Rig Veda, Book 5 (ASCII)

Book 5

5.1.1a a/bodhy agni/H sami/dhaa ja/naanaam pra/ti dhenu/m ivaayatii/m uSaa/sam
5.1.1c yahvaa/ iva pra/ vayaa/m ujji/haanaaH pra/ bhaana/vaH sisrate naa/kam a/cha
5.1.2a a/bodhi ho/taa yaja/thaaya devaa/n uurdhvo/ agni/H suma/naaH praata/r asthaat
5.1.2c sa/middhasya ru/shad adarshi paa/jo mahaa/n deva/s ta/maso ni/r amoci
5.1.3a ya/d iiM gaNa/sya rashanaa/m a/jiigaH shu/cir a~Nkte shu/cibhir go/bhir agni/H
5.1.3c aa/d da/kSiNaa yujyate vaajaya/nty uttaanaa/m uurdhvo/ adhayaj juhuu/bhiH
5.1.4a agni/m a/chaa devayataa/m ma/naaM+si ca/kSuuM+Siiva suu/rye sa/M caranti
5.1.4c ya/d iiM su/vaate uSa/saa vi/ruupe shveto/ vaajii/ jaayate a/gre a/hnaam
5.1.5a ja/niSTa hi/ je/nyo a/gre a/hnaaM hito/ hite/Sv aruSo/ va/neSu
5.1.5c da/me-dame sapta/ ra/tnaa da/dhaano .agni/r ho/taa ni/ Sasaadaa ya/jiiyaan
5.1.6a agni/r ho/taa ny a\siidad ya/jiiyaan upa/sthe maatu/H surabhaa/ uloke/
5.1.6c yu/vaa kavi/H puruniSTha/ Rtaa/vaa dhartaa/ kRSTiinaa/m uta/ ma/dhya iddha/H
5.1.7a pra/ Nu/ tya/M vi/pram adhvare/Su saadhu/m agni/M ho/taaram iiLate na/mobhiH
5.1.7c aa/ ya/s tataa/na ro/dasii Rte/na ni/tyam mRjanti vaaji/naM ghRte/na
5.1.8a maarjaalyo\ mRjyate sve/ da/muunaaH kaviprashasto/ a/tithiH shivo/ naH
5.1.8c saha/srashR~Ngo vRSabha/s ta/dojaa vi/shvaaM+ agne sa/hasaa praa/sy anyaa/n
5.1.9a pra/ sadyo/ agne a/ty eSy anyaa/n aavi/r ya/smai caa/rutamo babhuu/tha
5.1.9c iiLe/nyo vapuSyo\ vibhaa/vaa priyo/ vishaa/m a/tithir maa/nuSiiNaam
5.1.10a tu/bhyam bharanti kSita/yo yaviSTha bali/m agne a/ntita o/ta/ duuraa/t
5.1.10c aa/ bha/ndiSThasya sumati/M cikiddhi bRha/t te agne ma/hi sha/rma bhadra/m
5.1.11a aa/dya/ ra/tham bhaanumo bhaanuma/ntam a/gne ti/STha yajate/bhiH sa/mantam
5.1.11c vidvaa/n pathiinaa/m urv a\nta/rikSam e/ha/ devaa/n havira/dyaaya vakSi
5.1.12a a/vocaama kava/ye me/dhyaaya va/co vandaa/ru vRSabhaa/ya vR/SNe
5.1.12c ga/viSThiro na/masaa sto/mam agnau/ diviiaa\va rukma/m uruvya/~ncam ashret
5.2.1a kumaara/m maataa/ yuvati/H sa/mubdhaM gu/haa bibharti na/ dadaati pitre/
5.2.1c a/niikam asya na/ mina/j ja/naasaH pura/H pashyanti ni/hitam aratau/
5.2.2a ka/m eta/M tva/M yuvate kumaara/m pe/Sii bibharSi ma/hiSii jajaana
5.2.2c puurvii/r hi/ ga/rbhaH shara/do vava/rdhaa/pashyaM jaata/M ya/d a/suuta maataa/
5.2.3a hi/raNyadantaM shu/civarNam aaraa/t kSe/traad apashyam aa/yudhaa mi/maanam
5.2.3c dadaano/ asmaa amR/taM vipR/kvat ki/m maa/m anindraa/H kRNavann anukthaa/H
5.2.4a kSe/traad apashyaM sanuta/sh ca/rantaM suma/d yuutha/M na/ puru/ sho/bhamaanam
5.2.4c na/ taa/ agRbhrann a/janiSTa hi/ Sa/H pa/likniir i/d yuvata/yo bhavanti
5.2.5a ke/ me maryaka/M vi/ yavanta go/bhir na/ ye/SaaM gopaa/ a/raNash cid aa/sa
5.2.5c ya/ iiM jagRbhu/r a/va te/ sRjantv aa/jaati pashva/ u/pa nash cikitvaa/n
5.2.6a vasaa/M raa/jaanaM vasati/M ja/naanaam a/raatayo ni/ dadhur ma/rtyeSu
5.2.6c bra/hmaaNy a/trer a/va ta/M sRjantu ninditaa/ro ni/ndyaaso bhavantu
5.2.7a shu/nash cic che/paM ni/ditaM saha/sraad yuu/paad amu~nco a/shamiSTa hi/ Sa/H
5.2.7c evaa/sma/d agne vi/ mumugdhi paa/shaan ho/tash cikitva iha/ tuu/ niSa/dya
5.2.8a hRNiiya/maano a/pa hi/ ma/d ai/yeH pra/ me devaa/naaM vratapaa/ uvaaca
5.2.8c i/ndro vidvaa/M+ a/nu hi/ tvaa caca/kSa te/naaha/m agne a/nushiSTa aa/gaam
5.2.9a vi/ jyo/tiSaa bRhataa/ bhaaty agni/r aavi/r vi/shvaani kRNute mahitvaa/
5.2.9c praa/deviir maayaa/H sahate dure/vaaH shi/shiite shR/~Nge ra/kSase vini/kSe
5.2.10a uta/ svaanaa/so divi/ Santv agne/s tigmaa/yudhaa ra/kSase ha/ntavaa/ u
5.2.10c ma/de cid asya pra/ rujanti bhaa/maa na/ varante paribaa/dho a/deviiH
5.2.11a eta/M te sto/maM tuvijaata vi/pro ra/thaM na/ dhii/raH sva/paa atakSam
5.2.11c ya/dii/d agne pra/ti tva/M deva ha/ryaaH sva\rvatiir apa/ enaa jayema
5.2.12a tuvigrii/vo vRSabho/ vaavRdhaano\ .ashatrv a\rya/H sa/m ajaati ve/daH
5.2.12c i/tiima/m agni/m amR/taa avocan barhi/Smate ma/nave sha/rma yaM+sad dhavi/Smate ma/nave sha/rma yaM+sat
5.3.1a tva/m agne va/ruNo jaa/yase ya/t tva/m mitro/ bhavasi ya/t sa/middhaH
5.3.1c tve/ vi/shve sahasas putra devaa/s tva/m i/ndro daashu/Se ma/rtyaaya
5.3.2a tva/m aryamaa/ bhavasi ya/t kanii/naaM naa/ma svadhaavan gu/hyam bibharSi
5.3.2c a~nja/nti mitra/M su/dhitaM na/ go/bhir ya/d da/mpatii sa/manasaa kRNo/Si
5.3.3a ta/va shriye/ maru/to marjayanta ru/dra ya/t te ja/nima caa/ru citra/m
5.3.3c pada/M ya/d vi/SNor upama/M nidhaa/yi te/na paasi gu/hyaM naa/ma go/naam
5.3.4a ta/va shriyaa/ sudR/sho deva devaa/H puruu/ da/dhaanaa amR/taM sapanta
5.3.4c ho/taaram agni/m ma/nuSo ni/ Sedur dashasya/nta ushi/jaH sha/M+sam aayo/H
5.3.5a na/ tva/d dho/taa puu/rvo agne ya/jiiyaan na/ kaa/vyaiH paro/ asti svadhaavaH
5.3.5c visha/sh ca ya/syaa a/tithir bha/vaasi sa/ yaj~ne/na vanavad deva ma/rtaan
5.3.6a vaya/m agne vanuyaama tvo/taa vasuuya/vo havi/Saa bu/dhyamaanaaH
5.3.6c vaya/M samarye/ vida/theSv a/hnaaM vaya/M raayaa/ sahasas putra ma/rtaan
5.3.7a yo/ na aa/go abhy e/no bha/raaty a/dhii/d agha/m agha/shaM+se dadhaata
5.3.7c jahii/ cikitvo abhi/shastim etaa/m a/gne yo/ no marca/yati dvaye/na
5.3.8a tvaa/m asyaa/ vyu/Si deva puu/rve duuta/M kRNvaanaa/ ayajanta havyai/H
5.3.8c saMsthe/ ya/d agna ii/yase rayiiNaa/M devo/ ma/rtair va/subhir idhya/maanaH
5.3.9a a/va spRdhi pita/raM yo/dhi vidvaa/n putro/ ya/s te sahasaH suuna uuhe/
5.3.9c kadaa/ cikitvo abhi/ cakSase no/ .agne kadaa/M+ Rtaci/d yaatayaase
5.3.10a bhuu/ri naa/ma va/ndamaano dadhaati pitaa/ vaso ya/di ta/j joSa/yaase
5.3.10c kuvi/d deva/sya sa/hasaa cakaana/H sumna/m agni/r vanate vaavRdhaana/H
5.3.11a tva/m a~Nga/ jaritaa/raM yaviSTha vi/shvaany agne duritaa/ti parSi
5.3.11c stenaa/ adRshran ripa/vo ja/naaso/ .aj~naataketaa vRjinaa/ abhuuvan
5.3.12a ime/ yaa/maasas tvadri/g abhuuvan va/save vaa ta/d i/d aa/go avaaci
5.3.12c naa/haaya/m agni/r abhi/shastaye no na/ rii/Sate vaavRdhaana/H pa/raa daat
5.4.1a tvaa/m agne va/supatiM va/suunaam abhi/ pra/ mande adhvare/Su raajan
5.4.1c tva/yaa vaa/jaM vaajaya/nto jayemaabhi/ Syaama pRtsutii/r ma/rtyaanaam
5.4.2a havyavaa/L agni/r aja/raH pitaa/ no vibhu/r vibhaa/vaa sudR/shiiko asme/
5.4.2c sugaarhapatyaa/H sa/m i/So didiihy asmadrya\k sa/m mimiihi shra/vaaM+si
5.4.3a vishaa/M kavi/M vishpa/tim maa/nuSiiNaaM shu/cim paavaka/M ghRta/pRSTham agni/m
5.4.3c ni/ ho/taaraM vishvavi/daM dadhidhve sa/ deve/Su vanate vaa/ryaaNi
5.4.4a juSa/svaagna i/Layaa sajo/Saa ya/tamaano rashmi/bhiH suu/ryasya
5.4.4c juSa/sva naH sami/dhaM jaataveda aa/ ca devaa/n havira/dyaaya vakSi
5.4.5a ju/STo da/muunaa a/tithir duroNa/ ima/M no yaj~na/m u/pa yaahi vidvaa/n
5.4.5c vi/shvaa agne abhiyu/jo viha/tyaa shatruuyataa/m aa/ bharaa bho/janaani
