Rig Veda, Book 4 (ASCII)

Book 4

4.1.1a tvaa/M hy a\gne sa/dam i/t samanya/vo devaa/so deva/m arati/M nyerira/ i/ti kra/tvaa nyerire/
4.1.1d a/martyaM yajata ma/rtyeSv aa/ deva/m aa/devaM janata pra/cetasaM vi/shvam aa/devaM janata pra/cetasam
4.1.2a sa/ bhraa/taraM va/ruNam agna aa/ vavRtsva devaa/M+ a/chaa sumatii/ yaj~na/vanasaM jye/SThaM yaj~na/vanasam
4.1.2d Rtaa/vaanam aaditya/M carSaNiidhR/taM raa/jaanaM carSaNiidhR/tam
4.1.3a sa/khe sa/khaayam abhy aa/ vavRtsvaashu/M na/ cakra/M ra/thyeva ra/M+hyaasma/bhyaM dasma ra/M+hyaa
4.1.3d a/gne mRLiika/M va/ruNe sa/caa vido maru/tsu vishva/bhaanuSu
4.1.3f tokaa/ya tuje/ shushucaana sha/M kRdhy asma/bhyaM dasma sha/M kRdhi
4.1.4a tva/M no agne va/ruNasya vidvaa/n deva/sya he/Lo/ .ava yaasisiiSThaaH
4.1.4c ya/jiSTho va/hnitamaH sho/shucaano vi/shvaa dve/SaaM+si pra/ mumugdhy asma/t
4.1.5a sa/ tva/M no agne .avamo/ bhavotii/ ne/diSTho asyaa/ uSa/so vyu\STau
4.1.5c a/va yakSva no va/ruNaM ra/raaNo viihi/ mRLiika/M suha/vo na edhi
4.1.6a asya/ shre/SThaa subha/gasya saMdR/g deva/sya citra/tamaa ma/rtyeSu
4.1.6c shu/ci ghRta/M na/ tapta/m a/ghnyaayaa spaarhaa/ deva/sya maM+ha/neva dheno/H
4.1.7a tri/r asya taa/ paramaa/ santi satyaa/ spaarhaa/ deva/sya ja/nimaany agne/H
4.1.7c anante/ anta/H pa/riviita aa/gaac chu/ciH shukro/ aryo/ ro/rucaanaH
4.1.8a sa/ duuto/ vi/shve/d abhi/ vaSTi sa/dmaa ho/taa hi/raNyaratho ra/MsujihvaH
4.1.8c rohi/dashvo vapuSyo\ vibhaa/vaa sa/daa raNva/H pituma/tiiva saMsa/t
4.1.9a sa/ cetayan ma/nuSo yaj~na/bandhuH pra/ ta/m mahyaa/ rashana/yaa nayanti
4.1.9c sa/ kSety asya du/ryaasu saa/dhan devo/ ma/rtasya sadhanitva/m aapa
4.1.10a sa/ tuu/ no agni/r nayatu prajaana/nn a/chaa ra/tnaM deva/bhaktaM ya/d asya
4.1.10c dhiyaa/ ya/d vi/shve amR/taa a/kRNvan dyau/S pitaa/ janitaa/ satya/m ukSan
4.1.11a sa/ jaayata prathama/H pastyaaaa\su maho/ budhne/ ra/jaso asya/ yo/nau
4.1.11c apaa/d ashiirSaa/ guha/maano a/ntaayo/yuvaano vRSabha/sya niiLe/
4.1.12a pra/ sha/rdha aarta prathama/M vipanya/M+ Rta/sya yo/naa vRSabha/sya niiLe/
4.1.12c spaarho/ yu/vaa vapuSyo\ vibhaa/vaa sapta/ priyaa/so .ajanayanta vR/SNe
4.1.13a asmaa/kam a/tra pita/ro manuSyaaaa\ abhi/ pra/ sedur Rta/m aashuSaaNaa/H
4.1.13c a/shmavrajaaH sudu/ghaa vavre/ anta/r u/d usraa/ aajann uSa/so huvaanaa/H
4.1.14a te/ marmRjata dadRvaa/M+so a/driM ta/d eSaam anye/ abhi/to vi/ vocan
4.1.14c pashva/yantraaso abhi/ kaara/m arcan vida/nta jyo/tish cakRpa/nta dhiibhi/H
4.1.15a te/ gavyataa/ ma/nasaa dRdhra/m ubdha/M gaa/ yemaana/m pa/ri Sa/ntam a/drim
4.1.15c dRLha/M na/ro va/casaa dai/vyena vraja/M go/mantam ushi/jo vi/ vavruH
4.1.16a te/ manvata prathama/M naa/ma dheno/s tri/H sapta/ maatu/H paramaa/Ni vindan
4.1.16c ta/j jaanatii/r abhy a\nuuSata vraa/ aavi/r bhuvad aruNii/r yasha/saa go/H
4.1.17a ne/shat ta/mo du/dhitaM ro/cata dyau/r u/d devyaa/ uSa/so bhaanu/r arta
4.1.17c aa/ suu/ryo bRhata/s tiSThad a/jraaM+ Rju/ ma/rteSu vRjinaa/ ca pa/shyan
4.1.18a aa/d i/t pashcaa/ bubudhaanaa/ vy a\khyann aa/d i/d ra/tnaM dhaarayanta dyu/bhaktam
4.1.18c vi/shve vi/shvaasu du/ryaasu devaa/ mi/tra dhiye/ varuNa satya/m astu
4.1.19a a/chaa voceya shushucaana/m agni/M ho/taaraM vishva/bharasaM ya/jiSTham
4.1.19c shu/cy uu/dho atRNan na/ ga/vaam a/ndho na/ puuta/m pa/riSiktam aM+sho/H
4.1.20a vi/shveSaam a/ditir yaj~ni/yaanaaM vi/shveSaam a/tithir maa/nuSaaNaam
4.1.20c agni/r devaa/naam a/va aavRNaana/H sumRLiiko/ bhavatu jaata/vedaaH
4.2.1a yo/ ma/rtyeSv amR/ta Rtaa/vaa devo/ deve/Sv arati/r nidhaa/yi
4.2.1c ho/taa ya/jiSTho mahnaa/ shuca/dhyai havyai/r agni/r ma/nuSa iiraya/dhyai
4.2.2a iha/ tva/M suuno sahaso no adya/ jaato/ jaataa/M+ ubha/yaaM+ anta/r agne
4.2.2c duuta/ iiyase yuyujaana/ RSva RjumuSkaa/n vR/SaNaH shukraa/M+sh ca
4.2.3a a/tyaa vRdhasnuu/ ro/hitaa ghRta/snuu Rta/sya manye ma/nasaa ja/viSThaa
4.2.3c anta/r iiyase aruSaa/ yujaano/ yuSmaa/M+sh ca devaa/n vi/sha aa/ ca ma/rtaan
4.2.4a aryama/NaM va/ruNam mitra/m eSaam i/ndraavi/SNuu maru/to ashvi/nota/
4.2.4c sva/shvo agne sura/thaH suraa/dhaa e/d u vaha suhavi/Se ja/naaya
4.2.5a go/maaM+ agne/ .avimaaM+ ashvii/ yaj~no/ nRva/tsakhaa sa/dam i/d apramRSya/H
4.2.5c i/LaavaaM+ eSo/ asura prajaa/vaan diirgho/ rayi/H pRthubudhna/H sabhaa/vaan
4.2.6a ya/s ta idhma/M jabha/rat siSvidaano/ muurdhaa/naM vaa tata/pate tvaayaa/
4.2.6c bhu/vas ta/sya sva/tavaaM+H paayu/r agne vi/shvasmaat siim aghaayata/ uruSya
4.2.7a ya/s te bha/raad a/nniyate cid a/nnaM nishi/San mandra/m a/tithim udii/rat
4.2.7c aa/ devayu/r ina/dhate duroNe/ ta/smin rayi/r dhruvo/ astu daa/svaan
4.2.8a ya/s tvaa doSaa/ ya/ uSa/si prasha/M+saat priya/M vaa tvaa kRNa/vate havi/Smaan
4.2.8c a/shvo na/ sve/ da/ma aa/ hemyaa/vaan ta/m a/M+hasaH piiparo daashvaa/M+sam
4.2.9a ya/s tu/bhyam agne amR/taaya daa/shad du/vas tve/ kRNa/vate yata/sruk
4.2.9c na/ sa/ raayaa/ shashamaano/ vi/ yoSan nai/nam a/M+haH pa/ri varad aghaayo/H
4.2.10a ya/sya tva/m agne adhvara/M ju/joSo devo/ ma/rtasya su/dhitaM ra/raaNaH
4.2.10c priite/d asad dho/traa saa/ yaviSThaa/saama ya/sya vidhato/ vRdhaa/saH
4.2.11a ci/ttim a/cittiM cinavad vi/ vidvaa/n pRSThe/va viitaa/ vRjinaa/ ca ma/rtaan
4.2.11c raaye/ ca naH svapatyaa/ya deva di/tiM ca raa/svaa/ditim uruSya
4.2.12a kavi/M shashaasuH kava/yo/ .adabdhaa nidhaara/yanto du/ryaasv aayo/H
4.2.12c a/tas tva/M dR/shyaaM+ agna etaa/n paDbhi/H pashyer a/dbhutaaM+ arya/ e/vaiH
4.2.13a tva/m agne vaagha/te supra/NiitiH suta/somaaya vidhate/ yaviSTha
4.2.13c ra/tnam bhara shashamaanaa/ya ghRSve pRthu/ shcandra/m a/vase carSaNipraa/H
4.2.14a a/dhaa ha ya/d vaya/m agne tvaayaa/ paDbhi/r ha/stebhish cakRmaa/ tanuu/bhiH
4.2.14c ra/thaM na/ kra/nto a/pasaa bhuri/jor Rta/M yemuH sudhya\ aashuSaaNaa/H
