Se̿ng-géng/Mǎ-tuo̿i Hŭ-éng/15
- 1 Ǔ-cì-sî iǔ Huǎ-lī-so̿ nêng iáu nāng-sṳ́ nêng giǎng Iǎ-lū-să-lǎing lâ̤ hīng Iǎ-Sú.
- 2 Uā, Nì gâ̤ hǎ-sáing ca̿-sū-dī ngà̤ gǔ-sî-hē nêng dúǔing à lâ̤ gâ̤ lī-gṳ́, ko̤̿ iè gâ̤ sî-hē ēng sáing sǎi siǔ.
- 3 Iǎ-Sú a̿ing uā, Nì ca̿-sū-dī éng-ṳē ǔ dṳ̌ig à lâ̤ gâ̤ lī-gṳ́, ngà̤ Ciōng-Di̿ gáu-dō gâ̤ dī?
- 4 Éng-ṳē Ciōng-Di̿ uā-gua̿, Niōng ge̿ng dá-nǎi: ǐ uā, Lūing-uā dá-nǎi gâ̤ nêng, cǒng niōng gṳ̀ sǐ:
- 5 Nì gu̿ gō̤-uā, Nêng lâ̤ iáu dá-nǎi uā, Uòi e̿ng-gái ge̿ng ni gâ̤ mî=dī, dú nǎ Ciōng-Di̿ làu.
- 6 Cuo̿i-hē ciū ēng niōng ge̿ng dá-nǎi. Iǒ̤ng-gǎ̤-sǐ nì éng-ṳē ǔ dúǔing à lâ̤ gâ̤ lī-gṳ́, nà Ciōng-Di̿ gâ̤ dàu-lǐ do̤̿ng mǎu iàu-gěng tiāu.
- 7 Gǎ-gǎu gâ̤ nêng, Ì-so̿-ngā sáing uā-gua̿ nì gâ̤ dī, cèng mài cho̤̿.
- 8 Gṳ̀ uā, Iǒ̤ng bă-sia̿ng e̿ng-ciā-chṳ̿ ge̿ng uòi; gṳ̀ gâ̤ séng dú sī lī u uòi cèng dàu.
- 9 Gṳ̀ nà nêng gáu-dō gâ̤ dī ce̤̿ng gṳ̀ gâ̤ dàu-lǐ háu nêng, gu̿-chu̿ gṳ̀ ba̿i uòi iǎ sī mǎu-sǎ̤.
- 10 Iǎ-Sú hǎng ǔ cèng cāi nêng lâ̤, iáu gṳ̀ uā, Nì niōng tia̿ng-nī, iǎ niōng měng-bà̤:
- 11 Ēng sī giǎng chṳ̿-di̿ di̿ ko̤̿ gâ̤ mî-dī ŏ̤ huōi nêng í-nǒ̤, sī giǎng chṳ̿-di̿ chṳ̆ lâ̤ gâ̤ mî-dī ŏ̤ huōi nêng í-nǒ̤.
- 12 Hǎ-sáing giǎng-ce̿ng lâ̤, uā, Huǎ-lī-so̿ nêng tia̿ng-nī iǒ̤ng dī, uā sī huōi gṳ̀ iǔ gua̿-ngāi, nì dǎ̤-dí , ēng dǎ̤-dí?
- 13 Iǎ-Sú uā, Mǎu-lō̤ng sū-mū cá̤ gâ̤ mî-dī, lâ̤-ēng-sī uòi Dá cá̤ gâ̤, hē-lǎi ciū ŏ̤ cò gṳ́ing bí-tiǎu.
- 14 Běng-cie̿ gṳ̀: gṳ̀ sī hǎi-ciě káing nêng giǎng diō̤. Lâ̤-sī hǎi-ciě káing hǎi-ciě giǎng diō̤, liōng nêng dǔing hā káng-di̿ ko̤̿.
- 15 Bǐ-dǎ̤ uā, Iǒ̤ng bǐ-piāng iáu uā měng-bà̤.
- 16 Iǎ-Sú uā, Nì séng-dǐ gu̿ mài měng-bà̤ à?
- 17 Nì gu̿ ēng dǎ̤-dí, mǎu-lō̤ng sū-mū dī giǎng chṳ̿-di̿ di̿ ko̤̿ gâ̤, dú dau bǔ-di̿ siáu-tiāu, hē-mṳě ciū nuǒi hā dó̤ng-sú-di̿?
- 18 Cǒng-lâ̤ iǔ giǎng chṳ̿-di̿ chṳ̆ lâ̤ gâ̤ dī, sī giǎng séng-di̿ chṳ̆ lâ̤ gâ̤ , iǒ̤ng dú ŏ̤ huōi nêng í-nǒ̤.
- 19 Éng-ṳē giǎng séng-di̿ chṳ̆ lâ̤ gâ̤, iǔ làing gâ̤ séng-sū, huōi-sǐ nêng, tóng-gáing, biǎu, te̿ng nêng, té nêng, ca̿ gǎ gâ̤ gúing-ce̿ng, lūing-uā nêng:
- 20 Iǒ̤ng duói ciū sī huōi nêng í-nǒ̤ gâ̤ dī: lâ̤-sī ēng-naǐng sáing sǎi siǔ ko̤̿ iè ài huōi nêng í-nǒ̤.
