Se̿ng-géng/Mǎ-tuo̿i Hŭ-éng/23
Di̿ 23 Cióng
edit
- 1 Ǔ-cì-sî Iǎ-Sú iáu cèng cāi nêng gìng iáu hǎ-sáing uā,
- 2 Nāng-sṳ́ nêng iáu Huǎ-lī-so̿ nêng cō Mǒ̤-sái gâ̤ ū:
- 3 Gu̿-chu̿ gṳ̀ mǎu-lō̤ng gáu-dō nì sū-mū dī, nì dú niōng í-diū ko̤̿ ca̿, lâ̤-sī ēng niōng ò̤ gṳ̀ ca̿ gâ̤ dī; éng-ṳē gṳ̀ ŏ̤ uā mài ca̿.
- 4 Gṳ̀ nà cèng dōngm kāu-lāu dàng gâ̤ dáng, gǎi kǐ lâ̤ ga̿ hā nêng gáng-mâng-tê-di̿; cù-cī cì-ciă siǔ-ǐ-ciě iǎ ēng kǎing dòng.
- 5 Gṳ̀ ca̿ gâ̤ dī dú sī o̿ nêng chū: gṳ̀ nà ǔ dó̤ng gǐ ciě se̿ng-géng gâ̤ pṳê-dō ca kuǒi kǐ lâ̤, duǒi-diū, í-ciông táu ca̿ dǒ̤ng kǐ lâ̤,
- 6 Gṳ̀ da̿u ciǔ-ddǒ̤-di̿ o̿ cō duōi ṳ̄, da̿u lǐ-ba̿i-dǒ̤ng-di̿o̿ cō tê-bǎ ṳ̄,
- 7 O̿ nêng hā gái-diō̤-di̿ iáu gṳ̀ chiǎng-úing, ǐ o̿ nêng hǎng gṳ̀, Síng-Sáing, Síng-Sáing.
- 8 Lâ̤-sī nì ēng gǒ̤ng nǎ nêng hǎng nì ca̿ Síng-Sáing : éng-ṳē nì gâ̤ síng-sáing cǒng-lâ̤ cì-ciă, nì-huōi-nêng dú sī hiáng-dī.
- 9 Iǎ ēng gǒ̤ng hǎng si̿-gáing nêng ca̿ dá: éng-ṳē nì gâ̤ Dá cǒng-lâ̤ cì-ciă, ciū-sī da̿u tíng-di̿.
- 10 Iǎ ēng gǒ̤ng nǎ nêng hǎng nì ca̿ cṳ̌: éng-ṳē nì gâ̤ Cṳ̌ cǒng-lâ̤ cì-ciă, ciū-sī Gí-Dǔ;
- 11 Nì dǐ-bíng sū nêng sī děng duōi, ci ū niōng te̿-hē nì.
- 12 Mǎu-lō̤ng sū-mū nêng cù-cī hǎu-gáu nà gṳ̀ lōng à-cìng tiāu: mǎu-lō̤ng sū-mū nêng cù-cī kéng-hṳ́ da̿u ŏ̤ nà gṳ̀ gáu-séng kǐ lâ̤.
- 13 Nì iǒ̤ng gǎ-hǎu gâ̤ nāng-sṳ́ nêng , Huǎ-lī-so̿ nêng iǔ huā da̿u! éng-ṳē ēng dī ko̤̿, iǔ nêng niōng dī ko̤̿, nì ǐ mǎu-dǎ̤ nǎ gṳ̀ dī ko̤̿.
- 14 Nì iǒ̤ng gǎ-hǎu gâ̤ nāng-sṳ́ nêng , Huǎ-lī-so̿ nêng iǔ huā da̿u! éng-ṳē nì táng-tó̤ng huǎ-hū gâ̤ dá-do̤̿ng gu̿ gǎ-ī gǐ-dǎu cèng cāi sî: gu̿-chu̿ nì cǒng ŏ̤ siū hěng ga̿ing dōng.
- 15 Nì iǒ̤ng gǎ-hǎu gâ̤ nāng-sṳ́ nêng , Huǎ-lī-so̿ nêng iǔ huā da̿u! éng-ṳē nì cháing-súing uāing-sṳ̌ giǎng-tê hǎng cì-ciă nêng hōng Iǔ-tuo̿i ga̿u, hōng ga̿u làu, ǐ hǎng gṳ̀ ca dī-ngṳ̀ gâ̤ gṳ̌ing-só̤ng, piāng nì ga̿ing ǐ-séng dǎ̤ cāi.