4.2.15a a/dhaa maatu/r uSa/saH sapta/ vi/praa jaa/yemahi prathamaa/ vedha/so nRR/n
4.2.15c diva/s putraa/ a/~Ngiraso bhavemaa/driM rujema dhani/naM shuca/ntaH
4.2.16a a/dhaa ya/thaa naH pita/raH pa/raasaH pratnaa/so agna Rta/m aashuSaaNaa/H
4.2.16c shu/cii/d ayan dii/dhitim ukthashaa/saH kSaa/maa bhinda/nto aruNii/r a/pa vran
4.2.17a suka/rmaaNaH suru/co devaya/nto/ .ayo na/ devaa/ ja/nimaa dha/mantaH
4.2.17c shuca/nto agni/M vavRdha/nta i/ndram uurva/M ga/vyam pariSa/danto agman
4.2.18a aa/ yuuthe/va kSuma/ti pashvo/ akhyad devaa/naaM ya/j ja/nimaa/nty ugra
4.2.18c ma/rtaanaaM cid urva/shiir akRpran vRdhe/ cid arya/ u/parasyaayo/H
4.2.19a a/karma te sva/paso abhuuma Rta/m avasrann uSa/so vibhaatii/H
4.2.19c a/nuunam agni/m purudhaa/ sushcandra/M deva/sya ma/rmRjatash caa/ru ca/kSuH
4.2.20a etaa/ te agna uca/thaani vedho/ .avocaama kava/ye taa/ juSasva
4.2.20c u/c chocasva kRNuhi/ va/syaso no maho/ raaya/H puruvaara pra/ yandhi
4.3.1a aa/ vo raa/jaanam adhvara/sya rudra/M ho/taaraM satyaya/jaM ro/dasyoH
4.3.1c agni/m puraa/ tanayitno/r aci/ttaad dhi/raNyaruupam a/vase kRNudhvam
4.3.2a aya/M yo/nish cakRmaa/ ya/M vaya/M te jaaye/va pa/tya ushatii/ suvaa/saaH
4.3.2c arvaaciina/H pa/riviito ni/ Siidemaa/ u te svapaaka pratiicii/H
4.3.3a aashRNvate/ a/dRpitaaya ma/nma nRca/kSase sumRLiikaa/ya vedhaH
4.3.3c devaa/ya shasti/m amR/taaya shaM+sa graa/veva so/taa madhuSu/d ya/m iiLe/
4.3.4a tva/M cin naH sha/myaa agne asyaa/ Rta/sya bodhy Rtacit svaadhii/H
4.3.4c kadaa/ ta ukthaa/ sadhamaa/dyaani kadaa/ bhavanti sakhyaa/ gRhe/ te
4.3.5a kathaa/ ha ta/d va/ruNaaya tva/m agne kathaa/ dive/ garhase ka/n na aa/gaH
4.3.5c kathaa/ mitraa/ya miiLhu/Se pRthivyai/ bra/vaH ka/d aryamNe/ ka/d bha/gaaya
4.3.6a ka/d dhi/SNyaasu vRdhasaano/ agne ka/d vaa/taaya pra/tavase shubhaMye/
4.3.6c pa/rijmane naa/satyaaya kSe/ bra/vaH ka/d agne rudraa/ya nRghne/
4.3.7a kathaa/ mahe/ puSTimbharaa/ya puuSNe/ ka/d rudraa/ya su/makhaaya havirde/
4.3.7c ka/d vi/SNava urugaayaa/ya re/to bra/vaH ka/d agne sha/rave bRhatyai/
4.3.8a kathaa/ sha/rdhaaya maru/taam Rtaa/ya kathaa/ suure/ bRhate/ pRchya/maanaH
4.3.8c pra/ti bravo/ .aditaye turaa/ya saa/dhaa divo/ jaatavedash cikitvaa/n
4.3.9a Rte/na Rta/M ni/yatam iiLa aa/ go/r aamaa/ sa/caa ma/dhumat pakva/m agne
4.3.9c kRSNaa/ satii/ ru/shataa dhaasi/naiSaa/ jaa/maryeNa pa/yasaa piipaaya
4.3.10a Rte/na hi/ Smaa vRSabha/sh cid akta/H pu/maaM+ agni/H pa/yasaa pRSThye\na
4.3.10c a/spandamaano acarad vayodhaa/ vR/Saa shukra/M duduhe pR/shnir uu/dhaH
4.3.11a Rte/naa/driM vy a\san bhida/ntaH sa/m a/~Ngiraso navanta go/bhiH
4.3.11c shuna/M na/raH pa/ri Sadann uSaa/sam aavi/H sva\r abhavaj jaate/ agnau/
4.3.12a Rte/na devii/r amR/taa a/mRktaa a/rNobhir aa/po ma/dhumadbhir agne
4.3.12c vaajii/ na/ sa/rgeSu prastubhaana/H pra/ sa/dam i/t sra/vitave dadhanyuH
4.3.13a maa/ ka/sya yakSa/M sa/dam i/d dhuro/ gaa maa/ vesha/sya praminato/ maa/pe/H
4.3.13c maa/ bhraa/tur agne a/nRjor RNa/M ver maa/ sa/khyur da/kSaM ripo/r bhujema
4.3.14a ra/kSaa No agne ta/va ra/kSaNebhii raarakSaaNa/H sumakha priiNaana/H
4.3.14c pra/ti Sphura vi/ ruja viiDv a/M+ho jahi/ ra/kSo ma/hi cid vaavRdhaana/m
4.3.15a ebhi/r bhava suma/naa agne arkai/r imaa/n spRsha ma/nmabhiH shuura vaa/jaan
4.3.15c uta/ bra/hmaaNy a~Ngiro juSasva sa/M te shasti/r deva/vaataa jareta
4.3.16a etaa/ vi/shvaa vidu/Se tu/bhyaM vedho niithaa/ny agne niNyaa/ va/caaM+si
4.3.16c niva/canaa kava/ye kaa/vyaany a/shaM+siSam mati/bhir vi/pra ukthai/H
4.4.1a kRNuSva/ paa/jaH pra/sitiM na/ pRthvii/M yaahi/ raa/jevaa/mavaaM+ i/bhena
4.4.1c tRSvii/m a/nu pra/sitiM druuNaano/ .astaasi vi/dhya rakSa/sas ta/piSThaiH
4.4.2a ta/va bhramaa/sa aashuyaa/ patanty a/nu spRsha dhRSataa/ sho/shucaanaH
4.4.2c ta/puuM+Sy agne juhvaaaa\ pataMgaa/n a/saMdito vi/ sRja vi/Svag ulkaa/H
4.4.3a pra/ti spa/sho vi/ sRja tuu/rNitamo bha/vaa paayu/r visho/ asyaa/ a/dabdhaH
4.4.3c yo/ no duure/ agha/shaM+so yo/ a/nty a/gne maa/kiS Te vya/thir aa/ dadharSiit
4.4.4a u/d agne tiSTha pra/ty aa/ tanuSva ny a\mi/traaM+ oSataat tigmahete
4.4.4c yo/ no a/raatiM samidhaana cakre/ niicaa/ ta/M dhakSy atasa/M na/ shu/Skam
4.4.5a uurdhvo/ bhava pra/ti vidhyaa/dhy asma/d aavi/S kRNuSva dai/vyaany agne
4.4.5c a/va sthiraa/ tanuhi yaatujuu/naaM jaami/m a/jaamim pra/ mRNiihi sha/truun
4.4.6a sa/ te jaanaati sumati/M yaviSTha ya/ ii/vate bra/hmaNe gaatu/m ai/rat
4.4.6c vi/shvaany asmai sudi/naani raayo/ dyumnaa/ny aryo/ vi/ du/ro abhi/ dyaut
4.4.7a se/d agne astu subha/gaH sudaa/nur ya/s tvaa ni/tyena havi/Saa ya/ ukthai/H
4.4.7c pi/priiSati sva/ aa/yuSi duroNe/ vi/shve/d asmai sudi/naa saa/sad iSTi/H
4.4.8a a/rcaami te sumati/M gho/Sy arvaa/k sa/M te vaavaa/taa jarataam iya/M gii/H
4.4.8c sva/shvaas tvaa sura/thaa marjayemaasme/ kSatraa/Ni dhaarayer a/nu dyuu/n
4.4.9a iha/ tvaa bhuu/ry aa/ cared u/pa tma/n do/Saavastar diidivaa/M+sam a/nu dyuu/n
4.4.9c krii/Lantas tvaa suma/nasaH sapemaabhi/ dyumnaa/ tasthivaa/M+so ja/naanaam
4.4.10a ya/s tvaa sva/shvaH suhiraNyo/ agna upayaa/ti va/sumataa ra/thena
4.4.10c ta/sya traataa/ bhavasi ta/sya sa/khaa ya/s ta aatithya/m aanuSa/g ju/joSat
4.4.11a maho/ rujaami bandhu/taa va/cobhis ta/n maa pitu/r go/tamaad a/nv iyaaya
4.4.11c tva/M no asya/ va/casash cikiddhi ho/tar yaviSTha sukrato da/muunaaH
4.4.12a a/svapnajas tara/NayaH sushe/vaa a/tandraaso .avRkaa/ a/shramiSThaaH
4.4.12c te/ paaya/vaH sadhrya\~nco niSa/dyaa/gne ta/va naH paantv amuura
4.4.13a ye/ paaya/vo maamateya/M te agne pa/shyanto andha/M duritaa/d a/rakSan
4.4.13c rara/kSa taa/n sukR/to vishva/vedaa di/psanta i/d ripa/vo naa/ha debhuH
4.4.14a tva/yaa vaya/M sadhanya\s tvo/taas ta/va pra/Niity ashyaama vaa/jaan