5.4.6a vadhe/na da/syum pra/ hi/ caata/yasva va/yaH kRNvaana/s tanve\ svaa/yai
5.4.6c pi/parSi ya/t sahasas putra devaa/nt so/ agne paahi nRtama vaa/je asmaa/n
5.4.7a vaya/M te agna ukthai/r vidhema vaya/M havyai/H paavaka bhadrashoce
5.4.7c asme/ rayi/M vishva/vaaraM sa/m invaasme/ vi/shvaani dra/viNaani dhehi
5.4.8a asmaa/kam agne adhvara/M juSasva sa/hasaH suuno triSadhastha havya/m
5.4.8c vaya/M deve/Su sukR/taH syaama sha/rmaNaa nas triva/ruuthena paahi
5.4.9a vi/shvaani no durga/haa jaatavedaH si/ndhuM na/ naavaa/ duritaa/ti parSi
5.4.9c a/gne atriva/n na/masaa gRNaano\ .asmaa/kam bodhy avitaa/ tanuu/naam
5.4.10a ya/s tvaa hRdaa/ kiiri/Naa ma/nyamaano/ .amartyam ma/rtyo jo/haviimi
5.4.10c jaa/tavedo ya/sho asmaa/su dhehi prajaa/bhir agne amRtatva/m ashyaam
5.4.11a ya/smai tva/M sukR/te jaataveda uloka/m agne kRNa/vaH syona/m
5.4.11c ashvi/naM sa/ putri/NaM \!\ viira/vantaM go/mantaM rayi/M nashate svasti/
5.5.1a su/samiddhaaya shoci/Se ghRta/M tiivra/M juhotana
5.5.1c agna/ye jaata/vedase
5.5.2a na/raasha/M+saH suSuudatiima/M yaj~na/m a/daabhyaH
5.5.2c kavi/r hi/ ma/dhuhastyaH
5.5.3a iiLito/ agna aa/ vahe/ndraM citra/m iha/ priya/m
5.5.3c sukhai/ ra/thebhir uuta/ye
5.5.4a uu/rNamradaa vi/ prathasvaabhy a\rkaa/ anuuSata
5.5.4c bha/vaa naH shubhra saata/ye
5.5.5a de/viir dvaaro vi/ shrayadhvaM supraayaNaa/ na uuta/ye
5.5.5c pra/-pra yaj~na/m pRNiitana
5.5.6a supra/tiike vayovR/dhaa yahvii/ Rta/sya maata/raa
5.5.6c doSaa/m uSaa/sam iimahe
5.5.7a vaa/tasya pa/tmann iiLitaa/ dai/vyaa ho/taaraa ma/nuSaH
5.5.7c ima/M no yaj~na/m aa/ gatam
5.5.8a i/Laa sa/rasvatii mahii/ tisro/ devii/r mayobhu/vaH
5.5.8c barhi/H siidantv asri/dhaH
5.5.9a shiva/s tvaSTar ihaa/ gahi vibhu/H po/Sa uta/ tma/naa
5.5.9c yaj~ne/-yaj~ne na u/d ava
5.5.10a ya/tra ve/ttha vanaspate devaa/naaM gu/hyaa naa/maani
5.5.10c ta/tra havyaa/ni gaamaya
5.5.11a svaa/haagna/ye va/ruNaaya svaa/he/ndraaya maru/dbhyaH svaa/haa deve/bhyo havi/H
5.6.1a agni/M ta/m manye yo/ va/sur a/staM ya/M ya/nti dhena/vaH
5.6.1c a/stam a/rvanta aasha/vo/ .astaM ni/tyaaso vaaji/na i/SaM stotR/bhya aa/ bhara
5.6.2a so/ agni/r yo/ va/sur gRNe/ sa/M ya/m aaya/nti dhena/vaH
5.6.2c sa/m a/rvanto raghudru/vaH sa/M sujaataa/saH suura/ya i/SaM stotR/bhya aa/ bhara
5.6.3a agni/r hi/ vaaji/naM vishe/ da/daati vishva/carSaNiH
5.6.3c agnii/ raaye/ svaabhu/vaM sa/ priito/ yaati vaa/ryam i/SaM stotR/bhya aa/ bhara
5.6.4a aa/ te agna idhiimahi dyuma/ntaM devaaja/ram
5.6.4c ya/d dha syaa/ te pa/niiyasii sami/d diida/yati dya/vii/SaM stotR/bhya aa/ bhara
5.6.5a aa/ te agna Rcaa/ havi/H shu/krasya shociSas pate
5.6.5c su/shcandra da/sma vi/shpate ha/vyavaaT tu/bhyaM huuyata i/SaM stotR/bhya aa/ bhara
5.6.6a pro/ tye/ agna/yo .agni/Su vi/shvam puSyanti vaa/ryam
5.6.6c te/ hinvire ta/ invire ta/ iSaNyanty aanuSa/g i/SaM stotR/bhya aa/ bhara
5.6.7a ta/va tye/ agne arca/yo ma/hi vraadhanta vaaji/naH
5.6.7c ye/ pa/tvabhiH shaphaa/naaM vrajaa/ bhura/nta go/naam i/SaM stotR/bhya aa/ bhara
5.6.8a na/vaa no agna aa/ bhara stotR/bhyaH sukSitii/r i/SaH
5.6.8c te/ syaama ya/ aanRcu/s tvaa/duutaaso da/me-dama i/SaM stotR/bhya aa/ bhara
5.6.9a ubhe/ sushcandra sarpi/So da/rvii shriiNiiSa aasa/ni
5.6.9c uto/ na u/t pupuuryaa ukthe/Su shavasas pata i/SaM stotR/bhya aa/ bhara
5.6.10a evaa/M+ agni/m ajuryamur giirbhi/r yaj~ne/bhir aanuSa/k
5.6.10c da/dhad asme/ suvii/ryam uta/ tya/d aashva/shvyam i/SaM stotR/bhya aa/ bhara
5.7.1a sa/khaayaH sa/M vaH samya/~ncam i/SaM sto/maM caagna/ye
5.7.1c va/rSiSThaaya kSitiinaa/m uurjo/ na/ptre sa/hasvate
5.7.2a ku/traa cid ya/sya sa/mRtau raNvaa/ na/ro nRSa/dane
5.7.2c a/rhantash cid ya/m indhate/ saMjana/yanti janta/vaH
5.7.3a sa/M ya/d iSo/ va/naamahe sa/M havyaa/ maa/nuSaaNaam
5.7.3c uta/ dyumna/sya sha/vasa Rta/sya rashmi/m aa/ dade
5.7.4a sa/ smaa kRNoti ketu/m aa/ na/ktaM cid duura/ aa/ sate/
5.7.4c paavako/ ya/d va/naspa/tiin pra/ smaa minaa/ty aja/raH
5.7.5a a/va sma ya/sya ve/SaNe sve/dam pathi/Su ju/hvati
5.7.5c abhii/m a/ha sva/jenyam bhuu/maa pRSThe/va ruruhuH
5.7.6a ya/m ma/rtyaH puruspR/haM vida/d vi/shvasya dhaa/yase
5.7.6c pra/ svaa/danam pituunaa/m a/stataatiM cid aaya/ve
5.7.7a sa/ hi/ Smaa dha/nvaa/kSitaM daa/taa na/ daa/ty aa/ pashu/H
5.7.7c hi/rishmashruH shu/cidann Rbhu/r a/nibhRSTataviSiH
5.7.8a shu/ciH Sma \!\ ya/smaa atriva/t pra/ sva/dhitiiva rii/yate
5.7.8c suSuu/r asuuta maataa/ kraaNaa/ ya/d aanashe/ bha/gam
5.7.9a aa/ ya/s te sarpiraasute/ .agne sha/m a/sti dhaa/yase
5.7.9c ai/Su dyumna/m uta/ shra/va aa/ citta/m ma/rtyeSu dhaaH
5.7.10a i/ti cin manyu/m adhri/jas tvaa/daatam aa/ pashu/M dade
5.7.10c aa/d agne a/pRNato/ .atriH saasahyaad da/syuun iSa/H saasahyaan nRR/n
5.8.1a tvaa/m agna Rtaaya/vaH sa/m iidhire pratna/m pratnaa/sa uuta/ye sahaskRta
5.8.1c purushcandra/M yajata/M vishva/dhaayasaM da/muunasaM gRha/patiM va/reNyam
5.8.2a tvaa/m agne a/tithim puurvya/M vi/shaH shoci/SkeshaM gRha/patiM ni/ Sedire
5.8.2c bRha/tketum pururuu/paM dhanaspR/taM susha/rmaaNaM sva/vasaM jaradvi/Sam
5.8.3a tvaa/m agne maa/nuSiir iiLate vi/sho hotraavi/daM vi/viciM ratnadhaa/tamam
5.8.3c gu/haa sa/ntaM subhaga vishva/darshataM tuviSvaNa/saM suya/jaM ghRtashri/yam
5.8.4a tvaa/m agne dharNasi/M vishva/dhaa vaya/M giirbhi/r gRNa/nto na/maso/pa sedima
5.8.4c sa/ no juSasva samidhaano/ a~Ngiro devo/ ma/rtasya yasha/saa sudiiti/bhiH
5.8.5a tva/m agne pururuu/po vishe/-vishe va/yo dadhaasi pratna/thaa puruSTuta
5.8.5c puruu/Ny a/nnaa sa/hasaa vi/ raajasi tvi/SiH saa/ te titviSaaNa/sya naa/dhR/Se
5.8.6a tvaa/m agne samidhaana/M yaviSThya devaa/ duuta/M cakrire havyavaa/hanam
5.8.6c urujra/yasaM ghRta/yonim aa/hutaM tveSa/M ca/kSur dadhire codaya/nmati
5.8.7a tvaa/m agne pradi/va aa/hutaM ghRtai/H sumnaaya/vaH suSami/dhaa sa/m iidhire
5.8.7c sa/ vaavRdhaana/ o/Sadhiibhir ukSito\ .abhi/ jra/yaaM+si paa/rthivaa vi/ tiSThase
5.9.1a tvaa/m agne havi/Smanto deva/m ma/rtaasa iiLate
5.9.1c ma/nye tvaa jaata/vedasaM sa/ havyaa/ vakSy aanuSa/k
5.9.2a agni/r ho/taa daa/svataH kSa/yasya vRkta/barhiSaH
5.9.2c sa/M yaj~naa/sash ca/ranti ya/M sa/M vaa/jaasaH shravasya/vaH
5.9.3a uta/ sma ya/M shi/shuM yathaa na/vaM ja/niSTaara/Nii
5.9.3c dhartaa/ram maa/nuSiiNaaM vishaa/m agni/M svadhvara/m
5.9.4a uta/ sma durgRbhiiyase putro/ na/ hvaaryaa/Naam
5.9.4c puruu/ yo/ da/gdhaa/si va/naa/gne pashu/r na/ ya/vase
5.9.5a a/dha sma ya/syaarca/yaH samya/k saMya/nti dhuumi/naH
5.9.5c ya/d iim a/ha trito/ divy u/pa dhmaa/teva dha/mati shi/shiite dhmaata/rii yathaa
5.9.6a ta/vaaha/m agna uuti/bhir mitra/sya ca pra/shastibhiH
5.9.6c dveSoyu/to na/ duritaa/ turyaa/ma ma/rtyaanaam
