kRtaM hiraNya/yaM saha/srabhRSTiM sva/paa a/vartayat
1.85.9c dhatta/ i/ndro na/ry a/paaMsi ka/rtave/ .ahan vRtra/M ni/r apaa/m aubjad arNava/m
1.85.10a uurdhva/M nunudre .avata/M ta/ o/jasaa daadRhaaNa/M cid bibhidur vi/ pa/rvatam
1.85.10c dha/manto vaaNa/m maru/taH sudaa/navo ma/de so/masya ra/Nyaani cakrire
1.85.11a jihma/M nunudre .avata/M ta/yaa dishaa/si~ncann u/tsaM go/tamaaya tRSNa/je
1.85.11c aa/ gachantiim a/vasaa citra/bhaanavaH kaa/maM vi/prasya tarpayanta dhaa/mabhiH
1.85.12a yaa/ vaH sha/rma shashamaanaa/ya sa/nti tridhaa/tuuni daashu/Se yachataa/dhi
1.85.12c asma/bhyaM taa/ni maruto vi/ yanta rayi/M no dhatta vRSaNaH suvii/ram
1.86.1a ma/ruto ya/sya hi/ kSa/ye paathaa/ divo/ vimahasaH
1.86.1c sa/ sugopaa/tamo ja/naH
1.86.2a yaj~nai/r vaa yaj~navaahaso vi/prasya vaa matiinaa/m
1.86.2c ma/rutaH shRNutaa/ ha/vam
1.86.3a uta/ vaa ya/sya vaaji/no/ .anu vi/pram a/takSata
1.86.3c sa/ ga/ntaa go/mati vraje/
1.86.4a asya/ viira/sya barhi/Si suta/H so/mo di/viSTiSu
1.86.4c uktha/m ma/dash ca shasyate
1.86.5a asya/ shroSantv aa/ bhu/vo vi/shvaa ya/sh carSaNii/r abhi/
1.86.5c suu/raM cit sasru/Siir i/SaH
1.86.6a puurvii/bhir hi/ dadaashima/ shara/dbhir maruto vaya/m
1.86.6c a/vobhish carSaNiinaa/m
1.86.7a subha/gaH sa/ prayajyavo ma/ruto astu ma/rtyaH
1.86.7c ya/sya pra/yaaMsi pa/rSatha
1.86.8a shashamaana/sya vaa naraH sve/dasya satyashavasaH
1.86.8c vidaa/ kaa/masya ve/nataH
1.86.9a yuuya/M ta/t satyashavasa aavi/S karta mahitvanaa/
1.86.9c vi/dhyataa vidyu/taa ra/kSaH
1.86.10a guu/hataa gu/hyaM ta/mo vi/ yaata vi/shvam atri/Nam
1.86.10c jyo/tiS kartaa ya/d ushma/si
1.87.1a pra/tvakSasaH pra/tavaso virapshi/no/ .anaanataa a/vithuraa RjiiSi/NaH
1.87.1c ju/STatamaaso nR/tamaaso a~nji/bhir vy aaaa\najre ke/ cid usraa/ iva stR/bhiH
1.87.2a upahvare/Su ya/d a/cidhvaM yayi/M va/ya iva marutaH ke/na cit pathaa/
1.87.2c shco/tanti ko/shaa u/pa vo ra/theSv aa/ ghRta/m ukSataa ma/dhuvarNam a/rcate
1.87.3a prai/Saam a/jmeSu vithure/va rejate bhuu/mir yaa/meSu ya/d dha yu~nja/te shubhe/
1.87.3c te/ kriiLa/yo dhu/nayo bhraa/jadRSTayaH svaya/m mahitva/m panayanta dhuu/tayaH
1.87.4a sa/ hi/ svasR/t pR/Sadashvo yu/vaa gaNo\ .ayaa/ iishaana/s ta/viSiibhir aa/vRtaH
1.87.4c a/si satya/ RNayaa/vaa/nedyo .asyaa/ dhiya/H praavitaa/thaa vR/Saa gaNa/H
1.87.5a pitu/H pratna/sya ja/nmanaa vadaamasi so/masya jihvaa/ pra/ jigaati ca/kSasaa
1.87.5c ya/d iim i/ndraM sha/my R/kvaaNa aa/shataa/d i/n naa/maani yaj~ni/yaani dadhire
1.87.6a shriya/se ka/m bhaanu/bhiH sa/m mimikSire te/ rashmi/bhis ta/ R/kvabhiH sukhaada/yaH
1.87.6c te/ vaa/shiimanta iSmi/No a/bhiiravo vidre/ priya/sya maa/rutasya dhaa/mnaH
1.88.1a aa/ vidyu/nmadbhir marutaH svarkai/ ra/thebhir yaata RSTima/dbhir a/shvaparNaiH
1.88.1c aa/ va/rSiSThayaa na iSaa/ va/yo na/ paptataa sumaayaaH
1.88.2a te\ .aruNe/bhir va/ram aa/ pisha/~NgaiH shubhe/ ka/M yaanti rathatuu/rbhir a/shvaiH
1.88.2c rukmo/ na/ citra/H sva/dhitiivaan pavyaa/ ra/thasya ja~Nghananta bhuu/ma
1.88.3a shriye/ ka/M vo a/dhi tanuu/Su vaa/shiir medhaa/ va/naa na/ kRNavanta uurdhvaa/
1.88.3c yuSma/bhyaM ka/m marutaH sujaataas tuvidyumnaa/so dhanayante a/drim
1.88.4a a/haani gR/dhraaH pa/ry aa/ va aa/gur imaa/M dhi/yaM vaarkaaryaa/M ca devii/m
1.88.4c bra/hma kRNva/nto go/tamaaso arkai/r uurdhva/M nunudra utsadhi/m pi/badhyai
1.88.5a eta/t tya/n na/ yo/janam aceti sasva/r ha ya/n maruto go/tamo vaH
1.88.5c pa/shyan hi/raNyacakraan a/yodaMSTraan vidhaa/vato varaa/huun
1.88.6a eSaa/ syaa/ vo maruto .anubhartrii/ pra/ti STobhati vaagha/to na/ vaa/Nii