4.4.14c ubhaa/ sha/M+saa suudaya satyataate .anuSThuyaa/ kRNuhy ahrayaaNa
4.4.15a ayaa/ te agne sami/dhaa vidhema pra/ti sto/maM shasya/maanaM gRbhaaya
4.4.15c da/haasha/so rakSa/saH paahy a\smaa/n druho/ nido/ mitramaho avadyaa/t
4.5.1a vaishvaanaraa/ya miiLhu/Se sajo/SaaH kathaa/ daashemaagna/ye bRha/d bhaa/H
4.5.1c a/nuunena bRhataa/ vakSa/theno/pa stabhaayad upami/n na/ ro/dhaH
4.5.2a maa/ nindata ya/ imaa/m ma/hyaM raati/M devo/ dadau/ ma/rtyaaya svadhaa/vaan
4.5.2c paa/kaaya gR/tso amR/to vi/cetaa vaishvaanaro/ nR/tamo yahvo/ agni/H
4.5.3a saa/ma dviba/rhaa ma/hi tigma/bhRSTiH saha/sraretaa vRSabha/s tu/viSmaan
4.5.3c pada/M na/ go/r a/paguuLhaM vividvaa/n agni/r ma/hyam pre/d u vocan maniiSaa/m
4.5.4a pra/ taa/M+ agni/r babhasat tigma/jambhas ta/piSThena shoci/Saa ya/H suraa/dhaaH
4.5.4c pra/ ye/ mina/nti va/ruNasya dhaa/ma priyaa/ mitra/sya ce/tato dhruvaa/Ni
4.5.5a abhraata/ro na/ yo/SaNo vya/ntaH patiri/po na/ ja/nayo dure/vaaH
4.5.5c paapaa/saH sa/nto anRtaa/ asatyaa/ ida/m pada/m ajanataa gabhiira/m
4.5.6a ida/m me agne ki/yate paavakaa/minate guru/m bhaara/M na/ ma/nma
4.5.6c bRha/d dadhaatha dhRSataa/ gabhiira/M yahva/m pRSTha/m pra/yasaa sapta/dhaatu
4.5.7a ta/m i/n nv e\va/ samanaa/ samaana/m abhi/ kra/tvaa punatii/ dhiiti/r ashyaaH
4.5.7c sasa/sya ca/rmann a/dhi caa/ru pR/shner a/gre rupa/ aa/rupitaM ja/baaru
4.5.8a pravaa/cyaM va/casaH ki/m me asya/ gu/haa hita/m u/pa niNi/g vadanti
4.5.8c ya/d usri/yaaNaam a/pa vaa/r iva vra/n paa/ti priya/M rupo/ a/gram pada/M ve/H
4.5.9a ida/m u tya/n ma/hi mahaa/m a/niikaM ya/d usri/yaa sa/cata puurvya/M gau/H
4.5.9c Rta/sya pade/ a/dhi dii/dyaanaM gu/haa raghuSya/d raghuya/d viveda
4.5.10a a/dha dyutaana/H pitro/H sa/caasaa/manuta gu/hyaM caa/ru pR/shneH
4.5.10c maatu/S pade/ parame/ a/nti Sa/d go/r vR/SNaH shoci/SaH pra/yatasya jihvaa/
4.5.11a Rta/M voce na/masaa pRchya/maanas ta/vaasha/saa jaatavedo ya/diida/m
4.5.11c tva/m asya/ kSayasi ya/d dha vi/shvaM divi/ ya/d u dra/viNaM ya/t pRthivyaa/m
4.5.12a ki/M no asya/ dra/viNaM ka/d dha ra/tnaM vi/ no voco jaatavedash cikitvaa/n
4.5.12c gu/haa/dhvanaH parama/M ya/n no asya/ re/ku pada/M na/ nidaanaa/ a/ganma
4.5.13a kaa/ maryaa/daa vayu/naa ka/d dha vaama/m a/chaa gamema ragha/vo na/ vaa/jam
4.5.13c kadaa/ no devii/r amR/tasya pa/tniiH suu/ro va/rNena tatanann uSaa/saH
4.5.14a anire/Na va/casaa phalgve\na pratii/tyena kRdhu/naatRpaa/saH
4.5.14c a/dhaa te/ agne ki/m ihaa/ vadanty anaayudhaa/sa aa/sataa sacantaam
4.5.15a asya/ shriye/ samidhaana/sya vR/SNo va/sor a/niikaM da/ma aa/ ruroca
4.5.15c ru/shad va/saanaH sudR/shiikaruupaH kSiti/r na/ raayaa/ puruvaa/ro adyaut
4.6.1a uurdhva/ uu Su/ No adhvarasya hotar a/gne ti/STha deva/taataa ya/jiiyaan
4.6.1c tva/M hi/ vi/shvam abhy a/si ma/nma pra/ vedha/sash cit tirasi maniiSaa/m
4.6.2a a/muuro ho/taa ny a\saadi vikSv a\gni/r mandro/ vida/theSu pra/cetaaH
4.6.2c uurdhva/m bhaanu/M savite/vaashren me/teva dhuuma/M stabhaayad u/pa dyaa/m
4.6.3a yataa/ sujuurNii/ raati/nii ghRtaa/cii pradakSiNi/d deva/taatim uraaNa/H
4.6.3c u/d u sva/rur navajaa/ naa/kra/H pashvo/ anakti su/dhitaH sume/kaH
4.6.4a stiirNe/ barhi/Si samidhaane/ agnaa/ uurdhvo/ adhvaryu/r jujuSaaNo/ asthaat
4.6.4c pa/ry agni/H pashupaa/ na/ ho/taa triviSTy e\ti pradi/va uraaNa/H
4.6.5a pa/ri tma/naa mita/drur eti ho/taagni/r mandro/ ma/dhuvacaa Rtaa/vaa
4.6.5c dra/vanty asya vaaji/no na/ sho/kaa bha/yante vi/shvaa bhu/vanaa ya/d a/bhraaT
4.6.6a bhadraa/ te agne svaniika saMdR/g ghora/sya sato/ vi/SuNasya caa/ruH
4.6.6c na/ ya/t te shoci/s ta/masaa va/ranta na/ dhvasmaa/nas tanviiaa\ re/pa aa/ dhuH
4.6.7a na/ ya/sya saa/tur ja/nitor a/vaari na/ maata/raapita/raa nuu/ cid iSTau/
4.6.7c a/dhaa mitro/ na/ su/dhitaH paavako\ .agni/r diidaaya maa/nuSiiSu vikSu/
4.6.8a dvi/r ya/m pa/~nca jii/janan saMva/saanaaH sva/saaro agni/m maa/nuSiiSu vikSu/
4.6.8c uSarbu/dham atharyo\ na/ da/ntaM shukra/M svaa/sam parashu/M na/ tigma/m
4.6.9a ta/va tye/ agne hari/to ghRtasnaa/ ro/hitaasa Rjva/~ncaH sva/~ncaH
4.6.9c aruSaa/so vR/SaNa RjumuSkaa/ aa/ deva/taatim ahvanta dasmaa/H
4.6.10a ye/ ha tye/ te sa/hamaanaa ayaa/sas tveSaa/so agne arca/yash ca/ranti
4.6.10c shyenaa/so na/ duvasanaa/so a/rthaM tuviSvaNa/so maa/rutaM na/ sha/rdhaH
4.6.11a a/kaari bra/hma samidhaana tu/bhyaM sha/M+saaty uktha/M ya/jate vy uuaa\ dhaaH
4.6.11c ho/taaram agni/m ma/nuSo ni/ Sedur namasya/nta ushi/jaH sha/M+sam aayo/H
4.7.1a aya/m iha/ prathamo/ dhaayi dhaatR/bhir ho/taa ya/jiSTho adhvare/Sv ii/DyaH
4.7.1c ya/m a/pnavaano bhR/gavo virurucu/r va/neSu citra/M vibhva\M vishe/-vishe
4.7.2a a/gne kadaa/ ta aanuSa/g bhu/vad deva/sya ce/tanam
4.7.2c a/dhaa hi/ tvaa jagRbhrire/ ma/rtaaso vikSv ii/Dyam
4.7.3a Rtaa/vaanaM vi/cetasam pa/shyanto dyaa/m iva stR/bhiH
4.7.3c vi/shveSaam adhvaraa/NaaM haskartaa/raM da/me-dame
4.7.4a aashu/M duuta/M viva/svato vi/shvaa ya/sh carSaNii/r abhi/
4.7.4c aa/ jabhruH ketu/m aaya/vo bhR/gavaaNaM vishe/-vishe
4.7.5a ta/m iiM ho/taaram aanuSa/k cikitvaa/M+saM ni/ Sedire
4.7.5c raNva/m paavaka/shociSaM ya/jiSThaM sapta/ dhaa/mabhiH
4.7.6a ta/M sha/shvatiiSu maatR/Su va/na aa/ viita/m a/shritam
4.7.6c citra/M sa/ntaM gu/haa hita/M suve/daM kuucidarthi/nam
4.7.7a sasa/sya ya/d vi/yutaa sa/sminn uu/dhann Rta/sya dhaa/man raNa/yanta devaa/H
4.7.7c mahaa/M+ agni/r na/masaa raata/havyo ve/r adhvaraa/ya sa/dam i/d Rtaa/vaa
4.7.8a ve/r adhvara/sya duutyaaaa\ni vidvaa/n ubhe/ antaa/ ro/dasii saMcikitvaa/n
4.7.8c duuta/ iiyase pradi/va uraaNo/ vidu/STaro diva/ aaro/dhanaani
4.7.9a kRSNa/M ta e/ma ru/shataH puro/ bhaa/sh cariSNv a\rci/r va/puSaam i/d e/kam