5.9.7a ta/M no agne abhii/ na/ro rayi/M sahasva aa/ bhara
5.9.7c sa/ kSepayat sa/ poSayad bhu/vad vaa/jasya saata/ya utai/dhi pRtsu/ no vRdhe/
5.10.1a a/gna o/jiSTham aa/ bhara dyumna/m asma/bhyam adhrigo
5.10.1c pra/ no raayaa/ pa/riiNasaa ra/tsi vaa/jaaya pa/nthaam
5.10.2a tva/M no agne adbhuta kra/tvaa da/kSasya maM+ha/naa
5.10.2c tve/ asurya\m aa/ruhat kraaNaa/ mitro/ na/ yaj~ni/yaH
5.10.3a tva/M no agna eSaaM ga/yam puSTi/M ca vardhaya
5.10.3c ye/ sto/mebhiH pra/ suura/yo na/ro maghaa/ny aanashu/H
5.10.4a ye/ agne candra te gi/raH shumbha/nty a/shvaraadhasaH
5.10.4c shu/SmebhiH shuSmi/No na/ro diva/sh cid ye/Saam bRha/t sukiirti/r bo/dhati tma/naa
5.10.5a ta/va tye/ agne arca/yo bhraa/janto yanti dhRSNuyaa/
5.10.5c pa/rijmaano na/ vidyu/taH svaano/ ra/tho na/ vaajayu/H
5.10.6a nuu/ no agna uuta/ye sabaa/dhasash ca raata/ye
5.10.6c asmaa/kaasash ca suura/yo vi/shvaa aa/shaas tariiSa/Ni
5.10.7a tva/M no agne a~Ngira stuta/ sta/vaana aa/ bhara
5.10.7c ho/tar vibhvaasa/haM rayi/M stotR/bhya sta/vase ca na utai/dhi pRtsu/ no vRdhe/
5.11.1a ja/nasya gopaa/ ajaniSTa jaa/gRvir agni/H suda/kSaH suvitaa/ya na/vyase
5.11.1c ghRta/pratiiko bRhataa/ divispR/shaa dyuma/d vi/ bhaati bharate/bhyaH shu/ciH
5.11.2a yaj~na/sya ketu/m prathama/m puro/hitam agni/M na/ras triSadhasthe/ sa/m iidhire
5.11.2c i/ndreNa devai/H sara/thaM sa/ barhi/Si sii/dan ni/ ho/taa yaja/thaaya sukra/tuH
5.11.3a a/sammRSTo jaayase maatro/H shu/cir mandra/H kavi/r u/d atiSTho viva/svataH
5.11.3c ghRte/na tvaavardhayann agna aahuta dhuuma/s te ketu/r abhavad divi/ shrita/H
5.11.4a agni/r no yaj~na/m u/pa vetu saadhuyaa/gni/M na/ro vi/ bharante gRhe/-gRhe
5.11.4c agni/r duuto/ abhavad dhavyavaa/hano .agni/M vRNaanaa/ vRNate kavi/kratum
5.11.5a tu/bhyeda/m agne ma/dhumattamaM va/cas tu/bhyam maniiSaa/ iya/m astu sha/M hRde/
5.11.5c tvaa/M gi/raH si/ndhum ivaava/niir mahii/r aa/ pRNanti sha/vasaa vardha/yanti ca
5.11.6a tvaa/m agne a/~Ngiraso gu/haa hita/m a/nv avinda~n chishriyaaNa/M va/ne-vane
5.11.6c sa/ jaayase mathya/maanaH sa/ho maha/t tvaa/m aahuH sa/hasas putra/m a~NgiraH
5.12.1a praa/gna/ye bRhate/ yaj~ni/yaaya Rta/sya vR/SNe a/suraaya ma/nma
5.12.1c ghRta/M na/ yaj~na/ aasye\ su/puutaM gi/ram bhare vRSabhaa/ya pratiicii/m
5.12.2a Rta/M cikitva Rta/m i/c cikiddhy Rta/sya dhaa/raa a/nu tRndhi puurvii/H
5.12.2c naa/ha/M yaatu/M sa/hasaa na/ dvaye/na Rta/M sapaamy aruSa/sya vR/SNaH
5.12.3a ka/yaa no agna Rta/yann Rte/na bhu/vo na/vedaa uca/thasya na/vyaH
5.12.3c ve/daa me deva/ Rtupaa/ Rtuunaa/M naa/ha/m pa/tiM sanitu/r asya/ \!\ raaya/H
5.12.4a ke/ te agne ripa/ve ba/ndhanaasaH ke/ paaya/vaH saniSanta dyuma/ntaH
5.12.4c ke/ dhaasi/m agne a/nRtasya paanti ka/ aa/sato va/casaH santi gopaa/H
5.12.5a sa/khaayas te vi/SuNaa agna ete/ shivaa/saH sa/nto a/shivaa abhuuvan
5.12.5c a/dhuurSata svaya/m ete/ va/cobhir Rjuuyate/ vRjinaa/ni bruva/ntaH
5.12.6a ya/s te agne na/masaa yaj~na/m ii/TTa Rta/M sa/ paaty aruSa/sya vR/SNaH
5.12.6c ta/sya kSa/yaH pRthu/r aa/ saadhu/r etu prasa/rsraaNasya na/huSasya she/SaH
5.13.1a a/rcantas tvaa havaamahe/ .arcantaH sa/m idhiimahi
5.13.1c a/gne a/rcanta uuta/ye
5.13.2a agne/ sto/mam manaamahe sidhra/m adya/ divispR/shaH
5.13.2c deva/sya draviNasya/vaH
5.13.3a agni/r juSata no gi/ro ho/taa yo/ maa/nuSeSv aa/
5.13.3c sa/ yakSad dai/vyaM ja/nam
5.13.4a tva/m agne sapra/thaa asi ju/STo ho/taa va/reNyaH
5.13.4c tva/yaa yaj~na/M vi/ tanvate
5.13.5a tvaa/m agne vaajasaa/tamaM vi/praa vardhanti su/STutam
5.13.5c sa/ no raasva suvii/ryam
5.13.6a a/gne nemi/r araa/M+ iva devaa/M+s tva/m paribhuu/r asi
5.13.6c aa/ raa/dhash citra/m R~njase
5.14.1a agni/M sto/mena bodhaya samidhaano/ a/martyam
5.14.1c havyaa/ deve/Su no dadhat
5.14.2a ta/m adhvare/Sv iiLate deva/m ma/rtaa a/martyam
5.14.2c ya/jiSTham maa/nuSe ja/ne
5.14.3a ta/M hi/ sha/shvanta ii/Late srucaa/ deva/M ghRtashcu/taa
5.14.3c agni/M havyaa/ya vo/Lhave
5.14.4a agni/r jaato/ arocata ghna/n da/syuu~n jyo/tiSaa ta/maH
5.14.4c a/vindad gaa/ apa/H sva\H
5.14.5a agni/m iiLe/nyaM kavi/M ghRta/pRSThaM saparyata
5.14.5c ve/tu me shRNa/vad dha/vam
5.14.6a agni/M ghRte/na vaavRdhu sto/mebhir vishva/carSaNim
5.14.6c svaadhii/bhir vacasyu/bhiH
5.15.1a pra/ vedha/se kava/ye ve/dyaaya gi/ram bhare yasha/se puurvyaa/ya
5.15.1c ghRta/prasatto a/suraH sushe/vo raayo/ dhartaa/ dharu/No va/svo agni/H
5.15.2a Rte/na Rta/M dharu/NaM dhaarayanta yaj~na/sya shaake/ parame/ vyo\man
5.15.2c divo/ dha/rman dharu/Ne sedu/So nRR/~n jaatai/r a/jaataaM+ abhi/ ye/ nanakSu/H
5.15.3a aM+hoyu/vas tanva\s tanvate vi/ va/yo maha/d duSTa/ram puurvyaa/ya
5.15.3c sa/ saMva/to na/vajaatas tuturyaat siM+ha/M na/ kruddha/m abhi/taH pa/ri SThuH
5.15.4a maate/va ya/d bha/rase paprathaano/ ja/naM-janaM dhaa/yase ca/kSase ca
5.15.4c va/yo-vayo jarase ya/d da/dhaanaH pa/ri tma/naa vi/Suruupo jigaasi
5.15.5a vaa/jo nu/ te sha/vasas paatv a/ntam uru/M do/ghaM dharu/NaM deva raaya/H
5.15.5c pada/M na/ taayu/r gu/haa da/dhaano maho/ raaye/ cita/yann a/trim aspaH
5.16.1a bRha/d va/yo hi/ bhaana/ve/ .arcaa devaa/yaagna/ye
5.16.1c ya/m mitra/M na/ pra/shastibhir ma/rtaaso dadhire/ pura/H
5.16.2a sa/ hi/ dyu/bhir ja/naanaaM ho/taa da/kSasya baahvo/H
5.16.2c vi/ havya/m agni/r aanuSa/g bha/go na/ vaa/ram RNvati
5.16.3a asya/ sto/me magho/naH sakhye/ vRddha/shociSaH
5.16.3c vi/shvaa ya/smin tuviSva/Ni sa/m arye/ shu/Smam aadadhu/H
5.16.4a a/dhaa hy a\gna eSaaM suvii/ryasya maM+ha/naa
5.16.4c ta/m i/d yahva/M na/ ro/dasii pa/ri shra/vo babhuuvatuH
5.16.5a nuu/ na e/hi vaa/ryam a/gne gRNaana/ aa/ bhara
5.16.5c ye/ vaya/M ye/ ca suura/yaH svasti/ dhaa/mahe sa/cotai/dhi pRtsu/ no vRdhe/
5.17.1a aa/ yaj~nai/r deva ma/rtya itthaa/ ta/vyaaM+sam uuta/ye
5.17.1c agni/M kRte/ svadhvare/ puuru/r iiLiitaa/vase
5.17.2a a/sya hi/ sva/yashastara aasaa/ vidharman ma/nyase
5.17.2c ta/M naa/kaM citra/shociSam mandra/m paro/ maniiSa/yaa
5.17.3a asya/ vaa/saa/ u arci/Saa ya/ aa/yukta tujaa/ giraa/
5.17.3c divo/ na/ ya/sya re/tasaa bRha/c cho/canty arca/yaH
5.17.4a asya/ kra/tvaa vi/cetaso dasma/sya va/su ra/tha aa/
5.17.4c a/dhaa vi/shvaasu ha/vyo .agni/r vikSu/ pra/ shasyate
5.17.5a nuu/ na i/d dhi/ vaa/ryam aasaa/ sacanta suura/yaH
5.17.5c uu/rjo napaad abhi/STaye paahi/ shagdhi/ svasta/ya utai/dhi pRtsu/ no vRdhe/
5.18.1a praata/r agni/H purupriyo/ visha/ stavetaa/tithiH
5.18.1c vi/shvaani yo/ a/martyo havyaa/ ma/rteSu ra/Nyati
5.18.2a dvitaa/ya mRkta/vaahase sva/sya da/kSasya maM+ha/naa
5.18.2c i/nduM sa/ dhatta aanuSa/k stotaa/ cit te amartya
5.18.3a ta/M vo diirghaa/yushociSaM giraa/ huve magho/naam
5.18.3c a/riSTo ye/SaaM ra/tho vy a\shvadaavann ii/yate