1.88.6c a/stobhayad vR/thaasaam a/nu svadhaa/M ga/bhastyoH
1.89.1a aa/ no bhadraa/H kra/tavo yantu vishva/to/ .adabdhaaso a/pariitaasa udbhi/daH
1.89.1c devaa/ no ya/thaa sa/dam i/d vRdhe/ a/sann a/praayuvo rakSitaa/ro dive/-dive
1.89.2a devaa/naam bhadraa/ sumati/r Rjuuyataa/M devaa/naaM raati/r abhi/ no ni/ vartataam
1.89.2c devaa/naaM sakhya/m u/pa sedimaa vaya/M devaa/ na aa/yuH pra/ tirantu jiiva/se
1.89.3a taa/n puu/rvayaa nivi/daa huumahe vaya/m bha/gam mitra/m a/ditiM da/kSam asri/dham
1.89.3c aryama/NaM va/ruNaM so/mam ashvi/naa sa/rasvatii naH subha/gaa ma/yas karat
1.89.4a ta/n no vaa/to mayobhu/ vaatu bheSaja/M ta/n maataa/ pRthivii/ ta/t pitaa/ dyau/H
1.89.4c ta/d graa/vaaNaH somasu/to mayobhu/vas ta/d ashvinaa shRNutaM dhiSNyaa yuva/m
1.89.5a ta/m ii/shaanaM ja/gatas tasthu/Sas pa/tiM dhiyaMjinva/m a/vase huumahe vaya/m
1.89.5c puuSaa/ no ya/thaa ve/dasaam a/sad vRdhe/ rakSitaa/ paayu/r a/dabdhaH svasta/ye
1.89.6a svasti/ na i/ndro vRddha/shravaaH svasti/ naH puuSaa/ vishva/vedaaH
1.89.6c svasti/ nas taa/rkSyo a/riSTanemiH svasti/ no bR/haspa/tir dadhaatu
1.89.7a pR/Sadashvaa maru/taH pR/shnimaataraH shubhaMyaa/vaano vida/theSu ja/gmayaH
1.89.7c agnijihvaa/ ma/navaH suu/racakSaso vi/shve no devaa/ a/vasaa/ gamann iha/
1.89.8a bhadra/M ka/rNebhiH shRNuyaama devaa bhadra/m pashyemaakSa/bhir yajatraaH
1.89.8c sthirai/r a/~Ngais tuSTuvaa/Msas tanuu/bhir vy a\shema deva/hitaM ya/d aa/yuH
1.89.9a shata/m i/n nu/ shara/do a/nti devaa ya/traa nash cakraa/ jara/saM tanuu/naam
1.89.9c putraa/so ya/tra pita/ro bha/vanti maa/ no madhyaa/ riiriSataa/yur ga/ntoH
1.89.10a a/ditir dyau/r a/ditir anta/rikSam a/ditir maataa/ sa/ pitaa/ sa/ putra/H
1.89.10c vi/shve devaa/ a/ditiH pa/~nca ja/naa a/ditir jaata/m a/ditir ja/nitvam
1.90.1a Rjuniitii/ no va/ruNo mitro/ nayatu vidvaa/n
1.90.1c aryamaa/ devai/H sajo/SaaH
1.90.2a te/ hi/ va/svo va/savaanaas te/ a/pramuuraa ma/hobhiH
1.90.2c vrataa/ rakSante vishvaa/haa
1.90.3a te/ asma/bhyaM sha/rma yaMsann amR/taa ma/rtyebhyaH
1.90.3c baa/dhamaanaa a/pa dvi/SaH
1.90.4a vi/ naH patha/H suvitaa/ya ciya/ntv i/ndro maru/taH
1.90.4c puuSaa/ bha/go va/ndyaasaH
1.90.5a uta/ no dhi/yo go/agraaH puu/San vi/SNav e/vayaavaH
1.90.5c ka/rtaa naH svastima/taH
1.90.6a ma/dhu vaa/taa Rtaayate/ ma/dhu kSaranti si/ndhavaH
1.90.6c maa/dhviir naH santv o/SadhiiH
1.90.7a ma/dhu na/ktam uto/Sa/so ma/dhumat paa/rthivaM ra/jaH
1.90.7c ma/dhu dyau/r astu naH pitaa/
1.90.8a ma/dhumaan no va/naspa/tir ma/dhumaaM+ astu suu/ryaH
1.90.8c maa/dhviir gaa/vo bhavantu naH
1.90.9a sha/M no mitra/H sha/M va/ruNaH sha/M no bhavatv aryamaa/
1.90.9c sha/M na i/ndro bR/haspa/tiH sha/M no vi/SNur urukrama/H
1.91.1a tva/M soma pra/ cikito maniiSaa/ tva/M ra/jiSTham a/nu neSi pa/nthaam
1.91.1c ta/va pra/Niitii pita/ro na indo deve/Su ra/tnam abhajanta dhii/raaH
1.91.2a tva/M soma kra/tubhiH sukra/tur bhuus tva/M da/kSaiH suda/kSo vishva/vedaaH
1.91.2c tva/M vR/Saa vRSatve/bhir mahitvaa/ dyumne/bhir dyumny a\bhavo nRca/kSaaH
1.91.3a raa/j~no nu/ te va/ruNasya vrataa/ni bRha/d gabhiira/M ta/va soma dhaa/ma
1.91.3c shu/ciS Tva/m asi priyo/ na/ mitro/ dakSaa/yyo aryame/vaasi soma
1.91.4a yaa/ te dhaa/maani divi/ yaa/ pRthivyaa/M yaa/ pa/rvateSv o/SadhiiSv apsu/
1.91.4c te/bhir no vi/shvaiH suma/naa a/heLan raa/jan soma pra/ti havyaa/ gRbhaaya
1.91.5a tva/M somaasi sa/tpatis tva/M raa/jota/ vRtrahaa/
1.91.5c tva/m bhadro/ asi kra/tuH
1.91.6a tva/M ca soma no va/sho jiivaa/tuM na/ maraamahe