4.7.9c ya/d a/praviitaa da/dhate ha ga/rbhaM sadya/sh cij jaato/ bha/vasii/d u duuta/H
4.7.10a sadyo/ jaata/sya da/dRshaanam o/jo ya/d asya vaa/to anuvaa/ti shoci/H
4.7.10c vRNa/kti tigmaa/m atase/Su jihvaa/M sthiraa/ cid a/nnaa dayate vi/ ja/mbhaiH
4.7.11a tRSu/ ya/d a/nnaa tRSu/Naa vava/kSa tRSu/M duuta/M kRNute yahvo/ agni/H
4.7.11c vaa/tasya meLi/M sacate nijuu/rvann aashu/M na/ vaajayate hinve/ a/rvaa
4.8.1a duuta/M vo vishva/vedasaM havyavaa/ham a/martyam
4.8.1c ya/jiSTham R~njase giraa/
4.8.2a sa/ hi/ ve/daa va/sudhitim mahaa/M+ aaro/dhanaM diva/H
4.8.2c sa/ devaa/M+ e/ha/ vakSati
4.8.3a sa/ veda deva/ aana/maM devaa/M+ Rtaayate/ da/me
4.8.3c daa/ti priyaa/Ni cid va/su
4.8.4a sa/ ho/taa se/d u duutya\M cikitvaa/M+ anta/r iiyate
4.8.4c vidvaa/M+ aaro/dhanaM diva/H
4.8.5a te/ syaama ye/ agna/ye dadaashu/r havya/daatibhiH
4.8.5c ya/ iim pu/Syanta indhate/
4.8.6a te/ raayaa/ te/ suvii/ryaiH sasavaa/M+so vi/ shRNvire
4.8.6c ye/ agnaa/ dadhire/ du/vaH
4.8.7a asme/ raa/yo dive/-dive sa/M carantu puruspR/haH
4.8.7c asme/ vaa/jaasa iirataam
4.8.8a sa/ vi/prash carSaNiinaa/M sha/vasaa maa/nuSaaNaam
4.8.8c a/ti kSipre/va vidhyati
4.9.1a a/gne mRLa/ mahaa/M+ asi ya/ iim aa/ devayu/M ja/nam
4.9.1c iye/tha barhi/r aasa/dam
4.9.2a sa/ maa/nuSiiSu duuLa/bho vikSu/ praavii/r a/martyaH
4.9.2c duuto/ vi/shveSaam bhuvat
4.9.3a sa/ sa/dma pa/ri Niiyate ho/taa mandro/ di/viSTiSu
4.9.3c uta/ po/taa ni/ Siidati
4.9.4a uta/ gnaa/ agni/r adhvara/ uto/ gRha/patir da/me
4.9.4c uta/ brahmaa/ ni/ Siidati
4.9.5a ve/Si hy a\dhvariiyataa/m upavaktaa/ ja/naanaam
4.9.5c havyaa/ ca maa/nuSaaNaam
4.9.6a ve/Sii/d v asya duutya\M ya/sya ju/joSo adhvara/m
4.9.6c havya/m ma/rtasya vo/Lhave
4.9.7a asmaa/kaM joSy adhvara/m asmaa/kaM yaj~na/m a~NgiraH
4.9.7c asmaa/kaM shRNudhii ha/vam
4.9.8a pa/ri te duuLa/bho ra/tho .asmaa/M+ ashnotu vishva/taH
4.9.8c ye/na ra/kSasi daashu/SaH
4.10.1a a/gne ta/m adyaa/shvaM na/ sto/maiH kra/tuM na/ bhadra/M
4.10.1d hRdispR/sham / Rdhyaa/maa ta o/haiH
4.10.2a a/dhaa hy a\gne kra/tor bhadra/sya da/kSasya saadho/H
4.10.2d rathii/r Rta/sya bRhato/ babhuu/tha
4.10.3a ebhi/r no arkai/r bha/vaa no arvaa/~N sva\r Na/ jyo/tiH
4.10.3d a/gne vi/shvebhiH suma/naa a/niikaiH
4.10.4a aabhi/S Te adya/ giirbhi/r gRNa/nto/ .agne daa/shema
4.10.4d pra/ te divo/ na/ stanayanti shu/SmaaH
4.10.5a ta/va svaa/diSThaa/gne sa/MdRSTir idaa/ cid a/hna idaa/ cid akto/H
4.10.5e shriye/ rukmo/ na/ rocata upaake/
4.10.6a ghRta/M na/ puuta/M tanuu/r arepaa/H shu/ci hi/raNyam
4.10.6d ta/t te rukmo/ na/ rocata svadhaavaH
4.10.7a kRta/M cid dhi/ Smaa sa/nemi dve/So/ .agna ino/Si \!\
4.10.7d ma/rtaat \!\ / itthaa/ ya/jamaanaad RtaavaH
4.10.8a shivaa/ naH sakhyaa/ sa/ntu bhraatraa/gne deve/Su yuSme/
4.10.8d saa/ no naa/bhiH sa/dane sa/sminn uu/dhan
4.11.1a bhadra/M te agne sahasinn a/niikam upaaka/ aa/ rocate suu/ryasya
4.11.1c ru/shad dRshe/ dadRshe naktayaa/ cid a/ruukSitaM dRsha/ aa/ ruupe/ a/nnam
4.11.2a vi/ Saahy agne gRNate/ maniiSaa/M kha/M ve/pasaa tuvijaata sta/vaanaH
4.11.2c vi/shvebhir ya/d vaava/naH shukra devai/s ta/n no raasva sumaho bhuu/ri ma/nma
4.11.3a tva/d agne kaa/vyaa tva/n maniiSaa/s tva/d ukthaa/ jaayante raa/dhyaani
4.11.3c tva/d eti dra/viNaM viira/peshaa itthaa/dhiye daashu/Se ma/rtyaaya
4.11.4a tva/d vaajii/ vaajambharo/ vi/haayaa abhiSTikR/j jaayate satya/shuSmaH
4.11.4c tva/d rayi/r deva/juuto mayobhu/s tva/d aashu/r juujuvaa/M+ agne a/rvaa
4.11.5a tvaa/m agne prathama/M devaya/nto deva/m ma/rtaa amRta mandra/jihvam
4.11.5c dveSoyu/tam aa/ vivaasanti dhiibhi/r da/muunasaM gRha/patim a/muuram
4.11.6a aare/ asma/d a/matim aare/ a/M+ha aare/ vi/shvaaM durmati/M ya/n nipaa/si
4.11.6c doSaa/ shiva/H sahasaH suuno agne ya/M deva/ aa/ cit sa/case svasti/
4.12.1a ya/s tvaa/m agna ina/dhate yata/sruk tri/s te a/nnaM kRNa/vat sa/sminn a/han
4.12.1c sa/ su/ dyumnai/r abhy a\stu prasa/kSat ta/va kra/tvaa jaatavedash cikitvaa/n
4.12.2a idhma/M ya/s te jabha/rac chashramaaNo/ maho/ agne a/niikam aa/ saparya/n
4.12.2c sa/ idhaana/H pra/ti doSaa/m uSaa/sam pu/Syan rayi/M sacate ghna/nn ami/traan
4.12.3a agni/r iishe bRhata/H kSatri/yasyaagni/r vaa/jasya parama/sya raaya/H
4.12.3c da/dhaati ra/tnaM vidhate/ ya/viSTho vy aaaa\nuSa/~N ma/rtyaaya svadhaa/vaan
4.12.4a ya/c cid dhi/ te puruSatraa/ yaviSThaa/cittibhish cakRmaa/ ka/c cid aa/gaH
4.12.4c kRdhii/ Sv a\smaa/M+ a/diter a/naagaan vy e/naaM+si shishratho vi/Svag agne
4.12.5a maha/sh cid agna e/naso abhii/ka uurvaa/d devaa/naam uta/ ma/rtyaanaam
4.12.5c maa/ te sa/khaayaH sa/dam i/d riSaama ya/chaa tokaa/ya ta/nayaaya sha/M yo/H
4.12.6a ya/thaa ha tya/d vasavo gaurya\M cit padi/ Sitaa/m a/mu~ncataa yajatraaH
4.12.6c evo/ Sv a\sma/n mu~ncataa vy a/M+haH pra/ taary agne pratara/M na aa/yuH
4.13.1a pra/ty agni/r uSa/saam a/gram akhyad vibhaatiinaa/M suma/naa ratnadhe/yam
4.13.1c yaata/m ashvinaa sukR/to duroNa/m u/t suu/ryo jyo/tiSaa deva/ eti
4.13.2a uurdhva/m bhaanu/M savitaa/ devo/ ashred drapsa/M da/vidhvad gaviSo/ na/ sa/tvaa
4.13.2c a/nu vrata/M va/ruNo yanti mitro/ ya/t suu/ryaM divy aaaa\roha/yanti
4.13.3a ya/M siim a/kRNvan ta/mase vipR/ce dhruva/kSemaa a/navasyanto a/rtham
4.13.3c ta/M suu/ryaM hari/taH sapta/ yahvii/ spa/shaM vi/shvasya ja/gato vahanti
4.13.4a va/hiSThebhir viha/ran yaasi ta/ntum avavya/yann a/sitaM deva va/sma
4.13.4c da/vidhvato rashma/yaH suu/ryasya ca/rmevaa/vaadhus ta/mo apsv a\nta/H
4.13.5a a/naayato a/nibaddhaH kathaa/ya/M nya\~N~N uttaano/ .ava padyate na/
4.13.5c ka/yaa yaati svadha/yaa ko/ dadarsha diva/ skambha/H sa/mRtaH paati naa/kam
4.14.1a pra/ty agni/r uSa/so jaata/vedaa a/khyad devo/ ro/camaanaa ma/hobhiH
4.14.1c aa/ naasatyorugaayaa/ ra/thenema/M yaj~na/m u/pa no yaatam a/cha