- 16 Nì iǒ̤ng hǎi-ciě duo̿i nêng giǎng diō̤ gâ̤, iǔ huā da̿u! nì uā, Nà dāing lâ̤ ciu̿-chṳ̿, mǎu iàu-gěng; nà dāing gâ̤ géng lâ̤ ciu̿-chṳ̿, ciū niōng í-diū iǒ̤ng di̿.
- 17 Nì iǒ̤ng hág ǐ mì-ciú hái gâ̤ nêng: sū-mū dī sī duōi, sī géng suōi à, iǎ sī nà iǒ̤n géng bi̿ng ca̿ se̿ng gâ̤ dāing suōi nī?
- 18 Nì ǐ uā, Nà ci̿-dǔing lâ̤ ciu̿-chṳ̿, mǎu iàu-gěng; nà ci̿-dǔing-di̿ hṳ̿ing gâ̤ mî-dī lâ̤ ciu̿-chṳ̿, ciū niōng í-diū iǒ̤ng di̿.
- 19 Nì iǒ̤ng mì-ciú hǎi gâ̤ nêng : sū-mū dī sī duōi, sī hṳ̄ing gâ̤ mî-dī dūoi à, iǎ sī nà iǒ̤ng mî-dī bi̿ng ca̿ se̿ng gâ̤ dǔing duōi nī?
- 20 Gu̿-chu̿ nêng nà dǔing lâ̤ ciu̿-chṳ̿, ciū-sī nà dǔing, iáu dǔing ciōng-bíng gâ̤ mî-dī dú nà lâ̤ ciu̿-chṳ̿.
- 21 Nêng nà dāing lâ̤ ciu̿-chṳ̿, ciū-sī nà dāing, iáu diū da̿u iǒ̤ng dāing gâ̤ Ciōng-Di̿ lâ̤ ciu̿-chṳ̿.
- 22 Nêng nà tíng lâ̤ ciu̿-chṳ̿, ciū-sī nà Ciōng-Di̿ cō gâ̤ ṳ̄, iáu cō da̿u iǒ̤ng ṳ̄ ciōng-bíng gâ̤ , lâ̤ ciu̿-chṳ̿.
- 23 Nì iǒ̤ng gǎ-hǎu gâ̤ nāng-sṳ́ nêng , Huǎ-lī-so̿ nêng iǔ huā da̿u! éng-ṳē nì nà bō̤-hô̤, ǒ-hióng, gěng-cha̤̿ sí-gǔ dǐ cì-gǔ, da̿u nà lṳ̄-huǎ dǐ-bíng děng iàu-gěng gâ̤ dī, ciū-sī góng-biâng, kǒ̤-lǐng nêng gâ̤ dī iáu se̿ng-seng, dú diú-tiāu, iǒ̤ng ciǎ sī e̿ng-gái ca̿ gâ̤, ǔ ciǎ iǎ sī ēng gǒ̤ng ēng ca̿ gâ̤.
- 24 Nì iǒ̤ng hǎi-ciě duo̿i nêng giǎng diō̤ gâ̤ ; mǒng, nì ciū lāi chṳ̆ lâ̤ , lo̤̿-dǒ̤ , nì ciū tó̤ng à ko̤̿.
- 25 Nì iǒ̤ng gǎ-hǎu gâ̤ nāng-sṳ́ nêng , Huǎ-lī-so̿ nêng iǔ huā da̿u! éng-ṳē é bûing gâ̤ ngṳē-bíng, nì ciū sǎi lâi-lī, dǐ-bíng dú sī dó̤ng-mǔing ca̿-cǒ̤ lâ̤ gâ̤ mî-dī, iáu gā-lā-huâng te̿ng lâ̤ cîng-mì.
- 26 Nì iǒ̤ng hǎi mì-ciú gâ̤ Huǎ-lī-so̿ nêng, nì uniong sáing nà é bûing dǐ-bíng sǎi lâi-lī, ngṳē-bíng iǎ ŏ̤ lâi-lī kǐ lâ̤.
- 27 Nì iǒ̤ng gǎ-hǎu gâ̤ nāng-sṳ́ nêng , Huǎ-lī-so̿ nêng iǔ huā da̿u! éng-ṳē nì su̿-siōng ngā ciō̤-hó gâ̤ dě̤ng, ngṳē-bíng hǎu-chū, dǐ-bíng dú sī dó̤ng-mǔing sǐ-nêng gâ̤ gǒ-tê iáu gǒ̤ iōng í-nǒ̤ gâ̤ mî-dī.