1.91.6c priya/stotro va/naspa/tiH
1.91.7a tva/M soma mahe/ bha/gaM tva/M yuu/na Rtaayate/
1.91.7c da/kSaM dadhaasi jiiva/se
1.91.8a tva/M naH soma vishva/to ra/kSaa raajann aghaayata/H
1.91.8c na/ riSyet tvaa/vataH sa/khaa
1.91.9a so/ma yaa/s te mayobhu/va uuta/yaH sa/nti daashu/Se
1.91.9c taa/bhir no .avitaa/ bhava
1.91.10a ima/M yaj~na/m ida/M va/co jujuSaaNa/ upaa/gahi
1.91.10c so/ma tva/M no vRdhe/ bhava
1.91.11a so/ma giirbhi/S Tvaa vaya/M vardha/yaamo vacovi/daH
1.91.11c sumRLiiko/ na aa/ visha
1.91.12a gayasphaa/no amiivahaa/ vasuvi/t puSTiva/rdhanaH
1.91.12c sumitra/H soma no bhava
1.91.13a so/ma raarandhi/ no hRdi/ gaa/vo na/ ya/vaseSv aa/
1.91.13c ma/rya iva sva/ okye\
1.91.14a ya/H soma sakhye/ ta/va raara/Nad deva ma/rtyaH
1.91.14c ta/M da/kSaH sacate kavi/H
1.91.15a uruSyaa/ No abhi/shasteH so/ma ni/ paahy a/MhasaH
1.91.15c sa/khaa sushe/va edhi naH
1.91.16a aa/ pyaayasva sa/m etu te vishva/taH soma vR/SNyam
1.91.16c bha/vaa vaa/jasya saMgathe/
1.91.17a aa/ pyaayasva madintama so/ma vi/shvebhir aMshu/bhiH
1.91.17c bha/vaa naH sushra/vastamaH sa/khaa vRdhe/
1.91.18a sa/M te pa/yaaMsi sa/m u yantu vaa/jaaH sa/M vR/SNyaany abhimaatiSaa/haH
1.91.18c aapyaa/yamaano amR/taaya soma divi/ shra/vaaMsy uttamaa/ni dhiSva
1.91.19a yaa/ te dhaa/maani havi/Saa ya/janti taa/ te vi/shvaa paribhuu/r astu yaj~na/m
1.91.19c gayasphaa/naH prata/raNaH suvii/ro/ .aviirahaa pra/ caraa soma du/ryaan
1.91.20a so/mo dhenu/M so/mo a/rvantam aashu/M so/mo viira/M karmaNya\M dadaati
1.91.20c saadanya\M vidathya\M sabhe/yam pitRshra/vaNaM yo/ da/daashad asmai
1.91.21a a/SaaLhaM yutsu/ pR/tanaasu pa/priM svarSaa/m apsaa/M vRja/nasya gopaa/m
1.91.21c bhareSujaa/M sukSiti/M sushra/vasaM ja/yantaM tvaa/m a/nu madema soma
1.91.22a tva/m imaa/ o/SadhiiH soma vi/shvaas tva/m apo/ ajanayas tva/M gaa/H
1.91.22c tva/m aa/ tatanthorv a\nta/rikSaM tva/M jyo/tiSaa vi/ ta/mo vavartha
1.91.23a deve/na no ma/nasaa deva soma raayo/ bhaaga/M sahasaavann abhi/ yudhya
1.91.23c maa/ tvaa/ tanad ii/shiSe viirya\syobha/yebhyaH pra/ cikitsaa ga/viSTau
1.92.1a etaa/ u tyaa/ uSa/saH ketu/m akrata puu/rve a/rdhe ra/jaso bhaanu/m a~njate
1.92.1c niSkRNvaanaa/ aa/yudhaaniiva dhRSNa/vaH pra/ti gaa/vo/ .aruSiir yanti maata/raH
1.92.2a u/d apaptann aruNaa/ bhaana/vo vR/thaa svaayu/jo a/ruSiir gaa/ ayukSata
1.92.2c a/krann uSaa/so vayu/naani puurva/thaa ru/shantam bhaanu/m a/ruSiir ashishrayuH
1.92.3a a/rcanti naa/riir apa/so na/ viSTi/bhiH samaane/na yo/janenaa/ paraava/taH
1.92.3c i/SaM va/hantiiH sukR/te sudaa/nave vi/shve/d a/ha ya/jamaanaaya sunvate/
1.92.4a a/dhi pe/shaaMsi vapate nRtuu/r ivaa/porNute va/kSa usre/va ba/rjaham
1.92.4c jyo/tir vi/shvasmai bhu/vanaaya kRNvatii/ gaa/vo na/ vraja/M vy u\Saa/ aavar ta/maH
1.92.5a pra/ty arcii/ ru/shad asyaa adarshi vi/ tiSThate baa/dhate kRSNa/m a/bhvam
1.92.5c sva/ruM na/ pe/sho vida/theSv a~nja/~n citra/M divo/ duhitaa/ bhaanu/m ashret
1.92.6a a/taariSma ta/masas paara/m asyo/Saa/ ucha/ntii vayu/naa kRNoti
1.92.6c shriye/ cha/ndo na/ smayate vibhaatii/ supra/tiikaa saumanasaa/yaajiigaH
1.92.7a bhaa/svatii netrii/ suunR/taanaaM diva/ stave duhitaa/ go/tamebhiH
1.92.7c prajaa/vato nRva/to a/shvabudhyaan u/So go/agraaM+ u/pa maasi vaa/jaan
1.92.8a u/Sas ta/m ashyaaM yasha/saM suvii/raM daasa/pravargaM rayi/m a/shvabudhyam
1.92.8c suda/Msasaa shra/vasaa yaa/ vibhaa/si vaa/japrasuutaa subhage bRha/ntam
1.92.9a vi/shvaani devii/ bhu/vanaabhica/kSyaa pratiicii/ ca/kSur urviyaa/ vi/ bhaati