5.18.4a citraa/ vaa ye/Su dii/dhitir aasa/nn ukthaa/ paa/nti ye/
5.18.4c stiirNa/m barhi/H sva\rNare shra/vaaM+si dadhire pa/ri
5.18.5a ye/ me pa~ncaasha/taM dadu/r a/shvaanaaM sadha/stuti
5.18.5c dyuma/d agne ma/hi shra/vo bRha/t kRdhi magho/naaM nRva/d amRta nRNaa/m
5.19.1a abhy a\vasthaa/H pra/ jaayante pra/ vavre/r vavri/sh ciketa
5.19.1c upa/sthe maatu/r vi/ caSTe
5.19.2a juhure/ vi/ cita/yanto/ .animiSaM nRmNa/m paanti
5.19.2c aa/ dRLhaa/m pu/raM vivishuH
5.19.3a aa/ shvaitreya/sya janta/vo dyuma/d vardhanta kRSTa/yaH
5.19.3c niSka/griivo bRha/duktha enaa/ ma/dhvaa na/ vaajayu/H
5.19.4a priya/M dugdha/M na/ kaa/myam a/jaami jaamyo/H sa/caa
5.19.4c gharmo/ na/ vaa/jajaTharo/ .adabdhaH sha/shvato da/bhaH
5.19.5a krii/Lan no rashma aa/ bhuvaH sa/m bha/smanaa vaayu/naa ve/vidaanaH
5.19.5c taa/ asya san dhRSa/jo na/ tigmaa/H su/saMshitaa vakSyo\ vakSaNesthaa/H
5.20.1a ya/m agne vaajasaatama tva/M cin ma/nyase rayi/m
5.20.1c ta/M no giirbhi/H shravaa/yyaM devatraa/ panayaa yu/jam
5.20.2a ye/ agne ne/ra/yanti te vRddhaa/ ugra/sya sha/vasaH
5.20.2c a/pa dve/So a/pa hva/ro .anya/vratasya sashcire
5.20.3a ho/taaraM tvaa vRNiimahe/ .agne da/kSasya saa/dhanam
5.20.3c yaj~ne/Su puurvya/M giraa/ pra/yasvanto havaamahe
5.20.4a itthaa/ ya/thaa ta uuta/ye sa/hasaavan dive/-dive
5.20.4c raaya/ Rtaa/ya sukrato go/bhiH Syaama sadhamaa/do viirai/H syaama sadhamaa/daH
5.21.1a manuSva/t tvaa ni/ dhiimahi manuSva/t sa/m idhiimahi
5.21.1c a/gne manuSva/d a~Ngiro devaa/n devayate/ yaja
5.21.2a tva/M hi/ maa/nuSe ja/ne/ .agne su/priita idhya/se
5.21.2c sru/cas tvaa yanty aanuSa/k su/jaata sa/rpiraasute
5.21.3a tvaa/M vi/shve sajo/Saso devaa/so duuta/m akrata
5.21.3c saparya/ntas tvaa kave yaj~ne/Su deva/m iiLate
5.21.4a deva/M vo devayajya/yaagni/m iiLiita ma/rtyaH
5.21.4c sa/middhaH shukra diidihy Rta/sya yo/nim aa/sadaH sasa/sya yo/nim aa/sadaH
5.22.1a pra/ vishvasaamann atriva/d a/rcaa paavaka/shociSe
5.22.1c yo/ adhvare/Sv ii/Dyo ho/taa mandra/tamo vishi/
5.22.2a ny a\gni/M jaata/vedasaM da/dhaataa deva/m Rtvi/jam
5.22.2c pra/ yaj~na/ etv aanuSa/g adyaa/ deva/vyacastamaH
5.22.3a cikitvi/nmanasaM tvaa deva/m ma/rtaasa uuta/ye
5.22.3c va/reNyasya te/ .avasa iyaanaa/so amanmahi
5.22.4a a/gne cikiddhy a\sya/ na ida/M va/caH sahasya
5.22.4c ta/M tvaa sushipra dampate sto/mair vardhanty a/trayo giirbhi/H shumbhanty a/trayaH
5.23.1a a/gne sa/hantam aa/ bhara dyumna/sya praasa/haa rayi/m
5.23.1c vi/shvaa ya/sh carSaNii/r abhy aaaa\saa/ vaa/jeSu saasa/hat
5.23.2a ta/m agne pRtanaaSa/haM rayi/M sahasva aa/ bhara
5.23.2c tva/M hi/ satyo/ a/dbhuto daataa/ vaa/jasya go/mataH
5.23.3a vi/shve hi/ tvaa sajo/Saso ja/naaso vRkta/barhiSaH
5.23.3c ho/taaraM sa/dmasu priya/M vya/nti vaa/ryaa puru/
5.23.4a sa/ hi/ Smaa vishva/carSaNir abhi/maati sa/ho dadhe/
5.23.4c a/gna eSu/ kSa/yeSv aa/ reva/n naH shukra diidihi dyuma/t paavaka diidihi
5.24.1a a/gne tva/M no a/ntama uta/ traataa/ shivo/ bhavaa varuuthya\H
5.24.2a va/sur agni/r va/sushravaa a/chaa nakSi dyuma/ttamaM rayi/M daaH
5.24.3a sa/ no bodhi shrudhii/ ha/vam uruSyaa/ No aghaayata/H samasmaat
5.24.4a ta/M tvaa shociSTha diidivaH sumnaa/ya nuuna/m iimahe sa/khibhyaH
5.25.1a a/chaa vo agni/m a/vase deva/M gaasi sa/ no va/suH
5.25.1c raa/sat putra/ RSuuNaa/m Rtaa/vaa parSati dviSa/H
5.25.2a sa/ hi/ satyo/ ya/m puu/rve cid devaa/sash cid ya/m iidhire/
5.25.2c ho/taaram mandra/jihvam i/t sudiiti/bhir vibhaa/vasum
5.25.3a sa/ no dhiitii/ va/riSThayaa shre/SThayaa ca sumatyaa/
5.25.3c a/gne raayo/ didiihi naH suvRkti/bhir vareNya
5.25.4a agni/r deve/Su raajaty agni/r ma/rteSv aavisha/n
5.25.4c agni/r no havyavaa/hano .agni/M dhiibhi/H saparyata
5.25.5a agni/s tuvi/shravastamaM tuvi/brahmaaNam uttama/m
5.25.5c atuu/rtaM shraavaya/tpatim putra/M dadaati daashu/Se
5.25.6a agni/r dadaati sa/tpatiM saasaa/ha yo/ yudhaa/ nR/bhiH
5.25.6c agni/r a/tyaM raghuSya/daM je/taaram a/paraajitam
5.25.7a ya/d vaa/hiSThaM ta/d agna/ye bRha/d arca vibhaavaso
5.25.7c ma/hiSiiva tva/d rayi/s tva/d vaa/jaa u/d iirate
5.25.8a ta/va dyuma/nto arca/yo graa/vevocyate bRha/t
5.25.8c uto/ te tanyatu/r yathaa svaano/ arta tma/naa diva/H
5.25.9a evaa/M+ agni/M vasuuya/vaH sahasaana/M vavandima
5.25.9c sa/ no vi/shvaa a/ti dvi/SaH pa/rSan naave/va sukra/tuH
5.26.1a a/gne paavaka roci/Saa mandra/yaa deva jihva/yaa
5.26.1c aa/ devaa/n vakSi ya/kSi ca
5.26.2a ta/M tvaa ghRtasnav iimahe ci/trabhaano svardR/sham
5.26.2c devaa/M+ aa/ viita/ye vaha
5.26.3a viiti/hotraM tvaa kave dyuma/ntaM sa/m idhiimahi
5.26.3c a/gne bRha/ntam adhvare/
5.26.4a a/gne vi/shvebhir aa/ gahi deve/bhir havya/daataye
5.26.4c ho/taaraM tvaa vRNiimahe
5.26.5a ya/jamaanaaya sunvata/ aa/gne suvii/ryaM vaha
5.26.5c devai/r aa/ satsi barhi/Si
5.26.6a samidhaana/H sahasrajid a/gne dha/rmaaNi puSyasi
5.26.6c devaa/naaM duuta/ ukthya\H
5.26.7a ny a\gni/M jaata/vedasaM hotravaa/haM ya/viSThyam
5.26.7c da/dhaataa deva/m Rtvi/jam
5.26.8a pra/ yaj~na/ etv aanuSa/g adyaa/ deva/vyacastamaH
5.26.8c stRNiita/ barhi/r aasa/de
5.26.9a e/da/m maru/to ashvi/naa mitra/H siidantu va/ruNaH
5.26.9c devaa/saH sa/rvayaa vishaa/
5.27.1a a/nasvantaa sa/tpatir maamahe me gaa/vaa ce/tiSTho a/suro magho/naH
5.27.1c traivRSNo/ agne dasha/bhiH saha/srair vai/shvaanara trya\ruNash ciketa
5.27.2a yo/ me shataa/ ca viM+shati/M ca go/naaM ha/rii ca yuktaa/ sudhu/raa da/daati
5.27.2c vai/shvaanara su/STuto vaavRdhaano/ .agne ya/cha trya\ruNaaya sha/rma
5.27.3a evaa/ te agne sumati/M cakaano/ na/viSThaaya navama/M trasa/dasyuH
5.27.3c yo/ me gi/ras tuvijaata/sya puurvii/r yukte/naabhi/ trya\ruNo gRNaa/ti
5.27.4a yo/ ma i/ti pravo/caty a/shvamedhaaya suura/ye
5.27.4c da/dad Rcaa/ sani/M yate/ da/dan medhaa/m Rtaayate/
5.27.5a ya/sya maa paruSaa/H shata/m uddharSa/yanty ukSa/NaH
5.27.5c a/shvamedhasya daa/naaH so/maa iva tryaaaa\shiraH
5.27.6a i/ndraagnii shatadaa/vny a/shvamedhe suvii/ryam
5.27.6c kSatra/M dhaarayatam bRha/d divi/ suu/ryam ivaaja/ram
5.28.1a sa/middho agni/r divi/ shoci/r ashret pratya/~N~N uSa/sam urviyaa/ vi/ bhaati
5.28.1c e/ti praa/cii vishva/vaaraa na/mobhir devaa/M+ ii/Laanaa havi/Saa ghRtaa/cii
5.28.2a samidhya/maano amR/tasya raajasi havi/S kRNva/ntaM sacase svasta/ye
5.28.2c vi/shvaM sa/ dhatte dra/viNaM ya/m i/nvasy aatithya/m agne ni/ ca dhatta i/t pura/H
5.28.3a a/gne sha/rdha mahate/ sau/bhagaaya ta/va dyumnaa/ny uttamaa/ni santu
5.28.3c sa/M jaaspatya/M suya/mam aa/ kRNuSva shatruuyataa/m abhi/ tiSThaa ma/haaM+si
5.28.4a sa/middhasya pra/mahaso/ .agne va/nde ta/va shri/yam
5.28.4c vRSabho/ dyumna/vaaM+ asi sa/m adhvare/Sv idhyase