4.14.2a uurdhva/M ketu/M savitaa/ devo/ ashrej jyo/tir vi/shvasmai bhu/vanaaya kRNva/n
4.14.2c aa/praa dyaa/vaapRthivii/ anta/rikSaM vi/ suu/ryo rashmi/bhish ce/kitaanaH
4.14.3a aava/hanty aruNii/r jyo/tiSaa/gaan mahii/ citraa/ rashmi/bhish ce/kitaanaa
4.14.3c prabodha/yantii suvitaa/ya devy u\Saa/ iiyate suyu/jaa ra/thena
4.14.4a aa/ vaaM va/hiSThaa iha/ te/ vahantu ra/thaa a/shvaasa uSa/so vyu\STau
4.14.4c ime/ hi/ vaam madhupe/yaaya so/maa asmi/n yaj~ne/ vRSaNaa maadayethaam
4.14.5a a/naayato a/nibaddhaH kathaa/ya/M nya\~N~N uttaano/ .ava padyate na/
4.14.5c \!\ ka/yaa yaati svadha/yaa ko/ dadarsha diva/ skambha/H sa/mRtaH paati naa/kam // \!\
4.15.1a agni/r ho/taa no adhvare/ vaajii/ sa/n pa/ri Niiyate
4.15.1c devo/ deve/Su yaj~ni/yaH
4.15.2a pa/ri triviSTy a\dhvara/M yaa/ty agnii/ rathii/r iva
4.15.2c aa/ deve/Su pra/yo da/dhat
4.15.3a pa/ri vaa/japatiH kavi/r agni/r havyaa/ny akramiit
4.15.3c da/dhad ra/tnaani daashu/Se
4.15.4a aya/M ya/H sR/~njaye puro/ daivavaate/ samidhya/te
4.15.4c dyumaa/M+ amitrada/mbhanaH
4.15.5a a/sya ghaa viira/ ii/vato .agne/r iishiita ma/rtyaH
4.15.5c tigma/jambhasya miiLhu/SaH
4.15.6a ta/m a/rvantaM na/ saanasi/m aruSa/M na/ diva/H shi/shum
4.15.6c marmRjya/nte dive/-dive
4.15.7a bo/dhad ya/n maa ha/ribhyaaM kumaara/H saahadevya/H
4.15.7c a/chaa na/ huuta/ u/d aram
4.15.8a uta/ tyaa/ yajataa/ ha/rii kumaaraa/t saahadevyaa/t
4.15.8c pra/yataa sadya/ aa/ dade
4.15.9a eSa/ vaaM devaav ashvinaa kumaara/H saahadevya/H
4.15.9c diirghaa/yur astu so/makaH
4.15.10a ta/M yuva/M devaav ashvinaa kumaara/M saahadevya/m
4.15.10c diirghaa/yuSaM kRNotana
4.16.1a aa/ satyo/ yaatu magha/vaaM+ RjiiSii/ dra/vantv asya ha/raya u/pa naH
4.16.1c ta/smaa i/d a/ndhaH suSumaa suda/kSam ihaa/bhipitva/M karate gRNaana/H
4.16.2a a/va sya shuuraa/dhvano naa/nte .asmi/n no adya/ sa/vane manda/dhyai
4.16.2c sha/M+saaty uktha/m usha/neva vedhaa/sh cikitu/Se asuryaaaa\ya ma/nma
4.16.3a kavi/r na/ niNya/M vida/thaani saa/dhan vR/Saa ya/t se/kaM vipipaano/ a/rcaat
4.16.3c diva/ itthaa/ jiijanat sapta/ kaaruu/n a/hnaa cic cakrur vayu/naa gRNa/ntaH
4.16.4a sva\r ya/d ve/di sudR/shiikam arkai/r ma/hi jyo/tii rurucur ya/d dha va/stoH
4.16.4c andhaa/ ta/maaM+si du/dhitaa vica/kSe nR/bhyash cakaara nR/tamo abhi/STau
4.16.5a vavakSa/ i/ndro a/mitam RjiiSy u\bhe/ aa/ paprau ro/dasii mahitvaa/
4.16.5c a/tash cid asya mahimaa/ vi/ recy abhi/ yo/ vi/shvaa bhu/vanaa babhuu/va
4.16.6a vi/shvaani shakro/ na/ryaaNi vidvaa/n apo/ rireca sa/khibhir ni/kaamaiH
4.16.6c a/shmaanaM cid ye/ bibhidu/r va/cobhir vraja/M go/mantam ushi/jo vi/ vavruH
4.16.7a apo/ vRtra/M vavrivaa/M+sam pa/raahan praa/vat te va/jram pRthivii/ sa/cetaaH
4.16.7c praa/rNaaM+si samudri/yaaNy ainoH pa/tir bha/va~n cha/vasaa shuura dhRSNo
4.16.8a apo/ ya/d a/drim puruhuuta da/rdar aavi/r bhuvat sara/maa puurvya/M te
4.16.8c sa/ no netaa/ vaa/jam aa/ darSi bhuu/riM gotraa/ ruja/nn a/~Ngirobhir gRNaana/H
4.16.9a a/chaa kavi/M nRmaNo gaa abhi/STau sva\rSaataa maghavan naa/dhamaanam
4.16.9c uuti/bhis ta/m iSaNo dyumna/huutau ni/ maayaa/vaan a/brahmaa da/syur arta
4.16.10a aa/ dasyughnaa/ ma/nasaa yaahy a/stam bhu/vat te ku/tsaH sakhye/ ni/kaamaH
4.16.10c sve/ yo/nau ni/ SadataM sa/ruupaa vi/ vaaM cikitsad Rtaci/d dha naa/rii
4.16.11a yaa/si ku/tsena sara/tham avasyu/s todo/ vaa/tasya ha/ryor ii/shaanaH
4.16.11c Rjraa/ vaa/jaM na/ ga/dhyaM yu/yuuSan kavi/r ya/d a/han paa/ryaaya bhuu/Saat
4.16.12a ku/tsaaya shu/SNam ashu/SaM ni/ barhiiH prapitve/ a/hnaH ku/yavaM saha/sraa
4.16.12c sadyo/ da/syuun pra/ mRNa kutsye/na pra/ suu/rash cakra/M vRhataad abhii/ke
4.16.13a tva/m pi/prum mR/gayaM shuushuvaa/M+sam Rji/shvane vaidathinaa/ya randhiiH
4.16.13c pa~ncaasha/t kRSNaa/ ni/ vapaH saha/sraa/tkaM na/ pu/ro jarimaa/ vi/ dardaH
4.16.14a suu/ra upaake/ tanva\M da/dhaano vi/ ya/t te ce/ty amR/tasya va/rpaH
4.16.14c mRgo/ na/ hastii/ ta/viSiim uSaaNa/H siM+ho/ na/ bhiima/ aa/yudhaani bi/bhrat
4.16.15a i/ndraM kaa/maa vasuuya/nto agman sva\rmiiLhe na/ sa/vane cakaanaa/H
4.16.15c shravasya/vaH shashamaanaa/sa ukthai/r o/ko na/ raNvaa/ sudR/shiiva puSTi/H
4.16.16a ta/m i/d va i/ndraM suha/vaM huvema ya/s taa/ cakaa/ra na/ryaa puruu/Ni
4.16.16c yo/ maa/vate jaritre/ ga/dhyaM cin makSuu/ vaa/jam bha/rati spaarha/raadhaaH
4.16.17a tigmaa/ ya/d anta/r asha/niH pa/taati ka/smi~n cic chuura muhuke/ ja/naanaam
4.16.17c ghoraa/ ya/d arya sa/mRtir bha/vaaty a/dha smaa nas tanvo\ bodhi gopaa/H
4.16.18a bhu/vo .avitaa/ vaama/devasya dhiinaa/m bhu/vaH sa/khaavRko/ vaa/jasaatau
4.16.18c tvaa/m a/nu pra/matim aa/ jaganmorusha/Mso jaritre/ vishva/dha syaaH
4.16.19a ebhi/r nR/bhir indra tvaayu/bhiS Tvaa magha/vadbhir maghavan vi/shva aajau/
4.16.19c dyaa/vo na/ dyumnai/r abhi/ sa/nto arya/H kSapo/ madema shara/dash ca puurvii/H
4.16.20a eve/d i/ndraaya vRSabhaa/ya vR/SNe bra/hmaakarma bhR/gavo na/ ra/tham
4.16.20c nuu/ cid ya/thaa naH sakhyaa/ viyo/Sad a/san na ugro\ .avitaa/ tanuupaa/H
4.16.21a nuu/ STuta/ indra nuu/ gRNaana/ i/SaM jaritre/ nadyo\ na/ piipeH
4.16.21c a/kaari te harivo bra/hma na/vyaM dhiyaa/ syaama rathya\H sadaasaa/H
4.17.1a tva/m mahaa/M+ indra tu/bhyaM ha kSaa/ a/nu kSatra/m maM+ha/naa manyata dyau/H
4.17.1c tva/M vRtra/M sha/vasaa jaghanvaa/n sRja/H si/ndhuuM+r a/hinaa jagrasaanaa/n
4.17.2a ta/va tviSo/ ja/niman rejata dyau/ re/jad bhuu/mir bhiya/saa sva/sya manyo/H
4.17.2c Rghaaya/nta subhva\H pa/rvataasa aa/rdan dha/nvaani sara/yanta aa/paH
4.17.3a bhina/d giri/M sha/vasaa va/jram iSNa/nn aaviSkRNvaana/H sahasaana/ o/jaH
4.17.3c va/dhiid vRtra/M va/jreNa mandasaana/H sa/rann aa/po ja/vasaa hata/vRSNiiH
4.17.4a suvii/ras te janitaa/ manyata dyau/r i/ndrasya kartaa/ sva/pastamo bhuut
