Se̿ng-géng/Mǎ-tuo̿i Hŭ-éng/16
Di̿ 16 Cióng
edit
- 1 Huǎ-lī-so̿ nêng iáu Sǎ-dú-gái nêng lâ̤ chi̿ Iǎ-Sú, hǎng gṳ̀ giǎng tíng ciōng hǐng ciǎ sěng-tóng gâ̤ dī nǎ gṳ̀ chū.
- 2 Iǎ-Sú a̿ing gṳ̀, uā, O̤̿ng-bíng-ciě, tíng-di̿ chṳ̌ o̿ng hâ, nì ciū uā, Mêng-diáu ŏ̤ câng.
- 3 Cǎu-tê, tíng-di̿ chṳ̌ o̿ng hâ, gu̿ iǔ ú ě̤ng, nì ciū uā, Géng-diáu iǔ hóng-hṳ̄. Gǎ-hǎu gâ̤ nêng, tíng-ki̿ nì dú ŏ̤ chū-dǎ̤ chṳ̌; iǒ̤ng sî-hē sěng-tóng gâ̤ dī da̿u mài chū-dǎ̤ chṳ̌.
- 4 Tóng-gáing cèng ŏ̤ gâ̤ si̿-ga̿i o̿ chū sěng-tóng gâ̤ dī; ēng-sī síng-dí Iǒ̤-nà ǔ cì-iōng sěng-tóng gâ̤ dī, cuo̿i mǎu biē sěng-tóng gâ̤ dī nǎ gṳ̀ chū. Iǎ-Sú ciū giǎng gṳ̀ ǔ-di̿ ko̤̿-tiāu.
- 5 Hǎ-sáing dǎ da̿u ú-bíng ngāing, láu-bǎu-tiāu dúo̿i biǎng.
- 6 Iǎ-Sú iáu gṳ̀ uā, Nì niōng siǎu-séng bǒ̤ng-bī Huǎ-lī-so̿ nêng iáu Sǎ-dú-gái nêng gâ̤ mīng-hó bṳ̌.
- 7. Hǎ-sáing càng-càng di̿ nì iáu gṳ̀, gṳ̀ iáu nì gō̤-uā, Ǒ̤-sī uā uôi-huōi-nêng ēng-nǎing duo̿i biǎng lâ̤?
- 8 Iǎ-Sú dǎ̤-dí kǐ lâ̤, ciū iáu gṳ̀ uā, Nì iǒ̤ng mài chéng sēng gâ̤ nêng, ca̿-sū-dī éng-ṳē ēng-nǎing duo̿i biǎng càng-càng-di̿ nì iáu gṳ̀, gṳ̀ iáu nì gō̤-uā?
- 9 Nì gu̿ ēng hiǎu-dǎ̤, ǐ láu-bǎu-tiāu ǔ ngù-tī biǎng bṳ́ing nǎ ngù-cháing nêng, iáu diōng-diū gâ̤ chéng gǐ-duói sâng?
- 10 Iǎ láu-bǎu-tiāu ǔ chǐ-tī biǎng bṳ́ing nǎ si̿-cháing nêng, iáu diōng-diū gâ̤ chéng gǐ-duói lě?
- 11 Nì gōng-ciōng-iōng ēng hiǎu-dǎ̤ uòi iáu nì uā gâ̤ dī, ēng sī uā biǎng? Nì cǒg niōng bǒ̤ng-bī Huǎ-lī-so̿ nêng iáu Sǎ-dú-gái nêng gâ̤ mīng-hó bṳ̌.
- 12 Hǎ-sáing ciū měng-bà̤ Iǎ-Sú ēng sī hǎng gṳ̀ bǒ̤ng-bī biǎng gâ̤ bṳ̌, sī hǎng gṳ̀ bǒ̤ng-bī Huǎ-lī-so̿ nêng iáu Sǎ-dú-gái nêng háu gâ̤ dàu-lǐ.
- 13 Iǎ-Sú da̿u gṳ̄ing Gái-sǎ-lī-ngā Hǐ-lì-bǐ gâ̤ sù-cài, ciū mōng hǎ-sáing, uā, Nêng uā nêng gâ̤ Gṳ̌ing sī sū nêng ?
- 14 Hǎ-sáing uā, Iǔ nêng uā nì sī sí sǎi-lǐ gâ̤ Iǒ̤-hu̿ing; iǎ iǔ nêng uā nì sī Ì-lī-ngā; gu̿ iǔ nêng uā nì sī Iǎ-lī-mì; ā̤-ma̤̿ sī biē gâ̤ síng-dí.
- 15 Iǎ-Sú uā, Nì uā uòi sī sū nêng ?
- 16 Sái-mô̤ng Bǐ-dǎ̤ a̿ing uā, Nì sī Gí-Dǔ, sī ě̤ng-ṳ̌ing sáng gâ̤ Ciōng-Di̿ gâ̤ Gṳ̌ing.