5.28.5a sa/middho agna aahuta devaa/n yakSi svadhvara
5.28.5c tva/M hi/ havyavaa/L a/si
5.28.6a aa/ juhotaa duvasya/taagni/m prayaty a\dhvare/
5.28.6c vRNiidhva/M havyavaa/hanam
5.29.1a try a\ryamaa/ ma/nuSo deva/taataa trii/ rocanaa/ divyaa/ dhaarayanta
5.29.1c a/rcanti tvaa maru/taH puuta/dakSaas tva/m eSaam R/Sir indraasi dhii/raH
5.29.2a a/nu ya/d iim maru/to mandasaana/m aa/rcann i/ndram papivaa/M+saM suta/sya
5.29.2c aa/datta va/jram abhi/ ya/d a/hiM ha/nn apo/ yahvii/r asRjat sa/rtavaa/ u
5.29.3a uta/ brahmaaNo maruto me asye/ndraH so/masya su/Sutasya peyaaH
5.29.3c ta/d dhi/ havya/m ma/nuSe gaa/ a/vindad a/hann a/him papivaa/M+ i/ndro asya
5.29.4a aa/d ro/dasii vitara/M vi/ Skabhaayat saMvivyaana/sh cid bhiya/se mRga/M kaH
5.29.4c ji/gartim i/ndro apaja/rguraaNaH pra/ti shvasa/ntam a/va daanava/M han
5.29.5a a/dha kra/tvaa maghavan tu/bhyaM devaa/ a/nu vi/shve adaduH somape/yam
5.29.5c ya/t suu/ryasya hari/taH pa/tantiiH pura/H satii/r u/paraa e/tashe ka/H
5.29.6a na/va ya/d asya navati/M ca bhogaa/n saaka/M va/jreNa magha/vaa vivRshca/t
5.29.6c a/rcantii/ndram maru/taH sadha/sthe trai/STubhena va/casaa baadhata dyaa/m
5.29.7a sa/khaa sa/khye apacat tuu/yam agni/r asya/ kra/tvaa mahiSaa/ trii/ shataa/ni
5.29.7c trii/ saaka/m i/ndro ma/nuSaH sa/raaM+si suta/m pibad vRtraha/tyaaya so/mam
5.29.8a trii/ ya/c chataa/ mahiSaa/Naam a/gho maa/s trii/ sa/raaM+si magha/vaa somyaa/paaH
5.29.8c kaara/M na/ vi/shve ahvanta devaa/ bha/ram i/ndraaya ya/d a/hiM jaghaa/na
5.29.9a usha/naa ya/t sahasyaai\r a/yaataM gRha/m indra juujuvaane/bhir a/shvaiH
5.29.9c vanvaano/ a/tra sara/thaM yayaatha ku/tsena devai/r a/vanor ha shu/SNam
5.29.10a praa/nya/c cakra/m avRhaH suu/ryasya ku/tsaayaanya/d va/rivo yaa/tave .akaH
5.29.10c anaa/so da/syuuM+r amRNo vadhe/na ni/ duryoNa/ aavRNa~N mRdhra/vaacaH
5.29.11a sto/maasas tvaa gau/riviiter avardhann a/randhayo vaidathinaa/ya pi/prum
5.29.11c aa/ tvaa/m Rji/shvaa sakhyaa/ya cakre pa/can paktii/r a/pibaH so/mam asya
5.29.12a na/vagvaasaH suta/somaasa i/ndraM da/shagvaaso abhy a\rcanty arkai/H
5.29.12c ga/vyaM cid uurva/m apidhaa/navantaM ta/M cin na/raH shashamaanaa/ a/pa vran
5.29.13a katho/ nu/ te pa/ri caraaNi vidvaa/n viiryaaaa\ maghavan yaa/ caka/rtha
5.29.13c yaa/ co nu/ na/vyaa kRNa/vaH shaviSTha pre/d u taa/ te vida/theSu bravaama
5.29.14a etaa/ vi/shvaa cakRvaa/M+ indra bhuu/ry a/pariito janu/Saa viirye\Na
5.29.14c yaa/ cin nu/ vajrin kRNa/vo dadhRSvaa/n na/ te vartaa/ ta/viSyaa asti ta/syaaH
5.29.15a i/ndra bra/hma kriya/maaNaa juSasva yaa/ te shaviSTha na/vyaa a/karma
5.29.15c va/streva bhadraa/ su/kRtaa vasuuyuu/ ra/thaM na/ dhii/raH sva/paa atakSam
5.30.1a kva\ sya/ viira/H ko/ apashyad i/ndraM sukha/ratham ii/yamaanaM ha/ribhyaam
5.30.1c yo/ raayaa/ vajrii/ suta/somam icha/n ta/d o/ko ga/ntaa puruhuuta/ uutii/
5.30.2a a/vaacacakSam pada/m asya sasva/r ugra/M nidhaatu/r a/nv aayam icha/n
5.30.2c a/pRcham anyaa/M+ uta/ te/ ma aahur i/ndraM na/ro bubudhaanaa/ ashema
5.30.3a pra/ nu/ vaya/M sute/ yaa/ te kRtaa/nii/ndra bra/vaama yaa/ni no ju/joSaH
5.30.3c ve/dad a/vidvaa~n chRNa/vac ca vidvaa/n va/hate .aya/m magha/vaa sa/rvasenaH
5.30.4a sthira/m ma/nash cakRSe jaata/ indra ve/Sii/d e/ko yudha/ye bhuu/yasash cit
5.30.4c a/shmaanaM cic cha/vasaa didyuto vi/ vido/ ga/vaam uurva/m usri/yaaNaam
5.30.5a paro/ ya/t tva/m parama/ aaja/niSThaaH paraava/ti shru/tyaM naa/ma bi/bhrat
5.30.5c a/tash cid i/ndraad abhayanta devaa/ vi/shvaa apo/ ajayad daasa/patniiH
5.30.6a tu/bhye/d ete/ maru/taH sushe/vaa a/rcanty arka/M sunva/nty a/ndhaH
5.30.6c a/him ohaana/m apa/ aasha/yaanam pra/ maayaa/bhir maayi/naM sakSad i/ndraH
5.30.7a vi/ Suu/ mR/dho janu/Saa daa/nam i/nvann a/han ga/vaa maghavan saMcakaana/H
5.30.7c a/traa daasa/sya na/muceH shi/ro ya/d a/vartayo ma/nave gaatu/m icha/n
5.30.8a yu/jaM hi/ maa/m a/kRthaa aa/d i/d indra shi/ro daasa/sya na/mucer mathaaya/n
5.30.8c a/shmaanaM cit svarya\M va/rtamaanam pra/ cakri/yeva ro/dasii maru/dbhyaH
5.30.9a stri/yo hi/ daasa/ aa/yudhaani cakre/ ki/m maa karann abalaa/ asya se/naaH
5.30.9c anta/r hy a/khyad ubhe/ asya dhe/ne a/tho/pa prai/d yudha/ye da/syum i/ndraH
5.30.10a sa/m a/tra gaa/vo .abhi/to .anavantehe/ha vatsai/r vi/yutaa ya/d aa/san
5.30.10c sa/M taa/ i/ndro asRjad asya shaakai/r ya/d iiM so/maasaH su/Sutaa a/mandan
5.30.11a ya/d iiM so/maa babhru/dhuutaa a/mandann a/roraviid vRSabha/H saa/daneSu
5.30.11c puraMdara/H papivaa/M+ i/ndro asya pu/nar ga/vaam adadaad usri/yaaNaam
5.30.12a bhadra/m ida/M rusha/maa agne akran ga/vaaM catvaa/ri da/dataH saha/sraa
5.30.12c RNaMcaya/sya pra/yataa maghaa/ni pra/ty agrabhiiSma nR/tamasya nRNaa/m
5.30.13a supe/shasam maa/va sRjanty a/staM ga/vaaM saha/srai rusha/maaso agne
5.30.13c tiivraa/ i/ndram amamanduH sutaa/so .akto/r vyu\STau pa/ritakmyaayaaH
5.30.14a au/chat saa/ raa/trii pa/ritakmyaa yaa/M+ RNaMcaye/ raa/jani rusha/maanaam
5.30.14c a/tyo na/ vaajii/ raghu/r ajya/maano babhru/sh catvaa/ry asanat saha/sraa
5.30.15a ca/tuHsahasraM ga/vyasya pashva/H pra/ty agrabhiiSma rusha/meSv agne
5.30.15c gharma/sh cit tapta/H pravR/je ya/ aa/siid ayasma/yas ta/m \.\ v aa/daama vi/praaH
5.31.1a i/ndro ra/thaaya prava/taM kRNoti ya/m adhya/sthaan magha/vaa vaajaya/ntam
5.31.1c yuuthe/va pashvo/ vy u\noti gopaa/ a/riSTo \!\ yaati prathama/H si/Saasan
5.31.2a aa/ pra/ drava harivo maa/ vi/ venaH pi/sha~Ngaraate abhi/ naH sacasva
5.31.2c nahi/ tva/d indra va/syo anya/d a/sty amenaa/M+sh cij ja/nivatash cakartha
5.31.3a u/d ya/t sa/haH sa/hasa aa/janiSTa de/diSTa i/ndra indriyaa/Ni vi/shvaa
5.31.3c praa/codayat sudu/ghaa vavre/ anta/r vi/ jyo/tiSaa saMvavRtva/t ta/mo .avaH
5.31.4a a/navas te ra/tham a/shvaaya takSan tva/STaa va/jram puruhuuta dyuma/ntam
5.31.4c brahmaa/Na i/ndram maha/yanto arkai/r a/vardhayann a/haye ha/ntavaa/ u
5.31.5a vR/SNe ya/t te vR/SaNo arka/m a/rcaan i/ndra graa/vaaNo a/ditiH sajo/SaaH
5.31.5c anashvaa/so ye/ pava/yo .arathaa/ i/ndreSitaa abhy a/vartanta da/syuun
5.31.6a pra/ te puu/rvaaNi ka/raNaani vocam pra/ nuu/tanaa maghavan yaa/ caka/rtha
5.31.6c sha/ktiivo ya/d vibha/raa ro/dasii ubhe/ ja/yann apo/ ma/nave daa/nucitraaH
5.31.7a ta/d i/n nu/ te ka/raNaM dasma vipraa/hiM ya/d ghna/nn o/jo a/traa/mimiithaaH
5.31.7c shu/SNasya cit pa/ri maayaa/ agRbhNaaH prapitva/M ya/nn a/pa da/syuuM+r asedhaH
5.31.8a tva/m apo/ ya/dave turva/shaayaa/ramayaH sudu/ghaaH paara/ indra
5.31.8c ugra/m ayaatam a/vaho ha ku/tsaM sa/M ha ya/d vaam usha/naa/ranta devaa/H
5.31.9a i/ndraakutsaa va/hamaanaa ra/thenaa/ vaam a/tyaa a/pi ka/rNe vahantu
5.31.9c ni/H Siim adbhyo/ dha/matho ni/H Sadha/sthaan magho/no hRdo/ varathas ta/maaM+si