1.92.9c vi/shvaM jiiva/M cara/se bodha/yantii vi/shvasya vaa/cam avidan manaayo/H
1.92.10a pu/naH-punar jaa/yamaanaa puraaNii/ samaana/M va/rNam abhi/ shu/mbhamaanaa
1.92.10c shvaghnii/va kRtnu/r vi/ja aaminaanaa/ ma/rtasya devii/ jara/yanty aa/yuH
1.92.11a vyuurNvatii/ divo/ a/ntaaM+ abodhy a/pa sva/saaraM sanuta/r yuyoti
1.92.11c praminatii/ manuSyaaaa\ yugaa/ni yo/Saa jaara/sya ca/kSasaa vi/ bhaati
1.92.12a pashuu/n na/ citraa/ subha/gaa prathaanaa/ si/ndhur na/ kSo/da urviyaa/ vy a\shvait
1.92.12c a/minatii dai/vyaani vrataa/ni suu/ryasya ceti rashmi/bhir dRshaanaa/
1.92.13a u/Sas ta/c citra/m aa/ bharaasma/bhyaM vaajiniivati
1.92.13c ye/na toka/M ca ta/nayaM ca dhaa/mahe
1.92.14a u/So adye/ha/ gomaty a/shvaavati vibhaavari
1.92.14c reva/d asme/ vy u\cha suunRtaavati
1.92.15a yukSvaa/ hi/ vaajiniivaty a/shvaaM+ adyaa/ruNaa/M+ uSaH
1.92.15c a/thaa no vi/shvaa sau/bhagaany aa/ vaha
1.92.16a a/shvinaa varti/r asma/d aa/ go/mad dasraa hi/raNyavat
1.92.16c arvaa/g ra/thaM sa/manasaa ni/ yachatam
1.92.17a yaa/v itthaa/ shlo/kam aa/ divo/ jyo/tir ja/naaya cakra/thuH
1.92.17c aa/ na uu/rjaM vahatam ashvinaa yuva/m
1.92.18a e/ha/ devaa/ mayobhu/vaa dasraa/ hi/raNyavartanii
1.92.18c uSarbu/dho vahantu so/mapiitaye
1.93.1a a/gniiSomaav ima/M su/ me shRNuta/M vRSaNaa ha/vam
1.93.1c pra/ti suuktaa/ni haryatam bha/vataM daashu/Se ma/yaH
1.93.2a a/gniiSomaa yo/ adya/ vaam ida/M va/caH saparya/ti
1.93.2c ta/smai dhattaM suvii/ryaM ga/vaam po/SaM sva/shvyam
1.93.3a a/gniiSomaa ya/ aa/hutiM yo/ vaaM daa/shaad dhavi/SkRtim
1.93.3c sa/ praja/yaa suvii/ryaM vi/shvam aa/yur vy a\shnavat
1.93.4a a/gniiSomaa ce/ti ta/d viirya\M vaaM ya/d a/muSNiitam avasa/m paNi/M gaa/H
1.93.4c a/vaatiratam bR/sayasya she/So/ .avindataM jyo/tir e/kam bahu/bhyaH
1.93.5a yuva/m etaa/ni divi/ rocanaa/ny agni/sh ca soma sa/kratuu adhattam
1.93.5c yuva/M si/ndhuuM+r abhi/shaster avadyaa/d a/gniiSomaav a/mu~ncataM gRbhiitaa/n
1.93.6a aa/nya/M divo/ maatari/shvaa jabhaaraa/mathnaad anya/m pa/ri shyeno/ a/dreH
1.93.6c a/gniiSomaa bra/hmaNaa vaavRdhaano/ru/M yaj~naa/ya cakrathur uloka/m
1.93.7a a/gniiSomaa havi/SaH pra/sthitasya viita/M ha/ryataM vRSaNaa juSe/thaam
1.93.7c susha/rmaaNaa sva/vasaa hi/ bhuuta/m a/thaa dhattaM ya/jamaanaaya sha/M yo/H
1.93.8a yo/ agnii/So/maa havi/Saa saparyaa/d devadrii/caa ma/nasaa yo/ ghRte/na
1.93.8c ta/sya vrata/M rakSatam paata/m a/Mhaso vishe/ ja/naaya ma/hi sha/rma yachatam
1.93.9a a/gniiSomaa sa/vedasaa sa/huutii vanataM gi/raH
1.93.9c sa/M devatraa/ babhuuvathuH
1.93.10a a/gniiSomaav ane/na vaaM yo/ vaaM ghRte/na daa/shati
1.93.10c ta/smai diidayatam bRha/t
1.93.11a a/gniiSomaav imaa/ni no yuva/M havyaa/ jujoSatam
1.93.11c aa/ yaatam u/pa naH sa/caa
1.93.12a a/gniiSomaa pipRta/m a/rvato na aa/ pyaayantaam usri/yaa havyasuu/daH
1.93.12c asme/ ba/laani magha/vatsu dhattaM kRNuta/M no adhvara/M shruSTima/ntam
1.94.1a ima/M sto/mam a/rhate jaata/vedase ra/tham iva sa/m mahemaa maniiSa/yaa
1.94.1c bhadraa/ hi/ naH pra/matir asya saMsa/dy a/gne sakhye/ maa/ riSaamaa vaya/M ta/va
1.94.2a ya/smai tva/m aaya/jase sa/ saadhaty anarvaa/ kSeti da/dhate suvii/ryam
1.94.2c sa/ tuutaava nai/nam ashnoty aMhati/r a/gne sakhye/ maa/ riSaamaa vaya/M ta/va
1.94.3a shake/ma tvaa sami/dhaM saadha/yaa dhi/yas tve/ devaa/ havi/r adanty aa/hutam
1.94.3c tva/m aadityaa/M+ aa/ vaha taa/n hy u\shma/sy a/gne sakhye/ maa/ riSaamaa vaya/M ta/va
1.94.4a bha/raamedhma/M kRNa/vaamaa havii/MSi te cita/yantaH pa/rvaNaa-parvaNaa vaya/m