- 21 Iǎ-Sú giǎng ú-di̿ pī-kṳé, ko̤̿ Tó-lô̤, Sái-dō̤ng gâ̤ sù-cài.
- 22 Iǔ cì-ciă Gá-nâng gâ̤ á-niông-nêng giǎng ǔ-di̿ chṳ̆ lâ̤ bǎng kǐ lâ̤, ǔa, Cṳ̌ à, Duōi-pǐ gâ̤ gṳ̌ing-só̤ng, kǒ̤-lǐng uòi; uòi gâ̤ á-niông-gṳ̌ing nǎ gṳ̌ mî-diū, cèng kǔ.
- 23 Iǎ-Sú cì gṳ̄ dī dú ēng a̿ing. Hǎ-sáing giǎng-ce̿ng lâ̤ giǔ Iǎ-Sú , uā, Niōng hǎng gṳ̀ ko̤̿ ; éng-ṳē gṳ̀ gáing da̿u bù-ciǎ hē-di̿ hǎng.
- 24 Iǎ-Sú uā, Hǎng uòi lâ̤ gâ, cǒng-lâ̤ niōng uòi ko̤̿ Ì-să̤-liĕ ǔ cì ù mǎu-tiāu gâ̤ iôngg ǔ-di̿.
- 25 Ǔ á-niông-nêng lâ̤ bāi Iǎ-Sú, uā, Cṳ̌ à, bóng-cha̿ing uòi.
- 26 Iǎ-Sú a̿ing uā, Nà gṳ̌ing-ciě gâ̤ biǎng diú nǎ ě iè, sī sǎ̤ ēng dǎ̤ gâ̤ .
- 27 Ǔ á-niông-nêng uā, Cṳ̌ à, mài cho̤̿: lâ̤-sī cṳ̌-nêng dǒ̤ à, sṳé-tiāu gâ̤ lâ̤5ing-sáing, ě iǎ iè-dǎ̤.
- 28 Iǎ-Sú a̿ing gṳ̀ uā, Á-niông-nêng, nì iǒ̤ng chéng se̿ng: běng nì o̿ gâ̤ , ŏ̤ ta̿i nì ca̿-chěng. Ǔ-cì-dēng gṳ̀ á-niông-gṳ̌ing ciū hǎu-tiāu.
- 29 Iǎ-Sú giǎng ǔ dī-huó̤ng ko̤̿-tiāu, lâ̤ gṳ̄ing Gá-lī-lī huǒi-bíng gâ̤ sù-cài ; iǒ̤ng súing, cō-diū.
- 30 Iǔ cèng cāi nêng hā gṳ̀-dī lâ̤; iáu-diū giō̤-káu gâ̤, hǎi-ciě, ǎ-ciě, ba̿-la̿-ciě, gu̿ iǔ cèng cāi bāng-nêng, bo̿ng hā Iǎ-Sú káu-bíng-di̿; Iǎ-Sú ciū ta̿i gṳ̀ í hǎu.
- 31 Ǔ cèng cāi nêng chū-gi̿ng á-ciě uā dī kǐ lâ̤, ba̿-la̿-ciě hǎu-tiāu, gio̤̿-káu giǎng diō̤, hǎi-ciě chū-dǎ̤ gi̿ng; ciū cèng hí-gǐ, gṳ́ ě̤ng-iāu nǎ Ì-să̤-liĕ nêng gâ̤ Ciōng-Di̿.
- 32 Iǎ-Sú hǎng hǎ-sáing lâ̤, uā, Uòi kǒ̤-lǐng iǒ̤ng cèng cāi nêng, éng-ṳē gṳ̀ hā uòi iǒ̤ng-di̿ iǔ sáng góng làu, giâ-gíng mǎu mî-di̿ ŏ̤ mǎu-nāu-uǒi.
- 33 Hǎ-sáing uā, Da̿u ko̿ng-iǎ gâ̤ sù-cài uòi-huo̿i-nêng nī-di̿ iǔ ǔ cāi biǎng nǎ iǒ̤ng cèng cāi nêng iè bǎu nī?
- 34 Iǎ-Sú uā, Nì iǔ hǐ-tī biǎng? Gṳ̀ a̿ing uā, Iǔ chǐ-tī, gu̿ iǔ gǐ-tê ngṳ̂-ciě.
- 35 Iǎ-Sú hǎng duōi-gá-nêng cō hā diá-di̿;
- 36 Ciū nà-diū ǔ chǐ-tī biǎng, gǐ-tê ngṳ̂; uā do̿-ciā iě-kṳé biǎng dé nǎ hǎ-sáing, hǎ-sáing bṳ́ing nǎ duōi-gá-nêng.
- 37 Duōi-gá-nêng dú iè bǎu làu: lâing-cho̿ diōng-diū gâ̤, chéng kǐ lâ̤ dó̤ng-mǔing chǐ-ciǎ lě.
- 38 Iè gâ̤ nêng, á-niông-nêng, gṳ̌ing-ciě ēg so̤̿ng, iǔ si̿-cháing nêng.
- 39 Iǎ-Sú hǎng ǔ cèng cāi nêng su̿ing-tiāu, ciū iòng ṳ̌ing, lâ̤ gṳ̄ing Muǒi-duōi-là gâ̤ sù-cài.
← · Di̿ 14 Cióng · Di̿ 16 Cióng →
«Se̿ng-géng» gâ̤ mù-lṳ̀