5.31.10a vaa/tasya yuktaa/n suyu/jash cid a/shvaan kavi/sh cid eSo/ ajagann avasyu/H
5.31.10c vi/shve te a/tra maru/taH sa/khaaya i/ndra bra/hmaaNi ta/viSiim avardhan
5.31.11a suu/rash cid ra/tham pa/ritakmyaayaam puu/rvaM karad u/paraM juujuvaa/M+sam
5.31.11c bha/rac cakra/m e/tashaH sa/M riNaati puro/ da/dhat saniSyati kra/tuM naH
5.31.12a aa/ya/M janaa abhica/kSe jagaame/ndraH sa/khaayaM suta/somam icha/n
5.31.12c va/dan graa/vaa/va ve/dim bhriyaate ya/sya jiira/m adhvarya/vash ca/ranti
5.31.13a ye/ caaka/nanta caaka/nanta nuu/ te/ ma/rtaa amRta mo/ te/ a/M+ha aa/ran
5.31.13c vaavandhi/ ya/jyuuM+r uta/ te/Su dhehy o/jo ja/neSu ye/Su te syaa/ma
5.32.1a a/dardar u/tsam a/sRjo vi/ khaa/ni tva/m arNavaa/n badbadhaanaa/M+ aramNaaH
5.32.1c mahaa/ntam indra pa/rvataM vi/ ya/d va/H sRjo/ \!\ vi/ dhaa/raa a/va daanava/M han
5.32.2a tva/m u/tsaaM+ Rtu/bhir badbadhaanaa/M+ a/raM+ha uu/dhaH pa/rvatasya vajrin
5.32.2c a/hiM cid ugra pra/yutaM sha/yaanaM jaghanvaa/M+ indra ta/viSiim adhatthaaH
5.32.3a tya/sya cin mahato/ ni/r mRga/sya va/dhar jaghaana ta/viSiibhir i/ndraH
5.32.3c ya/ e/ka i/d aprati/r ma/nyamaana aa/d asmaad anyo/ ajaniSTa ta/vyaan
5.32.4a tya/M cid eSaaM svadha/yaa ma/dantam miho/ na/paataM suvR/dhaM tamogaa/m
5.32.4c vR/Saprabharmaa daanava/sya bhaa/maM va/jreNa vajrii/ ni/ jaghaana shu/SNam
5.32.5a tya/M cid asya kra/tubhir ni/Sattam amarma/No vida/d i/d asya ma/rma
5.32.5c ya/d iiM sukSatra pra/bhRtaa ma/dasya yu/yutsantaM ta/masi harmye/ dhaa/H
5.32.6a tya/M cid itthaa/ katpaya/M sha/yaanam asuurye/ ta/masi vaavRdhaana/m
5.32.6c ta/M cin mandaano/ vRSabha/H suta/syoccai/r i/ndro apaguu/ryaa jaghaana
5.32.7a u/d ya/d i/ndro mahate/ daanavaa/ya va/dhar ya/miSTa sa/ho a/pratiitam
5.32.7c ya/d iiM va/jrasya pra/bhRtau dadaa/bha vi/shvasya janto/r adhama/M cakaara
5.32.8a tya/M cid a/rNam madhupa/M sha/yaanam asinva/M vavra/m ma/hy aa/dad ugra/H
5.32.8c apaa/dam atra/m mahataa/ vadhe/na ni/ duryoNa/ aavRNa~N mRdhra/vaacam
5.32.9a ko/ asya shu/SmaM ta/viSiiM varaata e/ko dha/naa bharate a/pratiitaH
5.32.9c ime/ cid asya jra/yaso nu/ devii/ i/ndrasyau/jaso bhiya/saa jihaate
5.32.10a ny a\smai devii/ sva/dhitir jihiita i/ndraaya gaatu/r ushatii/va yeme
5.32.10c sa/M ya/d o/jo yuva/te vi/shvam aabhir a/nu svadhaa/vne kSita/yo namanta
5.32.11a e/kaM nu/ tvaa sa/tpatim paa/~ncajanyaM jaata/M shRNomi yasha/saM ja/neSu
5.32.11c ta/m me jagRbhra aasha/so na/viSThaM doSaa/ va/stor ha/vamaanaasa i/ndram
5.32.12a evaa/ hi/ tvaa/m Rtuthaa/ yaata/yantam maghaa/ vi/prebhyo da/dataM shRNo/mi
5.32.12c ki/M te brahmaa/No gRhate sa/khaayo ye/ tvaayaa/ nidadhu/H kaa/mam indra
5.33.1a ma/hi mahe/ tava/se diidhye nRR/n i/ndraayetthaa/ tava/se a/tavyaan
5.33.1c yo/ asmai sumati/M vaa/jasaatau stuto/ ja/ne samarya\sh cike/ta
5.33.2a sa/ tva/M na indra dhiyasaano/ arkai/r ha/riiNaaM vRSan yo/ktram ashreH
5.33.2c yaa/ itthaa/ maghavann a/nu jo/SaM va/kSo abhi/ praa/rya/H sakSi ja/naan
5.33.3a na/ te/ ta indraabhy a\sma/d RSvaa/yuktaaso abrahma/taa ya/d a/san
5.33.3c ti/SThaa ra/tham a/dhi ta/M vajrahastaa/ rashmi/M deva yamase sva/shvaH
5.33.4a puruu/ ya/t ta indra sa/nty ukthaa/ ga/ve caka/rthorva/raasu yu/dhyan
5.33.4c tatakSe/ suu/ryaaya cid o/kasi sve/ vR/Saa sama/tsu daasa/sya naa/ma cit
5.33.5a vaya/M te/ ta indra ye/ ca na/raH sha/rdho jaj~naanaa/ yaataa/sh ca ra/thaaH
5.33.5c aa/smaa/~n jagamyaad ahishuSma sa/tvaa bha/go na/ ha/vyaH prabhRthe/Su caa/ruH
5.33.6a papRkSe/Nyam indra tve/ hy o/jo nRmNaa/ni ca nRta/maano a/martaH
5.33.6c sa/ na e/niiM vasavaano rayi/M daaH praa/rya/ stuSe tuvimagha/sya daa/nam
5.33.7a evaa/ na indroti/bhir ava paahi/ gRNata/H shuura kaaruu/n
5.33.7c uta/ tva/caM da/dato vaa/jasaatau pipriihi/ ma/dhvaH su/Sutasya caa/roH
5.33.8a uta/ tye/ maa paurukutsya/sya suure/s trasa/dasyor hiraNi/no ra/raaNaaH
5.33.8c va/hantu maa da/sha shye/taaso asya gairikSita/sya kra/tubhir nu/ sashce
5.33.9a uta/ tye/ maa maarutaa/shvasya sho/NaaH kra/tvaamaghaaso vida/thasya raatau/
5.33.9c saha/sraa me cya/vataano da/daana aanuuka/m aryo/ va/puSe naa/rcat
5.33.10a uta/ tye/ maa dhvanya\sya ju/STaa lakSmaNya\sya suru/co ya/taanaaH
5.33.10c mahnaa/ raaya/H saMva/raNasya R/Ser vraja/M na/ gaa/vaH pra/yataa a/pi gman
5.34.1a a/jaatashatrum aja/raa sva\rvaty a/nu svadhaa/mitaa dasma/m iiyate
5.34.1c suno/tana pa/cata bra/hmavaahase puruSTutaa/ya pratara/M dadhaatana
5.34.2a aa/ ya/H so/mena jaTha/ram a/piprataa/mandata magha/vaa ma/dhvo a/ndhasaH
5.34.2c ya/d iim mRgaa/ya ha/ntave mahaa/vadhaH saha/srabhRSTim usha/naa vadha/M ya/mat
5.34.3a yo/ asmai ghraM+sa/ uta/ vaa ya/ uu/dhani so/maM suno/ti bha/vati dyumaa/M+ a/ha
5.34.3c a/paapa shakra/s tatanu/STim uuhati tanuu/shubhram magha/vaa ya/H kavaasakha/H
5.34.4a ya/syaa/vadhiit pita/raM ya/sya maata/raM ya/sya shakro/ bhraa/taraM naa/ta iiSate
5.34.4c ve/tii/d v asya pra/yataa yataMkaro/ na/ ki/lbiSaad iiSate va/sva aakara/H
5.34.5a na/ pa~nca/bhir dasha/bhir vaSTy aara/bhaM naa/sunvataa sacate pu/Syataa cana/
5.34.5c jinaa/ti ve/d amuyaa/ ha/nti vaa dhu/nir aa/ devayu/m bhajati go/mati vraje/
5.34.6a vitva/kSaNaH sa/mRtau cakramaasajo/ .asunvato vi/SuNaH sunvato/ vRdha/H
5.34.6c i/ndro vi/shvasya damitaa/ vibhii/SaNo yathaavasha/M nayati daa/sam aa/ryaH
5.34.7a sa/m iim paNe/r ajati bho/janam muSe/ vi/ daashu/Se bhajati suuna/raM va/su
5.34.7c durge/ cana/ dhriyate vi/shva aa/ puru/ ja/no yo/ asya ta/viSiim a/cukrudhat
5.34.8a sa/M ya/j ja/nau sudha/nau vishva/shardhasaav a/ved i/ndro magha/vaa go/Su shubhri/Su
5.34.8c yu/jaM hy a\nya/m a/kRta pravepany u/d iiM ga/vyaM sRjate sa/tvabhir dhu/niH
5.34.9a sahasrasaa/m aa/gniveshiM gRNiiSe sha/trim agna upamaa/M ketu/m arya/H
5.34.9c ta/smaa aa/paH saMya/taH piipayanta ta/smin kSatra/m a/mavat tveSa/m astu
5.35.1a ya/s te saa/dhiSTho/ .avasa i/ndra kra/tuS Ta/m aa/ bhara
5.35.1c asma/bhyaM carSaNiisa/haM sa/sniM vaa/jeSu duSTa/ram
5.35.2a ya/d indra te ca/tasro ya/c chuura sa/nti tisra/H
5.35.2c ya/d vaa pa/~nca kSitiinaa/m a/vas ta/t su/ na aa/ bhara
5.35.3a aa/ te/ .avo va/reNyaM vR/Santamasya huumahe
5.35.3c vR/Sajuutir hi/ jaj~niSa/ aabhuu/bhir indra turva/NiH
5.35.4a vR/Saa hy a/si raa/dhase jaj~niSe/ vR/SNi te sha/vaH
5.35.4c sva/kSatraM te dhRSa/n ma/naH satraaha/m indra pau/M+syam
5.35.5a tva/M ta/m indra ma/rtyam amitraya/ntam adrivaH
5.35.5c sarvarathaa/ shatakrato ni/ yaahi shavasas pate
5.35.6a tvaa/m i/d vRtrahantama ja/naaso vRkta/barhiSaH
5.35.6c ugra/m puurvii/Su puurvya/M ha/vante vaa/jasaataye
5.35.7a asmaa/kam indra duSTa/ram puroyaa/vaanam aaji/Su
5.35.7c sayaa/vaanaM dha/ne-dhane vaajaya/ntam avaa ra/tham