1.94.4c jiivaa/tave pratara/M saadhayaa dhi/yo/ .agne sakhye/ maa/ riSaamaa vaya/M ta/va
1.94.5a vishaa/M gopaa/ asya caranti janta/vo dvipa/c ca ya/d uta/ ca/tuSpad aktu/bhiH
1.94.5c citra/H praketa/ uSa/so mahaa/M+ asy a/gne sakhye/ maa/ riSaamaa vaya/M ta/va
1.94.6a tva/m adhvaryu/r uta/ ho/taasi puurvya/H prashaastaa/ po/taa janu/Saa puro/hitaH
1.94.6c vi/shvaa vidvaa/M+ aa/rtvijyaa dhiira puSyasy a/gne sakhye/ maa/ riSaamaa vaya/M ta/va
1.94.7a yo/ vishva/taH supra/tiikaH sadR/~N~N a/si duure/ cit sa/n taLi/d ivaa/ti rocase
1.94.7c raa/tryaash cid a/ndho a/ti deva pashyasy a/gne sakhye/ maa/ riSaamaa vaya/M ta/va
1.94.8a puu/rvo devaa bhavatu sunvato/ ra/tho .asmaa/kaM sha/Mso abhy a\stu duuDhya\H
1.94.8c ta/d aa/ jaaniitota/ puSyataa va/co/ .agne sakhye/ maa/ riSaamaa vaya/M ta/va
1.94.9a vadhai/r duHsha/MsaaM+ a/pa duuDhyo\ jahi duure/ vaa ye/ a/nti vaa ke/ cid atri/NaH
1.94.9c a/thaa yaj~naa/ya gRNate/ suga/M kRdhy a/gne sakhye/ maa/ riSaamaa vaya/M ta/va
1.94.10a ya/d a/yukthaa aruSaa/ ro/hitaa ra/the vaa/tajuutaa vRSabha/syeva te ra/vaH
1.94.10c aa/d invasi vani/no dhuuma/ketunaa/gne sakhye/ maa/ riSaamaa vaya/M ta/va
1.94.11a a/dha svanaa/d uta/ bibhyuH patatri/No drapsaa/ ya/t te yavasaa/do vy a/sthiran
1.94.11c suga/M ta/t te taavake/bhyo ra/thebhyo/ .agne sakhye/ maa/ riSaamaa vaya/M ta/va
1.94.12a aya/m mitra/sya va/ruNasya dhaa/yase .avayaataa/m maru/taaM he/Lo a/dbhutaH
1.94.12c mRLaa/ su/ no bhuu/tv eSaam ma/naH pu/nar a/gne sakhye/ maa/ riSaamaa vaya/M ta/va
1.94.13a devo/ devaa/naam asi mitro/ a/dbhuto va/sur va/suunaam asi caa/rur adhvare/
1.94.13c sha/rman syaama ta/va sapra/thastame/ .agne sakhye/ maa/ riSaamaa vaya/M ta/va
1.94.14a ta/t te bhadra/M ya/t sa/middhaH sve/ da/me so/maahuto ja/rase mRLaya/ttamaH
1.94.14c da/dhaasi ra/tnaM dra/viNaM ca daashu/Se/ .agne sakhye/ maa/ riSaamaa vaya/M ta/va
1.94.15a ya/smai tva/M sudraviNo da/daasho .anaagaastva/m adite sarva/taataa
1.94.15c ya/m bhadre/Na sha/vasaa coda/yaasi prajaa/vataa raa/dhasaa te/ syaama
1.94.16a sa/ tva/m agne saubhagatva/sya vidvaa/n asmaa/kam aa/yuH pra/ tireha/ deva
1.94.16c ta/n no mitro/ va/ruNo maamahantaam a/ditiH si/ndhuH pRthivii/ uta/ dyau/H
1.95.1a dve/ vi/ruupe carataH sva/rthe anyaa/nyaa vatsa/m u/pa dhaapayete
1.95.1c ha/rir anya/syaam bha/vati svadhaa/vaa~n chukro/ anya/syaaM dadRshe suva/rcaaH
1.95.2a da/shema/M tva/STur janayanta ga/rbham a/tandraaso yuvata/yo vi/bhRtram
1.95.2c tigmaa/niikaM sva/yashasaM ja/neSu viro/camaanam pa/ri SiiM nayanti
1.95.3a trii/Ni jaa/naa pa/ri bhuuSanty asya samudra/ e/kaM divy e/kam apsu/
1.95.3c puu/rvaam a/nu pra/ di/sham paa/rthivaanaam Rtuu/n prashaa/sad vi/ dadhaav anuSThu/
1.95.4a ka/ ima/M vo niNya/m aa/ ciketa vatso/ maatRR/r janayata svadhaa/bhiH
1.95.4c bahviinaa/M ga/rbho apa/saam upa/sthaan mahaa/n kavi/r ni/sh carati svadhaa/vaan
1.95.5a aavi/STyo vardhate caa/rur aasu jihmaa/naam uurdhva/H sva/yashaa upa/sthe
1.95.5c ubhe/ tva/STur bibhyatur jaa/yamaanaat pratiicii/ siMha/m pra/ti joSayete
1.95.6a ubhe/ bhadre/ joSayete na/ me/ne gaa/vo na/ vaashraa/ u/pa tasthur e/vaiH
1.95.6c sa/ da/kSaaNaaM da/kSapatir babhuuvaa~nja/nti ya/M dakSiNato/ havi/rbhiH
1.95.7a u/d yaMyamiiti savite/va baahuu/ ubhe/ si/cau yatate bhiima/ R~nja/n
1.95.7c u/c chukra/m a/tkam ajate sima/smaan na/vaa maatR/bhyo \!\ va/sanaa jahaati
1.95.8a tveSa/M ruupa/M kRNuta u/ttaraM ya/t sampR~ncaana/H sa/dane go/bhir adbhi/H
1.95.8c kavi/r budhna/m pa/ri marmRjyate dhii/H saa/ deva/taataa sa/mitir babhuuva