- 28 Iǒ̤ng-gǎ̤-sǐ nì hā nêng mīng-chîng, ngṳē-bíng su̿-siōng sī ngī-nêng, dǐ-bíng dú sī dó̤ng-mǔing gǎ-hǎu iáu huāng-huǎ gâ̤ dī.
- 29 Nì iǒ̤ng gǎ-hǎu gâ̤ nāng-sṳ́ nêng , Huǎ-lī-so̿ nêng iǔ huā da̿u! éng-ṳē nì ca síng-dí gâ̤ dě̤ng, ǐ nà ngī-nêng gâ̤ dě̤ng có̤ng ngǎ-si kǐ lâ̤,
- 20 Gō̤-uā, Uòi lâ̤-sī da̿u cǔ-cóng ǔ-cì-sî chṳ̌-si̿, ciū ēngkǎing iáu gṳ̀ câi-câi huōi-sǐ síng-dí, lâu gṳ̀ gâ̤ huǎi.
- 31 Iǒ̤ng-gǎ̤-sǐ nì cī ca̿ cī gâ̤ gúing-ce̿ng, uā nì sī huōi-sǐ síng-dí gâ̤ nêng gṳ̌ing-só̤ng.
- 32 Nì ko̤̿ dó̤ng-mǔing liông nì cǔ-cóng cò-ǒ̤ gâ̤ gǒ̤ng-dě.
- 33 Nì sī ṳê, sī dù-ṳê gâ̤ gṳ̌ing-só̤ng, nì nī-di̿ ŏ̤ pī-tiāu dī-ngṳ̀ gâ̤ hěng-huǎ nī?
- 34 Gu̿-chu̿ uòi ŏ̤ hǎng síng-dí, chóng-měng gâ̤ nêng , iáu nāng-sṳ́ nêng hā nì ǔ-di̿ ko̤̿; dǐ-bíng iǔ ŏ̤ nǎ nì huōi-sǐ-tiāu iǎ iǔ ŏ̤ nǎ nì da̿ing-sǐ da̿u sí-cī-ga̿, iǎ iǔ ŏ̤ nǎ nì hā lǐ-ba̿i-dǒ̤ng-di̿ nà bíng lâ̤ mà, iǎ iǔ ŏ̤ nǎ nì giǎng iǒ̤ng sêng bǐ-là̤ ko̤̿ ǔ sêng:
- 35 Iǒ̤ng-gǎ̤-sǐ si̿-gáing huōi-sǐ ngī-nêng, lâu gṳ̀ gâ̤ huǎi da̿u diá-di̿, iong cò dú ŏ̤ gṳ̀ da̿u nì séng-di̿, giǎng lâu ngī-nêng Ngā-bǎ gâ̤ huǎi-di̿ kǐ, cì-dā̤ da̿u lâu Bǎ-là-gá gâ̤ gṳ̌ing Sǎ-gá-lī-ngā gâ̤ huǎi-di̿ cǐ, iǒ̤ng Sǎ-gá-lī-ngā ciū-sī nì da̿u dāing iáu ci̿-duǐng gâ̤ dô̤ng-ó̤ng-séng-di̿ huōi-sǐ-tiāu gâ̤.
- 36 Uòi ì-cài iáu nì uā, Iǒ̤ng cò dú ŏ̤ gṳ̀ nǎ iǒ̤ng cì-si̿ gâ̤ nêng.
- 37 Iǎ-lū-sǎ-lǎing à, Iǎ-lū-sǎ-lǎing à, nì huōi-sǐ síng-dí, ǐ nà ciō̤ ià-sǐ nǎ Cṳ̌ hǎng da̿u nì iǒ̤ng-di̿ lâ̤ gâ̤ nêng, uòi cāi lê̤ng o̿ liàng nì gâ̤ gṳ̌ing-ciě lâ̤ ca̿ cì-dó, su̿-siōng gái-ma̿ liàng gái-ciě lâ̤ pǔ hā siē à-di̿: nì gu̿ da̿u ēng o̿.
- 38 Nì gâ̤ chio̤̿ cǒng ŏ̤ bi̿ng ca̿ huáng-biâng.
- 39 Uòi iáu nì uā, Ka̿u-diū Cṳ̌ miâng lâ̤ gâ̤ nêng sī iǔ hǔ-ki̿; da̿u ǔ sî-hē ciū ŏ̤ chū-gi̿ng uòi.