5.35.8a asmaa/kam indre/hi no ra/tham avaa pu/raMdhyaa
5.35.8c vaya/M shaviSTha vaa/ryaM divi/ shra/vo dadhiimahi divi/ sto/mam manaamahe
5.36.1a sa/ aa/ gamad i/ndro yo/ va/suunaaM ci/ketad daa/tuM daa/mano rayiiNaa/m
5.36.1c dhanvacaro/ na/ va/M+sagas tRSaaNa/sh cakamaana/H pibatu dugdha/m aM+shu/m
5.36.2a aa/ te ha/nuu harivaH shuura shi/pre ru/hat so/mo na/ pa/rvatasya pRSThe/
5.36.2c a/nu tvaa raajann a/rvato na/ hinva/n giirbhi/r madema puruhuuta vi/shve
5.36.3a cakra/M na/ vRtta/m puruhuuta vepate ma/no bhiyaa/ me a/mater i/d adrivaH
5.36.3c ra/thaad a/dhi tvaa jaritaa/ sadaavRdha kuvi/n nu/ stoSan maghavan puruuva/suH
5.36.4a eSa/ graa/veva jaritaa/ ta indre/yarti vaa/cam bRha/d aashuSaaNa/H
5.36.4c pra/ savye/na maghavan ya/M+si raaya/H pra/ dakSiNi/d dharivo maa/ vi/ venaH
5.36.5a vR/Saa tvaa vR/SaNaM vardhatu dyau/r vR/Saa vR/SabhyaaM vahase ha/ribhyaam
5.36.5c sa/ no vR/Saa vR/SarathaH sushipra vR/Sakrato vR/Saa vajrin bha/re dhaaH
5.36.6a yo/ ro/hitau vaaji/nau vaaji/niivaan tribhi/H shatai/H sa/camaanaav a/diSTa
5.36.6c yuu/ne sa/m asmai kSita/yo namantaaM shruta/rathaaya maruto duvoyaa/
5.37.1a sa/m bhaanu/naa yatate suu/ryasyaaju/hvaano ghRta/pRSThaH sva/~ncaaH
5.37.1c ta/smaa a/mRdhraa uSa/so vy u\chaan ya/ i/ndraaya suna/vaame/ty aa/ha
5.37.2a sa/middhaagnir vanavat stiirNa/barhir yukta/graavaa suta/somo jaraate
5.37.2c graa/vaaNo ya/syeSira/M va/danty a/yad adhvaryu/r havi/Saa/va si/ndhum
5.37.3a vadhuu/r iya/m pa/tim icha/nty eti ya/ iiM va/haate ma/hiSiim iSiraa/m
5.37.3c aa/sya shravasyaad ra/tha aa/ ca ghoSaat puruu/ saha/sraa pa/ri vartayaate
5.37.4a na/ sa/ raa/jaa vyathate ya/sminn i/ndras tiivra/M so/mam pi/bati go/sakhaayam
5.37.4c aa/ satvanai/r a/jati ha/nti vRtra/M kSe/ti kSitii/H subha/go naa/ma pu/Syan
5.37.5a pu/Syaat kSe/me abhi/ yo/ge bhavaaty ubhe/ vR/tau saMyatii/ sa/M jayaati
5.37.5c priya/H suu/rye priyo/ agnaa/ bhavaati ya/ i/ndraaya suta/somo da/daashat
5.38.1a uro/S Ta indra raa/dhaso vibhvii/ raati/H shatakrato
5.38.1c a/dhaa no vishvacarSaNe dyumnaa/ sukSatra maM+haya
5.38.2a ya/d iim indra shravaa/yyam i/SaM shaviSTha dadhiSe/
5.38.2c paprathe/ diirghashru/ttamaM hi/raNyavarNa duSTa/ram
5.38.3a shu/Smaaso ye/ te adrivo meha/naa ketasaa/paH
5.38.3c ubhaa/ devaa/v abhi/STaye diva/sh ca gma/sh ca raajathaH
5.38.4a uto/ no asya/ ka/sya cid da/kSasya ta/va vRtrahan
5.38.4c asma/bhyaM nRmNa/m aa/ bharaasma/bhyaM nRmaNasyase
5.38.5a nuu/ ta aabhi/r abhi/STibhis ta/va sha/rma~n chatakrato
5.38.5c i/ndra syaa/ma sugopaa/H shuu/ra syaa/ma sugopaa/H
5.39.1a ya/d indra citra meha/naa/sti tvaa/daatam adrivaH
5.39.1c raa/dhas ta/n no vidadvasa ubhayaahasty aa/ bhara
5.39.2a ya/n ma/nyase va/reNyam i/ndra dyukSa/M ta/d aa/ bhara
5.39.2c vidyaa/ma ta/sya te vaya/m a/kuupaarasya daava/ne
5.39.3a ya/t te ditsu/ praraa/dhyam ma/no a/sti shruta/m bRha/t
5.39.3c te/na dRLhaa/ cid adriva aa/ vaa/jaM darSi saata/ye
5.39.4a ma/M+hiSThaM vo magho/naaM raa/jaanaM carSaNiinaa/m
5.39.4c i/ndram u/pa pra/shastaye puurvii/bhir jujuSe gi/raH
5.39.5a a/smaa i/t kaa/vyaM va/ca uktha/m i/ndraaya sha/M+syam
5.39.5c ta/smaa u bra/hmavaahase gi/ro vardhanty a/trayo gi/raH shumbhanty a/trayaH
5.40.1a aa/ yaahy a/dribhiH suta/M so/maM somapate piba
5.40.1c vR/Sann indra vR/Sabhir vRtrahantama
5.40.2a vR/Saa graa/vaa vR/Saa ma/do vR/Saa so/mo aya/M suta/H
5.40.2c vR/Sann indra vR/Sabhir vRtrahantama
5.40.3a vR/Saa tvaa vR/SaNaM huve va/jri~n citraa/bhir uuti/bhiH
5.40.3c vR/Sann indra vR/Sabhir vRtrahantama
5.40.4a RjiiSii/ vajrii/ vRSabha/s turaaSaa/T chuSmii/ raa/jaa vRtrahaa/ somapaa/vaa
5.40.4c yuktvaa/ ha/ribhyaam u/pa yaasad arvaa/~N maa/dhyaMdine sa/vane matsad i/ndraH
5.40.5a ya/t tvaa suurya sva\rbhaanus ta/masaa/vidhyad aasura/H
5.40.5c a/kSetravid ya/thaa mugdho/ bhu/vanaany adiidhayuH
5.40.6a sva\rbhaanor a/dha ya/d indra maayaa/ avo/ divo/ va/rtamaanaa avaa/han
5.40.6c guuLha/M suu/ryaM ta/masaa/pavratena turii/yeNa bra/hmaNaavindad a/triH
5.40.7a maa/ maa/m ima/M ta/va sa/ntam atra irasyaa/ drugdho/ bhiya/saa ni/ gaariit
5.40.7c tva/m mitro/ asi satya/raadhaas tau/ mehaa/vataM va/ruNash ca raa/jaa
5.40.8a graa/vNo brahmaa/ yuyujaana/H saparya/n kiiri/Naa devaa/n na/masopashi/kSan
5.40.8c a/triH suu/ryasya divi/ ca/kSur aa/dhaat sva\rbhaanor a/pa maayaa/ aghukSat
5.40.9a ya/M vai/ suu/ryaM sva\rbhaanus ta/masaa/vidhyad aasura/H
5.40.9c a/trayas ta/m a/nv avindan nahy a\nye/ a/shaknuvan
5.41.1a ko/ nu/ vaam mitraavaruNaav Rtaaya/n divo/ vaa maha/H paa/rthivasya vaa de/
5.41.1c Rta/sya vaa sa/dasi traa/siithaaM no yaj~naayate/ vaa pashuSo/ na/ vaa/jaan
5.41.2a te/ no mitro/ va/ruNo aryamaa/yu/r i/ndra RbhukSaa/ maru/to juSanta
5.41.2c na/mobhir vaa ye/ da/dhate suvRkti/M sto/maM rudraa/ya miiLhu/Se sajo/SaaH
5.41.3a aa/ vaaM ye/SThaashvinaa huva/dhyai vaa/tasya pa/tman ra/thyasya puSTau/
5.41.3c uta/ vaa divo/ a/suraaya ma/nma praa/ndhaaM+siiva ya/jyave bharadhvam
5.41.4a pra/ sakSa/No divya/H ka/Nvahotaa trito/ diva/H sajo/Saa vaa/to agni/H
5.41.4c puuSaa/ bha/gaH prabhRthe/ vishva/bhojaa aaji/M na/ jagmur aashva\shvatamaaH
5.41.5a pra/ vo rayi/M yuktaa/shvam bharadhvaM raaya/ e/Se/ .avase dadhiita dhii/H
5.41.5c sushe/va e/vair aushija/sya ho/taa ye/ va e/vaa marutas turaa/Naam
5.41.6a pra/ vo vaayu/M rathayu/jaM kRNudhvam pra/ deva/M vi/pram panitaa/ram arkai/H
5.41.6c iSudhya/va Rtasaa/paH pu/raMdhiir va/sviir no a/tra pa/tniir aa/ dhiye/ dhuH
5.41.7a u/pa va e/Se va/ndyebhiH shuuSai/H pra/ yahvii/ diva/sh cita/yadbhir arkai/H
5.41.7c uSaa/saana/ktaa vidu/Siiva vi/shvam aa/ haa vahato ma/rtyaaya yaj~na/m
5.41.8a abhi/ vo arce poSyaa/vato nRR/n vaa/stoS pa/tiM tva/STaaraM ra/raaNaH
5.41.8c dha/nyaa sajo/Saa dhiSa/Naa na/mobhir va/naspa/tiiM+r o/Sadhii raaya/ e/Se
5.41.9a tuje/ nas ta/ne pa/rvataaH santu svai/tavo ye/ va/savo na/ viiraa/H
5.41.9c panita/ aaptyo/ yajata/H sa/daa no va/rdhaan naH sha/M+saM na/ryo abhi/STau
5.41.10a vR/SNo astoSi bhuumya/sya ga/rbhaM trito/ na/paatam apaa/M suvRkti/
5.41.10c gRNiite/ agni/r eta/rii na/ shuuSai/H shoci/Skesho ni/ riNaati va/naa
5.41.11a kathaa/ mahe/ rudri/yaaya bravaama ka/d raaye/ cikitu/Se bha/gaaya
5.41.11c aa/pa o/Sadhiir uta/ no .avantu dyau/r va/naa gira/yo vRkSa/keshaaH
5.41.12a shRNo/tu na uurjaa/m pa/tir gi/raH sa/ na/bhas ta/riiyaaM+ iSira/H pa/rijmaa
5.41.12c shRNva/ntv aa/paH pu/ro na/ shubhraa/H pa/ri sru/co babRhaaNa/syaa/dreH
5.41.13a vidaa/ cin nu/ mahaanto ye/ va e/vaa bra/vaama dasmaa vaa/ryaM da/dhaanaaH
5.41.13c va/yash cana/ subhva\ aa/va yanti kSubhaa/ ma/rtam a/nuyataM vadhasnai/H
5.41.14a aa/ dai/vyaani paa/rthivaani ja/nmaapa/sh caa/chaa su/makhaaya vocam