1.95.9a uru/ te jra/yaH pa/ry eti budhna/M viro/camaanam mahiSa/sya dhaa/ma
1.95.9c vi/shvebhir agne sva/yashobhir iddho/ .adabdhebhiH paayu/bhiH paahy asmaa/n
1.95.10a dha/nvan sro/taH kRNute gaatu/m uurmi/M shukrai/r uurmi/bhir abhi/ nakSati kSaa/m
1.95.10c vi/shvaa sa/naani jaTha/reSu dhatte .anta/r na/vaasu carati prasuu/Su
1.95.11a evaa/ no agne sami/dhaa vRdhaano/ reva/t paavaka shra/vase vi/ bhaahi
1.95.11c ta/n no mitro/ va/ruNo maamahantaam a/ditiH si/ndhuH pRthivii/ uta/ dyau/H
1.96.1a sa/ pratna/thaa sa/hasaa jaa/yamaanaH sadya/H kaa/vyaani ba/L adhatta vi/shvaa
1.96.1c aa/pash ca mitra/M dhiSa/Naa ca saadhan devaa/ agni/M dhaarayan draviNodaa/m
1.96.2a sa/ puu/rvayaa nivi/daa kavya/taayo/r imaa/H prajaa/ ajanayan ma/nuunaam
1.96.2c viva/svataa ca/kSasaa dyaa/m apa/sh ca devaa/ agni/M dhaarayan draviNodaa/m
1.96.3a ta/m iiLata prathama/M yaj~nasaa/dhaM vi/sha aa/riir aa/hutam R~njasaana/m
1.96.3c uurja/H putra/m bharata/M sRpra/daanuM devaa/ agni/M dhaarayan draviNodaa/m
1.96.4a sa/ maatari/shvaa puruvaa/rapuSTir vida/d gaatu/M ta/nayaaya svarvi/t
1.96.4c vishaa/M gopaa/ janitaa/ ro/dasyor devaa/ agni/M dhaarayan draviNodaa/m
1.96.5a na/ktoSaa/saa va/rNam aame/myaane dhaapa/yete shi/shum e/kaM samiicii/
1.96.5c dyaa/vaakSaa/maa rukmo/ anta/r vi/ bhaati devaa/ agni/M dhaarayan draviNodaa/m
1.96.6a raayo/ budhna/H saMga/mano va/suunaaM yaj~na/sya ketu/r manmasaa/dhano ve/H
1.96.6c amRtatva/M ra/kSamaaNaasa enaM devaa/ agni/M dhaarayan draviNodaa/m
1.96.7a nuu/ ca puraa/ ca sa/danaM rayiiNaa/M jaata/sya ca jaa/yamaanasya ca kSaa/m
1.96.7c sata/sh ca gopaa/m bha/vatash ca bhuu/rer devaa/ agni/M dhaarayan draviNodaa/m
1.96.8a draviNodaa/ dra/viNasas tura/sya draviNodaa/H sa/narasya pra/ yaMsat
1.96.8c draviNodaa/ viira/vatiim i/SaM no draviNodaa/ raasate diirgha/m aa/yuH
1.96.9a evaa/ no agne sami/dhaa vRdhaano/ reva/t paavaka shra/vase vi/ bhaahi
1.96.9c ta/n no mitro/ va/ruNo maamahantaam a/ditiH si/ndhuH pRthivii/ uta/ dyau/H
1.97.1a a/pa naH sho/shucad agha/m a/gne shushugdhy aa/ rayi/m
1.97.1c a/pa naH sho/shucad agha/m
1.97.2a sukSetriyaa/ sugaatuyaa/ vasuuyaa/ ca yajaamahe
1.97.2c a/pa naH sho/shucad agha/m
1.97.3a pra/ ya/d bha/ndiSTha eSaam praa/smaa/kaasash ca suura/yaH
1.97.3c a/pa naH sho/shucad agha/m
1.97.4a pra/ ya/t te agne suura/yo jaa/yemahi pra/ te vaya/m
1.97.4c a/pa naH sho/shucad agha/m
1.97.5a pra/ ya/d agne/H sa/hasvato vishva/to ya/nti bhaana/vaH
1.97.5c a/pa naH sho/shucad agha/m
1.97.6a tva/M hi/ vishvatomukha vishva/taH paribhuu/r a/si
1.97.6c a/pa naH sho/shucad agha/m
1.97.7a dvi/So no vishvatomukhaa/ti naave/va paaraya
1.97.7c a/pa naH sho/shucad agha/m
1.97.8a sa/ naH si/ndhum iva naava/yaa/ti parSaa svasta/ye
1.97.8c a/pa naH sho/shucad agha/m
1.98.1a vaishvaanara/sya sumatau/ syaama raa/jaa hi/ kam bhu/vanaanaam abhishrii/H
1.98.1c ito/ jaato/ vi/shvam ida/M vi/ caSTe vaishvaanaro/ yatate suu/ryeNa
1.98.2a pRSTo/ divi/ pRSTo/ agni/H pRthivyaa/m pRSTo/ vi/shvaa o/Sadhiir aa/ vivesha
1.98.2c vaishvaanara/H sa/hasaa pRSTo/ agni/H sa/ no di/vaa sa/ riSa/H paatu na/ktam
1.98.3a vai/shvaanara ta/va ta/t satya/m astv asmaa/n raa/yo magha/vaanaH sacantaam
1.98.3c ta/n no mitro/ va/ruNo maamahantaam a/ditiH si/ndhuH pRthivii/ uta/ dyau/H
1.99.1a jaata/vedase sunavaama so/mam araatiiyato/ ni/ dahaati ve/daH
1.99.1c sa/ naH parSad a/ti durgaa/Ni vi/shvaa naave/va si/ndhuM duritaa/ty agni/H
1.100.1a sa/ yo/ vR/Saa vR/SNyebhiH sa/mokaa maho/ diva/H pRthivyaa/sh ca samraa/T