4.17.4c ya/ iiM jajaa/na svarya\M suva/jram a/napacyutaM sa/daso na/ bhuu/ma
4.17.5a ya/ e/ka i/c cyaava/yati pra/ bhuu/maa raa/jaa kRSTiinaa/m puruhuuta/ i/ndraH
4.17.5c satya/m enam a/nu vi/shve madanti raati/M deva/sya gRNato/ magho/naH
4.17.6a satraa/ so/maa abhavann asya vi/shve satraa/ ma/daaso bRhato/ ma/diSThaaH
4.17.6c satraa/bhavo va/supatir va/suunaaM da/tre vi/shvaa adhithaa indra kRSTii/H
4.17.7a tva/m a/dha prathama/M jaa/yamaano/ .ame vi/shvaa adhithaa indra kRSTii/H
4.17.7c tva/m pra/ti prava/ta aasha/yaanam a/hiM va/jreNa maghavan vi/ vRshcaH
4.17.8a satraaha/NaM daa/dhRSiM tu/mram i/ndram mahaa/m apaara/M vRSabha/M suva/jram
4.17.8c ha/ntaa yo/ vRtra/M sa/nitota/ vaa/jaM daa/taa maghaa/ni magha/vaa suraa/dhaaH
4.17.9a aya/M vR/tash caatayate samiicii/r ya/ aaji/Su magha/vaa shRNva/ e/kaH
4.17.9c aya/M vaa/jam bharati ya/M sano/ty asya/ priyaa/saH sakhye/ syaama
4.17.10a aya/M shRNve a/dha ja/yann uta/ ghna/nn aya/m uta/ pra/ kRNute yudhaa/ gaa/H
4.17.10c yadaa/ satya/M kRNute/ manyu/m i/ndro vi/shvaM dRLha/m bhayata e/jad asmaat
4.17.11a sa/m i/ndro gaa/ ajayat sa/M hi/raNyaa sa/m ashviyaa/ magha/vaa yo/ ha puurvii/H
4.17.11c ebhi/r nR/bhir nR/tamo asya shaakai/ raayo/ vibhaktaa/ sambhara/sh ca va/svaH
4.17.12a ki/yat svid i/ndro a/dhy eti maatu/H ki/yat pitu/r janitu/r yo/ jajaa/na
4.17.12c yo/ asya shu/Smam muhukai/r i/yarti vaa/to na/ juuta/ stana/yadbhir abhrai/H
4.17.13a kSiya/ntaM tvam a/kSiyantaM kRNotii/yarti reNu/m magha/vaa samo/ham
4.17.13c vibha~njanu/r asha/nimaaM+ iva dyau/r uta/ stotaa/ram magha/vaa va/sau dhaat
4.17.14a aya/M cakra/m iSaNat suu/ryasya ny e/tashaM riiramat sasRmaaNa/m
4.17.14c aa/ kRSNa/ iiM juhuraaNo/ jigharti tvaco/ budhne/ ra/jaso asya/ yo/nau
4.17.15a a/siknyaaM ya/jamaano na/ ho/taa
4.17.16a gavya/nta i/ndraM sakhyaa/ya vi/praa ashvaaya/nto vR/SaNaM vaaja/yantaH
4.17.16c janiiya/nto janidaa/m a/kSitotim aa/ cyaavayaamo .avate/ na/ ko/sham
4.17.17a traataa/ no bodhi da/dRshaana aapi/r abhikhyaataa/ marDitaa/ somyaa/naam
4.17.17c sa/khaa pitaa/ pitR/tamaH pitRRNaa/M ka/rtem uloka/m ushate/ vayodhaa/H
4.17.18a sakhiiyataa/m avitaa/ bodhi sa/khaa gRNaana/ indra stuvate/ va/yo dhaaH
4.17.18c vaya/M hy aa/ te cakRmaa/ sabaa/dha aabhi/H sha/miibhir maha/yanta indra
4.17.19a stuta/ i/ndro magha/vaa ya/d dha vRtraa/ bhuu/riiNy e/ko apratii/ni hanti
4.17.19c asya/ priyo/ jaritaa/ ya/sya sha/rman na/kir devaa/ vaara/yante na/ ma/rtaaH
4.17.20a evaa/ na i/ndro magha/vaa virapshii/ ka/rat satyaa/ carSaNiidhR/d anarvaa/
4.17.20c tva/M raa/jaa janu/SaaM dhehy asme/ a/dhi shra/vo maa/hinaM ya/j jaritre/
4.17.21a nuu/ STuta/ indra nuu/ gRNaana/ i/SaM jaritre/ nadyo\ na/ piipeH
4.17.21c a/kaari te harivo bra/hma na/vyaM dhiyaa/ syaama rathya\H sadaasaa/H
4.18.1a aya/m pa/nthaa a/nuvittaH puraaNo/ ya/to devaa/ uda/jaayanta vi/shve
4.18.1c a/tash cid aa/ janiSiiSTa pra/vRddho maa/ maata/ram amuyaa/ pa/ttave kaH
4.18.2a naa/ha/m a/to ni/r ayaa durga/haita/t tirashca/taa paarshvaa/n ni/r gamaaNi
4.18.2c bahuu/ni me a/kRtaa ka/rtvaani yu/dhyai tvena sa/M tvena pRchai
4.18.3a paraayatii/m maata/ram a/nv acaSTa na/ naa/nu gaany a/nu nuu/ gamaani
4.18.3c tva/STur gRhe/ apibat so/mam i/ndraH shatadhanya\M camvo\H suta/sya
4.18.4a ki/M sa/ R/dhak kRNavad ya/M saha/sram maaso/ jabhaa/ra shara/dash ca puurvii/H
4.18.4c nahii/ nv a\sya pratimaa/nam a/sty anta/r jaate/Suuta/ ye/ ja/nitvaaH
4.18.5a avadya/m iva ma/nyamaanaa gu/haakar i/ndram maataa/ viirye\Naa nyR\STam
4.18.5c a/tho/d asthaat svaya/m a/tkaM va/saana aa/ ro/dasii apRNaaj jaa/yamaanaH
4.18.6a etaa/ arSanty alalaabha/vantiir Rtaa/variir iva saMkro/shamaanaaH
4.18.6c etaa/ vi/ pRcha ki/m ida/m bhananti ka/m aa/po a/drim paridhi/M rujanti
4.18.7a ki/m u Svid asmai nivi/do bhanante/ndrasyaavadya/M didhiSanta aa/paH
4.18.7c ma/maitaa/n putro/ mahataa/ vadhe/na vRtra/M jaghanvaa/M+ asRjad vi/ si/ndhuun
4.18.8a ma/mac cana/ tvaa yuvati/H paraa/sa ma/mac cana/ tvaa kuSa/vaa jagaa/ra
4.18.8c ma/mac cid aa/paH shi/shave mamRDyur ma/mac cid i/ndraH sa/haso/d atiSThat
4.18.9a ma/mac cana/ te maghavan vya\M+so nivividhvaa/M+ a/pa ha/nuu jaghaa/na
4.18.9c a/dhaa ni/viddha u/ttaro babhuuvaa/~n chi/ro daasa/sya sa/m piNag vadhe/na
4.18.10a gRSTi/H sasuuva stha/viraM tavaagaa/m anaadhRSya/M vRSabha/M tu/mram i/ndram
4.18.10c a/riiLhaM vatsa/M cara/thaaya maataa/ svaya/M gaatu/M tanva\ icha/maanam
4.18.11a uta/ maataa/ mahiSa/m a/nv avenad amii/ tvaa jahati putra devaa/H
4.18.11c a/thaabraviid vRtra/m i/ndro haniSya/n sa/khe viSNo vitara/M vi/ kramasva
4.18.12a ka/s te maata/raM vidha/vaam acakrac chayu/M ka/s tvaa/m ajighaaM+sac ca/rantam
4.18.12c ka/s te devo/ a/dhi maarDiika/ aasiid ya/t praa/kSiNaaH pita/ram paadagR/hya
4.18.13a a/vartyaa shu/na aantraa/Ni pece na/ deve/Su vivide marDitaa/ram
4.18.13c a/pashyaM jaayaa/m a/mahiiyamaanaam a/dhaa me shyeno/ ma/dhv aa/ jabhaara
4.19.1a evaa/ tvaa/m indra vajrinn a/tra vi/shve devaa/saH suha/vaasa uu/maaH
4.19.1c mahaa/m ubhe/ ro/dasii vRddha/m RSva/M ni/r e/kam i/d vRNate vRtraha/tye
4.19.2a a/vaasRjanta ji/vrayo na/ devaa/ bhu/vaH samraa/L indra satya/yoniH
4.19.2c a/hann a/him parisha/yaanam a/rNaH pra/ vartanii/r arado vishva/dhenaaH
4.19.3a a/tRpNuvantaM vi/yatam abudhya/m a/budhyamaanaM suSupaaNa/m indra
4.19.3c sapta/ pra/ti prava/ta aasha/yaanam a/hiM va/jreNa vi/ riNaa aparva/n
4.19.4a a/kSodayac cha/vasaa kSaa/ma budhna/M vaa/r Na/ vaa/tas ta/viSiibhir i/ndraH
4.19.4c dRLhaa/ny aubhnaad usha/maana o/jo/ .avaabhinat kaku/bhaH pa/rvataanaam
4.19.5a abhi/ pra/ dadrur ja/nayo na/ ga/rbhaM ra/thaa iva pra/ yayuH saaka/m a/drayaH