5.41.14c va/rdhantaaM dyaa/vo gi/rash candraa/graa udaa/ vardhantaam abhi/Saataa a/rNaaH
5.41.15a pade/-pade me jarimaa/ ni/ dhaayi va/ruutrii vaa shakraa/ yaa/ paayu/bhish ca
5.41.15c si/Saktu maataa/ mahii/ rasaa/ naH sma/t suuri/bhir Rjuha/sta Rjuva/niH
5.41.16a kathaa/ daashema na/masaa sudaa/nuun evayaa/ maru/to a/choktau pra/shravaso maru/to a/choktau
5.41.16d maa/ no/ .ahir budhnyo\ riSe/ dhaad asmaa/kam bhuud upamaativa/niH
5.41.17a i/ti cin nu/ prajaa/yai pashuma/tyai de/vaaso va/nate ma/rtyo va aa/ devaaso vanate ma/rtyo vaH
5.41.17d a/traa shivaa/M tanvo\ dhaasi/m asyaa/ jaraa/M cin me ni/rRtir jagrasiita
5.41.18a taa/M vo devaaH sumati/m uurja/yantiim i/Sam ashyaama vasavaH sha/saa go/H
5.41.18c saa/ naH sudaa/nur mRLa/yantii devii/ pra/ti dra/vantii suvitaa/ya gamyaaH
5.41.19a abhi/ na i/Laa yuutha/sya maataa/ sma/n nadii/bhir urva/shii vaa gRNaatu
5.41.19c urva/shii vaa bRhaddivaa/ gRNaanaa/bhyuurNvaanaa/ prabhRtha/syaayo/H
5.41.20a si/Saktu na uurjavya\sya puSTe/H
5.42.1a pra/ sha/Mtamaa va/ruNaM dii/dhitii gii/r mitra/m bha/gam a/ditiM nuuna/m ashyaaH
5.42.1c pR/SadyoniH pa/~ncahotaa shRNotv a/tuurtapanthaa a/suro mayobhu/H
5.42.2a pra/ti me sto/mam a/ditir jagRbhyaat suunu/M na/ maataa/ hR/dyaM sushe/vam
5.42.2c bra/hma priya/M deva/hitaM ya/d a/sty aha/m mitre/ va/ruNe ya/n mayobhu/
5.42.3a u/d iiraya kavi/tamaM kaviinaa/m una/ttainam abhi/ ma/dhvaa ghRte/na
5.42.3c sa/ no va/suuni pra/yataa hitaa/ni candraa/Ni deva/H savitaa/ suvaati
5.42.4a sa/m indra No ma/nasaa neSi go/bhiH sa/M suuri/bhir harivaH sa/M svasti/
5.42.4c sa/m bra/hmaNaa deva/hitaM ya/d a/sti sa/M devaa/naaM sumatyaa/ yaj~ni/yaanaam
5.42.5a devo/ bha/gaH savitaa/ raayo/ a/M+sha i/ndro vRtra/sya saMji/to dha/naanaam
5.42.5c RbhukSaa/ vaa/ja uta/ vaa pu/raMdhir a/vantu no amR/taasas turaa/saH
5.42.6a maru/tvato a/pratiitasya jiSNo/r a/juuryataH pra/ bravaamaa kRtaa/ni
5.42.6c na/ te puu/rve maghavan naa/paraaso na/ viirya\M nuu/tanaH ka/sh canaa/pa
5.42.7a u/pa stuhi prathama/M ratnadhe/yam bR/haspa/tiM sanitaa/raM dha/naanaam
5.42.7c ya/H sha/M+sate stuvate/ sha/mbhaviSThaH puruuva/sur aaga/maj jo/huvaanam
5.42.8a ta/voti/bhiH sa/camaanaa a/riSTaa bR/haspate magha/vaanaH suvii/raaH
5.42.8c ye/ ashvadaa/ uta/ vaa sa/nti godaa/ ye/ vastradaa/H subha/gaas te/Su raa/yaH
5.42.9a visarmaa/NaM kRNuhi vitta/m eSaaM ye/ bhu~nja/te a/pRNanto na ukthai/H
5.42.9c a/pavrataan prasave/ vaavRdhaanaa/n brahmadvi/SaH suu/ryaad yaavayasva
5.42.10a ya/ o/hate rakSa/so deva/viitaav acakre/bhis ta/m maruto ni/ yaata
5.42.10c yo/ vaH sha/miiM shashamaana/sya ni/ndaat tuchyaa/n kaa/maan karate siSvidaana/H
5.42.11a ta/m u STuhi ya/H sviSu/H sudha/nvaa yo/ vi/shvasya kSa/yati bheSaja/sya
5.42.11c ya/kSvaa mahe/ saumanasaa/ya rudra/M na/mobhir deva/m a/suraM duvasya
5.42.12a da/muunaso apa/so ye/ suha/staa vR/SNaH pa/tniir nadyo\ vibhvataSTaa/H
5.42.12c sa/rasvatii bRhaddivo/ta/ raakaa/ dashasya/ntiir varivasyantu shubhraa/H
5.42.13a pra/ suu/ mahe/ susharaNaa/ya medhaa/M gi/ram bhare na/vyasiiM jaa/yamaanaam
5.42.13c ya/ aahanaa/ duhitu/r vakSa/Naasu ruupaa/ minaano/ a/kRNod ida/M naH
5.42.14a pra/ suSTuti/ stana/yantaM ruva/ntam iLa/s pa/tiM jaritar nuuna/m ashyaaH
5.42.14c yo/ abdimaa/M+ udanimaa/M+ i/yarti pra/ vidyu/taa ro/dasii ukSa/maaNaH
5.42.15a eSa/ sto/mo maa/rutaM sha/rdho a/chaa rudra/sya suunuu/M+r yuvanyuu/M+r u/d ashyaaH
5.42.15c kaa/mo raaye/ havate maa svasty u/pa stuhi pR/SadashvaaM+ ayaa/saH
5.42.16a prai/Sa/ sto/maH pRthivii/m anta/rikSaM va/naspa/tiiM+r o/Sadhii raaye/ ashyaaH
5.42.16c devo/-devaH suha/vo bhuutu ma/hyam maa/ no maataa/ pRthivii/ durmatau/ dhaat
5.42.17a urau/ devaa anibaadhe/ syaama
5.42.18a sa/m ashvi/nor a/vasaa nuu/tanena mayobhu/vaa supra/Niitii gamema
5.42.18c aa/ no rayi/M vahatam o/ta/ viiraa/n aa/ vi/shvaany amRtaa sau/bhagaani
5.43.1a aa/ dhena/vaH pa/yasaa tuu/rNyarthaa a/mardhantiir u/pa no yantu ma/dhvaa
5.43.1c maho/ raaye/ bRhatii/H sapta/ vi/pro mayobhu/vo jaritaa/ johaviiti
5.43.2a aa/ suSTutii/ na/masaa vartaya/dhyai dyaa/vaa vaa/jaaya pRthivii/ a/mRdhre
5.43.2c pitaa/ maataa/ ma/dhuvacaaH suha/staa bha/re-bhare no yasha/saav aviSTaam
5.43.3a a/dhvaryavash cakRvaa/M+so ma/dhuuni pra/ vaaya/ve bharata caa/ru shukra/m
5.43.3c ho/teva naH prathama/H paahy asya/ de/va ma/dhvo rarimaa/ te ma/daaya
5.43.4a da/sha kSi/po yu~njate baahuu/ a/driM so/masya yaa/ shamitaa/raa suha/staa
5.43.4c ma/dhvo ra/saM suga/bhastir giriSThaa/M ca/nishcadad duduhe shukra/m aM+shu/H
5.43.5a a/saavi te jujuSaaNaa/ya so/maH kra/tve da/kSaaya bRhate/ ma/daaya
5.43.5c ha/rii ra/the sudhu/raa yo/ge arvaa/g i/ndra priyaa/ kRNuhi huuya/maanaH
5.43.6a aa/ no mahii/m ara/matiM sajo/Saa gnaa/M devii/M na/masaa raata/havyaam
5.43.6c ma/dhor ma/daaya bRhatii/m Rtaj~naa/m aa/gne vaha pathi/bhir devayaa/naiH
5.43.7a a~nja/nti ya/m pratha/yanto na/ vi/praa vapaa/vantaM naa/gni/naa ta/pantaH
5.43.7c pitu/r na/ putra/ upa/si pre/STha aa/ gharmo/ agni/m Rta/yann asaadi
5.43.8a a/chaa mahii/ bRhatii/ sha/Mtamaa gii/r duuto/ na/ gantv ashvi/naa huva/dhyai
5.43.8c mayobhu/vaa sara/thaa/ yaatam arvaa/g ganta/M nidhi/M dhu/ram aaNi/r na/ naa/bhim
5.43.9a pra/ ta/vyaso na/ma.auktiM tura/syaaha/m puuSNa/ uta/ vaayo/r adikSi
5.43.9c yaa/ raa/dhasaa coditaa/raa matiinaa/M yaa/ vaa/jasya draviNodaa/ uta/ tma/n
5.43.10a aa/ naa/mabhir maru/to vakSi vi/shvaan aa/ ruupe/bhir jaatavedo huvaana/H
5.43.10c yaj~na/M gi/ro jaritu/H suSTuti/M ca vi/shve ganta maruto vi/shva uutii/
5.43.11a aa/ no divo/ bRhata/H pa/rvataad aa/ sa/rasvatii yajataa/ gantu yaj~na/m
5.43.11c ha/vaM devii/ jujuSaaNaa/ ghRtaa/cii shagmaa/M no vaa/cam ushatii/ shRNotu
5.43.12a aa/ vedha/saM nii/lapRSTham \!\ bRha/ntam bR/haspa/tiM sa/dane saadayadhvam
5.43.12c saada/dyoniM da/ma aa/ diidivaa/M+saM hi/raNyavarNam aruSa/M sapema
5.43.13a aa/ dharNasi/r bRha/ddivo ra/raaNo vi/shvebhir gantv o/mabhir huvaana/H
5.43.13c gnaa/ va/saana o/Sadhiir a/mRdhras tridhaa/tushR~Ngo vRSabho/ vayodhaa/H
5.43.14a maatu/S pade/ parame/ shukra/ aayo/r vipanya/vo raaspiraa/so agman
5.43.14c sushe/vyaM na/masaa raata/havyaaH shi/shum mRjanty aaya/vo na/ vaase/
5.43.15a bRha/d va/yo bRhate/ tu/bhyam agne dhiyaaju/ro mithunaa/saH sacanta
5.43.15c devo/-devaH suha/vo bhuutu ma/hyam maa/ no maataa/ pRthivii/ durmatau/ dhaat
5.43.16a urau/ devaa anibaadhe/ syaama
5.43.17a sa/m ashvi/nor a/vasaa nuu/tanena mayobhu/vaa supra/Niitii gamema
5.43.17c aa/ no rayi/M vahatam o/ta/ viiraa/n aa/ vi/shvaany amRtaa sau/bhagaani

Rig Veda, Book 5 (ASCII)

Book 5

Related Links

External Links