1.100.1c satiina/satvaa ha/vyo bha/reSu maru/tvaan no bhavatv i/ndra uutii/
1.100.2a ya/syaa/naaptaH suu/ryasyeva yaa/mo bha/re-bhare vRtrahaa/ shu/Smo a/sti
1.100.2c vR/SantamaH sa/khibhiH sve/bhir e/vair maru/tvaan no bhavatv i/ndra uutii/
1.100.3a divo/ na/ ya/sya re/taso du/ghaanaaH pa/nthaaso ya/nti sha/vasaa/pariitaaH
1.100.3c tara/ddveSaaH saasahi/H pau/Msyebhir maru/tvaan no bhavatv i/ndra uutii/
1.100.4a so/ a/~Ngirobhir a/~Ngirastamo bhuud vR/Saa vR/SabhiH sa/khibhiH sa/khaa sa/n
1.100.4c Rgmi/bhir Rgmii/ gaatu/bhir jye/STho maru/tvaan no bhavatv i/ndra uutii/
1.100.5a sa/ suunu/bhir na/ rudre/bhir R/bhvaa nRSaa/hye saasahvaa/M+ ami/traan
1.100.5c sa/niiLebhiH shravasyaaaa\ni tuu/rvan maru/tvaan no bhavatv i/ndra uutii/
1.100.6a sa/ manyumii/H sama/danasya kartaa/smaa/kebhir nR/bhiH suu/ryaM sanat
1.100.6c asmi/nn a/han sa/tpatiH puruhuuto/ maru/tvaan no bhavatv i/ndra uutii/
1.100.7a ta/m uuta/yo raNaya~n chuu/rasaatau ta/M kSe/masya kSita/yaH kRNvata traa/m
1.100.7c sa/ vi/shvasya karu/Nasyesha e/ko maru/tvaan no bhavatv i/ndra uutii/
1.100.8a ta/m apsanta sha/vasa utsave/Su na/ro na/ram a/vase ta/M dha/naaya
1.100.8c so/ andhe/ cit ta/masi jyo/tir vidan maru/tvaan no bhavatv i/ndra uutii/
1.100.9a sa/ savye/na yamati vraa/dhatash cit sa/ dakSiNe/ sa/MgRbhiitaa kRtaa/ni
1.100.9c sa/ kiiri/Naa cit sa/nitaa dha/naani maru/tvaan no bhavatv i/ndra uutii/
1.100.10a sa/ graa/mebhiH sa/nitaa sa/ ra/thebhir vide/ vi/shvaabhiH kRSTi/bhir nv a\dya/
1.100.10c sa/ pau/Msyebhir abhibhuu/r a/shastiir maru/tvaan no bhavatv i/ndra uutii/
1.100.11a sa/ jaami/bhir ya/t sama/jaati miiLhe/ .ajaamibhir vaa puruhuuta/ e/vaiH
1.100.11c apaa/M toka/sya ta/nayasya jeSe/ maru/tvaan no bhavatv i/ndra uutii/
1.100.12a sa/ vajrabhR/d dasyuhaa/ bhiima/ ugra/H saha/sracetaaH shata/niitha R/bhvaa
1.100.12c camriiSo/ na/ sha/vasaa paa/~ncajanyo maru/tvaan no bhavatv i/ndra uutii/
1.100.13a ta/sya va/jraH krandati sma/t svarSaa/ divo/ na/ tveSo/ rava/thaH shi/miivaan
1.100.13c ta/M sacante sana/yas ta/M dha/naani maru/tvaan no bhavatv i/ndra uutii/
1.100.14a ya/syaa/jasraM sha/vasaa maa/nam uktha/m paribhuja/d ro/dasii vishva/taH siim
1.100.14c sa/ paariSat kra/tubhir mandasaano/ maru/tvaan no bhavatv i/ndra uutii/
1.100.15a na/ ya/sya devaa/ deva/taa na/ ma/rtaa aa/pash cana/ sha/vaso a/ntam aapu/H
1.100.15c sa/ prari/kvaa tva/kSasaa kSmo/ diva/sh ca maru/tvaan no bhavatv i/ndra uutii/
1.100.16a rohi/c chyaavaa/ suma/daMshur lalaamii/r dyukSaa/ raaya/ Rjraa/shvasya
1.100.16c vR/SaNvantam bi/bhratii dhuurSu/ ra/tham mandraa/ ciketa naa/huSiiSu vikSu/
1.100.17a eta/t tya/t ta indra vR/SNa uktha/M vaarSaagiraa/ abhi/ gRNanti raa/dhaH
1.100.17c Rjraa/shvaH pra/STibhir ambarii/SaH saha/devo bha/yamaanaH suraa/dhaaH
1.100.18a da/syuu~n chi/myuuMsh ca puruhuuta/ e/vair hatvaa/ pRthivyaa/M sha/rvaa ni/ barhiit
1.100.18c sa/nat kSe/traM sa/khibhiH shvitnye/bhiH sa/nat suu/ryaM sa/nad apa/H suva/jraH
1.100.19a vishvaa/he/ndro adhivaktaa/ no astv a/parihvRtaaH sanuyaama vaa/jam
1.100.19c ta/n no mitro/ va/ruNo maamahantaam a/ditiH si/ndhuH pRthivii/ uta/ dyau/H
1.101.1a pra/ mandi/ne pituma/d arcataa va/co ya/H kRSNa/garbhaa nira/hann Rji/shvanaa
1.101.1c avasya/vo vR/SaNaM va/jradakSiNam maru/tvantaM sakhyaa/ya havaamahe
1.101.2a yo/ vya\MsaM jaahRSaaNe/na manyu/naa ya/H sha/mbaraM yo/ a/han pi/prum avrata/m
1.101.2c i/ndro ya/H shu/SNam ashu/SaM ny aa/vRNa~N maru/tvantaM sakhyaa/ya havaamahe
1.101.3a ya/sya dyaa/vaapRthivii/ pau/Msyam maha/d ya/sya vrate/ va/ruNo ya/sya suu/ryaH