4.19.5c a/tarpayo visR/ta ubja/ uurmii/n tva/M vRtaa/M+ ariNaa indra si/ndhuun
4.19.6a tva/m mahii/m ava/niM vishva/dhenaaM turvii/taye vayyaaaa\ya kSa/rantiim
4.19.6c a/ramayo na/masai/jad a/rNaH sutaraNaa/M+ akRNor indra si/ndhuun
4.19.7a praa/gru/vo nabhanvo\ na/ va/kvaa dhvasraa/ apinvad yuvatii/r Rtaj~naa/H
4.19.7c dha/nvaany a/jraaM+ apRNak tRSaaNaa/M+ a/dhog i/ndra staryo\ da/MsupatniiH
4.19.8a puurvii/r uSa/saH shara/dash ca guurtaa/ vRtra/M jaghanvaa/M+ asRjad vi/ si/ndhuun
4.19.8c pa/riSThitaa atRNad badbadhaanaa/H siiraa/ i/ndraH sra/vitave pRthivyaa/
4.19.9a vamrii/bhiH putra/m agru/vo adaana/M nive/shanaad dhariva aa/ jabhartha
4.19.9c vy a\ndho/ akhyad a/him aadadaano/ ni/r bhuud ukhachi/t sa/m aranta pa/rva
4.19.10a pra/ te puu/rvaaNi ka/raNaani vipraavidvaa/M+ aaha vidu/Se ka/raaMsi
4.19.10c ya/thaa-yathaa vR/SNyaani sva/guurtaa/paaM+si raajan na/ryaa/viveSiiH
4.19.11a nuu/ STuta/ indra nuu/ gRNaana/ i/SaM jaritre/ nadyo\ na/ piipeH
4.19.11c a/kaari te harivo bra/hma na/vyaM dhiyaa/ syaama rathya\H sadaasaa/H
4.20.1a aa/ na i/ndro duuraa/d aa/ na aasaa/d abhiSTikR/d a/vase yaasad ugra/H
4.20.1c o/jiSThebhir nRpa/tir va/jrabaahuH saMge/ sama/tsu turva/NiH pRtanyuu/n
4.20.2a aa/ na i/ndro ha/ribhir yaatv a/chaarvaaciino/ .avase raa/dhase ca
4.20.2c ti/SThaati vajrii/ magha/vaa virapshii/ma/M yaj~na/m a/nu no vaa/jasaatau
4.20.3a ima/M yaj~na/M tva/m asmaa/kam indra puro/ da/dhat saniSyasi kra/tuM naH
4.20.3c shvaghnii/va vajrin sana/ye dha/naanaaM tva/yaa vaya/m arya/ aaji/M jayema
4.20.4a usha/nn u Su/ NaH suma/naa upaake/ so/masya nu/ su/Sutasya svadhaavaH
4.20.4c paa/ indra pra/tibhRtasya ma/dhvaH sa/m a/ndhasaa mamadaH pRSThye\na
4.20.5a vi/ yo/ rarapsha/ R/Sibhir na/vebhir vRkSo/ na/ pakva/H sR/Nyo na/ je/taa
4.20.5c ma/ryo na/ yo/Saam abhi/ ma/nyamaano/ .achaa vivakmi puruhuuta/m i/ndram
4.20.6a giri/r na/ ya/H sva/tavaaM+ RSva/ i/ndraH sanaa/d eva/ sa/hase jaata/ ugra/H
4.20.6c aa/dartaa va/jraM stha/viraM na/ bhiima/ udne/va ko/shaM va/sunaa nyR\STam
4.20.7a na/ ya/sya vartaa/ janu/Saa nv a/sti na/ raa/dhasa aamariitaa/ magha/sya
4.20.7c udvaavRSaaNa/s taviSiiva ugraasma/bhyaM daddhi puruhuuta raaya/H
4.20.8a ii/kSe raaya/H kSa/yasya carSaNiinaa/m uta/ vraja/m apavartaa/si go/naam
4.20.8c shikSaanara/H samithe/Su prahaa/vaan va/svo raashi/m abhinetaa/si bhuu/rim
4.20.9a ka/yaa ta/c chRNve sha/cyaa sha/ciSTho ya/yaa kRNo/ti mu/hu kaa/ cid RSva/H
4.20.9c puru/ daashu/Se vi/cayiSTho a/M+ho/ .athaa dadhaati dra/viNaM jaritre/
4.20.10a maa/ no mardhiir aa/ bharaa daddhi/ ta/n naH pra/ daashu/Se daa/tave bhuu/ri ya/t te
4.20.10c na/vye deSNe/ shaste/ asmi/n ta ukthe/ pra/ bravaama vaya/m indra stuva/ntaH
4.20.11a nuu/ STuta/ indra nuu/ gRNaana/ i/SaM jaritre/ nadyo\ na/ piipeH
4.20.11c a/kaari te harivo bra/hma na/vyaM dhiyaa/ syaama rathya\H sadaasaa/H
4.21.1a aa/ yaatv i/ndro/ .avasa u/pa na iha/ stuta/H sadhamaa/d astu shuu/raH
4.21.1c vaavRdhaana/s ta/viSiir ya/sya puurvii/r dyau/r na/ kSatra/m abhi/bhuuti pu/Syaat
4.21.2a ta/sye/d iha/ stavatha vR/SNyaani tuvidyumna/sya tuviraa/dhaso nRR/n
4.21.2c ya/sya kra/tur vidathyo\ na/ samraa/T saahvaa/n ta/rutro abhy a/sti kRSTii/H
4.21.3a aa/ yaatv i/ndro diva/ aa/ pRthivyaa/ makSuu/ samudraa/d uta/ vaa pu/riiSaat
4.21.3c sva\rNaraad a/vase no maru/tvaan paraava/to vaa sa/danaad Rta/sya
4.21.4a sthuura/sya raayo/ bRhato/ ya/ ii/she ta/m u STavaama vida/theSv i/ndram
4.21.4c yo/ vaayu/naa ja/yati go/matiiSu pra/ dhRSNuyaa/ na/yati va/syo a/cha
4.21.5a u/pa yo/ na/mo na/masi stabhaaya/nn i/yarti vaa/caM jana/yan ya/jadhyai
4.21.5c R~njasaana/H puruvaa/ra ukthai/r e/ndraM kRNviita sa/daneSu ho/taa
4.21.6a dhiSaa/ ya/di dhiSaNya/ntaH saraNyaa/n sa/danto a/drim aushija/sya go/he
4.21.6c aa/ duro/SaaH paastya/sya ho/taa yo/ no mahaa/n saMva/raNeSu va/hniH
4.21.7a satraa/ ya/d iim bhaarvara/sya vR/SNaH si/Sakti shu/Sma stuvate/ bha/raaya
4.21.7c gu/haa ya/d iim aushija/sya go/he pra/ ya/d dhiye/ praa/yase ma/daaya
4.21.8a vi/ ya/d va/raaM+si pa/rvatasya vRNve/ pa/yobhir jinve/ apaa/M ja/vaaM+si
4.21.8c vida/d gaura/sya gavaya/sya go/he ya/dii vaa/jaaya sudhyo\ va/hanti
4.21.9a bhadraa/ te ha/staa su/kRtota/ paaNii/ prayantaa/raa stuvate/ raa/dha indra
4.21.9c kaa/ te ni/SattiH ki/m u no/ mamatsi ki/M no/d-ud u harSase daa/tavaa/ u
4.21.10a evaa/ va/sva i/ndraH satya/H samraa/D Dha/ntaa vRtra/M va/rivaH puura/ve kaH
4.21.10c pu/ruSTuta kra/tvaa naH shagdhi raayo/ bhakSiiya/ te/ .avaso dai/vyasya
4.21.11a nuu/ STuta/ indra nuu/ gRNaana/ i/SaM jaritre/ nadyo\ na/ piipeH
4.21.11c a/kaari te harivo bra/hma na/vyaM dhiyaa/ syaama rathya\H sadaasaa/H
4.22.1a ya/n na i/ndro jujuSe/ ya/c ca va/STi ta/n no mahaa/n karati shuSmy aa/ cit
4.22.1c bra/hma sto/mam magha/vaa so/mam ukthaa/ yo/ a/shmaanaM sha/vasaa bi/bhrad e/ti
4.22.2a vR/Saa vR/SandhiM ca/turashrim a/syann ugro/ baahu/bhyaaM nR/tamaH sha/ciivaan
4.22.2c shriye/ pa/ruSNiim uSa/maaNa uu/rNaaM ya/syaaH pa/rvaaNi sakhyaa/ya vivye/
4.22.3a yo/ devo/ deva/tamo jaa/yamaano maho/ vaa/jebhir maha/dbhish ca shu/SmaiH
4.22.3c da/dhaano va/jram baahvo/r usha/ntaM dyaa/m a/mena rejayat pra/ bhuu/ma
4.22.4a vi/shvaa ro/dhaaM+si prava/tash ca puurvii/r dyau/r RSvaa/j ja/niman rejata kSaa/H
4.22.4c aa/ maata/raa bha/rati shuSmy aa/ go/r nRva/t pa/rijman nonuvanta vaa/taaH
4.22.5a taa/ tuu/ ta indra mahato/ mahaa/ni vi/shveSv i/t sa/vaneSu pravaa/cyaa
4.22.5c ya/c chuura dhRSNo dhRSataa/ dadhRSvaa/n a/hiM va/jreNa sha/vasaa/viveSiiH
4.22.6a taa/ tuu/ te satyaa/ tuvinRmNa vi/shvaa pra/ dhena/vaH sisrate vR/SNa uu/dhnaH
4.22.6c a/dhaa ha tva/d vRSamaNo bhiyaanaa/H pra/ si/ndhavo ja/vasaa cakramanta
4.22.7a a/traa/ha te harivas taa/ u devii/r a/vobhir indra stavanta sva/saaraH