- 17 Iǎ-Sú a̿ing uā, Iǒ̤-nà gâ̤ gṳ̌ing Sái-mô̤ng, nì iǔ hǔ-ki̿, éng-ṳē iǒ̤ng dī ēng sī iǔ huǎi-ki̿ gâ̤ nêng háu nì dǎ̤-dí, sī uòi tíng ciōng gâ̤ Dá háu nì dǎ̤-dí.
- 18 Uòi ǐ iáu nì uā, Nì sī Bǐ-dǎ̤, uòi ŏ̤ kṳé uòi gâ̤ ga̿u-hō da̿u iǒ̤ng ciō̤-ngâng ciǒng-bíng; éng-gáing gâ̤ gúṳ̌ing-ba̿ng cǒng mài iâng-gua̿ gṳ̀.
- 19 Uòi gu̿ ŏ̤ nà tíng gǒ gâ̤ sǒ̤-ǐ nǎ nì : nì da̿u si̿-gáing mǎu-lō̤ng gǎi-diū sū-mū dī , da̿u tíng ciōng iǎ ŏ̤ gǎi-diū: da̿u si̿-gáing mǎu-lō̤ng tiǎ-kṳé sū-mū dī , da̿u tíng ciōng iǎ ŏ̤ tiǎ-kṳé.
- 20 Iǎ-Sú ciū gáu-dō gṳ̀ gâ̤ hǎ-sáing, ēng gǒ̤ng iáu nêng uā gṳ̀ sī Gí-dǔ.
- 21 Giǎng iǒ̤ng sî-hē kǐ, Iǎ-Sú ciū háu hǎ-sáing, uā gṳ̀ cù-cī cǒng niōng iòng Iǎ-lū-să-lǎing nǎ chîng-bo̿, duōi ci̿-sí iáu náng-sṳ́ nêng huōi, siū cèng cāi gâ̤ kǔ, gu̿ niōng nǎ nêng huōi-sǐ-tiāu, da̿u di̿ sáng góng ciū ŏ̤ hú-sáng kǐ lâ̤.
- 22 Bǐ-dǎ̤ ciū tuói-diū Iǎ-Sú, ga̿ing gṳ̀, uā, Cṳ̌, nìcǒng ēng gǒ̤ng iǒ̤ng-gǎ̤-sǐ, dú mài pōng-diō̤ iǒ̤ng dī.
- 23 Iǎ-Sú chiá-dṳ̌ing-séng, iáu Bǐ-dǎ̤ uā, Sǎ-dàng, to̿ hā uòi bù-ciǎ hē-di̿ ko̤̿: ni si huōi uòi iǔ guā-ngāi: éng-ṳē ni iǒ̤ng-gǎ̤-sǐ ēng sī chū-dōng Ciōng-Di̿ gâ̤ séng-i̿, sī chū-dōng nêng gâ̤ séng-i̿.
- 24 Ǔ-cì-sî Iǎ-Sú iáu hǎ-sáing uā, Iǔ nêng o̿ ca̿ uòi ga hǎ-sáing, ciū niōng diú-tiāu cù-cī gâ̤ dī, guòi-diū sí-cī-ga̿ gáing uòi.
- 25 Éng-ṳē mǎu-lō̤ng sū-mū nêng o̿ bǎu-diū sáng-miāng cǒng ŏ̤ mǎu-tiāu sáng-miāng: éng-ṳē uòi mǎu-tiāu sáng-miāng gâ̤. cǒng ŏ̤ dǎ̤-diō̤ sáng-miāng.
- 26 Nêng lâ̤ te̿ng tóng-tíng-à gâ̤ ngê̤ng-cîng, ǐ mǎu-tiāu sáng-miāng, iǔ sū-mū sǎ̤ nī? nêng gu̿ ŏ̤ nà sū-mū dī lâ̤ dō gṳ̀ gâ̤ sáng-miāng?
- 27 Éng-ṳē nêng gâ̤ Gṳ̌ing iǔ gṳ̀ Dá gâ̤ ě̤ng-iāu, iáu gṳ̀ sǎ̤-chṳ̄ gâ̤ câi lâ̤ gâ̤ sî-hē, cǒng ŏ̤ cia̿u gǒ̤ nêng ca̿ gâ̤ dī ba̿u-e̿ng gṳ̀.
- 28 Uòi ì-cài iáu nì uā, Gṳè da̿u iǒ̤ng-di̿ gâ̤ nêng [, iǔ gǐ-ciǎ gu̿ ēng-nǎing sǐ, sáing ŏ̤ chū-gi̿ng nêng gâ̤ Gṳ̌ing dǎ̤-diō̤ gṳ̀ gǒ lâ̤.