1.101.3c ya/sye/ndrasya si/ndhavaH sa/shcati vrata/m maru/tvantaM sakhyaa/ya havaamahe
1.101.4a yo/ a/shvaanaaM yo/ ga/vaaM go/patir vashii/ ya/ aarita/H ka/rmaNi-karmaNi sthira/H
1.101.4c viiLo/sh cid i/ndro yo/ a/sunvato vadho/ maru/tvantaM sakhyaa/ya havaamahe
1.101.5a yo/ vi/shvasya ja/gataH praaNata/s pa/tir yo/ brahma/Ne prathamo/ gaa/ a/vindat
1.101.5c i/ndro yo/ da/syuuM+r a/dharaaM+ avaa/tiran maru/tvantaM sakhyaa/ya havaamahe
1.101.6a ya/H shuu/rebhir ha/vyo ya/sh ca bhiiru/bhir yo/ dhaa/vadbhir huuya/te ya/sh ca jigyu/bhiH
1.101.6c i/ndraM ya/M vi/shvaa bhu/vanaabhi/ saMdadhu/r maru/tvantaM sakhyaa/ya havaamahe
1.101.7a rudraa/Naam eti pradi/shaa vicakSaNo/ rudre/bhir yo/Saa tanute pRthu/ jra/yaH
1.101.7c i/ndram maniiSaa/ abhy a\rcati shruta/m maru/tvantaM sakhyaa/ya havaamahe
1.101.8a ya/d vaa marutvaH parame/ sadha/sthe ya/d vaavame/ vRja/ne maada/yaase
1.101.8c a/ta aa/ yaahy adhvara/M no a/chaa tvaayaa/ havi/sh cakRmaa satyaraadhaH
1.101.9a tvaaye/ndra so/maM suSumaa sudakSa tvaayaa/ havi/sh cakRmaa brahmavaahaH
1.101.9c a/dhaa niyutvaH sa/gaNo maru/dbhir asmi/n yaj~ne/ barhi/Si maadayasva
1.101.10a maada/yasva ha/ribhir ye/ ta indra vi/ Syasva shi/pre vi/ sRjasva dhe/ne
1.101.10c aa/ tvaa sushipra ha/rayo vahantuusha/n havyaa/ni pra/ti no juSasva
1.101.11a maru/tstotrasya vRja/nasya gopaa/ vaya/m i/ndreNa sanuyaama vaa/jam
1.101.11c ta/n no mitro/ va/ruNo maamahantaam a/ditiH si/ndhuH pRthivii/ uta/ dyau/H
1.102.1a imaa/M te dhi/yam pra/ bhare maho/ mahii/m asya/ stotre/ dhiSa/Naa ya/t ta aanaje/
1.102.1c ta/m utsave/ ca prasave/ ca saasahi/m i/ndraM devaa/saH sha/vasaamadann a/nu
1.102.2a asya/ shra/vo nadya\H sapta/ bibhrati dyaa/vaakSaa/maa pRthivii/ darshata/M va/puH
1.102.2c asme/ suuryaacandrama/saabhica/kSe shraddhe/ ka/m indra carato vitartura/m
1.102.3a ta/M smaa ra/tham maghavan praa/va saata/ye jai/traM ya/M te anuma/daama saMgame/
1.102.3c aajaa/ na indra ma/nasaa puruSTuta tvaaya/dbhyo maghava~n cha/rma yacha naH
1.102.4a vaya/M jayema tva/yaa yujaa/ vR/tam asmaa/kam a/Msham u/d avaa bha/re-bhare
1.102.4c asma/bhyam \!\ indra va/rivaH suga/M kRdhi pra/ sha/truuNaaM \.\ maghavan vR/SNyaa ruja
1.102.5a naa/naa hi/ tvaa ha/vamaanaa ja/naa ime/ dha/naanaaM dhartar a/vasaa vipanya/vaH
1.102.5c asmaa/kaM smaa ra/tham aa/ tiSTha saata/ye jai/traM hiiaa\ndra ni/bhRtam ma/nas ta/va
1.102.6a goji/taa baahuu/ a/mitakratuH sima/H ka/rman-karma~n chata/muutiH khajaMkara/H
1.102.6c akalpa/ i/ndraH pratimaa/nam o/jasaa/thaa ja/naa vi/ hvayante siSaasa/vaH
1.102.7a u/t te shataa/n maghavann u/c ca bhuu/yasa u/t saha/sraad ririce kRSTi/Su shra/vaH
1.102.7c amaatra/M tvaa dhiSa/Naa titviSe mahy a/dhaa vRtraa/Ni jighnase puraMdara
1.102.8a triviSTidhaa/tu pratimaa/nam o/jasas tisro/ bhuu/miir nRpate trii/Ni rocanaa/
1.102.8c a/tiida/M vi/shvam bhu/vanaM vavakSithaashatru/r indra janu/Saa sanaa/d asi
1.102.9a tvaa/M deve/Su prathama/M havaamahe tva/m babhuutha pR/tanaasu saasahi/H
1.102.9c se/ma/M naH kaaru/m upamanyu/m udbhi/dam i/ndraH kRNotu prasave/ ra/tham pura/H
1.102.10a tva/M jigetha na/ dha/naa rurodhithaa/rbheSv aajaa/ maghavan maha/tsu ca
1.102.10c tvaa/m ugra/m a/vase sa/M shishiimasy a/thaa na indra ha/vaneSu codaya
1.102.11a vishvaa/he/ndro adhivaktaa/ no astv a/parihvRtaaH sanuyaama vaa/jam
1.102.11c ta/n no mitro/ va/ruNo maamahantaam a/ditiH si/ndhuH pRthivii/ uta/ dyau/H

Rig Veda, Book 1A (ASCII)

Book 1

Related Links

External Links