4.22.7c ya/t siim a/nu pra/ muco/ badbadhaanaa/ diirghaa/m a/nu pra/sitiM syandaya/dhyai
4.22.8a pipiiLe/ aM+shu/r ma/dyo na/ si/ndhur aa/ tvaa sha/mii shashamaana/sya shakti/H
4.22.8c asmadrya\k chushucaana/sya yamyaa aashu/r na/ rashmi/M tuvyo/jasaM go/H
4.22.9a asme/ va/rSiSThaa kRNuhi jye/SThaa nRmNaa/ni satraa/ sahure sa/haaM+si
4.22.9c asma/bhyaM vRtraa/ suha/naani randhi jahi/ va/dhar vanu/So ma/rtyasya
4.22.10a asmaa/kam i/t su/ shRNuhi tva/m indraasma/bhyaM citraa/M+ u/pa maahi vaa/jaan
4.22.10c asma/bhyaM vi/shvaa iSaNaH pu/raMdhiir asmaa/kaM su/ maghavan bodhi godaa/H
4.22.11a nuu/ STuta/ indra nuu/ gRNaana/ i/SaM jaritre/ nadyo\ na/ piipeH
4.22.11c a/kaari te harivo bra/hma na/vyaM dhiyaa/ syaama rathya\H sadaasaa/H
4.23.1a kathaa/ mahaa/m avRdhat ka/sya ho/tur yaj~na/M juSaaNo/ abhi/ so/mam uu/dhaH
4.23.1c pi/bann ushaano/ juSa/maaNo a/ndho vavakSa/ RSva/H shucate/ dha/naaya
4.23.2a ko/ asya viira/H sadhamaa/dam aapa sa/m aanaM+sha sumati/bhiH ko/ asya
4.23.2c ka/d asya citra/M cikite ka/d uutii/ vRdhe/ bhuvac chashamaana/sya ya/jyoH
4.23.3a kathaa/ shRNoti huuya/maanam i/ndraH kathaa/ shRNva/nn a/vasaam asya veda
4.23.3c kaa/ asya puurvii/r u/pamaatayo ha kathai/nam aahuH pa/puriM jaritre/
4.23.4a kathaa/ sabaa/dhaH shashamaano/ asya na/shad abhi/ dra/viNaM dii/dhyaanaH
4.23.4c devo/ bhuvan na/vedaa ma Rtaa/naaM na/mo jagRbhvaa/M+ abhi/ ya/j ju/joSat
4.23.5a kathaa/ ka/d asyaa/ uSa/so vyu\STau devo/ ma/rtasya sakhya/M jujoSa
4.23.5c kathaa/ ka/d asya sakhya/M sa/khibhyo ye/ asmin kaa/maM suyu/jaM tatasre/
4.23.6a ki/m aa/d a/matraM sakhya/M sa/khibhyaH kadaa/ nu/ te bhraatra/m pra/ bravaama
4.23.6c shriye/ sudR/sho va/pur asya sa/rgaaH sva\r Na/ citra/tamam iSa aa/ go/H
4.23.7a dru/haM ji/ghaaM+san dhvara/sam anindraa/M te/tikte tigmaa/ tuja/se a/niikaa
4.23.7c RNaa/ cid ya/tra RNayaa/ na ugro/ duure/ a/j~naataa uSa/so babaadhe/
4.23.8a Rta/sya hi/ shuru/dhaH sa/nti puurvii/r Rta/sya dhiiti/r vRjinaa/ni hanti
4.23.8c Rta/sya shlo/ko badhiraa/ tatarda ka/rNaa budhaana/H shuca/maana aayo/H
4.23.9a Rta/sya dRLhaa/ dharu/Naani santi puruu/Ni candraa/ va/puSe va/puuM+Si
4.23.9c Rte/na diirgha/m iSaNanta pR/kSa Rte/na gaa/va Rta/m aa/ viveshuH
4.23.10a Rta/M yemaana/ Rta/m i/d vanoty Rta/sya shu/Smas turayaa/ u gavyu/H
4.23.10c Rtaa/ya pRthvii/ bahule/ gabhiire/ Rtaa/ya dhenuu/ parame/ duhaate
4.23.11a nuu/ STuta/ indra nuu/ gRNaana/ i/SaM jaritre/ nadyo\ na/ piipeH
4.23.11c a/kaari te harivo bra/hma na/vyaM dhiyaa/ syaama rathya\H sadaasaa/H
4.24.1a kaa/ suSTuti/H sha/vasaH suunu/m i/ndram arvaaciina/M raa/dhasa aa/ vavartat
4.24.1c dadi/r hi/ viiro/ gRNate/ va/suuni sa/ go/patir niSSi/dhaaM no janaasaH
4.24.2a sa/ vRtraha/tye ha/vyaH sa/ ii/DyaH sa/ su/STuta i/ndraH satya/raadhaaH
4.24.2c sa/ yaa/mann aa/ magha/vaa ma/rtyaaya brahmaNyate/ su/Svaye va/rivo dhaat
4.24.3a ta/m i/n na/ro vi/ hvayante samiike/ ririkvaa/M+sas tanva\H kRNvata traa/m
4.24.3c mitho/ ya/t tyaaga/m ubha/yaaso a/gman na/ras toka/sya ta/nayasya saatau/
4.24.4a kratuuya/nti kSita/yo yo/ga ugraashuSaaNaa/so mitho/ a/rNasaatau
4.24.4c sa/M ya/d vi/sho/ .avavRtranta yudhmaa/ aa/d i/n ne/ma indrayante abhii/ke
4.24.5a aa/d i/d dha ne/ma indriya/M yajanta aa/d i/t pakti/H puroLaa/shaM riricyaat
4.24.5c aa/d i/t so/mo vi/ papRcyaad a/suSviin aa/d i/j jujoSa vRSabha/M ya/jadhyai
4.24.6a kRNo/ty asmai va/rivo ya/ itthe/ndraaya so/mam ushate/ suno/ti
4.24.6c sadhriicii/nena ma/nasaa/vivenan ta/m i/t sa/khaayaM kRNute sama/tsu
4.24.7a ya/ i/ndraaya suna/vat so/mam adya/ pa/caat paktii/r uta/ bhRjjaa/ti dhaanaa/H
4.24.7c pra/ti manaayo/r uca/thaani ha/ryan ta/smin dadhad vR/SaNaM shu/Smam i/ndraH
4.24.8a yadaa/ samarya/M vy a/ced R/ghaavaa diirgha/M ya/d aaji/m abhy a/khyad arya/H
4.24.8c a/cikradad vR/SaNam pa/tny a/chaa duroNa/ aa/ ni/shitaM somasu/dbhiH
4.24.9a bhuu/yasaa vasna/m acarat ka/niiyo/ .avikriito akaaniSam pu/nar ya/n
4.24.9c sa/ bhuu/yasaa ka/niiyo naa/rireciid diinaa/ da/kSaa vi/ duhanti pra/ vaaNa/m
4.24.10a ka/ ima/M dasha/bhir ma/me/ndraM kriiNaati dhenu/bhiH
4.24.10c yadaa/ vRtraa/Ni ja/~Nghanad a/thainam me pu/nar dadat
4.24.11a nuu/ STuta/ indra nuu/ gRNaana/ i/SaM jaritre/ nadyo\ na/ piipeH
4.24.11c a/kaari te harivo bra/hma na/vyaM dhiyaa/ syaama rathya\H sadaasaa/H
4.25.1a ko/ adya/ na/ryo deva/kaama usha/nn i/ndrasya sakhya/M jujoSa
4.25.1c ko/ vaa mahe/ .avase paa/ryaaya sa/middhe agnau/ suta/soma iiTTe
4.25.2a ko/ naanaama va/casaa somyaa/ya manaayu/r vaa bhavati va/sta usraa/H
4.25.2c ka/ i/ndrasya yu/jyaM ka/H sakhitva/M ko/ bhraatra/M vaSTi kava/ye ka/ uutii/
4.25.3a ko/ devaa/naam a/vo adyaa/ vRNiite ka/ aadityaa/M+ a/ditiM jyo/tir iiTTe
4.25.3c ka/syaashvi/naav i/ndro agni/H suta/syaaM+sho/H pibanti ma/nasaa/vivenam
4.25.4a ta/smaa agni/r bhaa/rataH sha/rma yaM+saj jyo/k pashyaat suu/ryam ucca/rantam
4.25.4c ya/ i/ndraaya suna/vaame/ty aa/ha na/re na/ryaaya nR/tamaaya nRNaa/m
4.25.5a na/ ta/M jinanti baha/vo na/ dabhraa/ urv a\smaa a/ditiH sha/rma yaM+sat
4.25.5c priya/H sukR/t priya/ i/ndre manaayu/H priya/H supraavii/H priyo/ asya somii/
4.25.6a supraavya\H praashuSaa/L eSa/ viira/H su/SveH pakti/M kRNute ke/vale/ndraH
4.25.6c naa/suSver aapi/r na/ sa/khaa na/ jaami/r duSpraavyo\ .avahante/d a/vaacaH
4.25.7a na/ reva/taa paNi/naa sakhya/m i/ndro/ .asunvataa sutapaa/H sa/M gRNiite
4.25.7c aa/sya ve/daH khida/ti ha/nti nagna/M vi/ su/Svaye pakta/ye ke/valo bhuut
4.25.8a i/ndram pa/re/ .avare madhyamaa/sa i/ndraM yaa/nto/ .avasitaasa i/ndram
4.25.8c i/ndraM kSiya/nta uta/ yu/dhyamaanaa i/ndraM na/ro vaajaya/nto havante

Rig Veda, Book 4 (ASCII)

Book 4

Related Links

External Links